العنف من الصغر ... شو مشان ؟؟؟

[روح الشام]

العنف منذ الصغر ​

أول درس في العنف لما كنا صغار هو​

غرفة الفيران أول درس في ثقافة العنف المكتسبة​

الغرفة الوهمية إلي كانو يهددونا فيا بالمدرسة​

يعني كلام الانسة إلي بدي أسمعو عم يحكي بدي حطو بغرفة الفيران ​

كمان العنف النفسي الي كان يتمارس من قبل الأهل​

يعني الكلمات الي كنا نسمعا دائماً ​

مثلاً : والله لأفرمك - والله لكسرك - بدي كسر ايديك - بدي اقبرك -اذا مابسلخ جلدك عن عضمك ..............الخ​

في مصطلحات عنف كانت تعتمد على الطب​

والله لشيل عيونك - والله لطير راسك​

في عنف مشتق من الكلام الوطني​

والله لأطرأك كف خلي سنانك تمشي مسيرة قدامك​

في عنف مشتق من الحيوانات​

والله لخليك تقاقي ماتلاقي​

وفي عنف رومانسي ​

والله لفرجيك نجوم الضهر ​

الي صارت معروفة عنا أكتر من نجوم الليل​

في عنف دبلوماسي أكيد عرفتوا​

هو هديك اللحظة الي بيجي فيا البابا حامل معو صحن سيكارتو وبيقلنا​

تعال بابا نتناقش بهدوء (اعتبرني رفيقك)​

وبغباء الابن المعهود : منسدّق​

وعند أول اختلاف وجهة نظر بيناتنا "طبعاً بابا"​

وبس نقول : (بس يا بابا هدا رأي )​

بيطفي البابا سيكارتو وبيطفي وجهة نظرنا بكلمة وحدة هية "...."​

(صار عندك وجهة نظر كمااان ؟؟ سماع ولا نص نصيص​

كبرت لما صغرت طلعت لما نزلت بضلك تحت هال"...." ​

و مابيمشي غير الي أنا بقولو أوم ولا جيل اّخر زمن والله عاااال )​

حتا صار عنا عنف باعترافاتنا العاطفية​

يعني اذا حبينا حدا منقلو ​

تقبر قلبي - تطلع على قبري​

وغيرو كتير من المفردات اللي مليانة عنف ..​

 

[سِدْرَة المُنتَهَى]

صحبة انا وهالمفردات :19::19:
يسلمووون سيدرا ​

 

[مختار]

:19::19::19::19::19:
اي والله

​

 

[Life of the soul]

ه
يسلمو سدور ​

 

[دموع الورد]

:19::19::19::19::19::19:


يعطيكي العافية سيدرا



​

 

[*ياسمين الشام*]

اي والله شي مجربينو
يسلمووون