أنثى الفيسبوك

[DE$!GNER]

وجود أي فتآة في الفيسبوك لايعني آنهآ سِلعة لـِ آلتعآرف ، أو لـَ طلب معلومآتها الشخصيه ، آو صورهَ أو لقآء على ضوء الشموع ، فـَ زمنْ الغبآء قد إنتهى , ... لم لـآيگون نطآق التفگير آوسع ؛ [ تبآدل خبرآت ، تجآرب .. آلخ ] لمَ الجميع ينظر لـَ آلفتآة گ سلعه ، يتهآفتون لـَ شرآئهآ بِـ گلآم منمق فهي تستطيع گتآبة مدونه غزليه في نفسهآ لمآذآ لأنگون هنا لـَ نرتقي بتفگيرنآ لـَ نگون شعباً يُحتذى بهِ لـَ آحترآمه لـَ الانثى

 

[إلهام]

حلو الكلام واليوم الفتيات غير زمان
وبعتقد اخدن دروس كتير عن فن التعامل مع الرجل
حاسه انو في مناسبه للحكي

 

[RoOoR]

كلام جميل جداً

شكراً ديزاينر

 

[Faby]

"تبادل التجارب والتعارف" مالو محدود بالفيس بوك هو موجود بكل تحركات الأنثى كيف ما تحركت ع ارض الواقع او عالنت بتمنا يجي يوم ينضج فيه القسم التافه من الشباب العرب لان طبعا مو الكل هيك يعطيك العافيه حسام موضوع موفق

 

[ندى القلب]

والله كلام ذهب

ايمتى رح نكون احنا العرب والمسلمين قدووه لكل الثقافات باحترامناا لاخواتنا وبناتناا وين مااكاانوو



​

 

[The Hero]

مممم كلام سليم .. بس المشكلة نحنا زمانا يلي مانع هالشي وأكتر البنات بيغيرو من بعض .. ومتبعين متل ماحدا أحسن من حدا
وللأسف كلمالا بتزيد وللأسوء .. والمشكلة أنو الكبار قبل الصغار بالعمر .. بس العقل واحد ..
مو بس البنات الشباب شرحو بس على مستوى أوسع ..
...............................

أتمنى النقاش بالموضوع وكل مين يعبر عن رئيو عن البنات الموجودة ع الفيس وعن الشباب كمان موضوع حلو ومهم بوقتنا الحالي ..

ومانكتفي بكلمة معك حق وشكرا صديقي ^_^

 

[ḾǑŏǑŏǓĐỸ]

بتصدق أنو هالأيام البنت عم تدبق بالشب وبتطبقو


مو الكل طبعاً بس شيء أعتدنا عليه يعني


بس جد مو بس الشباب تافهين كمان في بعض من البنات العرب تافهين


وبنتمنى يغيرو عقولهم ونصير أكبر وأكبر

 

[STELLA]

الفيس بوك متلو متل أي موقع تاني على الشبكة العنكبوتية

فينو الإنسان يستخدمو بالطريق الصح أو بالطريق الغلط

هلئ فعليا لنجي للواقع مو كل فتاة بتدخل ع الفيس بوك فتاة سيئة و عم تسعى ورى التطبيق

في كتير بنات هدفون نشر الفائدة و الوعي عبر هالموقع

بس مع الاسف نظرت المجتمع الذكوري لهالموضوع بدها وقت حتى تتغير

لأني مع الأسف شايفة نماذج بيعتبر مجرد دخول البنت ع الانترنت شغلة كبيرة و تعاقب عليها

ولو نجي للواقع نسبة الوعي عند البنات صايرة كبيرة ما شاء الله , و في نسبة لا بأس فيها اخدت دروس من تجارب البنات السابقة

بس مع الاسف الشديد لسى في عالم متهورة من الطرفين سواء البنات او الشباب

بالنهاية بحب قول لو كل واحد و وحدة بيدخلوا ع النت و بيراعوا حق اخواتهم و اهلهم ما رح يغلطوا مع بنات و اولاد العالم

و لو استشعروا مراقبة رب العالمين لكل كلمة وحرف و فعل عم يعملوه رح ينتبهوا كتير على تصرفاتهم



الله يهدي شبابنا و بناتنا للخير و الطريق الصحيح

طرح بقمة الروعة

يعطيك العافية

 

[JuSt RaMoOTa]

يسلمو كتير ديزاينر...فكرة حلوة



بس بالحالتين أنا ما عندي فيس
مابدي وجع راس

​

 

[نكهة جنون]

والله البنت ما عد عندها كونترول لحتى تعرف انو الفيس فيها تستخدمو للمنيح وللقبيح

وخاصة بنات هالجيل .. المراهقات بشكل عام

لان همهن الوحيد يلفتو نظر .. طبعاً مو الكل

لان في بنات بتلاقيهن بيفهمو وطموحاتهن اكبر من انو شب يقلها هاااي

انا من جهتي مابحب الفيسبوك وماعندي .. ولا ح يكون عندي



يسلمو ع الموضوع

 

[آلبتول]

العنوان استفزيني قليلاً ..أنثى الفيس بوك !
ولما لا يكون مراهقين ومتصابين الفيس بوك ...
حتى تكون اشمل ...

بالنسبة لرائي في الموقع انا شخصياً استفدت منه جداً من ناحية ثقافية
لانه عالم واسع بكثير عن مواقع المنتديات او حتى عن العمو قوقل
استفتدت من خبرات وتجارب اعلامين ودكاتره منه
ومثل ما قالت عزيزتي ستيلا على حسب شخصية الفرد وتعامله مع الموقع
إذا عملت فيه حساب لحتى يكون عندها "فريندز" كثير وللسبب فقط
فبقول عليها السلام
الا ان الموقع الفيس بوك رائع يكفي ان اجد ذوين الخبرة لا يبخلون علينا من تجاربهم ويسعون في طرحها لنا
وفيها كمان منتديات لدروس وتبادل اراء ونقاشات بكل حرية من دون قمع
صحيح يمكن نلاقي فئات مبتذلة وما انكر هالشيء وواجهتهم بس عطتني القوة لشخصيتي انه كيف اتصرف بالأمور سواء بالعالم الافتراضي او بالعالم الواقعي
بس ما امنع نفسي وأجعل منهم حاجزاً لي انه ما افتح لي حساب واستفيد منه
وطبعاً فيه مميزات ان اعمل حجب لصفحتي او لصفحات ما بتعجبني
وان كانوا هم الاكثرية بس ما يمنع ان يوجد به الاجمل ليجعلني افضل منهم
وبنهاية الحديث الموقع ليس فاسداً أنما على حسب كل من يستخدمه يجعل منه موقع للفائدة او فساداً مدمر
:
/
تتمنى تتقبلون رائي بكل اريحيه

 

[فرآشة الياسمين]

رأيي متل رأي فاطمة تماماَ

الموقع مالو فاسد ابدا لأن هاد موقع اجتماعي وع حسب العقلوالشخص الي بدو يستخدو بالطريق الصحيح والي بدو يستخدو بالطريق الغلط
يعني مو كل البنات الي بيستخدمو الفيس بوك سيئيين يعني في المنبح وفي العاطل وكذلك الشب في كتير شباب غايتهن تافهه جدا وسيئة ومع كل هاد الي عندو عقل سليم ومحدد مصيرو مارح ينجرف لأي صفحة سيئة

انا عنجد استفدت من الفيس بكتير شغلات وعم استفيد وبدي استفيد لأن في كتير صفحات ثقافية ودينية وعم استفيد منها بكتير شغلات .............
شكرا ديزاينر موضوع رائع والنقاش معكن اروع

 

[Pure Feelings]

اول شي بحب قولو شكرا كتير ع هالموضوع
تاني شي الفيس بوك متلو متل اي شي بحياتنا
متلو متل الموبايل مثلن
يعني يا بستخدمو منيح يا لأ
انا بعرف ناس عندن هي النظرة السطحية لصبايا الفيس
انو اللي عندا اكاونت فهي بنت مو منيحة
طبعا هالشي غلط وغلط كبير
لانو مو كل بنت فاتت ع الفيس فهي بنت مو منيحة
شو يعني اذا فاتت بنت مثلا لتكون صداقات
ليش لما الوحدة بيكون عندا صديق بمنتدى او مسن هاد الشي مو متل الفيس ؟؟
انا بشوف الفيس وسيلة اجتماعية كتير مهمة
لانو بيئرب البعيد وبيخلي قريب
منعرف ناس بيعطونا من خبراتن وتجاربن
تبادل اراء وافكار
تقضاية وقت عن طريق الالعاب اللي في
يعني مفيد ومسلي

وفي ناس بيستخدمو لغرائزن واشباعا

بالاخير بحب قول

الصبية اللي بتفوت ع الفيس
ابدا مو شرط تكون بنت مو منيحة
لانو البنت اللي براسا في عقل
بتعرف وين الغلط ووين الصح

وشكرا ديزاينر

 

[The Hero]

أنا صرلي 6 سنين بالفيس
وغير لمصالح الشركة والدعاية ما لقيت في شي يستخدم أو شي مفيد
بدك موقع كتب في كتير بدك مواقع ثقافة في كتير بدك مواقع تزيدك معرفة في كتير ومو شرط يكون منتدى أو أي شي تاني

أنت يا سناء كم شب من هدول يلي عندك بالفيس راكضين ورا الثقافة يلي عم تحكي عنا
وكم شب حابب يتعرف عليكي ويطلع يشرب عصير بشي محل

اي بقا لاتقليلي ثقافة يلي بدو يتثقف في الف موقع

والشهادة لله في عالم أكابر
بس نسبة الفساد تتعدى ال 85%




​

 

[The Hero]

لاحظي ردود الشباب بالموضوع وإختيار ديزاينر لأسم الموضوع
وأنا متأكد إذا بتفوتي على جوجل وبتطالعي كل المواضيع بكل المنتديات عن الفيس بوك
رح تلاقي نسبة الشباب يلي بتستعمل الفيس لمجرد أنو تتعرف على بنت وتطلع معا كتير رح تكون كبيرة لأنو أخدين الفكرة السيئة ومارح تتغير

انا بتعجبني شغلتين دعاية الكترونية
وتاني شغلة بتمنى ضيف كل العالم تبع الفيس بوك من الصين من اليابان من الهند من زمبابوي من الموزنبيق
مو مشان شي بس مشان لما يدقولي على الموبايل بيطلع أسمون تلقائياً

 

[DE$!GNER]

لأننا اعتدنا كمجتمعات من العالم الـ ( ضع الرقم الذي يناسبنا هنا) ان نحول كل معطيات الحضارة التي تصل إلى أيدينا إلى ركام من الفساد وعدم الاستخدام الأمثل لها...
كل ما يصلنا من حضارة نستطيع تحويله وتسخيره إلى أداة تفيد مصالحنا الشخصية في الدرجة الأولى قبل أن نفكر في الجدوى التي صُنعت من أجلها هذه التقنية...
نتحمل كمجتمع عربي نسبة 100% من الاستخدام السيئ لهذه التقنيات... ولكن هناك من يتقاسم وإيانا هذه النسبة... وهم الأشخاص الموجَّهون إلى العالم الثالث والذين تتلخص مهمتهم بإغراقنا بالاتجاه السلبي لهذه التقنيات... واختيار الأسوأ منها ليتناسب وغرائزنا وما حُرِّم علينا من أدياننا وشرقيتنا ومعتقداتنا.. وهذا ببساطة يثبط قدراتنا الذهنية... ويحولها إلى مجرد معادلة بسيطة يمكن تفكيكها بمجرد وضع المجهول في الطرف الاول منها والمتمثل بـ (الانحدار)...
بالمناسبة... لست أنا من اختار عنوان الموضوع... ولست أنا من كتب محتوياته... إلا أنني أؤمن وبشدة بكل كلمة أنقلها... وأعلم تماماً أن اختيار عنوان الموضوع ما كان عبثاً... فالمستهدف دائماً في المجتمع الشرقي هو الأنثى.. ليس للصفة المسبغة على ذكوريته... بل لان تخريب أخلاق انثى وتحويلها إلى عنصر نشيط سلبياً يتحتم بالضرورة انقياد جيش من الذكور خلفها...

أشكر كل من حاور وساهم في مناقشة هذا الموضوع المهم...

 

[دموع الورد]

هو اكيد الفيس بوك مانو موقع ثقافي بحد ذاته بس كمان ما بيعني انه موقع فاسد

او انه البنات بفوتو لاغراض فاسدة وغير صالحة يمكن تفوتو للتسليه او للحصول على شي معين

وبالنهايه استخدامنا الو هو يللي بحدد اذا كانت البنت سلعة او لا

بس اكيد تفكيرنا العربي المتخلف ما بيتقبل هيك مواقع خصوصي للبنات

يعطيك العافية
​

 

[Pure Feelings]

أنا صرلي 6 سنين بالفيس
وغير لمصالح الشركة والدعاية ما لقيت في شي يستخدم أو شي مفيد
بدك موقع كتب في كتير بدك مواقع ثقافة في كتير بدك مواقع تزيدك معرفة في كتير ومو شرط يكون منتدى أو أي شي تاني

أنت يا سناء كم شب من هدول يلي عندك بالفيس راكضين ورا الثقافة يلي عم تحكي عنا
وكم شب حابب يتعرف عليكي ويطلع يشرب عصير بشي محل

اي بقا لاتقليلي ثقافة يلي بدو يتثقف في الف موقع

والشهادة لله في عالم أكابر
بس نسبة الفساد تتعدى ال 85%




​

طيب لاجي لصفك
انت مانك شب
انت ماعندك بنات بالفيس
انت بتطلب منن تطلع تشرب معن عصير بشي محل ؟؟؟؟؟؟

ف بئا اللي بدو يتعرف ويطلع ويفوت في مية الف باب يندئ
بعدين انا ابدا ما حاكيت ع الثقافة
انا قلت اجتماعي واجتماعي درجة اولى بالنسبة الي

وميرسي

 

[ČốηťĕṨṩก]

موضوع حلو و يستحق النقاش


و الفيس بلدرجة الاولى اجتماعي متل ما ئالت سناء
و كل شخص رح يستخدمو بحسب طريئتو و عئليتو و وعيه


و اكيد مو كل الناس اللي بتفوت عليه غرضها التسلية و بس
و بالتالي لازم كل واحد يحط حدود ئلو و للناس اللي بتحكي معو

.....................

عجبني رأيي ستيلا










شكرا.....
​

 

[قيــ الروح ــثارة]

السلام عليكم ورحمه الله وبركاته ... أجل عزيزي لا يعني ابدااا وجودي على صفحه ( فيس بوك انني اريد التعااارف ) ومن يريد التاكد فليضيف ويتأكد بنفسه ... وبالنسبه للمتحاذقون فهم كُثر عزيزي ... ولدي القليل القليل القليل من رفاق النت على الفيس بوووك .... ولدي شباب ايضااا ولكن معروفين من هم برغم اضافتي للأهل على فيس بووووكِ تحيااااتي