إلى أين تريد أن تصل أيها الأستاذ القدير (( عباس النوري )) ؟؟؟!!! ... هل بدأت الدراما بالإنحدار ؟؟؟!!!!

[المستشـــار]

بسم الله الرحمن الرحيم



أنا حابب أحكي بصراحة عن الدراما السورية ومستقبل هالدراما .. يعني نحن اجت المرحلة يلي وصلنا فيها لقمة الدراما بصراحة .. بالقيم يلي عم نطرحها وبالمادة يلي عم نعطيها بهالدراما الجميلة ... وأبرز الأعمال يلي بتوضح هالمعنى .. ليالي الصالحية .. أخوة التراب ... الخوالي ... الفراري .. باب الحارة ... وأعمال كثيرة جدا رفعت وبحمد الله من درامتنا وجعلت لها قيمة لدى المواطن السوري والعربي



ولكن نلاحظ بدء دعوات لتدمير مستقبل هذه الدراما وجعله بالانحدار ... كيف ؟

عن طريق تخفيف الرقابة على الدراما من ناحية الابتذال في اللباس إلى الابتذال في التعامل بين المرأة والرجل وأخيراااااااااااااااااااااااااااااااا إلى الدعوة لفصل الدين عن المجتمع




وهذا ما قام به الأستاذ الكبير والقدير عباس النوري وللأسف في مسلسله (( ليس سرابا )) الذي ذاع صيته وانتشر في غالبية القنوات العربية ... والسبب في ذلك في رأي الشخصي هو إخراج المسلسل .. أبطال المسلسل .. ومواضيع المسلسل ...

أنا أعرف بأن هذا المسلسل من رمضان الماضي ولكن ما جعلني أن أطرح هذا الموضوع حاليا .. موقف كلا من الأستاذ عباس النوري والأستاذ بسام الملا في برنامج أنت ونجمك والذي يبث على القناة السورية ...




الأسئلة يلي بدي إسألكون ياها وأود النقاش معكون فيها


هل برأيك أن الدراما السورية في ارتقاء أم في هبوط ؟




والسؤال الثاني هل تعتقد أن الدعوات التي يهدف إليها مسلسل (( ليس سرابا)) وغيرو وغيراتو
إلى فصل الدين عن المجتمع { والذي أثبته ذلك الدعوة إلى زواج المسيحي من المسلمة ؟؟؟!!! والأمر الأخر عند قدوم ابنه وهو ملتزم رفضه وغيرها من أحداث رفضها أشقاء الوطن الوحد المسلمون والمسيحيون} .. هي دعوة مقبولة في مجتمعنا السوري والعربي والإسلامي ؟



السؤال الثالث : برأيك ما الذي جعل الأستاذ عباس النوري الذي كان يقدم مسلسلات غاية في الروعة تحث على الأمانة كــ ( أيام شامية ) و( ليالي الصالحية ) ومسلسلات ذات قيم إلى مسلسل ليس سرابا



السؤال الرابع هل برأيك أن القرأة التي قرأتها أنا شخصيا للمسلسل بالدعوة المذكورة صحيحة أم أني قرأتها بشكل خاطئ ؟







أسف للإطالة ولكن الموضوع مهم جدا

 

[::نيسان::]

بصراحة انا ما تابعت مسلس ليس سرابا لهيك ما بقدر قيمو وانقدو واحك عن سلبياتو ايجابياتو
المسلسل انعرض عدة ملاات وكان بأمكاني اني تابعو بس ما حسيت انو عندي شغف لمتابعتو

ولكن بالنسبة للدراما السورية بشكل عام ، انا بعتبر انو الدراما السورية وصلت للقمة .. توب .. ولكنها في بعض الاعمال هي عم تهبط ..
في اعمال راقي واعمال مبتذلة ، وكلو الو تأثيرو على الدراما السورية .
انا بشوف انو الدراما السورية حاليا بتعاني من مشكلة نص
اما الرداءة او التكرار في الطرح ، وهالشي بخلي الدراما السورية بتراجع

 

[♥البرنسيسة♥]

موضوع كتير حلو عماد

بس بالمسلسل كان عباس النوري هو المسلم

وكاريس هي المسيحيه

يعني زواج مسلم من مسيحيه مو العكس

انا مابشوف فيا غلط من زواجن لانو مافي حرمه

من زواج المسلمين من اهل الكتاب

وممكن مع الايام تسلم وتدخل بالدين انا مو ضد هالنقطه ابدا

لانو في كتير منن تزوجو واسلمو

اما انا معك بالنقطه تبع ابنو انو انرفض من عيلتو شوي

لما التزم

ومع انو صار في تراجع بالمسلسلات لانو اوقات بيحطو قصص

ماحدا بينتبهلا كرمال يدخلو ويرسخو الفكره الخطا ببالك

بدون ماتشعر

تقبل ردي ​

 

[الوعد السوري]

هلق بالنسبة للمسلسل يلي ذكرته أنا صراحة ماشفته
بس عندي كم نقطة بخصوص الدراما السورية
من الملاحظ أن الدراما السورية انطلقت بقوة من خلال المسلسلات يلي بتحكي قصص قريبة من المجتمع
متل أيام شامية وقبلها حارة القصر وغيرها وغيرها
ولكن من المهم الاشارة هو الاتجاه نحو العلمانية والبعد عن اظهار القسم الأكبر من مجتمعنا وهم الملتزمون دينيا
هنا نجد قصوراً في الدراما ولسبب غير معروف
إما أنه تجاهل مقصود من قبل القائمين عليها كيلا يصطدموا مع الرقابة
أو أنه تعويم لثقافة الانفتاح المزعومة
ورغم ذلك أرى أن الدراما السورية هي الأفضل عربياً
لأنها تعتمد العمل الجماعي دون الاعتماد على نجم محدد كما يحصل في الدراما السورية
كما أن المواضيع التي تناقشها الدراما السورية
وخصوصاً فيما يتعلق بالقضية الفلسطينية
مثل مسلسل عائد إلى حيفا والتغريبة الفلسطينية
فهذه القضية غير مستساغة من قبل أغلب الدرامات العربية
لعجزهم عن تسويقها عند مقص الرقيب
ولعدم رغبتهم في إثارة الطبقة السياسية المتآمرة على هذه القضية

شكراً جزيلاً لك أخي عماد

​

 

[سحر الشرق]

هل برأيك أن الدراما السورية في ارتقاء أم في هبوط

برئي هي برتقاء

والسؤال الثاني هل تعتقد أن الدعوات التي يهدف إليها مسلسل (( ليس سرابا)) وغيرو وغيراتو
إلى فصل الدين عن المجتمع { والذي أثبته ذلك الدعوة إلى زواج المسيحي من المسلمة ؟؟؟!!! والأمر الأخر عند قدوم ابنه وهو ملتزم رفضه وغيرها من أحداث رفضها أشقاء الوطن الوحد المسلمون والمسيحيون} .. هي دعوة مقبولة في مجتمعنا السوري والعربي والإسلامي ؟

بصراحة انا هلق اول مرة عم تابع ليس سرابا هلق من ناحية في وجهة نظر عم يوررجو انو لازم يكون في تاخي ديني هي فكرة منيحة بس انو المسلم يتجوز المسيحية والعكس شوي صعبة لانو الاهل مالح يتقبلو هل الشي

السؤال الثالث : برأيك ما الذي جعل الأستاذ عباس النوري الذي كان يقدم مسلسلات غاية في الروعة تحث على الأمانة كــ ( أيام شامية ) و( ليالي الصالحية ) ومسلسلات ذات قيم إلى مسلسل ليس سرابا

لا وهاد كمان حامل فكرة حلوة بس مختلفة عن باقي اعمالو

السؤال الرابع هل برأيك أن القرأة التي قرأتها أنا شخصيا للمسلسل بالدعوة المذكورة صحيحة أم أني قرأتها بشكل خاطئ ؟

صحيحة بس يعني هون بكون في وجهات نظر مختلفة مشكور موضوع حلو

 

[المستشـــار]

بصراحة انا ما تابعت مسلس ليس سرابا لهيك ما بقدر قيمو وانقدو واحك عن سلبياتو ايجابياتو
المسلسل انعرض عدة ملاات وكان بأمكاني اني تابعو بس ما حسيت انو عندي شغف لمتابعتو

ولكن بالنسبة للدراما السورية بشكل عام ، انا بعتبر انو الدراما السورية وصلت للقمة .. توب .. ولكنها في بعض الاعمال هي عم تهبط ..
في اعمال راقي واعمال مبتذلة ، وكلو الو تأثيرو على الدراما السورية .
انا بشوف انو الدراما السورية حاليا بتعاني من مشكلة نص
اما الرداءة او التكرار في الطرح ، وهالشي بخلي الدراما السورية بتراجع

شكرا كتير لمشاركتك وبالفعل الناحية يلي ذكرتيها انو في عنا مشكلة وأزمة بالنصوص صحيحة وقل التنوع إلى حد ما .. يعني بالفعل صار التكرار سمة عنا للأسف ..

شكرا كتير مرة تانية

 

[المستشـــار]

موضوع كتير حلو عماد ​

بس بالمسلسل كان عباس النوري هو المسلم ​

وكاريس هي المسيحيه ​

يعني زواج مسلم من مسيحيه مو العكس​

انا مابشوف فيا غلط من زواجن لانو مافي حرمه ​

من زواج المسلمين من اهل الكتاب ​

وممكن مع الايام تسلم وتدخل بالدين انا مو ضد هالنقطه ابدا ​

لانو في كتير منن تزوجو واسلمو ​

اما انا معك بالنقطه تبع ابنو انو انرفض من عيلتو شوي ​

لما التزم ​

ومع انو صار في تراجع بالمسلسلات لانو اوقات بيحطو قصص ​

ماحدا بينتبهلا كرمال يدخلو ويرسخو الفكره الخطا ببالك ​

بدون ماتشعر ​

تقبل ردي ​

اي مزبوط كلامك وأنا ما قصدت هالنقطة لأنو صحيحة وما تكلمت عليها .. لأنو لا تتخيلي اني قول شي بالشرع خطأ .. بإذن الله تعالى ..

بس صار العكس اذا شفتي يلي بيشتغل عند الأستاذ ميشيل بحب وحدة مسلمة ومو محجبة مالو عرفان انها مسلمة ..

وبعدين بتجي أختها معها ليسلموا عليه وأختها محجبة بينصدم هو .. وبيعرف انها مسلمة .. أنا مو هون نقطتي بس بهاد البرنامج يلي عم قلك عليه أنت ونجمك على التلفزيون السوري كان مستضيف الأستاذ عباس

ودعا انو يصير في جواز مدني وفيه انو المسلم يتجوز المسيحية والمسلمة تتجوز المسيحي يعني عم يتشدق وعم يخبص الله يهديه ..

بس بالمسلسل ما طرحها انو تجوزوا بالفعل لأنو كانوا قاموا قيامتو .. بس هو عم يدعو لهالشي وللأسف الشديد ..

يسلموووووووووووووو كتير أموول على مرورك الرائع والجميل .. ولكِ مني كل الاحترام والود

 

[المستشـــار]

هلق بالنسبة للمسلسل يلي ذكرته أنا صراحة ماشفته

بس عندي كم نقطة بخصوص الدراما السورية
من الملاحظ أن الدراما السورية انطلقت بقوة من خلال المسلسلات يلي بتحكي قصص قريبة من المجتمع
متل أيام شامية وقبلها حارة القصر وغيرها وغيرها
ولكن من المهم الاشارة هو الاتجاه نحو العلمانية والبعد عن اظهار القسم الأكبر من مجتمعنا وهم الملتزمون دينيا
هنا نجد قصوراً في الدراما ولسبب غير معروف
إما أنه تجاهل مقصود من قبل القائمين عليها كيلا يصطدموا مع الرقابة
أو أنه تعويم لثقافة الانفتاح المزعومة
ورغم ذلك أرى أن الدراما السورية هي الأفضل عربياً
لأنها تعتمد العمل الجماعي دون الاعتماد على نجم محدد كما يحصل في الدراما السورية
كما أن المواضيع التي تناقشها الدراما السورية
وخصوصاً فيما يتعلق بالقضية الفلسطينية
مثل مسلسل عائد إلى حيفا والتغريبة الفلسطينية
فهذه القضية غير مستساغة من قبل أغلب الدرامات العربية
لعجزهم عن تسويقها عند مقص الرقيب
ولعدم رغبتهم في إثارة الطبقة السياسية المتآمرة على هذه القضية ​

شكراً جزيلاً لك أخي عماد​

كلامك لا غبار عليه نهائيا .. بس ذكرتني بشغلة مشان وضحها ..


أنا ما عم احكي هيك إلا من غيرتي عالدراما السورية .. وهذا أعتبره نوع من النقد البناء .. ومتل ما ذكرت بحديثي أخي محمد أنو الدراما السورية وصلت للقمة وبالفعل الأعمال يلي ذكرتها حضرتك ويلي بتدعم القضية الفلسطينية والعربية .. أعمال عظيمة جدا .. وفي أعمال كتير تثبت وصول هذه الدراما للقمة ..



ولكن ولكن ولكن أخشـــــــــــــــــــــــــــــــــــى من الهبوط .. وأقولها للممثلين والمخرجين والمنتجين وهيئة الرقابة

احرصوا على الرقي دائما وأنا بعرف أنو ما عم تستنوا كلامي هذا ولكن لعل صوتي يعبر عن مدى غيرتي على بلدي وعلى ثقافة بلدي وعلى هــــــــــــو يـــــتــــــــــــها العربية والإســلامية

 

[المستشـــار]

هل برأيك أن الدراما السورية في ارتقاء أم في هبوط

برئي هي برتقاء

والسؤال الثاني هل تعتقد أن الدعوات التي يهدف إليها مسلسل (( ليس سرابا)) وغيرو وغيراتو
إلى فصل الدين عن المجتمع { والذي أثبته ذلك الدعوة إلى زواج المسيحي من المسلمة ؟؟؟!!! والأمر الأخر عند قدوم ابنه وهو ملتزم رفضه وغيرها من أحداث رفضها أشقاء الوطن الوحد المسلمون والمسيحيون} .. هي دعوة مقبولة في مجتمعنا السوري والعربي والإسلامي ؟

بصراحة انا هلق اول مرة عم تابع ليس سرابا هلق من ناحية في وجهة نظر عم يوررجو انو لازم يكون في تاخي ديني هي فكرة منيحة بس انو المسلم يتجوز المسيحية والعكس شوي صعبة لانو الاهل مالح يتقبلو هل الشي

السؤال الثالث : برأيك ما الذي جعل الأستاذ عباس النوري الذي كان يقدم مسلسلات غاية في الروعة تحث على الأمانة كــ ( أيام شامية ) و( ليالي الصالحية ) ومسلسلات ذات قيم إلى مسلسل ليس سرابا

لا وهاد كمان حامل فكرة حلوة بس مختلفة عن باقي اعمالو

السؤال الرابع هل برأيك أن القرأة التي قرأتها أنا شخصيا للمسلسل بالدعوة المذكورة صحيحة أم أني قرأتها بشكل خاطئ ؟

صحيحة بس يعني هون بكون في وجهات نظر مختلفة مشكور موضوع حلو

بتشكرك جدا جدا على مشاركتك وعلى مرورك الطيب

وان شاء الله دائما نرتقي ونتقدم للأمام

 

[آلبتول]

الصراحه انا كثير بحب اتابع الدرما السوريه لانو بجد بحسها بتناقش مواضيع جاده
مو بس سرد حال المجتمع وقصة مسلسل وانتهينا يعني بعد ما تابع المسلسل بنصير اناقش فيه انا وصحباتي وبالنسبه للمسلسل اللي ذكرته انا تابعته من اول حلقه لأخره
وفيه سلبيات وفيه اجابيات

لك على قد ما عطيتك تقييم ما عاد فيه
يسلمووووووووووووووو يا ملك ​

 

[المستشـــار]

الصراحه انا كثير بحب اتابع الدرما السوريه لانو بجد بحسها بتناقش مواضيع جاده

مو بس سرد حال المجتمع وقصة مسلسل وانتهينا يعني بعد ما تابع المسلسل بنصير اناقش فيه انا وصحباتي وبالنسبه للمسلسل اللي ذكرته انا تابعته من اول حلقه لأخره
وفيه سلبيات وفيه اجابيات ​

لك على قد ما عطيتك تقييم ما عاد فيه

يسلمووووووووووووووو يا ملك ​

تسلميلي يا رب .. مرورك بالنسبة الي أحلى تقييم ..


مشكورة يا وردة البيلسان على مرورك الرائع

 

[Dreamy g!rl]

بالنسبة الى انا ماكتير بتابعو بس بالنسبة لمستوى الدراما السورية كتير راقي وعم بزيد رقي اكتر واكتر بسب القضايا والقصص يللي عم يطرحوها ويللي يمكن مافي دراما عربية عندها هالشجاعة لتناقشها وما ننسى اداء الممثلين واختيار الممثل المناسب للدور المناسب وتانيا بالنسبة لمسالة زواج المسلم من المسيحية فهى شرعها الاسلام ومابحس انو هالفكرة دعوة للعلمانية لانها بتجوز والله حللها اما بالنسبة لرفض التزام ابنو بالمسلسل فهي ماعندي شي اولو لانو الفكرة مالها معنى او داعي

هاد رايي وتقبل مروري ويسلمو على طرح الرائع جدا

 

[المستشـــار]

بالنسبة الى انا ماكتير بتابعو بس بالنسبة لمستوى الدراما السورية كتير راقي وعم بزيد رقي اكتر واكتر بسب القضايا والقصص يللي عم يطرحوها ويللي يمكن مافي دراما عربية عندها هالشجاعة لتناقشها وما ننسى اداء الممثلين واختيار الممثل المناسب للدور المناسب وتانيا بالنسبة لمسالة زواج المسلم من المسيحية فهى شرعها الاسلام ومابحس انو هالفكرة دعوة للعلمانية لانها بتجوز والله حللها اما بالنسبة لرفض التزام ابنو بالمسلسل فهي ماعندي شي اولو لانو الفكرة مالها معنى او داعي

هاد رايي وتقبل مروري ويسلمو على طرح الرائع جدا

شكرا كتير كتير لمرورك الجميل .. بس اختي الكريمة بالنسبة لموضوع الزواج يلي ذكرتيه أنا رديت على أمووول على هالنقطة .. بتمنى منك أختي الكريمة تشوفيه


وشكرا لمرورك مرة تانية .. نورتي

 

[قيــ الروح ــثارة]

والله منيح اللي اجى جوابي اليوم

لأني شايفتلك مسلسلات رمضان هالسنة يا عيني كلها تشليط ومدري كيف وأهم شي مسلسل صبايا ببصم بالعشرة اذا ما رح يكون العالم كلو بتشوفو أولون الشباب :80:
هل برأيك أن الدراما السورية في ارتقاء أم في هبوط ؟
وبرأيي كانت الدراما بارتقاء وهلئ هية بارتقاء طالما رح يكون في ناس بيحبو هيك واللي هنن الاغلبية أكيد برأيون هاد ارتقاء مو هبوط

لأنو بيفصلوا الدين عن هيك شي وع اساس انو الفن مالو علاقة بالدين أبدا

والسؤال الثاني هل تعتقد أن الدعوات التي يهدف إليها مسلسل (( ليس سرابا)) وغيرو وغيراتو
إلى فصل الدين عن المجتمع { والذي أثبته ذلك الدعوة إلى زواج المسيحي من المسلمة ؟؟؟!!! والأمر الأخر عند قدوم ابنه وهو ملتزم رفضه وغيرها من أحداث رفضها أشقاء الوطن الوحد المسلمون والمسيحيون} .. هي دعوة مقبولة في مجتمعنا السوري والعربي والإسلامي ؟
هلئ هاد المسلسل أنا حبيتو لأنو بيحكي عن شي بواقعنا عم نشوفو كل يوم بس ماعندي خلفية دينية صحيحة بهيك موضوع يعني ما بعرف اذا بيجوز زواج مسلم من مسيحية والعكس


السؤال الثالث : برأيك ما الذي جعل الأستاذ عباس النوري الذي كان يقدم مسلسلات غاية في الروعة تحث على الأمانة كــ ( أيام شامية ) و( ليالي الصالحية ) ومسلسلات ذات قيم إلى مسلسل ليس سرابا

هاد جوابو فني لو سألتو لعباس النوري كان قلك عجبني الدور

وبرأيي أنا مو حلو الفنان كمان يلتزم بنوع معين من الادوار بس تكون محترمة كلها طبعا


السؤال الرابع هل برأيك أن القرأة التي قرأتها أنا شخصيا للمسلسل بالدعوة المذكورة صحيحة أم أني قرأتها بشكل خاطئ ؟

لا ما بقول خاطئ لأنو لكل واحد وجهة نظر مو شرط تكون خاطئة يمكن انا رأيي الخاطئ وبيجوز غير رأيي لو شفت رأي أصح من رايي


مشكور أخي ملك الغرام
​

 

[قيــ الروح ــثارة]

بس عفوا أنت ذكرت شي اسمو زواج مدني ممكن أعرف شو يعني ​

 

[المستشـــار]

والله منيح اللي اجى جوابي اليوم​

لأني شايفتلك مسلسلات رمضان هالسنة يا عيني كلها تشليط ومدري كيف وأهم شي مسلسل صبايا ببصم بالعشرة اذا ما رح يكون العالم كلو بتشوفو أولون الشباب :80:


الله يجيرنا أحسن شي



هل برأيك أن الدراما السورية في ارتقاء أم في هبوط ؟
وبرأيي كانت الدراما بارتقاء وهلئ هية بارتقاء طالما رح يكون في ناس بيحبو هيك واللي هنن الاغلبية أكيد برأيون هاد ارتقاء مو هبوط ​

لأنو بيفصلوا الدين عن هيك شي وع اساس انو الفن مالو علاقة بالدين أبدا




هلأ بالعباراة الأولى أنا ما بوفقك بهالكلام وبحترم رأيك لأنو نحن ما بنبي الارتقاء بهالشي للناس وانما بالفعل نفسو .. يعني كما أخبر الرسول صلى الله عليه وسلم بما معنا قوله أنو بأخر الزمن بصير الحق باطل والباطل حق وبالتالي الحق ما بكون للغلط اذا كان عدد المؤيدين له كبيرا

أما بالعباراة التانية فأنا بأيدك لأنو بالفعل في ناس كتير بتفصل الدين عن الفن بس في شغلة لاحظي تصرفاتون بتناقد هالشي يعني يلي بيفصل الدين عن الفن مستحيل يكون متدين أو يميل للدين وانما هو يميل للفن ولاتباع أهوائه وقام بعملية الفصل ليريح ضميرو أو لاتباعه مبدأ العلمانية الطارئ على ديارنا للأسف ​

والسؤال الثاني هل تعتقد أن الدعوات التي يهدف إليها مسلسل (( ليس سرابا)) وغيرو وغيراتو
إلى فصل الدين عن المجتمع { والذي أثبته ذلك الدعوة إلى زواج المسيحي من المسلمة ؟؟؟!!! والأمر الأخر عند قدوم ابنه وهو ملتزم رفضه وغيرها من أحداث رفضها أشقاء الوطن الوحد المسلمون والمسيحيون} .. هي دعوة مقبولة في مجتمعنا السوري والعربي والإسلامي ؟
هلئ هاد المسلسل أنا حبيتو لأنو بيحكي عن شي بواقعنا عم نشوفو كل يوم بس ماعندي خلفية دينية صحيحة بهيك موضوع يعني ما بعرف اذا بيجوز زواج مسلم من مسيحية والعكس



هلأ من ناحية انو الناس حبت المسلسل فبالفعل حبتو والدليل انو نتشر بكل القنوات الفضائية ولكن للأسف كان فيه سموم أنا برأي مزروعة بين سطور وصفحات المسلسل عافانا الله منها وأرانا الباطل والحق كما هما .. وبالنسبة للخلفية الدينية أنا بشكرك بعدم تشدقكِ بما لم تقرأيه أو عرفتيه قبلا وسأوضح لكِ هذه النقطة ..

زواج المسلم من كتابية (مسيحية او يهودية) جائز لا لغط فيه .. ولكن العكس لا يجوز لأنو الأولاد سيخرجون لوالدهم ومن ثم المرأة تتبع زوجها فغالبا عند زواج الكتابية من المسلم تسلم ولكن العكس قد يؤدي إلى الردة .. وأرجو أن يكون وصلكِ المضمون


​

السؤال الثالث : برأيك ما الذي جعل الأستاذ عباس النوري الذي كان يقدم مسلسلات غاية في الروعة تحث على الأمانة كــ ( أيام شامية ) و( ليالي الصالحية ) ومسلسلات ذات قيم إلى مسلسل ليس سرابا ​

هاد جوابو فني لو سألتو لعباس النوري كان قلك عجبني الدور ​

وبرأيي أنا مو حلو الفنان كمان يلتزم بنوع معين من الادوار بس تكون محترمة كلها طبعا



هلأ أنا مالي معترض على تمثيل الأستاذ عباس فهو ممثل قدير جدا وممثل متقن لجميع أدواره بشكل جيد ..

وبالنسبة لكلامك عن أنو الممثل لازم ينوع بالادوار انا معك بس متل ما قلتي لازم يكون محترم فيها كلها ومحافظ على مضمون وقيم دينه ومجتمعه ​

السؤال الرابع هل برأيك أن القرأة التي قرأتها أنا شخصيا للمسلسل بالدعوة المذكورة صحيحة أم أني قرأتها بشكل خاطئ ؟​

لا ما بقول خاطئ لأنو لكل واحد وجهة نظر مو شرط تكون خاطئة يمكن انا رأيي الخاطئ وبيجوز غير رأيي لو شفت رأي أصح من رايي


شكرا لكِ على روحك المرنة وعلى احترام وجهات النظر ​

مشكور أخي ملك الغرام

العفو .. ومشكورة انتي اختي الكريمة على مرورك الأكثر من رائع ​

 

[المستشـــار]

بس عفوا أنت ذكرت شي اسمو زواج مدني ممكن أعرف شو يعني ​

الزواج المدني هو عقد زواج رابط بين زوجين موثق العهد بشاهدين في مقر رسمي مختص حكومي , هذه الوثيقة تضمن حقوق كلا الزوجين بالعدل والمساواة في حالة الطلاق , الزواج المدني لايعترف بالمهر للمرأة لانة يعتبر المهر مهانة وقبول المرأة به كانها تبيع نفسها مقابل دخول الرجل بها ..
هذا الكلام من ويكيبيديا

وأزيدك أنا بأنه لا يجعل الدين مقياس للزواج

بتجي بوذية بتتجوز يهودي مسلم يتجوز هندوسية .. مسلمة تتجوز مسيحي الخ


بقا الله يجيرنا من هالدعوات

 

[قيــ الروح ــثارة]

زواج المسلم من كتابية (مسيحية او يهودية) جائز لا لغط فيه .. ولكن العكس لا يجوز لأنو الأولاد سيخرجون لوالدهم ومن ثم المرأة تتبع زوجها فغالبا عند زواج الكتابية من المسلم تسلم ولكن العكس قد يؤدي إلى الردة .. وأرجو أن يكون وصلكِ المضمون


مشكور كتير على الشرح
يعني اللي فهمتو وكان عندي معلومة منو من قبل

أنو يجوز زواج مسلم من مسيحية لكن العكس لا


ومشان الزواج المدني يعني مالقيت فيو شي حرام أو مختلف عن الزواج التقليدي الا بالمهر
بقى ليش حرام


واسفة عالازعاج​

 

[المستشـــار]

بالعكس أي ازعاج .. تمنام هي قصة المهر وقصة الأديان أنو مو فارقة معون عرفتي يعني ما بسألوك شو دينك .. وهي شغلة جوهرية كتير

مشكور كتير على الشرح
يعني اللي فهمتو وكان عندي معلومة منو من قبل

أنو يجوز زواج مسلم من مسيحية لكن العكس لا


تمام