اسوء موقف حصلك بالغربه؟؟ أسوأ موقف لما حدا يحسسك أنك ضيف بالبلد " مالك نفس الحق لصاحب البلد"
احلى موقف شفته بالغربه؟؟؟ مواقف كتيرة بس أحلى شي أنو الواحد بحس حالو بني أدم مستشفيات مرتبة وشوارع مرتبة وأسواق مرتبة وووو... الموقف أنو الدولة بتعالج الناس على حسابها بحق وحقيق وأحسن من القطاع الخاص "متل عنا بفرد شكل"
شو بتحس لما بتشوف شخص من بلدك بمكان غربتك؟؟؟ كتير بنبسط ... وبنبسط أكتر لما شوفو مبدع ومحترم ونضيف ومثلنا خير تمثيل ... أما لما بدي شوف ابن بلدي حرامي ونصاب ووو أكيد ما رح انبسط فيهوالحمدلله قلال كتير
هل انت راضي عما حققته في غربتك؟؟ نعم والحمدلله
هل استفدت من غربتك بشيئ وما الذي استفدته؟؟؟ استفدت أهم شئ ممكن أن يستفيده إنسان عرفت الخطأ والصواب كما يقول الدين لا كما يقوله أي أحد أخر
من لما خلقت :80: 28 سنه 9 منهم بالكويت والباقي هون بالامارات :80:
بتفتخر لانك سوري؟؟؟(او طبعا اي جنسية تانية) بفتخر اني فلسطيني و بحب سوريا
اوصفلي احساس الغربه بكلمه او كلمتين؟؟؟ :80: ما بعرف لانه اصلا مافي بلد ارجعله يعني حتى لما اطلع من الامارات مافي بلد معين بقدر قول انه بلدي :80:
بس اكيد شعور سيء جدا , لانه انت عارف انه مش بلدك و باي وقت بقولولك مع السلامه مع انه احنا اعملنا البلد و احنا الي بنشتغل , بس حكم القوي عالضعيف عنجد بحسسه الواحد انه عم يشحت مش انه عرب و اخوه المصاري بتعمل بلاوي والله حظهم النفط طلع عندهم :80:
لما ترجع لبلدك مين اول شخص تمنى تشوفو؟؟؟ :80: اي بلد بالزبط
لما ترجع لبلدك وين اول مكان بتتمنى تروحلو؟؟
:80: انتي مصمصمه
مين اللي واساك بالغربه؟؟؟؟ اهلي و صحابي ما حسيت انها غربه بمعنى الكلمه بس حسيت بالغربه لما كنت بابوظبي لحالي
اسوء موقف حصلك بالغربه؟؟ اسوء موقف اني مرضت و ما حدا جنبي :80:
احلى موقف شفته بالغربه؟؟؟ ممم ما بتزكر في شي معين
شو بتحس لما بتشوف شخص من بلدك بمكان غربتك؟؟؟ مممم عادي كتار الفلسطنيه بالامارات بس شعور حلو , ابن بلدي
هل انت راضي عما حققته في غربتك؟؟ بصراحه لأ , ما حسبت حساب المستقبل منيح :80:
هل استفدت من غربتك بشيئ وما الذي استفدته؟؟؟ طبعا استفدت , الي بطلع من داره بنقل مقداره :80: لو علي برجع لفلسطين و بنتحر ءال غربه ءال :80:
كم سنه صارلك بالغربه؟؟ والله قصتي بالغربة قصة شوفي انا ولدت يا ستي بالسعودية وادي الدواسر اجيت بعدين ع سوريا منسان ادرس هنيك ... تقريبا شئ خمس سنين ...!! وبعدين رجعت ع سعودية وكنت ناجحة بالصف الخامس...!! وبعدين اجت قامتنا ع سعودية....!! وصرت ادرس هنيك للبكلوريا..!! يعني بحدود عشر سنين قعدت هون ..!! ~~~~~~
بتفتخر لانك سوري؟؟؟(او طبعا اي جنسية تانية) أكيد بعتز أني سورية والحمد لله
اوصفلي احساس الغربه بكلمه او كلمتين؟؟؟ موت بطيء
لما ترجع لبلدك مين اول شخص تمنى تشوفو؟؟؟ كل حبابي وأهلي
لما ترجع لبلدك وين اول مكان بتتمنى تروحلو؟؟ بتمنى أتفتل بالشوارع وضل عم أمشي فيها
مين اللي واساك بالغربه؟؟؟؟ أهلي وأصحابي
اسوء موقف حصلك بالغربه؟؟ لما كنت صغيرة تقاتلك مع بنت سعودية بالمدرسة لأني سورية .. ما حبتني الظاهر
احلى موقف شفته بالغربه؟؟؟ تعرفت على ناس بتجنن ..وصار عندي أصدقاء من بلد غير بلدي
شو بتحس لما بتشوف شخص من بلدك بمكان غربتك؟؟؟ بنبسط فيه .. شعور حلو بتروحن
هل انت راضي عما حققته في غربتك؟؟ لا .. أنا بقدر حقق أكتر من هيك بس الغربة مقيدتني
هل استفدت من غربتك بشيئ وما الذي استفدته؟؟؟ الغربة مدرسة من مدارس الحياة واكيد بتعلمنا تعلمت كيفية التعامل مع أنواع مختلفة من الناس وتعرفت على طبايع وعادات مختلفة عن بلدي
كم سنه صارلك بالغربه؟؟ مواليد ابوظبي :10: بتفتخر لانك سوري؟؟؟(او طبعا اي جنسية تانية) اي اي اكيد
انا سوري اه يا نيالي :10:
اوصفلي احساس الغربه بكلمه او كلمتين؟؟؟ انا عني بشوف الغربة حلوة باوقات
وصعبة باوقات
حلوة لانو كلشي مرفه فيا بالنسبة لابوظبي يعني
وكلشي موجود وعلى احسن ما يكون
وصعبة لانو كل اهلياتي بالشام
لما ترجع لبلدك مين اول شخص تمنى تشوفو؟؟؟ بحب شوف ستي اولن
وشوف بيبي :10:
لما ترجع لبلدك وين اول مكان بتتمنى تروحلو؟؟ بحب فورا روح ع مضايا
لفوووء ئعد هونيك
وبتمنى لو فيي روح ع الشام القديمة :10:
مين اللي واساك بالغربه؟؟؟؟ اكيد اهلي
اسوء موقف حصلك بالغربه؟؟ ممممممممم
لما انفصلت من المدرسة :19::19:
احلى موقف شفته بالغربه؟؟؟ ممممممم راضية عن كلشي انا
الا شغلة الشوق
شو بتحس لما بتشوف شخص من بلدك بمكان غربتك؟؟؟ يييييييييييييي بصير انا وياه صحاب :19:
هل انت راضي عما حققته في غربتك؟؟ اي الحمد الله
هل استفدت من غربتك بشيئ وما الذي استفدته؟؟؟ اي استفدت
عرفت الناس اكتر
عرفت انو القلب الطيب مو منيح كتير
وما لازم اعطي ثقتي فورا للعالم
وما انغش بالمظاهر ابدا
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.