مدرسة الحب
بيلساني فعال
- إنضم
- Mar 21, 2010
- المشاركات
- 165
- مستوى التفاعل
- 4
- المطرح
- ســوريا
بعض البشر لامن حشمته طمع فيك
وبعض البشر لامن جفيته يودك
وبعض البشر يتعب على شان يرضيك
وأغلى من أخوانه بقلبه يعــــدك
ويا صاحبي هالحين بانت خوافيـــك
علقـــتني مابين مزحـــــــك وجدك
وش جاك مني ياعشيري وأنا اخيك
قبل أمس أنا صاحبك واليوم ندك
لاضاق صدري من عنا وقتنا أجيك
وأشوف دمعات الغلا فوق خـــدك
والحين تظلمني وانا منك وفيــك
بكل إحترام أقول يا خوي حــــــدك
ثمن كلامك يا عسى الله يهديك
لاصار ماي الوجه يعجز يـــــــردك
ثوب الردى ياصاحبي مايقديك
الثوب لا ثوبك ولا القــــــــد قــــدك
أنا أول إنسان إذا ضقت بيجيك
حتى ولا أذكر يوم وقــفت ضــــدك
ماتذكر أني بالوفا كنت أجازيك
وأنت تجازيني بظلمك وصــــــــدك
لكن خلاص اليوم والله مابيك
النفس طابت ســــو ماهــــو بــودك
الطعنه اللي من ورى الظهرتنهيك
وشلون لاجاتــك من اللي يـــــودك
.gif "شي أمرك أمرك :albailasn(548):")
نعم نعم نعم