الشخص الغير شرعي

[زهرة النرجس]

حبيت اطرح هالموضوع بين اديكم لحتى نشوف اراء الناس بهالموضوع

لو كان في شخص عزيز كتير على قلبك و كان على خلق عالي ودين وتقدم لخطبتك وعرفتي انو هالشخص غير شرعي هل ممكن توافقي عليه او لا وشو السبب ؟؟؟؟



وكمان السؤال للشباب لو عرفت انسانة كتير مؤدبة وعلى خلق ودين وحبيت انك تتقدملها وتفجات بانها غير شرعية هل رح تكمل مشوارك وترتبط فيها او لا وشو السبب ؟؟؟؟؟


مع العلم انو الانسان هاد كلنا بنعرف انو ما الو اي ذنب في كونو غير شرعي/ة


​

 

[مختار]

نرجوس معليش
بدي تقل عليكي بسؤال مافهمت شو يعني كلمة بغير شرعي
ممكن توضحيلي شوي
​

 

[STELLA]

نرجوس معليش ​

بدي تقل عليكي بسؤال مافهمت شو يعني كلمة بغير شرعي
ممكن توضحيلي شوي ​

غير شرعي .. يعني جاية بطريقة غير شرعيه ​

يعني بدون زواج ​

بتمنى تكون فكرة نرجس وضحت​

نرجوس الي عودة للرد ​

 

[مختار]

ماوصلت للأسف
يمكن مخي مسكر لاني تعشيت فول اليوم
او مابعرف بس شلون يعني جاي بدون زواج مثلا قصة حب او هيك او كيف
مافهمت بالضبط
أرجو التوضيح مشان مااجي احرق الطاولة تبعنا

​

 

[جمانة]

شبك شادي
يعني ابن حرام ما بدا شرح ​

انا ما بوافق
لانو بيكون في خلل بالاصل والتكوين
والرسول قال تخيرو لنطفكم فإن العرق دساس
فكيف بروح باخد واحد اساسو مبني على حرام ​

 

[مختار]

فهمت من نرجوس شو الترتيب
وعم بتقول اذا شخص كان بدار ايتام مثلا امو وابوه متوفيين
او مثلا جاي هوي بالحرام وكان ملحوش هوي ع باب الجامع وبعدها حطوه بدار ايتام وكبر هل شب وصار مااحلاه
وراح ليتجوز بتعطيه بنتك؟ مثلا او اذا كانت بنت كذلك
هاد سؤال نرجوسة
والله صراحة يانرجس
مابعرف شوبدي جاوب لانو كتير عالم عم تنحط بهيك موقف ببكي
وبترك الجواب للباقي
​

 

[مختار]

شبك شادي
يعني ابن حرام ما بدا شرح ​

انا ما بوافق
لانو بيكون في خلل بالاصل والتكوين
والرسول قال تخيرو لنطفكم فإن العرق دساس
فكيف بروح باخد واحد اساسو مبني على حرام
​

والله كان مخي مسكر
ماعم بفهم كلام ستيلا وماعم بتفوت بمخي الجملة
​

 

[Knight black]

طبعا رح كمل علاقتي فيها ونرتبط لانو هية مالا اي ذنب واكيد الحب الكبير يلي بيني وبينا رح يكسر الحكي
السبب لانو شخص مالو اي ذنب اجى عدنيا مالو علاقة باي شي وهو ماخلط بشي

 

[بكتب عخد الليلات]

هلأ اذا متل ماعم تقول كانت على احسن خلق ومحترمة ليش حتى مايوافق يكمل معها الواحد لأنو هي اول شي مالها ذنب وصار نتيجة خطأ الاب والام
واذا الواحد قرر يترك لهاد السبب بكون اخد اثم من هالشي هاد لأنو كسر قلب انسان مالو علاقة بشي وعم يحاسبو على شي هو مالو علاقة فيي​