احذروا الأمر Refresh (تحديث) لأنه خطأ يقع فيه الكثيرون

[B.A.R.C.A]

الموضوع بيختص بأمر Refresh (تحديث) اللي كلنا منتعامل معو باليوم الواحد أكثر من مية مرة و ولا واحد مننا بيعرف شو بيعمل هادا الأمر من سلبيات أو بيعرف بس بيعرف بطرق خاطئة جداً.

لو سألت حدا عم يعمل Refresh (تحديث) للـ Desktop (سطح المكتب) أو لأي مكان بالجهاز ليش تكبس عالزر F5؟ أكيد رح تكون الإجابة غربية كتير. رح يقلك منشان ينعنش الجهاز ويصير أسرع بدون ما يخبص, بدون ما يعرف أنو هو يللي عم يخبص...

رح قلك كيف هو يللي عم يخبص... سؤال: شو بيعمل هاد الأمر من الناحية العلمية والهندسية والفعلية, ومنشان نعرف الإجابة ونفهم عالراكز لازم نرجع لورا شوي... يعني نرجع شي 15 سنة...نرجع لأيام ويندوز 95 إذا حدا متذكره أو اشتغل عليه أصلاً.

أيام ويندوز 95 ما كان في أمر Refresh (تحديث) يللي نحنا عنا ياه هلأ. وهادا يللي بيعمل مشاكل معنا بدون ما نعرف, ومن الأمثلة على هالمشاكل أنك لو مثلاً عملت نسخ لملف من أو إلى الـ Desktop (سطح المكتب) على سبيل المثال ممكن بعد عملية النسخ ما تشوف الملف يعني النسخ تم ومع ذلك الملف أو الفولدر مو ادامك. طيب وين الملف؟, وكانت الطريقة الوحيدة للتغلب على هالمشكلة منشان الملف يظهر، أنك تسكر الصفحة يللي أنت فيا وتفتحا مرة تانية, ليش؟؟؟ لأنو أي صفحة بتنفتح بينعمل لها عملية Load يعني تحميل وأثناء عملية الــ Load أو التحميل بيظهرلنا مرة تانية كل مكونات الصفحة بما فيها الملف أو الفولدر يللي نسخناه وبالتالي بيظهر أمامنا.

وهادا كان الحل الوحيد للمشكلة أيام ويندوز95. وكان في نوع تاني من المشاكل أنك مثلاً تحط سي دي في الدرايفر وما بيظهر اسمه أو تطالعه من السواقة وتلاقي اسمه لساتو موجود. طب شو منعمل وقتها؟ كنا بنضطر كمان لتسكير الصفحة وفتحها مرة تانية منشان نعمل عملية الــ Load لمحتوياتها فبالتالي لو في أي تغيير في المحتويات رح يظهر.

وبعدين ظهر ويندوز98 ومعه نفس المشكلة. لكن مايكروسوفت حلت المشكلة مع الإصدار الثاني من ويندوز98 Windows 98 Second Edition بأنها زودت أمر Refresh (تحديث) في القوائم منشان المستخدم يللي بيعاني من أنو في ملفات أو عمليات بتم ومابيظهر تأثيرها منعمل لها Refresh(تحديث) منشان تظهر وبمعنى أوضح أن أمر Refresh (تحديث) بيعمل عملية Reload (إعادة تحميل) لمحتويات الصفحة. وهادا هو مربط الفرس, أظن أننا هلأ قربنا نفهم وظيفة أمر Refresh (تحديث) يلليي كلنا بيألف في تعريفه.

المشكلة الأكبر أن أمر Refresh (تحديث) أمر مو خفيف عالجهاز لأنو عملية إعادة تحميل محتويات الصفحة مو عملية سهلة ومع ذلك منلاحظ أنو معظم الناس والجهاز مهنج أو بطيء أو متنح منشان يعمل أي شغلة عليه أو يفتح برنامج أو يقتح لعبة بيضل بيضغط على Refresh ,Refresh,(تحديث, تحديث) طب ليش؟ يعني هو الجهاز ناقص تقل؟. وبعدين هادا الأمر موجه للمنطقة يللي أنت بتعمل لها Refresh (تحديث) يعني ما رح يساوي (الفرفشة) مع البرنامج يللي مهنج أو متنح بالجهاز يعني مثلاً واحد بيفتح الوورد والبرنامج بيفتح عالراكز بتلاقيه قاعد عم يكبس Refresh (تحديث) على الـDesktop (سطح المكتب), طيب شو فيه الديسك توب لحتى يعمل لهRefresh (تحديث)؟؟؟ وبعدين هادا الجهاز ناقص تقل منشان تتقله أكتر بأمر إعادة تحميل محتويات الصفحة؟؟؟.

مشكلة كبيرة جداً وقعنا فيها بسبب معدومي الخبرة من مدعي المعرفة بأمور الكمبيوتر والناس مظلومين لأنهن مو فهمانين شي وماشيين وراهن متل الأطرش بالزفة.

أرجو أنو الموضوع يخلينا نستفيد ومو بس نقرأه, وبنصحكن تجربو تشتغلو بدون هالأمر وتشوفو الفرق يللي أنا لمستو وخبروني بعدين شو بيصير معكن...وبانتظار ردودكن..
​

 

[إلهام]

ممم انا مابعمل هيك عادة
ولكن بس يجي حدا عندي يستعمل الجهاز فعلا بيبلش تحديث وكتير كمان
شكرا للمعلومة
وتوعية
ونحنا ناطرين جديدك​

 

[ḾǑŏǑŏǓĐỸ]

انا نسيان شي اسمو ريفريش

لأن بعرف هالقصة مو زابطة حسيت شي غريب


بس شكراً على كل حال يا غالي
​

 

[B.A.R.C.A]

نورتوا الموضوع..
ومو المهم اننا ما نساوي هيك بس..
المهم كمان اننا نعرف ضرر هالشغلة حتى بدون ما نساويها..
سلاااام..

 

[دموع الورد]

موضوع كتير كتير مهم

لاني انا من الناس يللي بيعملو ريفريش كتير

يسسلمو للتنبيه
​

 

[B.A.R.C.A]

الله يسلمك يارب والحمد لله انك استفدتي..
سلاااااام..

 

[- ]Safee[ -]

انا كنت اعمل ريفريش كتير...

يسلمو عالفائدة​

 

[B.A.R.C.A]

الله يسلمك يارب..
نورت الموضوع..

 

[القناص]

الحمد لله انا زر f5 مو موجود عندي

 

[B.A.R.C.A]

الحمد لله انك مبعد عن الغلط من زمان..
بس حتى بالماوس بينعمل Refresh..

 

[دموع الورد]

الحمد لله انا زر f5 مو موجود عندي

هو يعني ما بينعمل ريفرش غير بزر اف 5

اي انا بعمري ما عملتو غير بالماوس


​

 

[RoOoR]

انا الريفرش كلو نسيانتو
​

 

[B.A.R.C.A]

مدري ليش نسيانتيه...

سلااام

 

[RoOoR]

​

 

[B.A.R.C.A]

شكراً..شكراً..شكراً..