ئصة نيرمين وشلاش

[عكــ البيلسان ــيد]

هي قصة واحد ذاكرتوا
ماشالله عليها اسمعوا
لحكاية
هدا كان في واحد بدوي اسمو
شلاش الجدوع وصاحبنا شلاش
نشيط وقبضاي بس مشكلتوا
الوحيدة بالحياة انوا ذاكرتوا
عدم و مابتجمع يعني يادوب يتذكر أخر طلب انطلب منوا
المهم لما صار على وش زواج
زوجو ابوه لبنت عموا نيرمين
وفعلن زفوا شلاش على نيرمين

وعاشوا بتبات ونبات وبدت مشكلتوا لشلاش لما نيرمين
خانوم حملت بمولودهم الأول
وفعلن أخد شلاش نيرمين
لعند داية مضاربهم ليشوفوا
صبي ولا بنت على الأيكو طلعت النتيجة صبي؟ ؟ المهم من فرحة شلاش
ونيرمين بمولودهم الأول ولي العهد قرارو أنو يجب شلاش
لوازم ابنو من المدينة
ولأنوا شلاش بينسى كتير قالتلو
مدام شلاش نيرمي خليك طوال الطريق عم تقول
قماش هدوم قماش هدوم
وفعلا مشي شلاش بفرحة وسعادة لاتوصف وهوايقول
قماش هدوم قماش هدوم
قام صاحبنا بالطريق تفركش
على راسوا لمهم ارتاح شوي
وقام ليكمل طريقوا
بس ذاكرتو متل لعادة خانتوا
ونسي شوكان عم يقول
وبدل مايتذكر يقول
قماش هدوم قماش هدوم
صار يقول مافي شي أكيد مافي شي ان شاء الله مافي شي يعني أكتر شي
اتذكروا من كلمة قماش هواحرف الشين
ماعلينا مشي شلاش وهو عم يردد
مافي شي أكيد مافي شي
إن شاءالله مافي شي
وهوا ماشي وعم يرددهم بشان مايرد ينساهم
قام طلع بطريق شلاش اتنين عم يتصيدوا سمك
ولما صار قريب منهم شلاش قالولوا مرحبا
قلهم شلاش اهلين
مافي شي أكيد مافي شي
إن شاءالله مافي شي
قاموا انزعجوا من شلاش وبلشولك فيه وين بيوجعك

وقالولوا ياغبي الواحد بيقول
إن شاء الله تلاتة كبار وتلاتة صغار شو إن شاء الله تلاتة كبار وتلاتة صغار
ولله مشي شلاش وهوا آكل أتلة مدللة وعم يقول إن شاء الله تلاتة كبار وتلاتة صغار

إن شاء الله تلاتة كبار وتلاتة صغار
قام شاف جماعة مطالعين واحد ميت بشان يدفنوا
لما صار شلاش قريب منهم
سمعوا لشلاش عم يقول
إن شاء الله تلاتة كبار وتلاتة صغار
تركوا الميت والجنازة

وبلشوا بشلاش دبك وقالوا ولك يخربيتك شو حمار الواحد بيقول
الله يرحموا ويحسن إليه
ومشي شلاش بعد البدن لمرتب
وهو عم يقول
الله يرحموا ويحسن إليه
الله يرحموا ويحسن إليه
قام شاف بطريقوا كلب فطسان وختيار كبير عم يحاول يبعدو من الطريق ولماوصل شلاش قلوا حط ايدك لنبعدوا
قال شلاش
الله يرحموا ويحسن إليه
الله يرحموا ويحسن إليه
قام عصب الختيار

وبلش بشلاش كفوف وشلاليط
وقلوا الواحد بيقول
أخ تفيه على هالريحة وعلى هالمنظر
ومشي ابو الشلش وهو عم يقول
أخ تفيه على هالريحة وعلى هالمنظر
أخ تفيه على هالريحة وعلى هالمنظر قام صادفو أمير مع الجنود بتاعوا عم يتصيداعزلان
وشلاش ماشي ومبلش
أخ تفيه على هالريحة وعلى هالمنظر
أخ تفيه على هالريحة وعلى هالمنظر
وسمعوا لجنود

وعيون شلاش ماتشوف الضوا دمروا للمسكين وقالوا بتقول
ياسلام ما أحلاه
وفعلن ماكذب خبر شلاش مشي وهوا عم يقول لحالوا
ياسلام ما أحلاه
ياسلام ما أحلاه
قام طلعوا بطريقوا اتنين
عم يتقاتلوا
واحد يناول التاني
بلبوكس .شلاش ياسلام
التاني يردعلى الاول بلكف وشلاش ماأحلاس
ياسلام ما أحلاه
قاموا لتنين تركوبعضهم

وبلشوا
بشلاش سفئ طرء
وقالولوا بتقول
الله يصلح بين اخوانا العرب
ومشي شلاش متنهنه وعميقول
الله يصلح بين اخوانا العرب
الله يصلح بين اخوانا العرب
قام شاف شلة كلاب امبلشين
صياح ونباح عم يتعاركوا
وشلاش بيقول الله يصلح بين اخوانا العرب
الله يصلح بين اخوانا العرب
فام سمعو شيخ

وشبطواضرب بالعكازة على راسوا وقلو بتقول
كش كش روح من هون
وماكذب خبرشلاش بلش
كش كش روح من هون
كش كش روح من هون
قام شاف واحد فايت بصباتو
ابرة وشلاش عم يقول
كش كش روح من هون
قام ترك الأبرة وبلش يضرب شلاش بصباتوا

وقلو لك غبي
بتقول إن شاء الله تطلع من سفل الصباط
ومشي شلاش وهوا عم يقول
إن شاء الله تطلع من سفل الصباط
إن شاء الله تطلع من سفل الصباط
قام صادفوا بطريقوا
شب مترين بالمتر وعم يلعب
بلحيتوا لمحنجرة فرحان فيها
وسمع شلاش عم يقول
إن شاء الله تطلع من سفل الصباط
إن شاء الله تطلع من سفل الصباط
وبلش الشب بشلاش
بالأربعة

وقلو بتقول تاني
مرة الله يحليها ويكبرها
الله يحليها ويكبرها
مسكين مابيحفظ إلا أخر جملة
ماشي شلاش وعم يقول
الله يحليها ويكبرها
شاف واحد آكل قرصة دبور براسوا وعينوا ورمانة وصاير هل قد قدا
وشلاش عم يقول
الله يحليها ويكبرها الله يحليها ويكبرها
نسي عينوا صاحبنا
ومسك شلاش وبلش فيه
بالشلاليط والمخمسات

وقلوا الواحد بيقول إن شاالله
بياخدوا على المشفا وبداوه
وبيحطولوا شاش *وقماش*
وأول ماسمع سيرة
شاش وقماش تذكر شلاش نيرمين وابنو ولقماش
وكان واصل للمدينة ساعتها ودخل لمحل لقماش
وأخد قماش وطيارة لعند نيرمين بمضاربهم
قام لاقا أبنوا صاير بالصف السادس
ه


وأنتوا حبيباتي أصحكون
تنسو تشاركونا برأيكم
متل شلاااااااااااش

 

[ĻàĎỷ iЙ ŖẼD]

اكيد مو انا نيرمين





يعدمني العدو

على هيك ئصة من وين ناكشا

 

[عكــ البيلسان ــيد]

هه لك ليش ووالله شلاش مافي منو وابن حلال

بس كل مشكلتو انو بينسى شوي

 

[دانووو]

يحرررررررررررررق ديبك على هيد
قصة بضحك

يسلمهم عنوني

 

[JuSt RaMoOTa]

لاتنسو تشاركونا برأيكم..متل شلااااش
لاتنسو تشاركونا برأيكم..متل شلااااش



ه
يسلمون على الجلطة

​

 

[إلهام]

بينسى بس شوي مو كتير اي معلش سفر ست سنين بينسى ولاشي
منيح متزكر مرتو ماخربط فيها كمان
والله انا تاثرت علي شلاش كتر ما اكل ضرب كل الامة فشت خلقها في
كنو مافي مواطنين عرب بهالعالم غيرو ولبائي حكام
يسلمو عكيد

 

[White Pearl]

خطيتو هالشلاش انشلشت واتنهنهت عنه ..منيح رجع تزكر الشاش والقماش بعد كل هالشي

 

[► Mr.Rami ◄]

هه

عنجد مو طبيعي



شلاش المتوحش
​

 

[ღRosa Blancaღ]

يلعو البو لشلاش التعى البي

الله يكون بعون نيرمين على هالوقعة

 

[جمال الروحـ]

3 فناجين قهوة وانا اقرا بالقصة
بس حلو كتير
يسلموا ابو عبيد حبيبنا

 

[mr_ops]

اي ان شاء الله ينشل شل هالشلاش ..



وفعلا متل ما قالوا .. الحمدلله يلي ما خربط بمرته ..

بس انه شو جاب اسم شلاش لـ نرمين

 

[عكــ البيلسان ــيد]

بينسى بس شوي مو كتير اي معلش سفر ست سنين بينسى ولاشي
منيح متزكر مرتو ماخربط فيها كمان
والله انا تاثرت علي شلاش كتر ما اكل ضرب كل الامة فشت خلقها في
كنو مافي مواطنين عرب بهالعالم غيرو ولبائي حكام
يسلمو عكيد

والله انتي الوحيدة اللي فهمتي على شلاش الملتاش

منورة الهامو

 

[الملاح التائه]

لو تأملتو شوي
ل شفتو أنو كل الشعب العربي
شلاش
بنحفظ أخر جملة
بس
بس
بس

نحن شعب بيحب البصم



​

 

[عكــ البيلسان ــيد]

خطيتو هالشلاش انشلشت واتنهنهت عنه ..منيح رجع تزكر الشاش والقماش بعد كل هالشي

اي والله يعليي عليه بيئطع الئلب تئطيع

 

[{Dark~ Lord}]

 

[✿منى قلبي✿]

شلشتوني شلشتني انشلشت شلش

يخرب زوئك ويشلشك شلش متل ما شلشتني

شششششششششوهاد؟؟؟؟؟


يسلمن

 

[عكــ البيلسان ــيد]

هه

عنجد مو طبيعي



شلاش المتوحش
​

بحر اللي شلش شلاش

 

[عكــ البيلسان ــيد]

يلعو البو لشلاش التعى البي

الله يكون بعون نيرمين على هالوقعة

ههـه سلامة ئلبك
ريتو شلاش ولا انتي الهي

 

[اميرة الشام]

ه

احلى شي بالقصة اسمو "شلاش"

يسلموووون عبد ​