®°.¸تــــجــــاربــنـــا فـي الــحـــب¸.°®

[ταℓα syяɪα]

الحب ...





ما هو بالنسبة لكم ؟ أهو مجرد كلمة عابرة تعترض دروبكم في الحياة , أم هو شعورَ يراودكم لثانية ثم يختفي ولا يعود ..؟


إنـه أكبر من ذلك ,,إنه ذلك الشيء الجميل الذي يخترق حياتنا دون استئذان .. فيحولها من جحيم الواقع إلى

جـنـة الأحلامـ



إنه ذلك الإحساس الذي عندما نلمسه نخرج من كهفٍ مظلم إلى مخرج نـور



عندها تنقلب الأحوال... نسافر إلى دنيا مليئة بالآمال .. تلك التي وصلنا إليها



بعد مرورنا بعواصف يأس شديدة كادت تقتل الحب من قلوبنا



هل منكم من عاشها .؟ وتذوق حلاوة أمل الحب .. هل منكم من جرب الهوا . ؟ والتمس لذته ..



إن كان حقاً فقد عرفتم قيمة الحياة و لكنني على يقين بان نادراً منكم من جربه و دخل إلى عالمه الحقيقي



أحبائي ...



ما أوده منكم هو أن تشاركوني بما أخذتم من تلك التجارب ,, أهوَ ألم أم أنه ذكرى جميلة تعيشون عليها



أهو الدفئ أم برد قارس اجتاح قلوبكم



وتذكروا ...



أن الحب خالد في حياتنا مهما ندمنا و تحسرنا على ما فاتنا



وحأختار شخص يبدا ويحكيلنا تجربتو

وكل شخص بيختار حدا بعدو

بختار روح الشام :Albilsan (115):


ودي لكل من مر من هنا :10:​

 

[روح الشام]

انو مالقيتي غيري

يلا منحكي بس بلا ضحك

وخلوا لبكرا لأنو هالاب توب اللي اعدة عليه هلئ

طايرة الباء منو

ثاانكس ع الموضوع

كتير حلوو :Albilsan (115):

 

[STELLA]

نحن بالأنتظار

:Albilsan (115)::Albilsan (115):​

 

[ταℓα syяɪα]

ناطرينك دبوشتي ​

 

[ταℓα syяɪα]

لك وينك ​

 

[روح الشام]

سوري تأخرت عليكن ​

المهم منرجع لموضوعنا ​

تجاربي باحب كتيرة وقصيرة يعني اطول قصة حب 10 شهور ​

المهم ​

الحب بدا معي من لما كان عمري 7 سنين كنت حب ابن الجيران ​

وكتير حبيتو بس هوي ماعبرني ​

حبيتو لأنو بيرقص بريك دانس وهيك كان هوي اكبر مني بـ 3 سنين​

وكنت كل يوم انزل تحت بالبناية العب معو وهيك بما اني كنت صغيرة​

بس ماعبرني ولا قلي بحبك بس كان يعطيني ياسمين دائمن بس مافي امل ​

المهم وقتا هوي سافر ع الكويت وانا سافرت ع السعودية وفقدت الأمل منو ​

وهالقصة كلا كات بـ 3 شهور بس ​

وبعدين لما صار عمري 15 حبيت حب حئيئي ​

مع انو عالنت بس كان عنجد حب حئيئي استمر حبنا 10 شهور ​

وبعدين مابعرف شو صار ظروف ومشاكل كبيرة وكتير معي خلتنا نترك بعض​

وهوي حب غيري وانفصلنا عن بعض ولهلئ انا بعزو وبتمنالو الخير لأنو ماعمل غير كل خير​

وبعد مابعدت عن هالحب بعد شهر حبيت صديقي ​

مع انو كان صديقي وحبيتو حب صداقة يعني مو حب حب حب حب عادي​

انو بخاف عليه وبخاف عليي وهيك وبعزني بس مو عشاق​

استمرينا لهالوقت بس هلئ صارت مشاكل وعناد منو :80:​

ماعاد صرنا نتفق وماعاد حبينا بعض متل اول​

يمكن القرب هوي السبب اللي خانا نحب بعض لما كنت بالشام كنا كتير قراب من بعض​

بس هلئ انا بعيدة عنو يمكن هالشي خلانا مانفهم بعض ويصير مشاكل وهيك

عملت كل شي كرمالو لحتى يحس فيي يحبني ع ئد ما انا بحبو بس ... ​

هي بأختصار تجربتي بالحب وكلا فشلت بس عتبي ع قلبي الماعرف يختار ​

بس شو ماصار حنكفي حياتنا والا مالاقي الشب اللي يقدرني ويعرف قيمتي ويحطني بعيونو
​

الحب مو دائمن فينا نصنعو بأيدينا الحب بيخلق فينا مابيطلب اذن لا بيعرف اعمار لا مسافات ولا حدود​

بــــــــــــــــ ح ــــبك ياحبيبي المـ ج ـهول​

 

[ταℓα syяɪα]

تئبشي البي
شو قلبك حبّيب
من 7 سنين :19: :19: :19:

اكيد عنوني الا ما يجي اللي يقدرك ويعرف قيمتك

بس عن جد حب الصداقة برأيي ما بيتعوض

قد ما بعدتو ما لازم يتغير

حاولو تصلحو اللي انكسر

الرفيئ اهم شي بالدنيا

يا ريت تختاري حدا بعدك يحكيلنا تجربتو بالحب ​

 

[► Mr.Rami ◄]

.
مافي يتبع روح الشام :10::10:

مين التالي
​

 

[ταℓα syяɪα]

انت ​

 

[Bilal Mohammad]

حلوة فكرة الموضوع

روح الشام الله يجمعك باللي يسر قلبك وخاطرك ياارب
ويعرف يقدرك :Albilsan (115):


راحت عليك ابو الرييييم :19:
​

 

[► Mr.Rami ◄]

انت ​

عم تمزحي :80:
​

 

[ταℓα syяɪα]

:albilsan (57)::albilsan (57)::albilsan (57)::albilsan (57):​

عم تمزحي :80:​

ليكون عمري من عمرك لامزح معك :19:

يلا بلا مهيصة :80:

 

[► Mr.Rami ◄]

أول ماحبينا كنا بالمدرسة شي صف تاسع
يعني كانت تنصرف قبل بشي ربع ساعة
وتجي على المدرسة وكليوم على هالوضع
الحب كان طفولي يعني من دون تفكير بهالعمر
كبرنا وكبيرت مشاكلنا
وتركنا بعد شي 7 سنين طبعا بعد كتير جدا بأخر سنتين ومشاكل
يعني الحل كان نترك
وخلصنا على خير
وإجت التانية
مادمنا كتير
بس فعلا نسينا الدنيا أنا وهي وكنا أحلى تنين والقدر ماوفق بيناتنا

غيرة هية حلوة كتير وكل العالم حوالها ماكنت أسئل عقلي كبير
بس هي عقلا كان أصغر من عقل العصفور طفولي بريئ
بتغار من النسمة
بس الشي يلي بيزيد عن حدو بينقلب ضدو
وهلق لامعلق ولا مطلق
حوليكي


​

 

[ταℓα syяɪα]

لك حواليي
انت ئلي مين البنت اللي خارطة مشطك
وانا بروح جاهة مع كم حدا من الشبيبة :19: :19:

ينعن اخت الظرووف اللي بتخلي انتين يتركو بعض


بس تعى لهوون حاسة ئصتك الها كمالة
اعترف لشوف بسرعة وعالسريع :80: ​

 

[STELLA]

ماشاء الله الشعب حبيب

ناطرين البقية يحكوا تجاربهم

​

 

[عكــ البيلسان ــيد]

حلوة الفكرة كتير :Albilsan (115):

يلااااا نا طرين ئصص الحب ​

 

[ταℓα syяɪα]

ممممممممم طيب بختار ام الجووج:10:
وردة فارسية
بس لا تسبيني ها ​

 

[جمانة]

انو يعني تلوش خانوم ما لقيتي حدا غيري تدحشيه بهالموضوع
لك انا بكره الحب و سيرتو :80:
يلا ما علينا
ممم لك شو بدي احكي لاحكي
بدك ياني افردلك الماضي تبعي بأفراحو واتراحو يعني؟
المهم
رح احكيلك قصة حياتي من طقطق للسلام عليكم
اول مرة حبيت كان عمري 16 سنة .. :10:
وما حبيت لانو انا بدي حب .. او لانو جاي ع بالي جرب الحب
بس حبيت ابن خالتي .. لاني كنت مسمية باسمو
يعني الكل كان يحكي انو جمانة رح تاخد ابن خالتها و انو هو رح ياخدني
قصص اهل مفروغ منها تقريبا :80:
و هيك صار والله وحبينا بعض و هو كان اكبر مني ب 5 سنين
و عمري ما تخيلت حالي ممكن صير مع حدا غيرو
و كنا ناطرين لخلص مدرسة و نخطب يعني لبين ما يصير عمري 18
بس شاءت الظروف انو ما نرتبط لعدة اسباب ما في داعي لزكرها
بس اغلبها عائلية
يعني شوفو التناقض هنن سمونا لبعض بعدين هنن فرقونا عن بعض
ممم المرة التانية حب دام لسنتين ..
و الشب كان اكبر مني بسنتين كمان
و المشكلة
انو وقت طلعت من هالقصة
حسيت حالي اني ما كنت بحبو
كنت عم بملا فراغ عاطفي جواتي بس
او عم جاكر حالي يمكن
انو انا بئدر حب مرة تانية و بئدر ارتبط
بس اكتشفت انو ما فيني اكزب ع حالي
و تركنا ..
طبعا مو هاد السبب الوحيد في عدة اسباب بس هاد واحد منها ​

و ممم اخر حب عشتو وحسيتو حب من كل قلبي انتهى من فترة مو بعيدة
وقت اكتشفت اني عطيت قلبي لانسان ما بيستاهلو
و لانسان اصلا ما بيعرف شو يعني حب
لهيك قررت انو ليش لزت قلبي لمين ما كان
خلي قلبي معي بكرامتو احسن ما يروح لغيري ويدعس عليه ​

ممم هلأ انا حكيتلك عن الشغلات يلي دامت معي فترة
يعني لا تفرغ حياة صبية عمرها 23 سنة من اعجاب بكم حدا
بس بحدود المعقول .. و علاقات باين عليها الفشل من اولها
فبنحطلا حد قبل ما تبدى
و بالاخير بلا حب بلا وجع قلب ​

وانا قررت اني انظم لجمعية نعم للعزوبية المتحدة ذ م م ​

يعني لا تلحقني عزابية مو مخطوبة وما بدي انخطب :19:​

منيح هيك تلوشة ​

 

[ταℓα syяɪα]

منيح

و بالاخير بلا حب بلا وجع قلب

:19: :19: هو هاد الكلام الصح
لك يضرب الحب شو بزل
ميرسيتو دبووشتي
هوي الموضووع لنستفيد من تجارب بعض
اختاري حدا بعدك البوشتي :Albilsan (115):​

 

[جمانة]

بختار بختار بختار .. ممم مين مين مين ​

سنيور انس ​