التريكس كما تعلمتها

[اميرةالنجمات]

اليوم رح احكيلكن عن لعبة التريكس
متل مااتعلمتها
و بما انو اللعبة نشاط محبب للنفس
خاصة الطرنيب والتريكس ياسلام
شغلة بالسهرات والجمعات
البعض بيمارس هالالعاب من الكبار والصغار متمركزين بالربوة والروضة

او بالمزرعة
او بالبيت
وظيفتها الأساسية لم الشمل ..
مممم هلا بالنسبة للعبة التريكس
ع الشرح صعب الواحد يتخيل الموضوع
بس بالواقع ممكن تفهمها بعشر دقايق متل ماصارمعي
ولكن التطبيق المحترف بدو سنين بدون مبالغة .. يعني ممكن نقول 3 سنين ..
أو 732 برتية ..
أو 586 ساعة معتمدة ..
طبعا في ناس بجيبوها بوقت أقل ..
وناس باكتر بإختلاف قدرتهم على الحفظ
ومستوى الاستيعاب


كرمال يصير عندكم إلمام بجميع الأمور ..
بركي ماحدا بيعرفا
والي عندو طرق للعب اي نوع يخبرنا

لعبة التريكس:
عدد اللاعبين
يلعبها اربع اشخاص
وهناك طريقتان للعبها (الشراكة واليهودية)

وهلاء رح احكي ع طريقة الشراكة
...................................
-يجلس الشريكان متقابلان
-تتألف اللعبة من اربعة ممالك (رينز)
حيث لكل لاعب مملكته التي يختار فيها اللعبة التي يريد
-وعدد الالعاب في كل مملكة خمسة
(التريكس- اللطش- الدينار- البنات- الختيار)
يلعبهم بالترتيب الذي يتناسب مع ورقه
-يبدا بالاختيار يلي عندو سبعة الكبة
ومن ثم تنتقل المملكة للاعب الذي على يمينه
التسجيل:
-يتم التسجيل لاحد الفريقين فقط
لان النتيجة النهائية بنهاية كل مملكة هي نتيجة الفريقين باختلاف الاشارة(+,-)
*طبعاالفريق الرابح هو الفريق الذي ينهي اللعبة
ونتيجته موجبة
الالعاب:
اللطش:
يجب ع اللاعبين عدم اكل اللطوش
قدر الامكان
وكل لطش يأكله الفريق يسجل له(-15)
الدينار:
يجب على اللعبين عدم اكل الدينار ايضا
وكل ورقة دينار يحتويها اللطش الذي يأكلوه يسجل لهم(-10)
البنات:
يجب ع اللاعبين عدم اكل البنات
وكل بنت تسجل (-25)
الختيار:
يجب على اللاعبين عدم اكل ختيار الكبة
والذي يأكل الختيار يسجل له (-75)
التريكس:
-وهي عبارة عن لعبة صف ورق حسب الترتيب
-يبدأ الصف من الشب
حيث يرقم من فوق(بنت ختيار اص)
ومن تحته من العشرة وحتى الاثنين(الجويزة)
-اللاعب يلي ينهي ورقه اولا
يسجل له(+200)
الثاني (+150)
الثالث(+100)
الرابع (+50)
............................
ملاحظة:
يجمع كل ما يخص الشريكين سوية
.......................................
يمتلك لاعبي التريكس بعض المصطلحات والاعراف الخاصة
مثل:

-جبلو تكسي
(تستخدم اذا اكل احد الفريقين البنات الاربع)
-طقم مع كرافة
(تستخدم اذا اكل احد الفريقين 13 دينارية)
-لا يغرك الكر باول طلوعه
(اذا تقدم احد الفريقين ببداية اللعبة بسكور
مو جب عالي
يقولها احد لاعبي الفريق الخصم للتقليل من معنوياتهم
-لعاب خصمك اخضر
(يقولها احد اللاعبين عندما يلاحظ الارتباك على شريكه
والهدف منها ان الفريق الخصم طري
(متل النباتات الخضراء)
وهي تدخل في اطار الحرب النفسية)
-بس لتكبر
(يقولها احد اللاعبين عندما يطلب منه
اللاعب الذي يقوم بتوزيع الورق
بان يقوم بعملية القطع للتاكد من عدم وجود الغش)
-التفريش:
من اهم المصطلحات المستخدمة بلعبة التريكس
واكبر عيب على لاعب الشدة ان (يفرش)
من الاعراف الشائعة
-انولما تنتهي اللعبة ويريد الفريقين
ان يلعبو مرة اخرى
ان يقوم لاعب من الفريق الخاسر
بتوزيع الورق
- - - -
-غالبا ما تبدأ لعبة التريكس بالتحدي وتنتهي بالنزاعات
وخاصة اذا ما شك الفريق الخاسر
بان الفريق الرابح قد غش اثناء اللعب
والاكثر طرافة
عندما يبدا النزاع بين الشريكين
(بيكون واحد منون عم يخبص باللعب
وما عم يفهم على شريكو)
وهنا ترى نظرات الشماتة
ع وجوه الفريق الاخر
الذي يكتفي بمشاهدة المشاحنة والابتسام
ويمكن يتبادل التعليقات مع شريكو
متل انو يحكي
ضعاااااااااااااااااااااف بدون فت خبز
وهلشي بزود الطين بلة والى مزيد من العصبية
او يرمي واحد منهن الورق بوجه التاني


بسيطة ان اجت ع زت الاوراق
اذا مارئعولن كم يمين طلاق
او كم ....استغفر الله

 

[Lobna]

الشيء الوحيد الي فهمته من هاللعبه انها تنتهي بخناقه

 

[إلهام]

والله حريفة لعب
انا بحب العب بناكل وهند
بدنا ناخد دورة عندك
يسلمو ​

 

[اميرةالنجمات]

الشيء الوحيد الي فهمته من هاللعبه انها تنتهي بخناقه

هي مو دائما بتنتهي بخنائة ع حسب العالم يلي عم تلعبي معهن
نورتِ

 

[اميرةالنجمات]

والله حريفة لعب
انا بحب العب بناكل وهند
بدنا ناخد دورة عندك
يسلمو ​

هو يعني مو حريفة بس بلعب منيح تئريبا
سهلة كتير انو يتعلمها الواحدع فكرة
منورة وردة

 

[{Dark~ Lord}]

انا محترف بي هي لعبه حتى في بعض عالم مندون ذكر اسماء خسرو من يومين

 

[STELLA]

فتت بالحيط رسمي

لازم شوفك لايف حتى تعلميني اياها

 

[اميرةالنجمات]

انا محترف بي هي لعبه حتى في بعض عالم مندون ذكر اسماء خسرو من يومين

بتتحداني يامااااان
لانو بئولو واثق الخطوة يمشي ملكاً
نورت الموضوع

 

[ḾǑŏǑŏǓĐỸ]

لعبة التريكس:
عدد اللاعبين
يلعبها اربع اشخاص

وهناك طريقتان للعبها (الشراكة واليهودية)

وهلاء رح احكي ع طريقة الشراكة

امون تعديل بسيط

لعبة التركس بتنلعب شراكة ويهودية ومجنونة يمكن ما بتعرفوها المجنونة يهودية

وبتضم تسمايتين اما مجنونة وتضم(الدينار= الختيار=البنات=لطش)
هدول تسماية وحدة اسمها مجنونة

وعحسب ما يأكل الشخص يسجل له

التريكس المسمى التاني

لعبة تريكس العادية
الاول200
الثاني150
الثالث100
الرابع50

هي المجنونة








امون على فكرة انا كل يوم الي برتيتين من 3 سنين بلعبها

والحمد الله صاير حريف وعديد ورق غير شكل وسألو بلاك مان عني

 

[اميرةالنجمات]

فتت بالحيط رسمي

لازم شوفك لايف حتى تعلميني اياها

ماشي بي بي ولا يهمك بعلمك
نورتِ

 

[- ]Safee[ -]

شكراً عالشرح الوافي..
أحلى شي بكل هاللعبة التنئير عالخصم لحتا ينفلج

ميسي ما شا الله حولك​

 

[ḾǑŏǑŏǓĐỸ]

ه في ناس قالت محترفة وما بتعرف تعد اكتر من لون
​

 

[ḾǑŏǑŏǓĐỸ]

انا محترف بي هي لعبه حتى في بعض عالم مندون ذكر اسماء خسرو من يومين

قال محترف قال
​

 

[sad souls king]

احلى شي المحترفين
​

 

[اميرةالنجمات]

لعبة التريكس:
عدد اللاعبين
يلعبها اربع اشخاص

وهناك طريقتان للعبها (الشراكة واليهودية)

وهلاء رح احكي ع طريقة الشراكة

امون تعديل بسيط

لعبة التركس بتنلعب شراكة ويهودية ومجنونة يمكن ما بتعرفوها المجنونة يهودية

وبتضم تسمايتين اما مجنونة وتضم(الدينار= الختيار=البنات=لطش)
هدول تسماية وحدة اسمها مجنونة

وعحسب ما يأكل الشخص يسجل له

التريكس المسمى التاني

لعبة تريكس العادية
الاول200
الثاني150
الثالث100
الرابع50

هي المجنونة








امون على فكرة انا كل يوم الي برتيتين من 3 سنين بلعبها

والحمد الله صاير حريف وعديد ورق غير شكل وسألو بلاك مان عني

انا صراحة مابفضل الشراكة بالتريكس
اي حلو منور مودي

 

[اميرةالنجمات]

شكراً عالشرح الوافي..
أحلى شي بكل هاللعبة التنئير عالخصم لحتا ينفلج

ميسي ما شا الله حولك​

اي والله لما بتنئر بجلطو مو بس بتفلجو ياحياااااام
منورصافي

 

[اميرةالنجمات]

احلى شي المحترفين
​

صح منور

 

[ḾǑŏǑŏǓĐỸ]

من وين نكشتي أمون هالموضوع
​

 

[اميرةالنجمات]

من وين يعني

مارح ئلك

منور مودي

 

[{*B*A*T*M*A*N*}]

والله باينتك حريفة ​