ابنــــي مريـــض.....

[Cosette]

مسا الخير يا جماعة البيلسان

إجا ببالي سؤال

هوي بصراحة ببالي من زمان

بس ما بعرف ليش صرت خاف إسأل حدا عنو
يمكن لانو كل ما بعطي رأيي بهالموضوع بيقولو عني (مجنونة)

كان طالع من شوي ع قناةmbc
برنامج كلام نواعم
كانو مستضيفين (علاء الزيبق)
يلي ما بيعرف علاء الزيبق
هوي الشب اللي مثل بمسلسل وراء الشمس
الشب اللي معو متلازمة داون

لما كنت عم احضر المسلسل برمضان
كنا عم نحكي انا و رفيقتي عنو

ألتلي انو معو حق الأب يلي بدو يجيه ولد (مريض)
ينزل الولد
ما لازم يتعذب بحياتو ويعذب ابنو كمان

أنا اعترضت
بشدة

إنو ناس مانها قبلانة (النعمة) يلي الله بعتلن ياها
و ناس مشهية يكون عندا ولد
سألت كتير ناس عن هالموضوع
ناس معي وناس(ضدي)


يعني أنا من جهتي
اذا اجاني ولد (مريض)
ف رح خليه
بربيه بعيوني
هي نعمة الله عطاني ياها
برفضها؟؟؟؟

أكتر جملة أثرت فيني بالمسلسل
لما حكت إمو للشب المعاق هالجملة

وقت بيمسك ابني ايدي وبيفوتني عالجنة

عن جد هالجملة
كل ما بتذكرها بجي لإبكي


انو والله العظيم شي بيقهر
نظرة المجتمع لذوي الاحتياجات الخاصة
مانن بشر متلنا متلن
ما بيستاهلو يعيشو متلنا متلن
ما بيستاهلو الناس تكون حوليهن وتحبن وتحترمن متلنا متلن
؟؟؟؟؟؟؟

ما بعرف شو احكي
عم بكتب هالكلام ....و غصة كبيرة بقلبي

بعتذر اني طولت عليكم
بس حابة أعرف رأيكن بهالموضوع

يا ترى
بتقبلو يكون عندكن ولد(مريض)
أو لأ

 

[Faby]

الاعاقة ولابن تحديدا امتحان كتير كبير من عند الله ويارب لا يدوقنا ياه

بس كل شي ربنا بيبعتو خير ولازم نشكرو

يارب لا يبتلينا وازا ابتلانا يطعمنا الصبر لنكون قد هيك امتحان

 

[ḾǑŏǑŏǓĐỸ]

الله لا يبلينا

كل شي من الله يا محلاه


والله لا يدوقها لحدا بس اختي دايقتها بس الحمد لله مو اعاقة


شغلة خفيفة بنحمد الله ​

 

[Lobna]

مهما تكون درجه الاعاقه دايما يبقى الطفل نعمه من عند الله و لازم الحفاظ عليها

 

[إلهام]

رقيقة كالورد
يسلمو عالموضوع
بارك الله فيكي
​

 

[احلى دنيا]

انو الذ مخلوق ممكن شوفو بالدنيا هو علاء .. مو طبيعي شو بفوت عالقلب
لو بعرف انو ابني مريض ما بتوقع اني اسخى فيه وانزلو .. يعني بضل ابني
بس بنفس الوقت انا بشفق عليه يجي عالدنيا ويتعزب والناس تطلع فيه بشفقه
بس اكيد مارح بستغني عنو ..
عالقليله شي بغفرلي وبفوتني الجنه
الله لا يبلينا يا رب

 

[المستشـــار]

شكرا على هالمشاعر جوري ...

هي مو هون المشكلة المشكلة أنو تنزيل الولد بعد نفخ الروح فيه هو قتل نفس وهاد الشي يعتبر جريمة بحد ذاتو .. كل شي من رب العالمين يا محلاه ... الله يرزقنا الخلقة التامة والأبناء الصالحين ولكن يجب على الإنسان الصبر ... جوري أنتي عم تحكي بسهولة أنو أنتي لو أجاكِ ولد حتعملي متل ما عم تقولي بس إن اجيتي للواقع هو شي صعب بس لازم يتأقلم معو الواحد ويرضى بقضاء الله وقدرو

شكرا جوري مرة تانية

 

[► Mr.Rami ◄]

بسم الله الرحمن الرحيم ...

بيجوز أنت هلق كبنت تفكيرك يكون شفقة مو أكتر بس لما تكوني بمكان لاسمح الله ويصير ومعك هالشي بعيد من هون

يتغير حديثك ورح تضربي أسداس بأخماس

شرعا .. إذا بدو يتم التنزيل لازم مايكون مر على هالجنين 120 يوم على ما أذكر طبعا ً الله وأعلم أنا بتمنى بشي فتوى لهالشي بس هالشي كان على التلفيزيون بعد هالمسلسل أنعرضة كتير حلقات
حول هالموضوع ...
لأنو بعد 120 يوم رب العالمين بينفخ بالجنين الروح يعني قبل هالمدة بيكون مافي روح ومايعتبر قتل والله وأعلم

وبالنسبة ألي ... أنا هالشي بتركو لوقتا يعني أنا بمكان مابقدر حدد

والله يرزقنا الذرية الصالحة

على الوالدين الصبر والرضا بأقدار الله ، وتذكر قول الله تعالى : ( وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ ) البقرة/216 ، وقول الله تعالى : ( فعَسَى أَنْ تَكْرَهُوا شَيْئاً وَيَجْعَلَ اللَّهُ فِيهِ خَيْراً كَثِيراً ) النساء/19 ، وقول النبي صَلَّى اللَّهُ عَلَيْهِ وَسَلَّمَ : ( عَجَبًا لأَمْرِ الْمُؤْمِنِ إِنَّ أَمْرَهُ كُلَّهُ خَيْرٌ وَلَيْسَ ذَاكَ لأَحَدٍ إِلا لِلْمُؤْمِنِ إِنْ أَصَابَتْهُ سَرَّاءُ شَكَرَ فَكَانَ خَيْرًا لَهُ وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ ) رواه مسلم (2999) .
​

 

[دموع الورد]

انو اكيد رح يكون شي صعب جدا ً حتى لو نحنا لسا مو حاسين فيه

بس اكيد تنزيل ما رح اقبل لانو اولا واخيرا ً حرام شرعا ً وربي بعتلي اياه مو لاتخلص منه

واكيد رح اعتني فيه متلو متل اي اخ الو بس برجع بحكيلك انه اكيد رح يكون شي صعب ومتعب جدا ً

شكرا لولية
​

 

[mr_ops]

والله شوفي يا جوري .. ​

لما تحبل الوحدة بتكون عم تتعذب كتير بالحبل تبعها .. فـ كيف لو كانت عم تعمل اجهاض ؟؟؟ رح تطلع روووحها ويمكن كمان تموت او يصرلها شي .. وبعدين رب العالمين كاتب هالشي ورب العالمين رايد هالشي هاد للزوجين .. الله لا يدوقها لحدا بس ما حدا بيعرف شو رب العالمين كاتبله وكاتب لـ ولاده .. هي زميلنا بالشغل متزوج من 8 سنين ولهلء ما عنده ولاد سألته في مشاكل قالي هيك ربنا رايد ... ​

هاد اول شي ​

اما تاني شي .. انتي حكيتي هيك .. الشغلة مالها سهلة ابدا انه يجيكي ولد فيه اعاقة .. ابن جيراننا بالشام هيك .. فيه اعاقة وصار عمره شي 19 سنة وهو لساته هيك وما بيقدر يمشي لحاله بيفهم علينا وبيعرف الصح من الغلط .. بس شكله لساته ولد عمره 13 او 14 سنة وعنده تخلف بالعقل (الله يشفينا ولا يدوقها لحدا يارب )
ولو اجالك ولد هيك ما رح تضل بقلبك غصة انه ابنك هيك ورح تبكي اللياااااالي لانه هيك وليش الولاد التانييين احسن منه وليش رب العالمين راد هيك ( هو صح انه ربنا راد هيك لحكمة ) بس بتضل غصة بقلب الاب والام .. وخاااااااااااااصة الام لانه تكون بداخلها .. يعني جزء منها ​

انا ما بتمنى هالشي هاد .. وبقول الله لا يدوقها لحدا يارب .. في شباب بعرفهم (مفولين) يعني ما بيقدروا ياكلوا الفول وبعض انواع من البقوليات وكماااااااان بعض انواع الادوية ما بيقدروا ياخدوها ... ​

انه يجيلكم ولد او بنت كاملين هي نعمة كبييييييرة من رب العالمين .. ​

في وحدة من معارفنا جابت بنت معها عيب خلقي .. في بقلبها ثقب كبير .. ما قدروا الاطباء يساعدوها .. اجا دكتور من ألمانيا .. شافها وقال نفس الشي .. سمتها هبة وقالت ( هي هبة من عند ربي هوو بعتلي ياها وهوو بياخدها وقت بده ) هي الجملة لحالها بتبكي والله .. يعني في ام عم تحكي هيك وهيي عندها معاناة مع بنتها الي عمرها كم يوم بس ... وبعد شهرين تلاتة .. ماتت البنت وما قدرت تعيش اكتر من هيك .. هي هون الحرقة بتكون .. ​

العيب الخلقي او التشوه الخلقي بكون من عند ربنا .. شو ما بعت رنا بنحمده ونشكره

وبرجع وبقوووووول الله لا يدوقها لحدا ويبعت للكل ولاد وبنات كاملين الخلق ...
​

طولت بس الموضوع حساس وعندنا تجربة من ابن الجيران​

 

[آلبتول]

الابن امتحان كبير سواء كان معاق أو سليم
بس طبعاً بحالة المعاق فهو أصعب امتحان
يمكن رح يحز في قلب الأم والأب بحزن دفين على أبنهم
ويتمنوا لو طلع سليم بس هذه أرادة ربنا لهم ليمتحنهم بالدنيا
الأفضل أنه يرضوا بقدرهم ويفرحوا لأن ربنا ابتلاهم ويمتحن صبرهم
وينالون بالأخير الفوز العظيم وهو رضا الله سبحانه ​

 

[ḾǑŏǑŏǓĐỸ]

الابن امتحان كبير سواء كان معاق أو سليم
بس طبعاً بحالة المعاق فهو أصعب امتحان
يمكن رح يحز في قلب الأم والأب بحزن دفين على أبنهم
ويتمنوا لو طلع سليم بس هذه أرادة ربنا لهم ليمتحنهم بالدنيا
الأفضل أنه يرضوا بقدرهم ويفرحوا لأن ربنا ابتلاهم ويمتحن صبرهم
وينالون بالأخير الفوز العظيم وهو رضا الله سبحانه ​

كلامك سليم 100% شكرا الك فطوم

 

[عشتار]

كل ما سأقوله قد ذكروه الأصدقاء قبلي ... نقاش واع ٍ

شكرا ً صديقتي كوزيت
​

 

[فلسطين المحبة]

رائع ما قدمت
سلمت يداك
وبارك الله فيك
دمتَ برعاية الله