اجمل الامثال الشامية القديمة

[شام]

---

اجمل الامثال الشامية القديمة

---

اجمل الامثال الشامية القديمة


السلام عليكم ورحمة الله
ليوم جبتلكم امثال شامية ئديمة
يعني ع زمان ستي وانستي

الحجر اللي ما بيعجبك بفجك


السكافي حافي والحايك عريان


الديك الفصيح من البيضة بيصيح


أعزب دهر ولا أرمل شهر
​

الحارة ضيقة والحمار رفاس


العز للرز والبرغل شنق حالو


الله بيطعم الحلاوة للي مالو سنان

القرد بعين أمو غزال


الحكي الك يا كنة اسمعي يا جارة

ايمتا كنا والشمس ترقعنا

الله يطعمك حجة والناس راجعة


الي ايدو بالمي مو متل يلي ايدو بالنار


يلي بياكل لعصي مو متل يلي عم يعدها

انا امير وانت امير ومين بسوق لحمير

يلي ما بخاف من الله خاف منو

ان كان حبيبك عسل لا تلحسو كلو

بس شم تحت باطو صار يرفس

الباب يلي بيجيك منو ريح سدو وستريح


بعد الكبرة جبة حمرة

برغوت قال للبقة يضرب الشرشوح اذا ترقى

بيت السبع ما بيخلا من العظام
بالوجه مرايي و بالقفا صرمايي

تيتي تيتي مثل ما رحتي جيتي

تجوزنا لنتستر الله يرحم ايام الفضيحة

جبنا الاقرع ليونسنا كشف عن قرعته و خوفنا

جدي بدو يلعب بعقل تيس

خنفسة شافت بنتها عالحيط قالت لولاية و مشكولة بخيط

خذ من الحزمة عود و الباقي تنعته القرود


طب لجرة على تما بتطلع لبنت لاما

خدو لبنات من صدورة العمات

خلصوو ان شاء الله ما كون طولت عليكم



​

​

 

[Queen]

يعطيكي الف عافيه يارب ....
​

 

[نكهة جنون]

يسلمو


امتال كتير حلوة

 

[دموع الورد]

يسسسلمو
​

 

[mr_ops]

امثال حلوة كتييير .. تسلم ايدك ..

 

[Tobiza]

كتيير حلويين لهجتنا خطيرة



بسلمو
​

 

[شام]

 

[ḾǑŏǑŏǓĐỸ]

تيتي تيتي مثل ما رحتي جيتي

 

[شام]

 

[RoOoR]

شكراً حياتي

أمثال بتاخد العئل

و هي واحد عالبيعة



مد رجليك على أد لحافك

 

[ندى القلب]

يسلمووو شامو

كتيير حلوين
​