الفتاه المغتصبه هل ترضاها

[pLiiiJI RoMeO]

الاغتصاب

مأساه تعاني منها الكثير من الفتيات هذه الأيام

وزادت تلك الحوادث في زمننا هذا وللأسف كثيرا لأسباب كثيره

منها , تأخر سن الزواج , تبرج الفتيات , الانفتاح الإعلامي علي الغرب , ثورة الاتصالات وانتشار استخدام شبكة الانترنت في تتبع العورات والأفلام الإباحيه...

ولكن الضحيه في النهايه هي الفتاه المغتصبه

لا أنكر أن هناك منهن يقع علي عاتقهن بعض المسؤوليه وأحيانا تكون بريئه 100%

وهنا أنا أتكلم علي هذا النوع من الفتيات اللاتي تكن ضحايا ولا ذنب لهن

وعندها تتحول حياتها إلي مأساه , بسبب ما تخلفه هذه التجربه المريره من مشاعر سيئه , وأيضا تعاني من رفض المجتمع لها -إذا انتشر الخبر- وكأنها تحمل وباءا.وشعر أن حياتها انتهت عند هذا الحد

ولكن من وجهة نظر الشاب العربي : هل ترضي بها زوجه؟

وهنا ينقسم شبابنا إلي نوعين: -نوع تتغلب عليه روح الرجل العربي ذو الشهامه والمروءه ويتزوجها حتي من باب (استرها)

-نوع آخر تغلب عليه روح الرجل الشرقي الذي لا يرضي أبدا أن يتزوج امرأه تم المساس بها من قبل حتي وإن كانت ضحيه لا ذنب لها

فمن أي النوعين أنت؟؟؟؟؟



السؤال موجه للشباب العربي ...

ولكن لا مانع طبعا من مناقشة وجه نظر الفتاة العربية بهذا الموضوع ........


​

 

[فاتي]

ياريت نشوف اراء الشباب ...لانو بجد موضوع مهــــــم

بدنا كمان نشوف صاحب الموضوع يشاركـ
​

 

[pLiiiJI RoMeO]

ممممممممممممممممممم

21 مشاهده ماحدا تجرأ وناقش ...؟؟؟!!!

طيب لح كون اول من يرد


فاتي بتشكر تواااجدك الراااااقي
​

 

[pLiiiJI RoMeO]

قال رسول الله (صلى الله عليه وسلم) : "أستوصوا بالنساء خيراً فإنهن عوار عندكم"


لابتدأ ردي بقصة حقيقية حدثت ..

كان هناك رجل شيخ وعالم أسلامي مشهور له كتبه وفقهه .. في يوم من الايام وأذا هو نائم رأى انه في الجنة .. وفي جنبه أحد الملائكة .. فيشير اليه هذا الملائكة على بيت ويقول له : هذا بيتك في الجنة .. ويستغرب عند مشاهدته أحدى القصور تجاور بيته .. فيسأل عن صاحب هذا القصر؟
فيقول له الملائكة .. أنه لفلان الفلاني ويسكن في منطقتك في الدنيا
وعندما يستفيق من منامه .. يذهب ويسأل الناس عن فلان الفلاني فيدلونه عليه
فيذهب الى بيت ذلك الرجل .. فيستقبله ويضيفه
ويراه رجل بسيط ليس بشيخ ولا عالم دين ولا فقيه فيستغرب .. لماذا هذا الرجل له قصر في الجنة وانا عالم دين وشيخ اسلامي لي بيت صغير ؟
فيسأله عن أمر حلمه .. فيندهش الرجل البسيط فيقول لربما فعلت أمراً عظيماً يوماً .. فيقول له الشيخ افصح
فيقول بالله عليك يا شيخ أبق الموضوع سراً بيننا
فيأمنه الشيخ على سره
فيقول : عندما تزوجت .. وفي ليلة الزواج وقبل الدخول بزوجتي رأيتها تبكي .. فسألتها ..
فقالت بالله عليك أستر على أمري
فيقول قد أمنتكِ فقولي
فتقول انها قد أغتصبها أحد الشباب من جيرانها .. ولكن هذا الشاب ندم على فعلته وهاجر البلد بأسره ولم يبح بهذا السر مُطلقاً ..
فيكرر عليها الرجل .. هل كان أغتصاباً ؟ فتحلف وتقول والله كان اغتصاباً ..
فيقول لها زوجها .. قبلتُ بكِ زوجة لي وعلى سنة الله ورسوله .. ليس لي أمر فوق أرادة الله .. والاغتصاب ليس لكِ ذنب فيه .. بل قد اجبركِ وغصبكِ على ذلك فما ذنبكِ أنتِ ؟؟


فيا أخوتي الكرام

الاغتصاب ليست ذنب الفتاة .. وأسئل الشباب هنا
ان تم اغتصاب احدى قريبات الرجل فما سيكون رد فعل الرجل؟ هل سيمنعها من الزواج؟

بالنسبة لي .. أتشرف بان استر هكذا فتاة .. واتزوجها ..طالما كان أغتصاب وليس لها ذنب به


​

 

[ḾǑŏǑŏǓĐỸ]

الفتاة لا ذنب لها ولكن المُشكِلة تَكمُن كيف ستَعرف....
أنَّها قَد أُجبرت أما أن فعلت هَذا برِضاها....
أنا مِن جهتي أٌقبل بها لكن بسبب مُقنع ودلائل مُحكَمة ...
شُكرا روميو

 

[المارد]

السلام عليكم
انا من النوع الاول استر على البنت احسن حل الها حتى لا تضيع في الشغلات مو منيحة
اذكر انه في عام1994في مدينة حلب جاؤوا بفتيات من البوسنة والهرسك للستر عليهم
واليوم في زماننا جاؤوا ببنات من حمص الغالية على قلوبنا
شريفات عفيفات طاهرات
اهم شي يستر عليها ولا يطلقها
يجوز المجتمع الشرقي الخاص بنا يتحسس منها
اما في المدن الكبرى السورية يجوز ما حدا يدقق
يستوقفني موقف عظيم لبنت شابة من حمص الغالية علي جدا وااسف لما يحصل فيها من قتل وخراب
تدرس في دير الزور طلبت منها احدى قريباتي السكن معها ومع اولادها وزوجها في بيتها
تاكل وتصرف على حسابهم فجاء رد الفتاة الحميصة بقولها
مابدي صدقة من حدا الي بدو يساعدني بس يدفع ايجار الغرفة مع بنات اصحابها بس لا اكثر ولا اقل
يسلمووو على الموضوع
​

 

[اميرةالنجمات]

هلاء بما اني مو معنية بالسؤال لكن حابة اعطي رأي


مثلا الزوجة او البنت اللي اتعرضت للاغتصاب مالها ذنب ولا كانت مبسوطة بهالوضع

مو فوق مصيبتها والحالة النفسية السيئة اللي هي فيها نعذبها ومزقتها بشكل كبير ونعيرها او نحكي معها

الفاظ تجرحها وتذكرها بمصيبتها


وان كانت مجوزة يطلئها زوجها


وفوق هيك كمان نلومها ع شي مو بايدها ولا سعت اله وانجبرت عليه


برأي السترة عليها والزواج فيها شرف للشب اللي رح يرتبط فيها وفوق هيك اجر من الله


موضوع جريئ ومن العيار التئيل لكن مهم ولازم نحكي فيه وياريت الشباب يدخلو وبحكو رايهم بشجاعة


الف شكر اخي يعطيك العافية

 

[pLiiiJI RoMeO]

الفتاة لا ذنب لها ولكن المُشكِلة تَكمُن كيف ستَعرف....
أنَّها قَد أُجبرت أما أن فعلت هَذا برِضاها....
أنا مِن جهتي أٌقبل بها لكن بسبب مُقنع ودلائل مُحكَمة ...
شُكرا روميو

منوووور غالي بمرورك
​

 

[pLiiiJI RoMeO]

السلام عليكم
انا من النوع الاول استر على البنت احسن حل الها حتى لا تضيع في الشغلات مو منيحة
اذكر انه في عام1994في مدينة حلب جاؤوا بفتيات من البوسنة والهرسك للستر عليهم
واليوم في زماننا جاؤوا ببنات من حمص الغالية على قلوبنا
شريفات عفيفات طاهرات
اهم شي يستر عليها ولا يطلقها
يجوز المجتمع الشرقي الخاص بنا يتحسس منها
اما في المدن الكبرى السورية يجوز ما حدا يدقق
يستوقفني موقف عظيم لبنت شابة من حمص الغالية علي جدا وااسف لما يحصل فيها من قتل وخراب
تدرس في دير الزور طلبت منها احدى قريباتي السكن معها ومع اولادها وزوجها في بيتها
تاكل وتصرف على حسابهم فجاء رد الفتاة الحميصة بقولها
مابدي صدقة من حدا الي بدو يساعدني بس يدفع ايجار الغرفة مع بنات اصحابها بس لا اكثر ولا اقل
يسلمووو على الموضوع
​

شكرآآآ لمرورك

والحمصيه اي كانت مابحاجه لشفئه ولا لنظرة عطف من حدا

لأنهم اهل النخوه والشرف

وانا اول شخص بشرفني ارتبط باي حمصيه

حتى لو كانت مغتصبه من قبل عصابات البطـــــــــه
​

 

[pLiiiJI RoMeO]

هلاء بما اني مو معنية بالسؤال لكن حابة اعطي رأي


مثلا الزوجة او البنت اللي اتعرضت للاغتصاب مالها ذنب ولا كانت مبسوطة بهالوضع

مو فوق مصيبتها والحالة النفسية السيئة اللي هي فيها نعذبها ومزقتها بشكل كبير ونعيرها او نحكي معها

الفاظ تجرحها وتذكرها بمصيبتها


وان كانت مجوزة يطلئها زوجها


وفوق هيك كمان نلومها ع شي مو بايدها ولا سعت اله وانجبرت عليه


برأي السترة عليها والزواج فيها شرف للشب اللي رح يرتبط فيها وفوق هيك اجر من الله


موضوع جريئ ومن العيار التئيل لكن مهم ولازم نحكي فيه وياريت الشباب يدخلو وبحكو رايهم بشجاعة


الف شكر اخي يعطيك العافية

شكرآآآ لمرورك المميز

بس الظاهر شبابنا ماعندهم القدره على الصراحه

المكشوفه لهيك مو ابينين
​

 

[sweet-lolo]

بصراحة موضوع كنت دائما اتساءل عنه
بيني وبين نفسي وخجلت ناقشه هون او عالنت
ولما كنت شوف هيك احداث قبل ثورة سوريا
بليبيا مثلا كنت انئهر على الصبايا
يلي تعرضوا لهيك حادثة مروعة
الله لا يكتبها علينا ولا على اي امراة
بس انا باعتقادي ان الشب ما بيرضى
يرتبط بهيك صبية وحتى لو ارتبط فيها
بجوز يكون من باب الشفقة بس
او ممكن يتزوج بأخرى يعني ما بيكتفي
فيها يعني بالنهاية ما بعتقد انها رح تاخد كل حيز
من حياته او ممكن يعتبرها ام لولاده
رح يفكر بنظرة الناس اولا وتانيا بجوز
هو من داخله رح يحس بشي غير مريح تجاه كل الموضوع
بئا أنا هيك بعتئد من وجهة نظري وحسب سؤالي للبعض
تقبل مروري وشكرا لك على الطرح الجريئ

​

 

[دانووو]

والله يا سيدي احيي بك
نقااشك الصريح
سماع لقلك
بما انو اناا مو
رجال لقلك بتزوجها او لااا
رااااااح من باب انوو انا ام
هل ارضى انو ابني ياخودبنت معتدى عليها؟؟؟
بصراحتي المعتادة والله انا برضى اي والله برضى مالها اي ذنب هالبنت
شووف لو كانت هي عاملة هالشي بيدها الله لا يردها
بس بما انو هي مغتصبة شوو معنى كلمة اغتصااب اي اخذ شي
الغصب وبما انوو هي ماكان بدها تعطيه هالشي بطووع ارادتها
والله بجوزها لابني وبستر عليها الله يستر على بناتنا كلنا يارب
بشكرك ياعزيزي عالطررررح

 

[pLiiiJI RoMeO]

بصراحة موضوع كنت دائما اتساءل عنه
بيني وبين نفسي وخجلت ناقشه هون او عالنت
ولما كنت شوف هيك احداث قبل ثورة سوريا
بليبيا مثلا كنت انئهر على الصبايا
يلي تعرضوا لهيك حادثة مروعة
الله لا يكتبها علينا ولا على اي امراة
بس انا باعتقادي ان الشب ما بيرضى
يرتبط بهيك صبية وحتى لو ارتبط فيها
بجوز يكون من باب الشفقة بس
او ممكن يتزوج بأخرى يعني ما بيكتفي
فيها يعني بالنهاية ما بعتقد انها رح تاخد كل حيز
من حياته او ممكن يعتبرها ام لولاده
رح يفكر بنظرة الناس اولا وتانيا بجوز
هو من داخله رح يحس بشي غير مريح تجاه كل الموضوع
بئا أنا هيك بعتئد من وجهة نظري وحسب سؤالي للبعض
تقبل مروري وشكرا لك على الطرح الجريئ

​

عندما نقيم لنظره الناس قيمه
فماذا تركنا لنظره الله لنا

شكرآآآآآآ لتواجدك الراااقي
​

 

[pLiiiJI RoMeO]

والله يا سيدي احيي بك
نقااشك الصريح
سماع لقلك
بما انو اناا مو
رجال لقلك بتزوجها او لااا
رااااااح من باب انوو انا ام
هل ارضى انو ابني ياخودبنت معتدى عليها؟؟؟
بصراحتي المعتادة والله انا برضى اي والله برضى مالها اي ذنب هالبنت
شووف لو كانت هي عاملة هالشي بيدها الله لا يردها
بس بما انو هي مغتصبة شوو معنى كلمة اغتصااب اي اخذ شي
الغصب وبما انوو هي ماكان بدها تعطيه هالشي بطووع ارادتها
والله بجوزها لابني وبستر عليها الله يستر على بناتنا كلنا يارب
بشكرك ياعزيزي عالطررررح

كل أم

وكل اب

وكل رجل يضع نصب عينيه مخافة الله

ويرااع شعور هذه الأنثى سيجزيه الله بالدنيا والآخره

راااقتني صراحتك

ومرورك المميز
​

 

[عكــ البيلسان ــيد]

والله يا ابن الحلال ازا المخلوئة مظلومة وأتأكد هالشي أنا مني وعليي
لح اتمسك فيها اكتر من لو انو الوضع طبيعي كان ..
يعني ازا اتعرضت للاغتصاب ما بتكون من بني ادم وحوا خلص بتصير كخة....
والله يا شباب اللي بتطلع بوشو هيك وحدة
عدا عن انو لح يكون ئلو ثواب عند رب العالمين
اول شي بترد الحياة لروح جفت فيها ماء السعادة
تاني شي بتشعر بشي اسموالانسانية بكل ما تعنيه الكلمة
وطالما هي اللي خبرتك فأكيد هاد دليل على انها بنت حلال وما عم اتحاول انها تغشك
طبعا الاكيد والاهم انو اللي بيكون بيهك موقف
يتأكد كتير منيح عن مصداقية الحالة لحتى ما انكون عم ندعم
الانحلال الاخلاقي بالمجتمع بدون ما نئصد

ابو اللول العظيم لك من الشكر وافره

 

[{*B*A*T*M*A*N*}]

والله ما فيني قول شي لأن لما تكون الشغلة صايرة معي فيني علّق بس هلأ والله ما بحسن لأن القول غير الفعل والشخص لما يتعرض ليهك موقف غير لما يكون مو معرض لهيك موقف لذلك .

لا تعليق ويسلمو إيدك روميو .
​

 

[- ]Safee[ -]

انا من النوع الاول بس متل ما قال العكيد لازم نتاكد من الحالة..

والشغلة التانية لازم يكون في توافق وتكون عاجبتني لانها شريكة حياة كمان..

وبيضل.. لكل مقام مقال

يسلمو وائل عالموضع المهم

 

[جمال الروحـ]

بصراحه انا هلا لحتى شفت موضوعك ابو اللول

ما بدي قوول اكتر من يلي قالووا ~

وردي راح يكون مقتبس عن كلام العكيد ~

بالاخير عم نستر على بنت مسلمة

بقبل فيها ~

يسلموا عالموضوع يا غالي ~​

 

[sweet-lolo]

هو صحي الشباب جاوبو جواب حلو ومنمق
بس نحنا شعب بس شاطر بالحكي
وجواب عبدالله هو أزبط شي
اي الشباب من غير ماتكون الصبية
فيها شي ما بيرضو يرتبطوا فيها
لمجرد انها عندها زملاء زمالة بريئة
أو لمجرد انها تعرفت عليه بعد ما طلعت روحه
بئا كيف ازا كانت مغتصبة
وبالاخير ما بيتزوج الا ليلي بتختارها الوالدة
طبعا مو الكل بس على قولة عبدالله
الحكي مو متل ازا كان الواحد انحط بهيك موقف
​

 

[pLiiiJI RoMeO]

بصراحة موضوع كنت دائما اتساءل عنه
بيني وبين نفسي وخجلت ناقشه هون او عالنت
ولما كنت شوف هيك احداث قبل ثورة سوريا
بليبيا مثلا كنت انئهر على الصبايا
يلي تعرضوا لهيك حادثة مروعة
الله لا يكتبها علينا ولا على اي امراة
بس انا باعتقادي ان الشب ما بيرضى
يرتبط بهيك صبية وحتى لو ارتبط فيها
بجوز يكون من باب الشفقة بس
او ممكن يتزوج بأخرى يعني ما بيكتفي
فيها يعني بالنهاية ما بعتقد انها رح تاخد كل حيز
من حياته او ممكن يعتبرها ام لولاده
رح يفكر بنظرة الناس اولا وتانيا بجوز
هو من داخله رح يحس بشي غير مريح تجاه كل الموضوع
بئا أنا هيك بعتئد من وجهة نظري وحسب سؤالي للبعض
تقبل مروري وشكرا لك على الطرح الجريئ

​

ميرسي لتواجدك المميز
​