ازا بطونك عم يوجعك فوت لهون

[sweet-lolo]

وصفة لإزالة الوجع الناتج عن غازات أو برد





مرحبا حبايبي

صرلي زمان ما عطيتكن وصفة مجربة من وصفاتي

لهيك قلت لفوت أعطيكن هالوصفة المجربة والمضمونة لوجع البطن

يعني وجع نتيجة برد او غازات

الوصفة سهلة وبسيطة وهي كالتالي

ربع ملعقة صغيرة شمرة
عرق نعناه أخضر أو يابس
ورقتين مليسة
5ورقات اكليل الجبل
التحلية اختيارية اما سكر او عسل
او بدون تحلية

الطريقة :

بتغلي كوب ماء وبترفعيه من على النار
بتضيفي المقادير السابقة للماء وبتغطيا لمدة ربع ساعة أو 10 دقايق
وبس تشربوا هالخلطة فورا بروح الوجع يعني شي سحري
باذن الله ولا تنسوا تقولوا بسم الله الرحمن الرحيم قبل الشرب

وعليكن العافية

​

 

[اميرةالنجمات]

مزعج وجع البطن

الله يعافي الجميع

شكرا عالوصفة يسلموووووون

 

[sweet-lolo]

الله يسلمك نجمتي وميرسي بوكووو على مرورك الكويس
​

 

[اميرةالنجمات]

الله يسلمك نجمتي وميرسي بوكووو على مرورك الكويس
​

 

[عكــ البيلسان ــيد]

أيليه على هالحكي ان كنو صحيح

بتكوني ثورة بعالم طب الاعشاب انتي يابنت

بس ان شا الله اتزكر وصفتك لما يجعني بطني

 

[✿منى قلبي✿]

ييييييييييييي انا وصفتي ما بستغني عنها

اغلي كاسة مي وضيفي عليها الكمون

وبس تصبيها بلكاسة حطيلا عصرة ليمون ورشة ملح

كتير ممتازة لوجع البطن

هلئ وصفتك رح جربها

وجربي انتي هي كمان

بس يلي البو عم يوجعو شو يعمل في ؟؟؟؟

حدا بيعرف ؟؟

 

[ندى القلب]

الله يسلم هالادين لولوو

الوصفه سهله والله يعافي الجمييع

 

[{*B*A*T*M*A*N*}]

ضروري كل هالشغلات خلص ساوي زهورات بيمشي الحال ​

 

[sweet-lolo]

أيليه على هالحكي ان كنو صحيح

بتكوني ثورة بعالم طب الاعشاب انتي يابنت

بس ان شا الله اتزكر وصفتك لما يجعني بطني

اي ان شاءالله تتزكر تعالج وجع بطنك بالأول
على كل أهم عنصر فيها هو الشمرة
بئا ازا ماتزكرت حطلك شمرة بس
بس أكيد وصفتي أسرع وبتفيد شغلات أخرى
صحي ونسيت قلك أن أنا ثورة مو بس بعالم الأعشاب
ثورة بأماكن تانية كمان
​

 

[sweet-lolo]

ييييييييييييي انا وصفتي ما بستغني عنها

اغلي كاسة مي وضيفي عليها الكمون

وبس تصبيها بلكاسة حطيلا عصرة ليمون ورشة ملح

كتير ممتازة لوجع البطن

هلئ وصفتك رح جربها

وجربي انتي هي كمان

بس يلي البو عم يوجعو شو يعمل في ؟؟؟؟

حدا بيعرف ؟؟

يييي دخيلك منى على هالوصفة
طبعا هاي وصفة مفيدة بس غالبا منستعملا
لاشيا تانية متل الرشح أو بدايات كريب
أو ازا حدا عنا ارتفع ضغطه على فجأة
وبالنسبة لوجع القلب عندي حل أكيد
تبقى بعملكن موضوع مطول عليه
من أجل خاطر عيونك يا حبيبتي
والله يشفيلك قلبك يا عمري
​

 

[sweet-lolo]

الله يسلم هالادين لولوو

الوصفه سهله والله يعافي الجمييع

الله يسلمك حياتي
ويعافي قلبك يارب

 

[sweet-lolo]

ضروري كل هالشغلات خلص ساوي زهورات بيمشي الحال ​

لك انتو الشباب كسالى كتير
الله يعين يلي بدها تعلئ معكن بس

ليش الزهورات يلي عم تشربها من شو مكونة يعني؟
مكنونة من عدة أعشاب مو عشبة وحدة

وين الغلط ازا عرفنا المادة الفعالة
الموجودة بالزهورات

على كل يا كسلان متل ما قلت
لعكيد أن أهم شي الشمرة
بس طبعا العناصر التانية
بتعطي فائدة اسرع وأكتر
​