أصعب الجروح...

[DE$!GNER]

1) لما يضرب كوعك طرف الطاوله
2) لما ينحرق لسانك من شي ساخن
3) تنزل بركبتك على لعبة صغيرة قاسيه
4) لما تجرح صبعك بطرف ورقة
5) يضرب اصبع رجلك الصغير بطرف الباب
6) لما تعـض لسانـك
7) لما تشرب بيبسي وتكح ويطلع البيبسي من انفك...

أكيد عم تتخيلوا حجم الكارثة..
​

 

[Faby]

هنن بيوجعو
بس في اشيا بتوجع اكتر بكتير من هدول
ممكن اكتر شي لما تدوس ع شي لعبة تبع الولاد وتكون ماشي حفيان كتير بتوجع

 

[إلهام]

ويمكن اوجع بكتير مانعرف سبب الوجع

بس انا كتير بدايئ من قصاصت الاظافر لمن بتشيل زيادة عن الظفر
يسلمو​

 

[DE$!GNER]

ولما بتوئع على طرف اصبعتو شغلة بيحبس الدم فيها كمان...
​

 

[Faby]

لما نازل عالارض عم تجيب شي وتوقف بكل قوتك ونشاطك ويكون باب شي خزانة الو الدرج مفتوح وتاكل هديك الخبطة ع راسك وووووو شو بتوجع

 

[Blue Diamond]

كل هالضربات بتوجع بس تبع البيبسي مجربتها بس بالشاي
أتخيل المنظر يعني حرق وكحة ومنظر بيضحك

 

[RoOoR]

كلن والله بيوجعو وكتير كمان

لأني مجربتهن

بس كمان اللي بتوجع اكتر اذا شي وحدة لابسه كعب عالي

وانت حافي

ودعست على طرف اصبعتك


يييييييييييييييي بتموت ​

 

[DE$!GNER]

الله لا يوجع حدا يا رب...
​

 

[STELLA]

لما كون فاتحه خزونة المطبخ الفوقانية وماشية مستعجلة ويخبط راسي بالزاوية تبعها

لما يرن التلفيون وكون عم اركض لحتى رد عليها و يعلق كم الكنزة بأيد الباب

لما كون فاتحه الفريزا و عم باخد شي غرض علقان ما شوف الا الباب تسكر على راسي

لما كون ماشية مستعجلة و اتفاجأ بالمي الي ع الارض بعد ما اتزحلق فيها و كون انبطحت على طولي

لما كون عم بحكي مع حدا وهو مندمج و عم يشوبر بايديه و يخبطني بالمعلقة على وجهي

لما تكون قاعد بأمان الله ويجي حدا غليظ من العيلة و يهجم عليك و يعضك من باب المزح



ولي شو بدي عدلك لعدلك

شكرا ع الموضوع الموجع

 

[DE$!GNER]

طبعاً في مرة من المرات كنت طالع على سئيفة بيتنا... والسلم تبع السئيفة مواجه باب السئيفة.. طلعت جبت غرضي وإجيت بدي انزل... بئا ئعدت على أرض السئيفة ومديت رجلي بدي حطها ع السلم وأحلى شي إني كنت لابس جرابات... حطيت رجلي على أول درجة وحملت حالي لحط رجلي ع التانية... زحطت رجلي ونزلت ئاعد ع الأرض من ارتفاع مترين تقريباً...
تخيلو الحالة بئا... بقيت شي عشر دئايئ ئاعد ما لي ئدران ئوم...

مو ئلنالكون الله لا يوجع حدا..
​

 

[اميرة الشام]

طبعاً في مرة من المرات كنت طالع على سئيفة بيتنا... والسلم تبع السئيفة مواجه باب السئيفة.. طلعت جبت غرضي وإجيت بدي انزل... بئا ئعدت على أرض السئيفة ومديت رجلي بدي حطها ع السلم وأحلى شي إني كنت لابس جرابات... حطيت رجلي على أول درجة وحملت حالي لحط رجلي ع التانية... زحطت رجلي ونزلت ئاعد ع الأرض من ارتفاع مترين تقريباً...
تخيلو الحالة بئا... بقيت شي عشر دئايئ ئاعد ما لي ئدران ئوم...

مو ئلنالكون الله لا يوجع حدا..
​

ه

 

[STELLA]

ذكرتني بموقف مشابه ديزاينر

مرة رن جرس البيت وكنت رايحه مستعجلة لأفتح الباب و نسيانة انو لابسة شحاطة البلاستيك
و عم امشي بسرعه حطيت رجلي ع اول درجة و التانية زحطت رجلي قام كلمت الباقي دحرجه
فتحت الباب للعالم و انا هيك شكلي

 

[Faby]

واكتر موقف سئيل وبيدايق لما تاكل شي خبطة ولا وئعة ويلي حواليك يضحكو بين حالهن بتحس سطول مي سخنة عم تنكب عليك حتى بتنسى وجع الوئعة وبتفكر بالخزوة ​