اجا العيد ومنعيد

[حسام الحلبي]

كل عام وأنتم بألف خير


هالموضوع عبارة عن موضوعين أو فقرتين بموضوع واحد :

أول فقرة :


بتتذكروا لما كنا صغار ويقرب يجي العيد كيف منشتري أواعي جديدة قبل بيومين وبليلة العيد كنا ننيمهم معنا ع التخت مع البوط أو الكندة الجديدة ؟؟

بتتذكروا كيف ليلة العيد ماكان يجينا نوم ونحنا مو مصدقين ايمتا يطلع الصبح ونسمع من الجوامع ( الله أكبر الله أكبر لا اله الا الله ...... ) تكبيرة العيد ؟؟؟؟


تتذكروا كيف كنا نفيق ونروح نبوس ايدين بابا وماما ونقلهن كل عام وأنتو بخير وهون كان يقلولنا ( الله يرضى عليكن ) ؟؟؟؟

تتذكروا كيف كنا نلبس أواعينا الجديدة ونركض لعند بابا وعمو وخالو وجدو وناخد العيدية وأحيانا كانت تكون ( عشر ليرات جديدة ) مشان نروح نركب المراجيح ونشتري فرد طقطيق ؟؟؟؟


تتذكروا ...... تتذكروا ..... تتذكروا ..... ؟؟؟؟


كل واحد فينا عاش طفولة وعيد وكلنا متفقين أنو العيد أول كان أحلى من هلق :80::80::80: ..... بدي كل عضو يفوت يحكيلنا عن طفولتو بالعيد كيف كان يقضيها ( بأسلوبو )


الفقرة التانية :

باعتبار أنو ختمنا الاولى بأنو كان العيد أول أحلى من هلق ...... هلق باعتبار كبرنا ( على أساس ) وماعاد أخدنا عيدية ولا عاد ركبنا مرجوحة ويمكن ( البعض منا ) صار بعيد عن أحلو يلي تجوز ويلي سافر ويلي ويلي ويلي ........

بدي كل عضو يكتبلي كيف قضا اليوم الأول من العيد بالتفصيل أي ساعة فاق وأي ساعة لبس وأي ساعة طلع ولوين وكم قرص حلو أكل وكم فنجان قهوة شرب ( طبعا فنجان القهوة يلي صرنا نشربوا بدل دبوس القاضي اذا بتتذكروا أو غزل البنات !!! ) بدي أصغر شي تحكوا ولا تخجلوا من شي حتى لو مواقف محرجة :10 انكسر كعب الكندرة _ أواعي العيد طلعوا صغار _ توسخ القميص الأبيض عند أول زيارة ..... ) وبدي بالنهاية تختموا مشاركتكن بالتكلم عن الفروق بين عيد الطفولة والعيد هلق يلا لنشوف​

 

[الحرالباكي]

الله عليك يا حسام يا ابو الأفكار:19:
بصراحة ما كنت متمني كون من أوائل المشاركين بالردود بمتصفحك
بس الكلام جذبني وشحطني العنوان لموضوعك شحط
شو ف حبيب أنا ما كنت بدي كون من أول المشاركين أنو نحنا اليوم عنا تاني يوم للعيد وانتو بالشام الأول:19:
وشي تاني لأني برات البلاد وصادف بإني مكسورة أجري الله يعزك
وانا من الناس الي بحبو الفوتات والطلعات بس ماطلعت لمحل أبداً
يعني انا ساكن بمبنى من دورين
ومطل على الشط مباشرةً فأكتر شي بعملو إني كل شو بفتح البلور وبدير الكرسي وبتصفن
بهالبحر ومواجو وموجة بتاخدني وموجة بتجيبني بالأفكار طبعاً :19: ولما بضوج من النت بوئف على هالبلكون شوي
وبس حس حالي بدي روح عيد يعني وأت ما بيكون عندي ضيوف ومالل ع الأخير بنزل على الجنينة لتحت
بأزأزلي شي
ميرنداية وخلصت الحكاية وكل يوم على هالحال
لك لك لك نسيت إحكيلكن على"" مانو:10:""
يسلملي عينو على طول وائف على كتفي وعم يبوسني ويحاكيني
وحاكي بشنن اي هاد مااااانووووو ببغائي
المهم وبس بحب إلك إني بس إتعافى منيح رح إنتقم بالعيد الجاية
ولأحكيلك كلشي بالتفصيل الممل منشان جاكركم :19::19::19::19::19:
وكل عام وانت ببلادكم وبين حبابكم مبسوطين
حسام الورد كترلي منهم هدول تبعات الفضفضة والله الواحد بس يحكي بيرتاح
يمكن مااااااا يلا سمعونا أنتو أخباركم الطيبة ودخيلكم إلولي شوأخبار العمارة والتجارة والخطيب
الله على إيامات الولدنة

ناطر أخباركم شبيبه
​

 

[حسام الحلبي]

سلامتك انشاء الله والله زعلتني




بس وين ماحكيتلي عن الفقرة الاولى طفولتك بالعيد ؟؟؟ بانتظار ردك​

 

[زهرة نيسان]

فئت على صلاة العيد على صوت ماميتي الله يخليلي ياها

بعدين رحت فيقت انووس عاصلاة العيد بس طلع اشطر مني فايق

ماما كانت حاطة عاقناة الدنيا عم تتابع الخطبة

وفاتت مرت اخي وحاملة صينية القهوة

ولييي على ئلبي


ونحنا عم نشرب القهوة

اندق الباب

ترررن ترررن تررررن تررررن

عرفت من دقة الباب مين

اخي حبيب قلبي

جايي عم يعايد علينا وشربنا القهوة سوا نحنا الكل

بعدين كل واحد راح عابيتو

هنن راحو من هون

دق اخي يؤبر ئلبي شو اشتئتلو من ايطاليا

وطلعتلو حضرة جنابي

:10::10::10:

وعايدت عليه وبعتلو بوسات بوسات بوسات

وسلمت السماعة لاامي

وبلش البكي

وااااااااااااااع

ايمتى جايي ياعمري

قلها عاراس السنة

المهم سكر

انا بعد منها قمت ضبيت البيت لاانو ماشالله

مشي البيت من ولاد اخي



بعد منها دقلي حبيبي لاانو متواعدين من شي شهر

نقضي اول عيد مع بعض

فتت عالحمام واخدت دوش

طلعت مسحت الصالون لاانو مدري مين منقط عالارض

وبعدين قمت الغسيلات من الحبل

وعالحارك بلشت لبس لاانو حايصير الموعد

وانا عم البس دق حبيبي

وقللي اي ساعة بشوفك

اتفقنا عال3 بالبرامكة

المهم انا شكلست اوضاعي واتشيكت

ونزلت عالموعد

لااول مرة بنوصل سوا

لاانو دايما بينطرني هو :10:

التقينا سلمنا عابعض

مسكلي ايدي ورحنا بالتكسي عاباب توما



قعدنا بموليا :10:

اكلنا وشربنا

وبعدين قمنا نمشي

بالحميدية


واتصورنا بالساحة مع الطيور وانا عم اكول ترمس

بعدين ونحنا ماشيين بالحميدية

دقت ماميتي قال يلا تعي بدنا نروح نعايد عابيت جدك

:80::80::80:

طبعا سمعت كلمتها

واعتذرت منو وقلتلو بكرا منكمل مشوارنا

وصلت عالبيت من هون

كانو لابسين ومجهزين حالهن

وعالحارك عند بيت ستي

اول مافتت عند ستي

قالتلها لماما

نحفانة كتير بنتك قصدها المحروسة انا :10:


بس ماعجبها لبسي

قال ليش مو لابسة ترانشكوت طويل

وليش هيك البنطلون ديئ



والجاكيت لعند الركبة

وليش كندرتي عليها الماس

ماعلينا

اطلعنا من عند بيت جدي لعند بيت خالي بالشريبيشات :19:

واخدت عيدية عندو




مااحلى العيدية


خلصنا معايدة ورجعنا عالبيت

بس كانووو رجليي عم ينقزو عليي من الكعب لاانو من اول النهار ماشلحتوو

بعدين غيرت اواعيي

وفتحت المنتدى

مع انو فطسانة

وهيك بيكون خلص اول يوم عيد


وكل عام وانتو بالف الف الف خير












​

 

[ياسمين الشام]

بعدين بخبركون​

 

[ابن النيل]

بالنسبة لعيد الطفولة متل ما انت حكيت :80:

بس انا بختلف معك لاني بشوف انه العيد هلئ احسن من العيد زمان


-----------


طبعا انا كنت سهران ليلة العيد مع رفقاتي ومارجعت البيت لبعد الفجر

اخدت دش على السريع ولبست ملابسي وتشيكت وسلمت على بابا و ماما

وسلمت على اخواتي البنات وعايدتهم(انا الولد الوحيد)

وبعدين رحنا كلنا على صلاة العيد صلينا العيد وطبعا العيلة كلها (قصدي عمومي وخوالي وقرايبينا) كلنا متفقين نصلي في مكان واحد وبنجتمع بعد الصلاة نعيد على بعض ونحكي مع بعض شوي وكل واحد يروح على بيتو

بعد مارجعنا قعدت في الحارة شوي سلمت على رفقاتي وتفقنا على المكان الي بروحو بليل طلعت البيت يمكن الساعة 11 الصبح قعدت شوي مع اخواتي وبعدين رحت صليت الظهر ورجعت حطيت راسي ونمت

فقت من النوم يمكن الساعة 5 العصر ورحت جبت غدا من كنتاكي

وبعد المغرب لبست وتشيكت للمرة التانية ونزلت لرفقاتي قعدنا في الحارة لاذان العشا

صلينا العشا ورحنا اتفرجنا على عروض الالعاب النارية(طبعا في السعودية بيعملو عروض العاب نارية من الساعة 9:30 الى الساعة 90:45)

بعدها رحنا اتفرجنا على مسرحية من الساعة 10 المسا الى الساعة 12 الصبح

وبعدين رحنا على منطقة الثمامة(وهي المنطقة فيها منتزهات كتييييير)

دخلنا منتزه وقعدنا فيه يمكن للساعة 2 الصبح وبعدين رحنا على المطعم اتعشينا شاورما
ورجعنا الحارة والفجر بياذن صلينا الفجر وكل واحد راح على بيتو

وها اول يوم في العيد

وكل عام وانتم بخير وعيدكم مبارك


يسلمو اخي حسام على الموضوع

​

 

[حسام الحلبي]

زهرة نيسان كتير متميزة بأسلوبك ولطافتك وتحدثت عن اصغر التفاصيل باعتبارنا هون بالمنتدى مانخبي على بعض شي بدي قلك كل عام وأنتي بخير وحبيبك أنوس والله يخليكن لبعض بس ماحكتيلنا عن الفقرة الاولى من الموضوع طفولتك بالعيد​

 

[حسام الحلبي]

شكرا على كلامك ابن النيل منور​

 

[حسام الحلبي]

بالنسبة الي أنا الحمد لله رب العالمين من الخمسة الصبح نزلت ع الشغل مع أنو أول يوم العيد وكنت يوم الوقفة شاغل 14 ساعة بس !!! بتعرفوا موسم الحلويات أنا شغلي بالحلويات برازق غريبة معمول يعني الاهم انو اشتغلت من 5 الى 2 ورجعت عل البيت نمت من التعب :80::80::80: وعايدتك على اهلي ساعة ماثبتوها وبعتت رسالة معايدة على جوال ابو المر ماردلي ياها كحتوت ..... المهم انو ماشفت اهلي هالعيد وبكلمة اخرى انا مالي معيد شغل ونوم بس الحمد لله سنتين شغل وبيمضوا ادعولي بس​

 

[حسام الحلبي]

من مظاهر العيد

يقلاوة ومبرومة وكول وشكور وووووووو ولي على قلبي

علبة بتيفور لعيونكن


​

السيد الرئيس بشار الاسد يؤدي صلاة العيد وحوله محبيه وشعبه يعايدونه ويعايدهم​

 

[ملكة زماني]

يلا رح احكي

هاد لما كنت صغير كنت كتير لذيذه وأمورة وعجعوجة :10:

بس كنت حب كون مدللة أو بلأحرى بدلل حالي

كنت جنن أهلي وقت بدون يشترولي تياب

ولهلأ بجننون بس مو متل لما كنت صغيرة

بقى كنت افتل من ملكان لملكان حتى يعجبني شي

وطبعاً ما أرضى فوت على البيت

ولا أتزحزح من السوق حتى يشترولي لعبة :10:

طبعا من دون نسيان الكيس يلي معبى بسكوت وشيبس ... الخ

وبس أرجع على البيت دغري قيس التياب الجديدة

وكل يوم أول ما فيق من النوم دغري على الخزانة

لشوف التياب لساتهون ولا حدا أخدون :19:

وبقيسون و كل مايجي حدا لعندنا اركض دغري على الخزانة

جيبون وقلون شوفو تيابي تبع العيد

وابقى على هالحالة هييييييييك ليوم العيد

اجا يوم العيد أكيد ما منحس بالعيد إلا لنروح نصلي صلاة العيد

وبعد ما بفيق الكل بصوتي الحلو وأنا عم اصرخ وأقول اجا العيد اجا العيد

وبتفيق الوالدة بتلاقيني لابسة خالصة عم استناهون لياخدوني على الجامع

وببوس ايدها وايد بابا يؤبش قلبي مشان يعطوني العيدية :19::19:

وبس روح على الجامع ما بصليلي ركعتين إلا بصير بآخر نومة

وأمي يا حرام يلي فيقتها من عز نومها بتكون نعسانة كتييير

بس بتكمل الصلاة لآخرها مسكينة

بس نرجع على البيت بروح دغري على الأكلات الطيبة

يلي جهزتها من مبارح وبعقد أنا وأختي ومنعمل ضيفة وضيوف

ومنلعب ومناكل ومنجيب ولاد الجيران مشان تكبر العزيمة

و بعدها منبلش زيارات ابتداءً من بيت جدي انتهاءً بباب الحارة :19:

قصدي بمدينة الألعاب

وهيك بيمضى العيد توتة توتة خلصت الحتوتة

زكرتني بطفولتي يا حسام اييييه على هديك الأيام








​

 

[حسام الحلبي]

اييييييييييييييييه ذكرتينيا بأيام الطفولة ملكة زماني بس ماحكتيلنا عن الفقرة التانية من الموضوع العيد معك هلق يعني لما كبرتي​

 

[ملكة زماني]

أما بالنسبة لليوم فلا تذكرني

على أساس اليوم أول يوم العيد لازم فيق مبسوطة ومرتاحة

وإذ بفيق عيني عم تجعني بقلها لأختي

بالله شبها عيني وبتشهق الفهمانة هداك الصوت و بتقلي يييييييييي

عينك منفوخة ولي شو منفوخة شلون بدي عيد

ولي على هالصباح الزفت قال عيد قال شه

وبعدين فطرت ورجعت نمت

فقت بعدي شي ساعتين على اساس هلأ بشوف عيني بلاقيها طابت :80:

بقوم بفيق مالي قدرانة فتحها انتفخت أكتر

وصارت حمرا متل الدم

ولي على قلبي على حالي شو هاد من شو

وإذ بتبلش اعيني التانية بتجعني لك شو تجعني التانيه أحلى وتنتفخ

ولي شلون بدي قضي العيد بدي روووووح بس الحمد لله

مابيصير فيها شي العين التانية الحمد لله

بس الأولانية ويلي هيي عيني الشمال .... المهم بلا طول سيرة

راحو أهلي على بيت جدي وبقيت أنا وأختي بالبيت طبعاً مو حلوة اطلع

وعيني قد الرمانة ووشي صار متل القطة عيونها صغار ووشها منفوخ

المهم راحووو وتركونا والله اتسطحت شوي

وبعد شي ساعتين 3 بيتصلو تليفون أهلي من بيت جدي

بيقلولنا تعو لهون العيلة كلها مجتمعة

بس الحمد لله هون خفت عيني كتير شنو حطيتلها تلجة

اي والله ما كذبنا خبر قمت لبست أنا وأختي وحملنا حالنا

ونزلنا على بيت جدي وإذ بلاقي هنيك عمي ماهر ومرتو لمى وولادو رامي وبشر

وعمتي باسمة بس ما اجا زوجها

بس اجو ولادها أحمد وبشائر وعليا ومريم

وعليا جايبه بناتها الاتنتين يؤبشوني كتير لذيذين وحلوين

وعمي ياسر هاد نهفة كتير بيقلولو ( أبو بدر ) :19::19:

اي ما اجا معو حدا ويا حرام اجا بالمكرو شنو السيارة ما خلتو مرتو جيبها :19::19:

وعمتي صفاء كمان بس مالها متزوجة مخطوبة الضرسانة

اي والله روقنا ونكتنا واكلنا حلو العيد

انبسطنا بس الحمد لله

(( بس ماحدا عطاني عيدية )) :19::19::19:

اي وهيك كان يومي ان شاء الله عجبتكم قصتي

سلام


​

 

[حسام الحلبي]

الحمد لله أنو خفت عينك شكرا الك ملكة زمانك عينك كتير حلوة عفوا قصدي مشاركتك كتير حلوة


:19::19::19::19:​

 

[المستشـــار]

يعطيك العافية حسامو

...

والله أول يوم أنا ما نمت فيه

ورحنا لعند عمة بابا أول شي عايدنا عليها

وأكلنا حلو وشربنا قهوة وشرنا شاي

وبعدين رحنا لعند عمتي وهي العادة الدائمة

تعشينا عندها وروئنا وشفنا الأهل والقرايبين ...

وبعدين رجعت عالبيت

 

[قمر الزمان]

:19::19::19::19:
بالنسبة لأيام العيد تبع الطفولة فكانت بتجنن
يعني كنا نحس بالعيد ونكون مبسوطين دايما(غير شكل)
أما بالنسبة لهالعيد :
أول يوم
فئت ع ال12 لئيت الوالد والأخ عم يشطفوا الدرج لأ نو بتعرفوا الجيران بطنشوا(كالعادة)
بعدين عايدت ع البابا والماما
ممممم
بعدين البسنا التياب الجديدة و تيسرنا ع بلودان
تغدينا هنيك و تمينا قاعدين لل 5 تقريبا وطبعا كان برد كتييير و كلو مطر (سيران مسأسأ :80
بعدين بابا وصلنا عند التيتا أم بابا وهوة راح عند رفيقو
وشوف الجنان 7:ما انبسطت)
ما كان عندا غير عمتي والقطة تبعها
وصاروا اخواتي الصغار يلعبو معها و (جنّو)
بعدين اجا الوالد من عند صاحبو
أعدنا شوي بعدين كمان اجت عمتي و زوجها و ولادها
كمان أعدنا 17واعدنا ....واعدنا
بعدين وأخيرا رحنا 1
وصلنا ماما عند عمها
ورجعنا نحنا ع البيت .كانت الساعة 8ونص
بعدين اتصلت ماما بالوالد قالتلو تعا بدنا نروح عند خالت الماما
ونحنا الولاد طبعا تمينا بالبيت
بعدين ع ال11 رجع بابا بس الماما ما اجت
205 وينها؟؟؟
راحت عند عمتها26
بعدين الساعة 1 المسا رجعت 13
وبعدين شفنا باب الحارة وتوتة توتة خلصت الحتوتة
:10:

​

 

[حسام الحلبي]

شكرا على مشاركتك قمر الزمان حكيتيلي على برد بلودان وشوقتني الو نحنا عنا شوب هون بعجمان

 

[ياسمين الشام]

آولاً انا بالليل بسهر و بلنهار بنام يعني لهلأ ماعم حس انو عيد
ضليت فايقة لل11 الظهر بعدين نمت وفقت ع 6 صليت و طلعنا
تمشينا شوي حد البحر بس مانزلنا شوب
وبعدين رحنا للمطعم
و بعد ماخلصنا رجعنا وضليت بالانترنت مسجات و رسائل العيد
واليوم بدي ساوي حلا

تانياً العيد لما كنت صغيرة
آحلى منو مافي :10:
والأهم انو ماكنا نجلس بالبيت كل يوم بمحل
هي بختصار ماابعرف اكتب كتير :80:

يسلمو كتير حسام​

 

[ملكة زماني]

الحمد لله أنو خفت عينك شكرا الك ملكة زمانك عينك كتير حلوة عفوا قصدي مشاركتك كتير حلوة


:19::19::19::19:​

:19::19::19::19:
اي والله الحمد لله لأن كانت متل الرمانة
شكرا حسام موضوعك الحلو ​

 

[ملكة زماني]

:19::19::19::19:
بالنسبة لأيام العيد تبع الطفولة فكانت بتجنن
يعني كنا نحس بالعيد ونكون مبسوطين دايما(غير شكل)
أما بالنسبة لهالعيد :
أول يوم
فئت ع ال12 لئيت الوالد والأخ عم يشطفوا الدرج لأ نو بتعرفوا الجيران بطنشوا(كالعادة)
بعدين عايدت ع البابا والماما
ممممم
بعدين البسنا التياب الجديدة و تيسرنا ع بلودان
تغدينا هنيك و تمينا قاعدين لل 5 تقريبا وطبعا كان برد كتييير و كلو مطر (سيران مسأسأ :80
بعدين بابا وصلنا عند التيتا أم بابا وهوة راح عند رفيقو
وشوف الجنان 7:ما انبسطت)
ما كان عندا غير عمتي والقطة تبعها
وصاروا اخواتي الصغار يلعبو معها و (جنّو)
بعدين اجا الوالد من عند صاحبو
أعدنا شوي بعدين كمان اجت عمتي و زوجها و ولادها
كمان أعدنا 17واعدنا ....واعدنا
بعدين وأخيرا رحنا 1
وصلنا ماما عند عمها
ورجعنا نحنا ع البيت .كانت الساعة 8ونص
بعدين اتصلت ماما بالوالد قالتلو تعا بدنا نروح عند خالت الماما
ونحنا الولاد طبعا تمينا بالبيت
بعدين ع ال11 رجع بابا بس الماما ما اجت
205 وينها؟؟؟
راحت عند عمتها26
بعدين الساعة 1 المسا رجعت 13
وبعدين شفنا باب الحارة وتوتة توتة خلصت الحتوتة
:10:

​

ما انبسطتي مو يا عليي
اي كنتي تعي لعنا كنتي انبسطتي
كنا انا ورنا لحالنا كنا روقنا :19::19::19:​