إحتسي فنجان قـهـوة مع نفسك ..

[عبدوول]

- السلام عليكم ورحمة من الله وبركاته -



بعد السلام يحلى الكلام ...
وأنا ياسادة ياكرام ...
تعمدت إطرح هالموضوع ... بهذا القسم ...
مع أنو يخلو من الحوار والنقاش العام .


ولكن مازال محافظـًا على هذه السمة ...
بصورة أخرى ... وبطريقة مختلفة ...

(( موضوعي اليوم فيه نقاش وحوار مع نفسك ))
(( مو مع الأعضاء الحلوين ))


وإذا حابب تشارك بالموضوع ....
بدك مكان معزول .. وتكون مو مشغول ..
وتكون دغري وعلى طول ..
وصريح .. لا بتلف ولا بتدور ..

الموضوع بدو أعصاب هادية ....
وأجواء صريحة .. وإنارة خفيفة ..

فإذا حابب تكفي الموضوع ... وموافق على الفكرا ..
إتبع الخطوات التالية :

علملك فنجانين قهوة .. إلك الأول ولنفسك التاني ..

وإبدأ سايرها ... وإفتح معاها الموضوع ..

وحاورها بكل صراحة ..

وبعدها سجل مشاركتك ..

وبهيك بتكون فتحت مجال بالنقاش مع نفسك .

وكسبتها صديقة بصفك . وخسرت فنجان قهوة ع الفاضي .

هاذا إذا ماكنت مدمن كافي وشربتن تنيناتن . :19:




* والموضوع يتمحور ع سؤالين لا أكثر ..

^
^
^
^
^
^
^
^
^
^
^
^
^
^
^
^
(( بدي تكتب شغلة ندمت .. لأنك سويتها ))
&
(( شغلة تانية لأنك ما سويتها .. ندمت ))

وبالعـافيـة الـقـهـوة ..
​

 

[mahmoud salih]

يعني اانا يا عبدول مشيت معك خطوة بخطوة

ساويت القهوة ئلي ولنفسي

وئاعد على ضوء اللاب توب

وهدوء نسبي على أنغام فضل شاكر أشتئتلك

ونفس عزيزة عليي لدرجة انو أذا بدي أندم ع شغلة ساويتها بتزعل مني لهيك أنا ما بندم

أذا عملت شي ممكن أندم عليه بقول لأ انا تعلمت درس

وما بندم بالتالي على شي ما عملتو لانو أنا اي شي بيخطر ببالي لازم اعملو

ومشكور جدا يا عبدول ​

 

[عبدوول]

لانو أنا اي شي بيخطر ببالي لازم اعملو
​

( كان الله في عون نفسـك )
إذا كان فعلاً أي شي بيخطر ببالك لازم تعملو ..
:19: بـهالحالة الواح لازم يخـاف مـنــك . :19:

ومـنـوّر يـا غــالــي
​

 

[نهر الاحساس]

الله يسلمن ايديك على الفكرة الحلوة
رح اجربها بس يتوفر جو مناسب

 

[جمانة]

مممممممممممم الندم الندم الندم
والله يا استاز عبدول
حاورت نفسي
و عم فكر يا جمانة ندمانة على شو
ما بحس حالي ندمانة على شي
لانو كلشي بيمرء بحياتنا تجارب
يا بتصيب يا بتخيب
وازا خابت ما لازم نندم انو علمناها
لازم نتعلم منها
و شغلة ندمانة لاني ما عملتها
مم الشغلة الوحيدة هي انو عمتي لما كانت ع فراش الموت
ما بعرف ليش ما رحت سلمت عليها وحبيتا
مع اني كل يوم ببوسا على راسا
و بس
يسلمو ​

 

[lavander]

استمتعت كتير بالقهوة

اما الندم مابيفيد ولا برجع يلي فات

اما نفسي ما كنت معها حكيت مع انسان اهم من نفسي وضحلي غلطي وين وخلاني اتصالح مع نفسي

لاني كنت مزاعلتا

شكرا ألك عالطرح​

 

[عبدوول]

ما بحس حالي ندمانة على شي
لانو كلشي بيمرء بحياتنا تجارب
يا بتصيب يا بتخيب
وازا خابت ما لازم نندم انو علمناها
لازم نتعلم منها

​

هلأ الواح ما بيعرف وين الخيرة ..
والمفروض يعمل الأسباب ويسلم أمرو لله
بس في شغلات من إختيارنا ..
وبتشكل منعطف بحياتنا .
(( وأحيانـًا بتحز بنفسنا ))
والندم أمر عادي وطبيعي بالإنسان ..
وهو أحد شروط التوبة .

و ع سبيل المثال ..
أنا ندمت ع شغاة لأني ماعملتها ...
- ندمت لأني تركت النادي -
وبعدها وبدون مبالغة ...
تغيرت كل حياتي .
يعني أوقات بلوم نفسي ... بس برد وبقول خيرة بإذن الله .


نوّرتي جوجو ..
وصحة ع قلبك يامشرفتنا lavander
وبإنتظارك يا نهر الإحساس ..
​