الدراما والصناعة الثقيلة

[§ Sammo §]

منذ فترة ألتقى وفد صناعي سوري منسجم مع ذاته
مع وفد صناعي فرنسي منسجم مع ذاته كمان .
وبلش التعارف ...
المسيو بولانجيه شرائح ذكية طبية تفيد في استكشاف
الخلية المصابة قبل أجراء العملية .
والمسيو دوبرييه شرائح سيليكون ليفية تعمل تحت
الأشعة المافوق بنفسجية
والمسيو غوتيه كاميرات الكمبيوتر غير المرئية
والمسيو دو سنييه أقراص مدمجة تقضي على الفايروسات الالكترونية

وبعص المسيوهات المصنعين لمقياس يفيد في معرفة ولعشر سنين قدام
مواعيد الثورات البركانية
ومقاييس لاستكشاف طريق الحرير تبع الزلازل
وغيره من هل اختراعات الحديثة



وبعدين قدموا الوفد تبعنا
المسيو قضيماني جرابات
ومسيو حلواني جرابات
ومسيو عبود بسكويت على شوكولا
ومسيو محمود كوكتيل برتقال وجزر
ومسيو خالد جرابات
والمسيو سعيد كمان جرابات
ومسيو عبد المجيد جرابات بس نسواني
ومسيو الجوربار علكة بطعم القرفة
ومسيو سمساني علكة قرباطية دايت
ومسيو سليماني ... صاروخ ...
اندهشوا الفرنسيين !!
قام قال لهم المسيو سليماني مبتسما :
اي صاروخ شو بكم علكة صاروخ
واخيرا المسيو عبد الله الفقير .. دراما

دراما !!! كمان اندهش الوفد الفرنسي
مو لاننا بنتج دراما لكن لانو مالقوها صناعة منسجمة مع الصناعات تبع وفدنا

قام عبد الله الفير قال لهم
ولو بالعكس ...
نحنا قمة في الانسجام
هدول الاخوة الصناعين اللي شايفينا
معهم بالوفد كلهم بيعلنوا عنا .
نحنا برعايتهم
قام ناقشوا فكرة الشراكة الاوربية وكيف رح
يكون تأثيرها على الصناعات السورية
فاعترف كل أعضاء وفدنا أنو صناعتهم رح تتهدد .
إلا المنتج الدرامي فلم يعترف .
بل وأثبت .. كيف أجت الدراما اللاتينية من مكسيكية وفنزويلة وراحت وظلت
فقط الدراما السورية
..وكيف فاتت الدراما التركية ولسه ماراحت بس ظلت الدراما السورية .
أما بالنسبة لباقي الأخوة
فما في خطر عليهم
لأنو رح نصير نحنا نعلن عندهم ..
ورح تصيروا تشوفوا علكة صاروخ برعاية مسلسل بارود,
وجرابات الكرم برعاية مسلسل حاتم الطائي ,
وشيبس أحلى جلسة برعاية مسلسل لعبة الكراسي الموسيقية ..
والله يديم الدراما السورية ..
فخر الصناعة الوطنية

​

 

[ஃ MAGNUM ஃ]

:19::19::19::19:
وشر البلية ما بيكي لان الضحك ممنوع بالدراما
سامو يعني موضوع بيحكي واقع التخلف الي عايشينه
بأسم التطور ومفكرين حالنا قمة الابداع
والانكى من هيك النا عين ان نحاكي تقدم العالم....
المفروض نستحي على دمنا وننضب بخيبتنا
ونقول هاد الي الله قدرنا عليه

​

 

[§ Sammo §]

اخ يا ابو دريد
شو بدو الواح لحتى يحكي
على فكرة انا ماكتبت بالموضوع انو هاد مقال مكتوب بجريدة بلدنا
وحبيت انقلو لانو مابعرف حسيت وقت قريتو انو لازم اضحك وبنفس الوقت لازم ابكي على خيبتنا وعلى زمان يلي وصلنا لهل الدرجة

ومتل ماقلت خلينا عم نقول هاد يلي قدرنا الله عليه
نورت ابو دريد الغالي
​

 

[mahmoud salih]

عنجد شر البلية ما يضحك

مشكور أبو السيم ​

 

[Cosette]

هاد نحنا
ما بنتغير