الدجاجة المحشية بالبطاطا {{شغل ايديااا وحيات عينياااا}}ديدي

[دانووو]

مساء الورد ويسعدلي كل وقت انتو فيوو
اليوم عملت دجاج محشي بالبطاطا
وقلت لازم اعلمكم طريقة ديدي
بالصور
يارب تعجبكم الطريقة

المقادير
دجاجة كاملة متوسطة الحجم
راسين من الثوم
بصل حجم صغير 10 حبات او اكتر حسب الرغبة
ليمون عدد3
ملح بهارات هيل
كمون قرفة ناعمة زنجبيل باربيكيا
بطاطا صغيرة الحجم 4 حبات
ورق قصدير
نصف كاسة زيت اونا
وهمتكم اهم المقادير يعني!!!


الطريقة:
منجيب الثوم المفصص
مع عصير الليمونات الثالث

ومنحطهم بالخلاط
حتى يصيرو بشكل كريمي

حنجيب الكريمة المشكل ومنضيف عليه الملح
وباقي البهارت والباقية العطرية تبعوناا



حنجيب صيني
بحجم الدجاجة يلي عنا
ونحط عليها القصدير بشكل اشارة زائد+
مع مراعاة ابقى حجم كفاية خارج الصينية
لنقدر نغلف الدجاجة متل ماراح نشوف هلئ بالصور

را ح جيب هلئ البطاطا بعد ماقطعها اربع اقسام طولية
واصفها بالصينية
مع البصل راح اخود نصف الكمية لان الكمية الباقية
راح احشيهم بالجاجة
طبعا بعد تتبيلها راح نشوف كيف

هلا راح نجيب الدجاجة ونحطها بالصينية
ومنجيب الثوم الكريمة يلي عملناها
راح نوزعها على كافة انحاء الدجاجة
شوفو راح نرفع الجلد
ونحط فيها التتبيلة وكل ماكترنا اكتر راح تلاحظي الريحة العطرة تبعون الجاجة
وراح نحشي بقلبها كمان

من هي التتبيلة
ومنجيب باقي البطاطا والبصل يلي عنا
ومنحشي الدجاجة فيهم
وهلا بعد ماخلصنا تتبيلتها وحشيها راح ارجع جيب فلفل فريشش
وارش عليها مرة تانية وجيب الهيل
واوزعهم على سطح الدجاجة
ومنضييف الزيت عالوجه
نص كاسة او فنجان زيت راح تكون كافية تماما"

هلئ هون راح نغلفها بحيث انو مانخلي منفذ للهواء
مشان تستوي بالبخار الطالع منها

وهلا حطيها بالفرن مدة 3 ساعات
ولا تقربي عليها نسيها ثقي بديدي
ماراح تحترق انسيها بالفرن
وتعالي شاركي معنا هون بالبيلسان

ومابخبرك عالريحة العطرة من الباقة العطرية يلي عم تطلع
مممممممم
بتجنننننننننن
وهي الشكل النهائي للدجاجة

وصحتين وعافية
بدي تقييم
تعبت بالطبخ وبرفع الصور
والله والله
~~~~ديدي~~~~


​

 

[STELLA]

مممم جوعتيني من الصبح بكير

حرام عليكي و الله

يسلموا دياتك يارب

و أحلا تقييم للجاجة

قصدي لديدي ^_^

 

[دانووو]

خجووول انا تقبري قلبي يا سوسو الحلوة انوو والله ماعرفت راح جوعك
بعدين التقييم للجاجة زززز اي بربي لاكلها واني بفرجيكي هه
منورة حبي منورة

 

[لكبړيآئي قصھہ]

يم يم يم شكلا طيبة كتيررر

وانتي شكلك طباخة ماهرة

اياااااااامك ونيال زوجك

 

[دانووو]

نيالي فيكي حياتي
اكتر شيء بيعطيني متعة بالحياة هوو
الطبخ بس ملاحظة انا بس بطبخ مابحب الاكل كتير
مقضيتها نسكافيه

منورة ياقلبي
​

 

[ندى القلب]

يميي شو زااكيه شكلهاا وريحتهاا هه


لك امووت بالهيل هو اهم شي بالنكهات


الله يسلم هالادين دانه اعمليلي جاجه متلها بس اجي ع الصين
​

 

[دانووو]

ندوشة حياتي انتي تعي عالصين وانا راح اعملك جاجات الصين كلها بس خليني شوفك انا
​

 

[►RatoOoOb ◄]

يم يم يم يم يم

شي لذيذ

مع اني متعشي ومتئل كمان

بس جوعتيني

حرام عليكي ياشيخى

​

 

[دانووو]

ولي على قلبي رتوبة جوعاااااااااان يعلى قلبي انا

 

[عكــ البيلسان ــيد]

شو هي هيك شلون هربانة مني هالجاجة

ما بئبل انا هيك بدي جاجة خص نص ئلي

اتكوني طيبة متل هي ...

مشان ئلك يسلمووون + تقييم يعني

 

[اميرةالنجمات]

ياسلاااام شو هالريحة الطيبة لهون واصلة
ربي يسلم هالديات ديدي
ماننحرم جهودك واكلاتك الطيبة



وكمان احلا تقيم لعيونك يائلبي

 

[احلى دنيا]

ييييييييي شو بحب هالاكلات

خلص بدي اعملها ان شالله

 

[دانووو]

اي منيح اشتلئت يا عبووشة بعدين عالريحة اي خمت الجاجة الها شهر هه
ولكككك يسلمهم عالتقييم عبدووشي

شو هي هيك شلون هربانة مني هالجاجة

ما بئبل انا هيك بدي جاجة خص نص ئلي

اتكوني طيبة متل هي ...

مشان ئلك يسلمووون + تقييم يعني

 

[دانووو]

تقبري قلبي يا اميرتي انتي
انو بربي بربي
بس شوفك قلبي من جووو بيرقص
يخليلي التقييم انا اوبربي تواجدك احسن تقييم الي حياتي

ياسلاااام شو هالريحة الطيبة لهون واصلة
ربي يسلم هالديات ديدي
ماننحرم جهودك واكلاتك الطيبة



وكمان احلا تقيم لعيونك يائلبي

 

[دانووو]

ييييييييي شو بحب هالاكلات

خلص بدي اعملها ان شالله

تئبشي قلبي وهالاكالات بيحبوووكي انوو اي اعمليها طيبة والف هنا سلفا