الحجاب ............. بين تشريع الخالق وآراء العباد ؟؟؟؟؟؟

[► Mr.Rami ◄]

لا أعرف سببا لأختلاف الآراء والتحليلات حول موضوع ثابت ويخص العلاقة بين شخص وخالقه

ولا أرى مايخول لأحدهم أن يحكم على أخر من خلال لبسه أو أو أو

لست شيخا ولا مفتيا كي أشرح الموضوع من ناحية دينية ولكنني أعلم أن الحجاب مفروض على النساء منذ البلوغ

والقرار يخص صاحبة القرار والحساب لرب الحساب

ولكن من المخطئ أن نحكم على المرأة أو أي شخص وعن كامل حياته وتوجهاته من خلال قرار واحد ؟؟

ولكن المزعج في الموضوع والسائد في مجتمعنا

هو التناقض الصارخ والمتفشي بين طبقات مجتمعنا المختلفة عن نظرتهم للحجاب
فهناك توجه يقول أن الفتاة غير المتحجبة هي فتاة سهلة المنال وهذه النظرة خاطئة كليا
وتوجه أخر يقول أن الفتاة المتحجبة هي فتاة مثيرة أكثر وأنها تخفي تصرفاتها خلف الحجاب وهذا تصور خاطئ أيضا

يعني وين يروحو البنات بحالهن شو ماساوو مابيخلصو

وتوجه وتوجه وتوجه
والغريب في الموضوع أننا نرى شخصا يدعم التوجهين ويسانهدهما كلللللليا !!!!!!!!!!!! ويقبل بكليهما
وشخص تاني متوهم أنو مفاتيح الجنة بين يديه وبس يفوت سيغلق الباب خلفه ويقرر مين يدخل ومين يضل للنار
مع أنو في ظواهر حرام ومتفشية بمجتمعنا وماحدى بينقدها متل الرشوة والتدخين ووووو
من حق الرجل أن يختار شريكته من المتحجبات ومن حقه أن يطلب منها أن كانت غير متحجبة أن تتحجب

ولكن الصحيح والمخفي أن الله عز وجل يعلم ويرى
وأن طرق التقرب لله عز وجل كثيرة ومتعددة وليست محصورة بالحجاب وحده
ولذالك تركو الناس بحالها وحلو عنها
وعفوا للأطالة :80:

سلاااااااااااااااااااااام

أنتو شو رئيكون
​

 

[butterfly]

عجبتني عبارة اتركو الناس بحالها وحلو عنها ..

انا شخصياً متحجبة والحمدلله..
مادام انا راضية ربنا وعارفة شو عم بعمل
وطريقة لبسي لـ الحجاب طريقة اشبه بـ شرعية
وبدون لفت الأنظار .. الخ
مافي بعد هيك كلام
يعني كلام الناس كتير وقليل صح وخطأ ..
ما بأثر عليي ولا بهمني
لانو اذا احكام ربنا والشرائع الإسلامية عم
يحللو ويحرمو ع كيفهم شو ضل؟؟؟؟؟

والأقوال يللي وردت بـ الموضوع
من انو الـ مش متحجبة سهل انو تحصل عليها
والمتحجبة "بما معناه" مخباية بـ تيابها
برفضها رفض قطعي .. لانو هـ الحكي مش صحيح
في كتير بنات متحجبين وبيعملو السبعة وذمتها
ومش متحجبين كـ اخلاق ومعاملة بتكون ولا احسن من هيك
واكيد لـ كل قاعدة شواااذ

وأن طرق التقرب لله عز وجل كثيرة ومتعددة وليست محصورة بالحجاب وحده

{وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ } .. صدق الله العظيم

اذا كل شغلة فرضها ربنا علينا بدنا نحكي هـ الفرض ليس محصور
وفي طرق اخرى لـ التقرب لـ الله تعالى على الدنيا السلام!!!

.....
وآراء العباد ولا عمرها بتنتهي
اتعوووووودنا

مشكور رامي ع الموضوع
ويعطيك الف عافيه
​

 

[ندى القلب]

موضوع حلو مستر رامي

كلنا بنعرف ان الحجاب مفروض على المسلمه

ومافي شي اسمه قناعتي وقناعه جارتي هاد اولاا

تانيا الحجاب ليس حجاب الراس وتغطيه الشعر فقط

متل ماحنا شايفين هالايام .......الحجاب لباس شرعي من كل النواحي سااااااااااااتر

وتالتا وهو الاهم الحجاب ليس حجاب الملابس فقط

هناك حجاب للقلب وللعين والشعور واللسان وكلنا يعلم طريقه حفظ انفسنا

وللاسف هناك الكثيرات محجبات شكلا فقط ولكن التصرفات شيئ اخر

وانا معك ان موضوع اللباس ليس اساس للحكم

على الانسان ان كان ملتزم اولا.........هناك الكثيير من الامور المفروضه

علينا كمسلمين ولايلتزم بها الكثير من الناس ومع ذلك

لايرون في انفسهم اي مخالفه متل ماقلت عن الرشوه و امور تانيه مخفيه​

 

[ĻàĎỷ iЙ ŖẼD]

:19::19::19::19::19::19:
انا شخصيا مو بس متحجبة ا
انا مبرقعة بما اني عايشة بالسعودية
بس اذا جيت عسوريا بتحجب لما بطلع بالشارع
اما ئدام اولاد عمي غيرو زيارات
بكل صراحة انا ما بتحجب ئدامون
​

 

[حلبي]

مشكور اخي الكريم على الموضوع
أنا برأيي الشخصي المتواضع
بما أن الأمة وصلت الى ما وصلت أليه من الذل و الهوان فهناك من يترصد لها و يريد أن يقضي عليها قضاء مبرم
فتارة يدعي تحرير المراة و تارة التحرر من عبودية الأديان و تارة أن الدين أفيون الشعوب و يحاول أن يجري تجارب قامو بها في شرق أسيا و جنوب أمريكا من خلال التجارب على الديانات الوثنية ليقحمو هذه التجارب على الدين السماوي الذي قام بنشر تعاليمه في كافة أصقاع الأرض من جنوبها الى شمالها و من شرقها الى غربها و دام الحكم الأسلامي لمدة 1300 عام و لولا أن المسلمين أتبعو الهوى و الشهوات لما سقطت دولتهم
فكل هذا أسمه تخبط فهم من فشل الى فشل و للأسف أن الذين يقومون بهذه الدعوات من وقت الى أخر هم من أبناء جلدتنا
على كل حال لا تزال أمة محمد صلى الله عليه و سلم بخير
ومن أفضل حال الى أفضل حال
على الهامش : عندما قام الصرب و الكروات بالعدوان على البوسنة و الهرسك كان عدد حافظين القراَن 124 مسجلين في الرئاسة الأسلامية في البوسنة
أما اليوم و بعد مقتل أكثر من 250 ألف بوسني و جرح أكثر من 350 ألف و طبعا أغلبهم من المدنيين و الشيوخ و النساء و الأطفال المحاربين مسجلين و معروف عددهم بالضبط لأن الأتحاد الأوروبي مشرف على الأحصائيات
أضافة الى أكثر من 600 ألف من المهجرين حالياً أي أنهم لم يعودو الى البوسنة حتى الأن ألا لزيارة مؤقتة لأنهم أستقرو في الدول الأخرى
المهم أن عدد الحفاظ اليوم تجاوز الألف
و الجامعات الأسلامية منتشرة بشكل أكثر من ذي قبل بل هي مواكبة لأحدث تطورات العصر و الذي يتخرج من الثانوية الأسلامية يمكن له أن يحصل على أعلى مستوى قبول دراسي في أي جامعة تقنية أو علمية في أي دولة في أوربا أو أمريكا
ناهيك عن أقدام الشباب و الشابات الى العلوم الأسلامية و كثيراً ما تشاهد ناس ملمين بعلوم الدين بشكل ممتاز
لذا أخواني الكرام أذكر مقولة من فيلم عمر مختار عندما قال أن الضربة التي لا تقسم ظهرك تقويه
و لله الحمد و المنى

 

[مختار]

انا مع الفراشة بكل شي
​

 

[Pure Feelings]

لي عودة

 

[Cosette]

هلا بيقلولك مافي قناعة بالحجاب
بس بظن لازم يكون في قناعة
لانو البنت ما رح تلتزم بشي اسمو حجاب بدون قناعة
وبالنسبة لحكي الناس
لهلا ما بعرف شو بدن بصراحة
لانو ان تحجبنا
بيحكو
ان ما تحجبنا
بيحكو
شو ما ساوينا بيحكو
ومتل ما قلت
تاركين المشاكل الكبيرة ولاحقين البنات
يعني بصراحة ما بعرف شو بدي قلك
الله يعيننا
ويثبت العقل بالراس احسن شي

 

[butterfly]

هلا بيقلولك مافي قناعة بالحجاب
بس بظن لازم يكون في قناعة
لانو البنت ما رح تلتزم بشي اسمو حجاب بدون قناعة

اسمحيلي اعقب ع ردك ..


كلامك مزبوط ولا غبار عليه
لانو لو مافي قناعة رح تلبسو يوم اه و10 لأ
واذا كانو اهلها يللي غاصبينها حـ تتظاهر قدامهم
بـ لبسو ومن وراهم حـ تشلحو "وبعرف كتير بنات متل هيك"
وبـ التالي الحجاب رح يصير عادة وليس عبادة
يعني بـ النهاية حلو يكون لبسنا لـ الحجاب نابع من جواتنا نحنا
مش لانو ماما وخالتو وابصر مين لابسينو ..


​

 

[الدمشقي]

والله هاد شأن البنات إذا ألتزمو الله يثيبهم أما إذا لا حسابهم عند الله

أنا بعرف الحجاب مفروض بالكتاب والسنة والإجماع وما حدا بيحسن يقول غير هيك إذا كان مقتنع بالحجاب أو لا

حتى جورج دبليو بوش لما أستلم رئاسة أميركا كان مرض الإيدز منتشر كثير وكان عندو خطاب
والناس عم يقلولو لاقيلنا حل للإيدز

أم شايف بنات أميركيات مسلمات محجبين طالعين من الجامعة قام قلهم الحل أنو يصير
بنات مجتمعنا مثل هدول

مع تحياتي

 

[Cosette]

اكتر من البنات يلي اهلن غاصبينن عالحجاب مافيه
بس كمان لازم الاهل ما يضغطو عالبنات بهالشغلة لانو ما رح يكون متل ما بدن
ومتل ما حكيتي البنت ادامن الله حيو السترة ومن وراهن الجا روجار الجار واخو الرفيقة وما بعرف مين
بتطلع ادامن بلاحجاب
والله يهدي الجميع
​

 

[الدمشقي]

كما
وأظهراستطلاع أجرته منظمة العفو الدولية في لندن شمل أكثر من 1000رجل وأمرأة أن السبب الأساسي للجرائم الجنسية التي تشهدها بريطانيا تعود لعبث المرأة ولباسها الفاضح

 

[ĻàĎỷ iЙ ŖẼD]

انا معك اخي الدمشقي
بس لما البنت بتشوف امها شو كنات تلبس
ئبل وهي بعمرا
التنورة للركبة
والبلوزة نص كام
وهلق جايي الام بذات نفسا بتجبرها على الحجاب

فأكيد وئتا البنت ما رح تقتنع بالحجاب


​

 

[butterfly]

كما
وأظهراستطلاع أجرته منظمة العفو الدولية في لندن شمل أكثر من 1000رجل وأمرأة أن السبب الأساسي للجرائم الجنسية التي تشهدها بريطانيا تعود لعبث المرأة ولباسها الفاضح

​

انا معك اخي الدمشقي
بس لما البنت بتشوف امها شو كنات تلبس
ئبل وهي بعمرا
التنورة للركبة
والبلوزة نص كام
وهلق جايي الام بذات نفسا بتجبرها على الحجاب

فأكيد وئتا البنت ما رح تقتنع بالحجاب

​

بس ع زمن امي وامك كان الجهل منتشر كتير
وكان هـ الشي عادي
لانو ماكانو واعيين ع يللي بيعملوه
وماحدا كان يوعيهم وينصحهم
اما هلأ احنا عنا نت وتي في .. والخ
يعني هاي مش حجة
​

 

[ĻàĎỷ iЙ ŖẼD]

يمكن معك حئ بهالنئطة
بس والله ما بتنجبر البنت على شي
اا اا ما كانت مقتنعة فيه رح تشلحو من غير علم اهلا​

 

[الدمشقي]

يمكن معك حئ بهالنئطة
بس والله ما بتنجبر البنت على شي
اا اا ما كانت مقتنعة فيه رح تشلحو من غير علم اهلا​

مظبوط هاد الكلام بس هون لازم يكون من الأصل موجود رادع ديني عند البنت

حتى تقتنع بالحجاب وإذا ماكن في رادع ديني عند البنت أو الأهل بقى بدك تكبري عليهم أربعة تكبيرات بلا ركوع ولا سجود

ويالأخير اتوصلنا أنو الأصل القناعة براقبة الله ومحبتو هي بتولد عنها الأيمان بأن الحجاب فرض

مح تحياتي

 

[الدمشقي]

بالنسبة لأهل زمان كانو ملتزمين أكثر من هاد الوقت مثلا ستييني وأمي وخالاتي وعماتي وأخواتي

كلون بيطلعو بالبانطو والخمار

وما بدي الفساد يكبر إلا من بعد التلفزيون والستالايت والإنترنت

وطبعا كلون سلاح ذو حدين ممكن نسمع التلفزيون قرآن وممكن نشوف فلم إباحي

وبنرجع لنفس النقطة هون الكمان هي الرقابة الإلهية والشعور بها ومعرفة أنو الدنيا دار فناء

 

[ஃ MAGNUM ஃ]

رامي الموضوع الي طرحته شائك جدا
والقناعات الملتفه حواليه كمان مخجله جد , هلاء منجي لمثيرين قضية الحجاب بحجة الحرية الشخصيه وأن الحجاب مولازم ينفرض ع البنت ولازم يكون اختيار شخصي .
تعو نفصل ونتقصى وراى هل الناس مين هنن ؟؟؟؟؟ اكيد معروفين مين هنن لان مجرد تصفح منتدى ملحد او علماني أو ايش ما بدكم تسموا سموا بتلاقي ان موضوع الحجاب متصدر قائمة المواضيع الاكثر مشاركات يا حذركم ليش ؟؟؟؟؟ لان هل الطائفه من الناس ووراهم اليهود بيعرفو حق المعرفه ان المرأه هي الي قادره ان تصلح المجتمع وهي الي قادره ان تفسد المجتمع وبيعرفو كمان ان الحجاب هو نقطة الدفاع لاولى عن اخلاقيات المجتمع الاسلامي لان متل ما تفضل البعض الحجاب هو حجاب ... يعني ساتر يعني اخفاء كل ماهو مثير للشهوات والالتزام بما أمر الله عزوجل.
هلاء اذا في البعض بقلك ان الحجاب قناعه ......ردي هون ,هاد رد انسان غير مسلم لان الحجاب انفرض على المسلمين ومش خيار الهم ليقتنعو فيه
وبالمقابل صارت حدود الله كلها قناعه يعني انا بصير بزني وبجاهر بهل الامر بسكر وبجاهر بهل الامر بلعب قمار وبجاهر بهل الامر وكل هل الحكي تحت باب القناعه الشخصيه وحسابي على ربي اذا هل الامر صار شو عاد بيفرق البني ادم عن الحيوان ؟؟؟؟؟؟يا اخوان الحجاب مفروض بكل الاديان بالمسحيه واليهوديه قبل الاسلام والدليل واضح من ملتزمين الاديان الاخرى
منجي نحن الي رب العالمين كرمنا وخصنا بالدين الكامل المكمل ونرفض ما جاء بكتاب الله تحت راية الحريه الشخصيه عيب .... والله العظيم عيب علينا ان ما نستحي من رب العالمين ومن رسوله الكريم صلى الله عليه وسلم
بذكركم بالايه الكريمه
قال تعالى: وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قل إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ 120 سوره البقره
وهاد الحكي بيعني يانساء وبنات المسلمين بتتخلو عن الحجاب او بتشلحو تيابكم حتى... مارح ترضى عنكم هل الطائفه المثيره لهل الجدل الشيطاني لتكفرو بالاسلام على الاقل او تتبعو ملتهم.

وتكفرو بالاسلام يعني تتخلوا عن فرائض ربنا عز وجل مش اشهاركم الكفر او الالحاد.

​

 

[روح الشام]

هوي انا صحيح يوم بحط الحجاب ويوم هئ
بس مقتنعة فيه وبعرف انو واجب
بس مافيني البسو
لانو اذا بدي البسو لازم كون لابسة قميص طويل
وبنطلون مو ديئ وانا مافيني بموت اذا لبست هيك
فيعني والله ألبس بلوزة ديئة وبنطلون كوب سيجرت وحجاب
؟؟؟؟؟
ماصار الو داعي الحجاب مو
يعني اذا بدي حطو وانا هيك لابسة كلو ح ينتقدني ويحكي عليي
لانو انا بحكي عاللي هيك بيطلعو :19:
فمشان هيك مابحطو
بس ايام بحطو :10:
يعني هون بالسعودية اكيد بحطو لانو شي بخوف هون
وكمان ايام بحطو ع حسب الفئسة
كأنو عم بلعي عالفاضي
خخخخ بس عم بحكي عن حالي انا
هوي صحي الحجاب شي ضروري ولازم البنت تحطو
بس الله يهدينا يارب

 

[Life of the soul]

في شغلة بمجتمعنا العربي والاسلامي باالتحديد
بيفرضو الحجاب فرض يعني بيكرهونا فيه
وهو المفروض من الاهل او اي شخص تاني يحببنا فيه بعدين يئلنا اتحجبو
واكيد عبادة الله عز وجل مابتجي بس بالحجاب
في عنا الصلاة وهي ركن اساسي بالدين وبعدو الصيام .....
يعني انا بستغرب من الاب يلي بيسأل عن الحجاب قبل ما يسأل اذا البنت عم تصلي وتصوم او لأ
لذلك الحجاب انا بحسو لازم يكون بالقناعة مو بالاكراه
وبالأخير الله عز وجل هو يلي بدو يحاسبا مو اهلا

شكرا رامي ع طرحك لهيدا الموضوع
وتقبل مروري
​