أبي أبتسم مرتاح

[مدرسة الحب]

أبي ابتسم مرتاح ،، وأضحك حيل للدنيا
وأغني وأرسم الإحساس ،، وطول الليل في عيني
أحاتي غيبتك عني ،، وروحي دوم ما تنساك
وقلبي ما يطاوعني ،، أهدي فيه ويبكيني
أنا لك يا بعد عمري ،، فديتك يا بعد هالناس
رد البسمة في فمي ،، رجيتك لا تخليني
أضحك بين خلق ربي ،، تقول كن دنيتي أفراح
ولكن ما دروا عني ،، وعن أنّات تكويني
بسمتك عقد صافي ،، تجاري بحسنها الألماس
وروحك كل ما تسري ،، تاخذ معها انفاسي
قلبك طيبته فـذّه ،، يخافك كل واطي الراس
وفيك العز متأصل ،، ينادي وياخذ بايدي
مدحتك ما قصدت إلا ،، أبين حبي والأشواق
ترى بعض البشر علة ،، يعاتبني ويجفيني
يقول وراك يا حبي ،، تغني لشوق ما ينشاف
أقول له التزم حدك ،، تراك ما تساويني
ولا تدري لمن أكتب ،، ولا لك في العشق إحساس
نصيحه أبتعد عني ،، ترى شوفك ما يهنيني
شفت كيف هالدنيا ؟! ،، تقطعني بأكبر فاس
وأنا ما ابي سوى قربك ،، أداريك وتداريني
أنا مالي أحد غيرك ،، ولا تحسب أبي النسيان
طلبتك حقق أحلامي ،، بقربك دوم تسليني
تعال خذني جريح القلب ،، واسقيني بدون أي كاس
وخذ دمعتي مني ،، و شيل أحزان سنيني
أنا لك يا بعد عمري ،، أنا لك يا بعد هالناس
فديتك بأغلى ما عندي ،، أنا لك وأنت شاريني










​