الحكي الحلو

[قيــ الروح ــثارة]

هاي شباب وصبايا

أنا عندي موضوع عديت للمليون قبل ما نزلو

مشان هيك حبيت اطرح هالموضوع بليز للمساعدة وللنقاش

انا مشكلتي انو بحب الحكي الحلو

وعندي أصدقاء كتير شباب ومحتؤمين وبحترمون

والمشكلة انو لما بدي أحكي مع حدا منون أحيانا
لا شعوريا بقول أهلين تقبرني
اهلين حياتي

لحد ما تفاجئت بواحد عم ينشر خبر اني بحبو من ورا هالحكي


وبظن انو هي المشكلة بتواجه بعض البنات
في حدا قلي خليكي متل ما انتي
وفي حدا قلي لاء لازم تعرفي كيف تحكي
بئى احترت والله حيرني




فهل يا ترى هالشي اللي عملتو غلط
أو عن نية صافية وماحدا دخلو بحكيي

يعني الملافظ سعد متل ما بعرف

بس احترت انو انا بطبيعتي هيك بحكي


وهون السؤال بئى

غلط البنت تحكي هيك شي

حتى لو كانت نيتها صافية

​

 

[♥البرنسيسة♥]

أنا من ناحيتي مابحكي هيك ابدا

بحكي حكي حلو متل تسلملي يخليلي ياك لايحرمني منك

كلك زوء شو هالطله الحلوه يسعد صباحك يعني مجاملات عاديه وحلوه

وبهالطريئه مابتعرض لأي موقف محرج ولاسوء ظن ابد

اما حياتي وعمري وحبيبي وهل القصص الشباب انا بتوقع انو دغري

بتاخدا بتفكير اخر مو كلن طبعا بس الاغلبيه ف بعدي عن الشر

وغنيلو هاد رأي أنا ​

 

[ريماس]

وانا رائي من رائي اموولللللللللله ..امووووله كلامك كتير حلو​

 

[miss of disaster]

صح حبيبتي لانو معظم الشباب مو كلون بدققوا عحكي البنت لذلك متل ما قالت امولة ابعد هن الشر و غنيلو

 

[الحسواني]

والله يا فتون صحيح الملافظ سعد ولكن في بعض الملافظ مالها علاقة لا بالسعد ولا بالحسن

ومن ضمنها كلمة تقبرني وتكفني وتشكل آسي

هادي كلمات صار لازم تنلغى من القواميس لانها كلمات مخالفة للعقل

هي تعتبر دعوة على النفس .. تصوري انو الله يستجيب ..

ممكن متل ما قالت أمووووووووول تسلم ويخليك ربي ويحفظك ربي فهي كلمات راااااااااائعة جدا وعلى فكرة كمان فيها ثواب واجر من عند الله

وبعدين للاسف هي كلمة حبيبي وروحي وعمري وهالكلمات اللي أساسا قائم على الكذب والخداع كمان ما في داعي لالها .. لانو ما حدا بقوم مقام عمرك وروحك .. فروحك وعمرك أغلى من كل شيء حواليكي .. وهي الكلمات ما اسمها مجاملة أنا برأيي اسمها قلة وعي

وتسلم روحك يا فتون على هالموضوع اللي طرحتي

وعلى فكرة كمان .. الكلام يطول في هدا المجاااااااااااااااال .. بس بظن بكفي

شكرا الك ولطرحك

 

[TOoOLeN]

اي فعلا ألا الواحد ما يحكي هيك حكي متل حياتي وعمري ومن هالحكي
انا كمان صار معي موقف بشع لهيك حرمت احكي هيك كلمات لا للبنات ولا للشباب ولك حتى بالبيت بطلت ئولها ...لانو الواحد بس ينحط بموقف محرج ماعاد يعرف كيف يطلع منو
والبنت محسوب عليها كل كلمة حلوة ولا بشعة
تقبلي تحياتي فتوني ​

 

[جمانة]

بظن هيك حكي يطلع من شب ولا يطلع من بنت
انا من ناحيتي ما بحكي هيك ابدا
يعني كيفك شو اخبارك و يادوب بحكي
بالعكس بحكي حكي مو حلو اكتر
ممم يعني انا بحس انو ما لازم البنت تحكي هيك
حتى لو كانت حاطة ببالا انو انا بعتبر هالانسان اخي
بس انتي ما بتعرفي شو هو بيفكر و يروح يخبص من وراكي
ما تغيري حالك بس خففي شوي

 

[أميرة كل النجمات]

والله يا عيوني نفس المشكله الي وقعتي فيها انا وقعت
فيها كمان بس ماخليت اي شي يئثر فيني
وصرت شوي شوي حاول راقب حكي هيك حتى
اتعودت
تقبلي مروري

 

[مختار]

انا برأيي غلط تحكي هيك
لانو شعبك هيك بدو بس تاخديه بالحكي الحلو بياخدها بنية عاطلة
لذلك خليكي عاديية احسن
​

 

[الوعد السوري]

موضوعك كتير حلو لأنو عم يحكي شي واقعي,
بالتأكيد كل الناس بتحب تسمع الحكي الحلو, يعني أنا وأنتي والكل منحب أنو حدا يحاكينا حكي حلو,
بس لازم يكون اختيار الألفاظ مدروس وليس هيك كيف ماكان, لأنك صديقتي بتكوني عم تحكي مع حدا أغلب الأحيان مابتعرفيه شخصياً ولابتعرفي طريقة تفكيرو , يعني في ناس من الشباب أو من البنات من كلمة حلوة حكاها شخص ممكن يفكرو بقصص عشق وغرام وهي الكلمة طلعت بشكل عفوي غالباً, يعني أنا مو ضد الحكي الحلو أبداً بس لازم نعرف نختار الألفاظ بعناية.
أنا كتير بحييكي على جرأتك بطرح الموضوع
تقبلي مروري​

 

[قيــ الروح ــثارة]

يسلملي رأيك أبلة اموولة
وفيها وجهة نظر
ميرسي

ريماسو ميرسي حبيبتي
مو بإيدي ما بقدر الا اكتب حبيبتي
بس خلص للبنات وبس

miss of disaster
بشكرك حياتي وبإذن الله رح صلح غلطي

الحسواني
بشكرك أخي كلامك منطقي 100%
بس جد انا ما بحكي هيك مسخرة ولا جد ما بعرف اذا فهمتني يعني والله لا شعوريا بلاقي حالي بحكي هيك
وميرسي على ردك
وتسلم والله يحفظك

تولين بتشكرك على ردك وصح البنت اي شي بينحسب عليها ان كانت كلمة حلوة أو مو حلوة

جمانة رح أسمع بنصيحتك كمان ورح خفف كتير مو شوي
أميرة كل النجمات
ميرسي الك


مختار يسلملي الفهمان أنا دخيلو أخي الزغير عم ينصح وأوكيه ما عاد قلك تقبرني


الوعد السوري كتير عجبني ردك

وميرسي الك كلك زوء
​

بتشكر الكل وجد ميرسي الكون ساعدتوني يعني فيني قووول اني رح خفف كتير
وهاد حل متوسط الي بس دعولي ينجح
​

​

​

​

​

 

[Senior Anas]

اول شي مرحباااا تاني شي الحكي الحلو مافي مجال للهرب منو
بس بدك تعرفي مع مين تحكيه والوقت اللي بدك تستخدمي الحكي الحلو
فيه لانو مو بأي وقت الحكي الحلو بينفهم غلط يعني اذا كترتي منوووو بقا
اكيد بدو يفهمووو الطرف الاخر بشكل خاطئ بس وينك انتي لما تحكي
حكي حلووو وضحي انوو القصد اخوووي من هالحكي ​

 

[قيــ الروح ــثارة]

اوكيه

يعني مثلا شو قصدك
قول مثلا شكرا حياتي(أخوية)
والله بظن أريحلي ما أحكي الا بنطاق ديق لنو مجتماعاتنا فعلا ما بتتقبل هالشي

وميرسي لمرورك ونصيحتك ​

 

[سبارتاكوس]

بالعكس يا شباب ما في احلى من الحكي الحلو والمشكلة مو عندك المشكلة بمجتمعنا المتمسك بعئلية شوي ها ئديمة
على كلن ان الانسان على ماتربى وبهنيكي كتير
على هالعادة



​

 

[قيــ الروح ــثارة]

ميرسي الك كلك زوء

بس خلينا للأكثرية
وبهالحالة رح بطل حاكيكون حكي حلو

بس بردو في حكي لائق بينحكى بدون ما ينفهم غلط مني
بس قلت أنو المشكلة أنا زيادة يعني

مشكورة على رأيم مسيو سبارتاكوس​

 

[جذابه بس كدابة]

على فكرة ياقمر انا كمان بحب احكى حكى حلو اووووووووووووووووووى
وكلة بيقول عليا حبابة
بس مع الشباب بحاول افهمة او اتكلم معاة بردوا كلام حلو بس بفهموا انهم زى اخواتى مش اكتر
فهمتى يااحلى فتون ياقلبي انتى​

 

[قيــ الروح ــثارة]

تقبريني ميرسي كتير لردك ودخيلها عسولة المنتدى اللي بتعرف تحكي انا ​