اخرس وبدك تحب؟؟؟؟؟؟؟؟

[Cosette]

مبارح عم قلب بالتلفزيون
ام طلعت دعاية مسلسل
فيها شب اخرس
عم يقول لبنت اني بحبك
بس الشب اخرس
بقا عبرلها عنها بالاشارة
والبنت عم تحكي بعصبية
متل كأنها مستحقرة الشب انو اخرس
بصراحة الموقف كتير زعجني
بقا السؤال
انو يعني اذا الانسان
اخرس او اصم او اعمى
مانو متلنا متلو!!!!
عندو قلب وبيحس
ما من حقو انو يحب؟؟؟؟؟؟
ليش نحنا شو بنفرق عنو
واذا مثلا حدا منكن تعرض لهالموقف
انو انسان ممكن فاقد احدى الحواس
بس حب شخص منكم حب صادق
بترفضوه وبتصدوه
على اساس انو (اخرس وبدك تحب؟؟؟)

 

[موجة بحر]

ليش حتى ما يحب الاخرس وليش لنتقص منو
ما هو انسان متلو متلنا بمشاعر واحاسيس الله حرمو قدرة النطق
او السمع
يمكن باي لحظة من اللحظات نحنا نفقد هالشي
كتير هالقصص بدايقني وشكرا لموضوعك
اللي رب العالمين عطانا ياه قادرين نفقدو .. يمكن بلحظة يصير معنا حادث لا سمح الله
ونخسر قدرة السمع طيب وقتا بيكون ما من حقنا نحب .. ؟؟؟
الحب مالو مرتبط بأدان ولسان .. الحب مرتبط بقلب ومشاعر واحاسيس
ياما في ناس بلسان وادان ومالن قادرين يعبرو عن حبن او يحافظوا ع حبن
لانو قلبن مالو حابب ولسانن الوحيد اللي بينطق بكلام الحب لانن ببساطة ملعبين
وصدقيني الاخرس والأطرش بيكون حبو اصفى وانقى واصدق

 

[الوتر الحساس]

لانو دايما بينظرولوا أنو هوّ انسان
ناقص عن الطبيعي~
كأنو من ذوي الاحتياجات الخاصهـ~
والسبب ليش هيك بينظولوا لانو بالنسبة الهم هوّ انسان تحت "أدني" المطلوب~
بدهم أنسان كامل أن صفات خُلقية و خَلقية وجيوبهـ كمان~
..
أنا هاد التفسير بالنسبة أليّ
يسلمووو عالطرح الحلووو يا حلووو
نووّرتي
​

 

[آلبتول]

ما بزيد عن الي قالته لؤلؤ عن جد انتي لؤلؤه ونادره كمان
معك حق كثير الي كاملين الحواس بكونو فاشلين في الحب وما بعرفو يحافظو عليه
الحب الصادق الي يتفهم من الاشارات مو بالكلام
والدليل لغة العيون الصامته
فالصمت ابلغ من الكلام

مشكوره على الموضوع ​

 

[lavander]

سبحان الله هو اعطانا وهو قادر يحرمنا

الأكيد انه حقه يحب وبرأيي انه مشاعره ممكن تكون أقوى وأصدق كتير من غيرو

ياريت ماننظر بنظرة غريبة لذوي الاحتياجات الخاصة ونعاملهم بمحبة

طرح مهم جدا يعطيك ألف عافية​

 

[ஃ MAGNUM ஃ]

لاشك ان الانسان عجول بحكمه وتصرفاته
و الانسان مفطور على الكمال, وهاد الشي بدل عليه القران الكريم.
المشكله الدائمه والابديه بالانسان انه بينظر للنقص الي بغيره وما بشوف نقصه
ويمكن الاخرس او الاطرش او الاعمى يكون النقص الي عنده جسدي وما الو زنب
بهل النقص , بس العتب ع الي بكون النقص بعقله وشخصيته وثقته بنفسه ودائما بشوف
الامور بمبداء النقص مش الزود هي النوعيه من الناس هي المعاقه وبتفكر المعاق الجسدي
هو المعاق , بالعكس تماما لان المعاق الجسدي بكون طور حواس تانيه مشان تعوض نقصه
ام المعاق العقلي الي ما بشوف الا النقص هاد عمره ما بتطور لان عايش بعالمه المتخلف
الي بخليه يشوف الفاضي من الكأس دائما.
دينا دين محبه وسلام , فا مين نحن لحتى نحكم مين بحقله يحب ومين ما بحقله يحب؟؟.​

 

[مختار]

سبحان الله هو اعطانا وهو قادر يحرمنا

الأكيد انه حقه يحب وبرأيي انه مشاعره ممكن تكون أقوى وأصدق كتير من غيرو

ياريت ماننظر بنظرة غريبة لذوي الاحتياجات الخاصة ونعاملهم بمحبة

طرح مهم جدا يعطيك ألف عافية​

والله الحئ معك
انا معها برأيها

 

[مشــــ كل ــــا]

شكرا كتير على الموضوع
و انا رح احكي بصراحة و بعقلانية
انا لاني بشر و عندي احساس رح ارد على الموضوع متل ما ردو اخواتي يلي سبقوني
بس رح اسال سوال لكل يلي ردو ابل لو صارت معاهن بيقبلو
اكيد و من غير ما اعرف اجابتن ما رح تقبلو ليش لانو هوة عن جد فاقد شي
و اسف ان كان كلامي قاسي بس هادة الواقع ​

 

[جمانة]

انا برأيي لما الله ياخد شي من انسان
اكيد رح يعوضو بشي تاني
فأكيد هالاخرس رح يكون احسن مني بكتير شغلات
فليش لحتى ما افتحلو المجال و افتح لحالي المجال اني حبو
بعدين الاخرس هلأ صار انسان عادي
في ميت الف طريقة وطريقة لحتى يقدر يتواصل فيها
​

 

[موجة بحر]

شكرا كتير على الموضوع
و انا رح احكي بصراحة و بعقلانية
انا لاني بشر و عندي احساس رح ارد على الموضوع متل ما ردو اخواتي يلي سبقوني
بس رح اسال سوال لكل يلي ردو ابل لو صارت معاهن بيقبلو
اكيد و من غير ما اعرف اجابتن ما رح تقبلو ليش لانو هوة عن جد فاقد شي
و اسف ان كان كلامي قاسي بس هادة الواقع ​

اسمحلي قلك مشاكل انو انا حكيت بكل قناعة
لانو فعلا انا وصلت لقناعة هيي الحب بالقلب والمشاعر مو بالسمع
شو فايدتو اني ارفض حب انسان مخلص وبمشاعر فياضة وباخلاق راقية لمجرد كونو اخرس مثلا او اطرش
وشو الفايدة اني حب انسان لسانو بيفلي فلي بكلام الحب والغزل وهو ما قادر يعطيني شي من هالحب اللي عم يحكي عنو واللي ضفر الاخرس بيسوا كل افعالو
وصدقني ربك ما حرم انسان من شي الا ما عطاه شي افضل
بتلاقي الاعمى ما بيشوف بس حاسة السمع والاحساس بشكل عام وقوة الملاحظة عندو بشكل اقوى من غيرو
وبقلك انا مستحيل ارفض حب هيك انسان

 

[mahmoud salih]

يلي عم يتعامل مع الموقف متل ما ذكرتي هي يلي بيكون عندها نقص بشوفة حالها ...بتكبرها

لكن هذا الأنسان لا ينقصه شيئ ..ويتهيئ لي أنه أفضل بكثير من انسان كامل

انا مع انو مافي فرق ...ولازم الكل يعامل هيك ناس بشفايفة وكأنهم لا ينقصهم شيئ طالما العقل السليم موجود ..فكل شيئ محلول

 

[ḾǑŏǑŏǓĐỸ]

الحب ما دخلوووووووو بلحوااااااااس يلي بيحكي غير هيك بكون ما بيفهم

 

[► Mr.Rami ◄]

إذا وجد التفاهم
قبل المشاعر شي كتير منيح
معناتا بضمن مستقبل باهر

أما إذا مافي تفاهم

العوض على الله
​

 

[Life of the soul]

الحب مابيجي عن طريق الكلام وبس
الحب بيجي عن طريق المشاعر والتعامل
وهيدا الانسان ذوي الاحتياجات الخاصة مو ممنوع عنو يحب
بالعكس هو بشر متلنا متلو
واذا الله ماعطاه لسان يحكي فيه عن مشاعره
عطاه قلب يحب ويحس فيه
​

 

[ساحره البشر]

شوفي انا عن حالي مارح اتجوز واحد اخرس بس ازى كنت بحبوا ئبل مايكون اخرس وصار اخرس رح اتجوزوا وتاعمل معو ع حسب حالتو لانو هو بشر متلي ومتل مائلتي رح حط حالي مطرحوا ورح حس والشخص لازم ئبل اي تصرف يحط مطرحوا بنفس الموقف
موضوع حلو تسلميلي

 

[Pure Feelings]

ما بتوقع حالي حب واحد اخرس او اطرش او او او
مو لنظرة دونية الهون

بس خلينا نفكر بالعقل شوي
ونبعد عن العواطف لدرجة صغيرة

صح انا انثى وبحب وبشعر وانسانية
بس ما رح اتفاهم معو
يعني نحنا الي مافيون شي
ومافي تفاهم بيناتنا
كيف اذا كان فيو علة

يعني انا ما بستحقر الشخص
يعني بيجوز اذا حبني شخص هيك
مارح حبو يمكن اعطف عليه
بس مو حب


ولنفترض مثلن انكن اتجوز حدا فيكون انسان فيو شي
ما رح يخاف ع ولادو
يجو فيون شي
مو حرام يكونو هالولاد انو رح يجو ناقصين عن التانيات
بمجرد انو صار حب بين الاب والأم هاد اذا كان حب من اصلو

المهم هاد رأيي

ما بظن رح يكون في تفاهم
واذا صار في ارتباط بالاخير رح يكون طلاق

وبالنسبة للأخت
لتكوني حابة شي حدا فيو علة وعم تاخدي رأينا
ومتل ما نحنا عطيناكي رأينا
اتحفينا برأيك

 

[somsom]

في شغلة كتير مهمة انو البشر بشكل عام عم يتجردو من انسانيتهم
يعني الموضوع مانو مرتبط فقط بعلاقات الحب
و كتير من الناس بيعتبرو حالون مثال و صورة عن الكمال
و بالتالي اي شخص اخر ما بيتمتع بصفاتهم فهو ناقص

اذا في ناس بيتعاملو على مبدا انت ابن مين و وين بتسكن
و شئد مدخولك ف بتوقع انو فكرة النظر بدونية لاشخاص عندهم بعض النقصان الجسدي هي غير مستبعدة

حياتنا صارت اشبه بالعيش بغابة
المشكلة بهيك ناس انو بيعامل الطرف الاخر على اساس ميزات مادية
ماحيين اي تاثير للجانب الروحي و المعنوي
و الي ما بيشافو الجوانب الداخلية لشخصياتنا اكيد ما رح يتقبلو الاعاقات الجسدية

بس الغريب انو هالناس مفكرين انو معون green card و انو الي صاب بعض الاشخاص
من امراض هو كتير بعيد عنهم او مستبعد حدوثه

(الدين معاملة و اخلاق و هدول ما الهم علائة بالسمع و الكلام او الرؤية هدول بيتعلئو بالئلب و الروح)

الله يطهر ئلوبنا و اروحنا و نوايانا و لا يوقعنا ب مصائب ماننا ئدها
و يرزئنا الرضى بعد القضاء

يسلمو ايديكي عالموضوع

​

 

[الدمشقي]

الحب مشاعر والحواس مكمل

وإذا صدف مع شي حدا هيك وكانت المشاعر صادقة لازم يكون في تنازلات

ويعني ممكن يكون واحد عندو نقص أحسن من 100 واحد كامل

وأقرب مثال أديسون كان بينسا كثير حتى أنو نسي موعد عرسو ورجع على المخبر

وبالرغم من هيك كان مبدع ولو ماكان

كان ما في عندنا شي لأنو هو يلي أخترع المصباح الكهربائي ومنو عرفو الكهرباء

يسلمو أيديكي على الموضوع الحلو والمفيد

 

[ياسمينة]

ياحراااااااااام ع طريقة تفكير هالناس

ميرسي كتير عالموضوع كتير حلو ومؤثر
أنا برأيي هاد الانسان مابينرفض لمجرد أنو اخرس ولازم ينعطى فرصة وأي واحد فينا معرض أنو يصير أخرس بأي لحظة
وماحدا حاطط على راسو خيمة من الإعاقة جسدية أو عقلية

 

[Cosette]

ما بتوقع حالي حب واحد اخرس او اطرش او او او
مو لنظرة دونية الهون

بس خلينا نفكر بالعقل شوي
ونبعد عن العواطف لدرجة صغيرة

صح انا انثى وبحب وبشعر وانسانية
بس ما رح اتفاهم معو
يعني نحنا الي مافيون شي
ومافي تفاهم بيناتنا
كيف اذا كان فيو علة

يعني انا ما بستحقر الشخص
يعني بيجوز اذا حبني شخص هيك
مارح حبو يمكن اعطف عليه
بس مو حب


ولنفترض مثلن انكن اتجوز حدا فيكون انسان فيو شي
ما رح يخاف ع ولادو
يجو فيون شي
مو حرام يكونو هالولاد انو رح يجو ناقصين عن التانيات
بمجرد انو صار حب بين الاب والأم هاد اذا كان حب من اصلو

المهم هاد رأيي

ما بظن رح يكون في تفاهم
واذا صار في ارتباط بالاخير رح يكون طلاق

وبالنسبة للأخت
لتكوني حابة شي حدا فيو علة وعم تاخدي رأينا
ومتل ما نحنا عطيناكي رأينا
اتحفينا برأيك

اول شي منورة
تاني شي بالنسبة لسؤالك
انو كون انا حابة شخص (فيو علة) متل ما انتي عم تقولي
رغم اني برفض هيك تسمية
بحب قلك انو لا
بس انا حبيت استفسر لا اكتر ولا اقل
وحتى لو صارت معي
وحبيت شخص وطلع ممكن ما بيحكي او ما بيسمع
فهاد بالنسبة الي شي ما بيمنع اني حبو وكفي الطريق معو
لانو من جوا بيحبني
شو ضروري كل دقيقة يقلي بحبك وبموت فيكي
بس ما بعرف شو في جوات قلبو
عالقليلة لهلا بحياتي ما شفت انسان اخرس او ما بيسمع بيكذب

كل الكذب عم يجي مننا
نحنا على اساس انو نحنا اصحاء ومافينا البلا
لك بتمنى نوصل لنص صدقن لهالناس يلي (فيهن علة)
عن جد انا بيشرفني اني حب شخص(فيو علة)
تسلمي عالمرور اختي العزيزة
نورتيني