الفيس بوك واجهه ام ضرورة

[زهرة النرجس]

الموضوع الي بدي احكي فيه اليوم يمكن انحكي فيه من قبل بس انا بدي احكي من وجهة نظري وأشوف وجهات نظركم فيه؟


ظاهرة استخدام الفيس بوك انتشرت تقريبا في كل بيت ومن معظم أفراد البيت سواء شباب أو أطفال أو حتى كبار وهالشي لعدة اسباب منها ترفيهية اجتماعية ... الخ

مش هون المشكلة أبدا لأنه هالموقع برأيي أنه زيه زي أي موقع تاني المستخدمين هما الي بيتحكموا في خصوصية بياناتهم ب

بس الي صرت الاحظه في آخر فترة انه الناس صارت تتستخدمه بس عشان تستنى من غيرهم انهم يجاملوهم ويمدحوهم
أسيبكم مع الامثلة
بتلاقي وحده منزلة صورتها مع جوزها أو مع عيلتها والصورة مش واضحة أبدا ولا حتى باين أشكال الي فيها ولما بدي اتطلع على التعليقات :
(ياي الصورة بتجننننننن ماشاء الله عليكم)
(عجبتني كتير هاللبسة في هالصورة روعه عليكي ماشاء الله)
( الله يحميكم يارب ويحرسكم من العين)
أو مثلا واحد كان مسافر له شي بلد ووقف ترانزيت في بلد تاني بالاقي كتب"going to london" وبعدها بساعتين كتب "Landing in ...." واذا راح يتعشى بمطعم بيكتب انا كنت ب.... والناس ترد عليه ( ياي يابختك - مين قدك ياعم - نيالك - احم احم )
واحد تاني اذا اجى له برد ورشح بيكتب I'm sick وطبعا ماتنسوا الكم الهائل من التعليقات والسلامات الي بتنهال سلامتك ، الف سلامة عليك ،ان شاء الله عدوينك ...الخ
او واحد بيكون متصبح بوش مش عارفه مين بيروح يكتب "bad mode" (اصلا لو انت مريض أو في bad mode صحيح مابتفتح النت )
أو وحده بتكتب " يا بنات ليه بتقولوا انا شبه منى ابو سليمان؟؟" وهيا لابتشبهها ولا حدا حكى لها هيك بس بدها تطلع موضوع
بتذكر مرة وحده بتحكي لي انه صاحبتها اتصلت عليها عالموبايل وبتقولها انا حطيت صوري فوتي بسرعه وعلقي عليها ( ياي يعني لازم اعلق قدام كل الناس وامدح وشوية بهار ونفاق عشان الناس تقرأ )
يعني ناقص انه الواحد لما يعطس يكتب عالwall انا عطست الحمد لله عشان يردوا عليه ويكتبوا له يرحمكم الله
يعني بالنهاية وبالعربي هالقصص وغيرها كتير صار ازنخ منها مافي وصارت كلها استعراضات وكلام فاضي لابيقدم ولا بيأخر ولا انتو شو رأيكم؟​

 

[butterfly]

أنا معك بـ كل شي حكيتيه ..
الفيس بوك متلو متل أي موقع تاني
اللي بيختلف انو جامع ناس اكتر ومن
كل العالم تقريباً ..
بـ النسبة الي برفض فكرة الفيس بوك
حتى انو ما الي حساب فيه

بس هاي "حرية شخصية" طبعاً
وكل واحد حر بنفسه بسجل فيه أو لأ
حتى قصة الصور طبيعي جداً ..
لانو الإغلب سواء بنات أو شباب
صورهم معروضة ع المسنجر
وفي مواقع تانية كتيرة

يعني بـ النهاية هو مجرد موقع لا
أكتر ولا أقل ..
واحنا بـ إيدنا بنقدر نحوله لـ فائدة ومن ثم تسلية
أو طق حنك ولعي وحكي فاضي
وأنا كتير بعرف ناس بستخدموه
لـ شغلهم كتير ..

بس المرفوض والمقرف انو نشوف صور لـ بنات
متل هيك ..

[font=tahoma, arial, helvetica,verdana]

[/font][font=tahoma, arial, helvetica,verdana]

[/font][font=tahoma, arial, helvetica,verdana]

[/font][font=tahoma, arial, helvetica,verdana]

[/font][font=tahoma, arial, helvetica,verdana]

[/font]

[font=tahoma, arial, helvetica,verdana]

[/font]مشكورة ع الطرح
​

 

[قيــ الروح ــثارة]

الموضوع الي بدي احكي فيه اليوم يمكن انحكي فيه من قبل بس انا بدي احكي من وجهة نظري وأشوف وجهات نظركم فيه؟​

ظاهرة استخدام الفيس بوك انتشرت تقريبا في كل بيت ومن معظم أفراد البيت سواء شباب أو أطفال أو حتى كبار وهالشي لعدة اسباب منها ترفيهية اجتماعية ... الخ​

مش هون المشكلة أبدا لأنه هالموقع برأيي أنه زيه زي أي موقع تاني المستخدمين هما الي بيتحكموا في خصوصية بياناتهم ب​

بس الي صرت الاحظه في آخر فترة انه الناس صارت تتستخدمه بس عشان تستنى من غيرهم انهم يجاملوهم ويمدحوهم
أسيبكم مع الامثلة
بتلاقي وحده منزلة صورتها مع جوزها أو مع عيلتها والصورة مش واضحة أبدا ولا حتى باين أشكال الي فيها ولما بدي اتطلع على التعليقات :
(ياي الصورة بتجننننننن ماشاء الله عليكم)
(عجبتني كتير هاللبسة في هالصورة روعه عليكي ماشاء الله)
( الله يحميكم يارب ويحرسكم من العين)
أو مثلا واحد كان مسافر له شي بلد ووقف ترانزيت في بلد تاني بالاقي كتب"going to london" وبعدها بساعتين كتب "landing in ...." واذا راح يتعشى بمطعم بيكتب انا كنت ب.... والناس ترد عليه ( ياي يابختك - مين قدك ياعم - نيالك - احم احم )
واحد تاني اذا اجى له برد ورشح بيكتب i'm sick وطبعا ماتنسوا الكم الهائل من التعليقات والسلامات الي بتنهال سلامتك ، الف سلامة عليك ،ان شاء الله عدوينك ...الخ
او واحد بيكون متصبح بوش مش عارفه مين بيروح يكتب "bad mode" (اصلا لو انت مريض أو في bad mode صحيح مابتفتح النت )
أو وحده بتكتب " يا بنات ليه بتقولوا انا شبه منى ابو سليمان؟؟" وهيا لابتشبهها ولا حدا حكى لها هيك بس بدها تطلع موضوع
بتذكر مرة وحده بتحكي لي انه صاحبتها اتصلت عليها عالموبايل وبتقولها انا حطيت صوري فوتي بسرعه وعلقي عليها ( ياي يعني لازم اعلق قدام كل الناس وامدح وشوية بهار ونفاق عشان الناس تقرأ )
يعني ناقص انه الواحد لما يعطس يكتب عالwall انا عطست الحمد لله عشان يردوا عليه ويكتبوا له يرحمكم الله

يعني بالنهاية وبالعربي هالقصص وغيرها كتير صار ازنخ منها مافي وصارت كلها استعراضات وكلام فاضي لابيقدم ولا بيأخر ولا انتو شو رأيكم؟​

من حكيك عن الفيس بوك كموقع بيتعاملو فيه الاصدقاء كحياتون عالواقع متل انو يقول حدا انا مريض لحتى الكل يسلم عليها ويقلو الف عافية عليك ومن هالحكي
معناتها بترفضي فكرة اذا حدا مرض هون معنا انو نعرف كلنا ونشق عليه أو نبارك لحدا بشي مناسبة وهيك يعني
انا مو ضد هالافكار بالمواقع وخصوصي اذا كانو الاصدقاء شلة يعني بالعكس بحب هالنوع من التواصل بس مشكلتنا أنو بنحب الكل يهتم فينا واي حدا بيحب يسلط الضوء على نفسو
البني ادم مخلوق بالفطرة هيك

ومشان الصور اللي حاطتون الاخت بترفلاي مو شايفة اي نوع من القرف والله وقت كتبت قرف توقعت شوف شي صورة يحظروها من المنتدى من وراها
يعني عادي كتير تكون البنت سبور عاملة هيك طيش وجنان هاد مو شي مقرف بالعكس حبيت الصور أنا

وبالنسبة الي مواقع تجمعات ما بدخل أبدا لا مكتوب لا نت لوج ولا فيس بوك ولا غيرو
كل واحد تصفحتو لمرة واحدة وكانت أثناء دورتي بالانترنت بمعهدي مو أكتر وما حبيت سجل فيون

صحيح كل بنت هية المسؤولة وبإيدا بتقدر تحافظ ع حالها وبتفرض احترمها عالكل وين ما كانت تكون
بس عدم دخولي لهيك مواقع بنقذ نفسي من اني شوف الشي المقرف وما بضطر اسمع كلام وشوف شي أنا بغنى عنو طبعا مو المقرف الصور اللي حاطتون بترفلاي
في شي اكتر من المقرف مو شرط يكون صور يمكن حكي يمكن انسان غير سوي وهيك



بالنهاية مو هالقصة الكبيرة الفيس بوك هو موقع بيتجمع فيه ناس ماهب ودب الصالح فيون والطالح ولكل واحد حرية الاختيار بالمعاملة والتسجيل

ميرسي
وانشالله ما تكوني تدايقتي تقبريني ​

 

[butterfly]

ومشان الصور اللي حاطتون الاخت بترفلاي مو شايفة اي نوع من القرف والله وقت كتبت قرف توقعت شوف شي صورة يحظروها من المنتدى من وراها
يعني عادي كتير تكون البنت سبور عاملة هيك طيش وجنان هاد مو شي مقرف بالعكس حبيت الصور أنا

كل واحد الو وجهة نظرو حبيبتي
انا بشوفهم مقرفين وجداً
انتي حبيتيهم
بحترم رأيك
​

 

[زهرة النرجس]

على العين والراس كل الحكي

 

[► Mr.Rami ◄]

هالموقع بسوريا محجوب طبعا خير ماعملو

هلق اي موقع بالعالم بتقدر الناس تستخدمو لكتير أغراض

يعني مثلا إذا نويت الإساءة بالفيس بوك بقدر وإذا نويت الإصلاح بقدر
يعني الشغلة بترجع للشخص نفسو
موقع الفيس بوك هلق بيعتبر من أكبر المواقع يلي بيضم عدد كبير من الناس من كافة البلدان

أنا مثلا بقدر نزل موضوع بالفيس بوك بيحكي عن أي معلومة وبخلي العالم كلا تشوفا يعني موضروري أستعملو لصوري
ولشغلات تافهة




​

 

[روح الشام]

موضوع حلو كتير

وانا من البنات المتعلقة بالفيس بوك كتير

لأنو كل اهلي فيه منزلة صورة رجلي وايدي هالشي عادي

متل ماعم يشوفون بالنت عم يشوفون العالم بالشارع بس انو نزل صورة وشي اكيد هالشي خطأ


بعدين اللي بتنزل صورتا مع جوزة او عيلتا مو مشان المدح

يمكن تكون زكرة وحابة تورجيا لقرايبينا او لرفقاتا يعني شي طبيعي

والفيس بوك موقع عادي فيك تستخدمو بشي مابينفع

وشي بينفع متل مافي افلام مابتنفع وصو مابتنفع

في حملات دينية بتنصر الرسول والمسلمين

وفي اشياء علمية االعاب وكتير اشيا منيحة


يسلمو ايديكي عالموضوع

 

[STELLA]

بسمع كتير عن الفيس بوك ونت لوج وووو المواقع المشابهه

وكتير عالم بعتولي دعوات

بس انا بصراحه ما حبيت ضيعي وقتي هونيك

مع انو متل ما قال رامي انو ممكن الواحد يحط مواضيع مفيده

ويناقش امور مهمه

بس اغلبية الي هونيك شغل تعارف وتسليه

بس هاد ما بيعني انو مافيو ناس محترمة .. لأنو بكل مكان الا ما يكون في المنيح والمو منيح

يعطيكي العافية نرجوس ​

 

[Life of the soul]

المواقع يلي بتصير متل الفيس بوك عبارة عن تلاقي الاصدقاء والاهل بهالموقع
يعني مثلا الشخص المغترب بس يشترك بالفيس بوك بيكون كل اهلو ورفقاتو البعاد عنه موجودين فيه
وهيدا التواصل يلي صاير بينهم
ومو شرط يكون هالموقع للتسلاية وحطط الصور والتعليق عليها فقط
ممكن نستخدمو لمواضيع مفيدة ومهمة

مشكورة ع الموضوع
تقبلي مروري

​

 

[ماري]

أنا شفت موقع الفيس بوك من كتر الناس
مابتحكي عنو و حسيت أنو الواحد لازم يكون
عندو حساب فيه من شان البريستيج
أخي سجل فيه و انا شفتو موقع كتير بايخ و عادي
كتير يعني ليش عامل هل الضجة مابعرف
اذا من شان الصور بقدر الواحد يرسلها ع الأيميل و
من شان الحكي المسنجر موجود و كتير صار سهل هلأ أستخدامو
لأنو صار ينزل ع الموبايلات و أذا من شان يكون في تواصل بين
الرفقات في أكتر من موقع يسجلو فيه .
و منشان الصور كتير مئرفين يعني ليش هيك
حاطة شو الهدف منن , بدها تعبر عن شي في كتير صور حلوة و معبرة
تركت هلأ كل الصور و حطت أيدها و رجلها .
و انا معك زهرة النرجس بكل كلمة كتبتيها



مشكورة كتير ع الموضوع لأني كتير كنت حابة أحكي فيه
و تقبلي مروري و أسفة ع الإطالة
وعلى فكرة البيلسان أحلى من 100 فيس بوك
​

 

[حربوء]

هااااااام جداً ..!

أول شي مرحبا ياجماعة واشتقتلكن كتير

أنا حابب كتير إنو أعطي رأيي بموقع الفيس بووك

أنا مسجل بالموقع من 3 سنين بالضبط

وبالجامعة عملنا عنو دراسة ومشروع كمان ( المحاسن والمساوئ )

الحقيقة وبرأيي الشخصي وراي كل طلاب الجامعة الموقع من أفضل المواقع الإجتماعية بالعالم كلو

لانو هو مو بس عبارة عن وجاهة أو شوفة حال متل مو مفكرين

بالعكس تماما الفيس بوك موقع أكتر من اجتماعي وثقافي وعلمي

أنا عندي مجموعة فيه ( إخبارية ) أنا أنشأتا , وحالياً فيها أكتر من 700 عضو

المهم , إنو في دراسة كمان بتأثبت إنو موقع الفيس بوك بيرفع مستوى الذكاء لدى المستخدمين

من خلال التطبيقات , والبرامج , والنصائح , والاختبارات , والمعلومات

بس نحنا للأسف فورا مناخد عنو نظرة إنو موقع شبه إباحي أو موقع تعارف متلو متل غيروو

صدقوني ياجماعة حاولو تدخلو عليه وتشوفوه

مثلا الاستاذ عمرو خالد , حاطط كل برامجو التلفزيونية ومقابلاتو ومحاضراتو بالموقع

وكما ممكن تلاقوا كل الفنانين يللي بتحبوهن

وحتى كمان لح تلاقو أهم رجال السياسة والفكر

والكل أكيد بيعرف إنو باراك أوباما اعتمد على كل حملتو الانتخابية على الفيس بووك

كونو بيضم أكتر من 300 مليون مستخدم حول العالم

وبيحوي أكتر من 60 لغة

ياجماعة سألو مجررب ولاتسألو حكيم

وشكرا لاستيعابكن

 

[جمانة]

موضوع حلو كتير
هلأ بالنسبة للفيس بوك والله انا بحسو موقع عادي
يعني متلو متل اي موقع تاني
الهاي فايف وما شابه
و هو للتعارف لا غير
بعدين كمان الواحد فيه يتحكم بالشغلات يلي بملفو
يعني فيك ما تخلي حدا يشوف صورك الا قرايبينك والناس يلي انت بتضيفهم
يعني هو مجرد تسلاية و تضييع وقت
ومانو موقع بيهدم اخلاقيات الانسان و بيخليه منحل نفسيا و اجتماعيا
لا موقع عادي كتير
مع اني مو مشتركة فيه لانو ما بحب هيك شغلات
بس بحسو كتير عادي
و بالاخير كل واحد وطريقة استخدامو للموقع
و الموقع كتير بيئرب الناس يلي ما فيها تشوف بعض
و فيه مسنجر كمان
فبحس في منو فايدة
يسلمو ​

 

[حربوء]

تتمة

اسمحولي كمل ياجماعة

بالنسبة لـ(زهرة النرجس)

يعني أنا مابعرف ليش هالتهجم الفظيع من قبلك عالفيس بوك ؟؟؟!!!

يعني مو معقول تغيري وجهة نظر 300 مليون شخص بالموقع لمجرد إنك عم تتهجمي بلهجة تقيلة

خلينا نقارن بينو وبين أي موقع تاني

إنتو مثلاً هون بالبيلسان , وأنا كمستخدم هون بالمنتدى

فيني اقرأ كل المواضيع خلال يوم واحد , وبعدين لح يكون كل شي مكرر

يعني كل المنتديات محدودة , وفائدتا محدودة ( هي إذا مو معدومة تماماً )
لذلك أنا إذا بتلاحظو صرلي حوالي ست شهور مافتت عالبيلسان

بس لمجرد إنو وصلتني رسالة إنو في موضوع عن الفيس بوك فحبيت شارككن رأيي .

يعني بستغرب كيف البعض بيقضي أكتر من نصف يومو على المنتديات !!!!

انا مسجل بالفيس بوك من 3 سنين , وكل يوم , كل يوم بلاقي فيه شي جديد, بشكل مستمر

أي فنان بينزّل ألبوم جديد , لح تكون أول دعاية الو عالفيس بوك

أي كاتب بينزّل كتابو الجديد , لح يكون أول دعاية الو عالفيس بوك

أي رسام بينزّل لوحاتو الجديدة , لح تكون أول دعاية الة عالفيس بوك

........الخ

يعني من ميزات الموقع إنو موقع لامتناهي , متجدد , متكامل , متطور

بينما هون منلاقي انو الأقسام نفسا , الاعضاء نفسا , لك حتى كلمات

الشكر نفسا , التعابير نفسا , المسؤولين نفسن

ومتل ماقالت (روح الشام) إنو فينا نستخدمو بالمنيح , وفينا نستخدمو بالعاطل

ياجماعة أنا عم احكيكن عن تجربة حقيقية تماماً

أنا هلأ واحد من آلاف الأشخاص يللي وجدوا وظيفة أو عمل عن طريق الفيس بوك

أنا هلأ عم اشتغل عن طريق هالموقع , من خلال العلاقات

فوتو عالغوغل وابحثو عن الفيس بوك هلأ , واقرأوا عنو

لح تشوفو الدراسات يللي تثبت إنو هالموقع بيزيد نسبة الذكاء

كمان لح تلاقو كل كلامي صحيح


فما مافي داعي تتهجمو عالموقع

واللي بدو يهاجمو بدو بيستخدم موقع أفضل منو صح ؟؟؟!

يعني متل مابيقولو ( يللي مابيطول العنب , بيقول عنو حامض )

 

[حربوء]

لينكات

هي مجموعة لينكات كاتبة مقالات عن الفيس بوك

طبعاً مدح وذم يعني ( محاسن ومساوئ )

بس بدي اطلب منكن طلب

ياريت يللي مابيعرف شو هو الفيس بوك , لا يحكي عنو , ويقول انو موقع تعارف بس !

أوك؟؟


وهي بعض اللينكات

ظپظط³ ط¨ظظ - ظظظظط¨ظط¯ظط§ط ط§ظظظط³ظط¹ط© ط§ظط­ط±ط©

طھظط±ظط±: ط§ظط´ط¨ظط§طھ ط§ظط§ط¬طھظط§ط¹ظط© ط£طµط¨ط­طھ ط£ظط«ط± ط´ظط±ط© ظظ ط®ط¯ظط§طھ ط§ظط¨ط±ظط¯ ط§ظط¥ظظطھط±ظظظ « ARAB LIBRARIANS

http://ar.wikipedia.org/wiki/خدمة_الشبكة_الاجتماعية

 

[قيــ الروح ــثارة]

متل مو ملاحظ معي أخ حربوء كأنك توترت شو زيادة عن اللزوم

مو الكل حكى شي غلط عن الموقع بس كل واحد الو اسبابو بعدم دخول هيك موقع

واذا انت حابو هالقد ما حدا عم يقلك اطلع منو

وصح انا قلت قبل بحكيي انو كتير فيو اشياء منيحة وفيو الصالح وفيو الطالح

وميرسي الك

بس بدون تعصيب الله يرضى عليك ​

 

[الحرالباكي]

سلام عطر و مراااحب للجميع
سبحان الله..؟ طيب لو بتبسطو الفكرة شوي بتلاقو انو
الفيس بوك
موقع فري ومتميز بخدماتوا متل ماذكرو الأخوة سابقاً
انو المشكلة بالمنتسبين
مش بالموقع لأنو الموقع عاطي الحرية المطلقة للمنتسبين
بالتعبير الفكري والثقافي والأخلاقي إضافتاً إلى
اللهوا واللعب و لا أخلاقي كمان ^_*
فهالشي بيرجع لطبيعة المستخدم
أنو.؟ في يستغل الموقع للفائدة وفي بنفس الوقت يستغلوا
للفساد
اما شو نوع الفائدة وشو نوع الفساد هذا الشيء متروك
للمنتسب شخصياً .
يعني انو المفروض ان كل شخص بقتنع بنوع النشاط
الي عم يمارسوا سواء كان بالفيس بوك
أو حتى أي موقع تاني

وصرحة اذا بدنا نلخص كل الكلام الي انحكى بالمختصر و المعنى المفيد.
عن كل المواقع العملاقة ذات التجمعات الهائة على مستوى
العالم وعلى رأسها الفيس بوك

((هو سلاح ذو حدين ممكن انو نستخدمو للفائدة وممكن العكس تماما))
وباقي ما تبقى من الكلام كله عبارة عن قلاقل .
وتفاصيل هامشية
~.~.~.~.~.~.~.~.~.~.~.
يسلمو زهرة النرجس
ولكل الأعضاء الي مشاركين
وملاحظة كل اليحكو آرائهم صحيحة بس على شرط انو كل واحد منا يشوف بعين التاني وتفكيرو​

 

[Dreamy g!rl]

بصراحة انا رايي من راي الاخ حربوء بكل كلمة حكاها وببصم بالعشرة كمان
فعلا الفيس بوك الو كتير مميزات وشغلات مفيدة وايجابية يعني متل الجروبات
يللي بتتكلم عن الاتيكيت وفن التعامل او المجموعات يللي بتحكي عن الاسلام
وغيرها من الجروبات .. بس اما بالنسبة للسلبية فيو فهاد بعتقد بيعود على نفس الاشخاص والمستخدمين يعني اللي بتلاقي دايما عم يطئ حنك وماعم يعمل شي يعود عليه بالمنفعة والفايدة وينمي ويطور ثقافتو ويوسع معلوماته اكيد رح تحسي انو الفيس بوك سلبي اكتر من انو ايجابي
وانا بقول انو نحسن استخدام الفيس بوك ونبحث ونسعى لتطوير ثقافتنا ومعلوماتنا مو لنحط صورنا ونطئ حنك مع رفقاتنا ونتفرج على احلى شب ولا احلى بنت بالفيس بوك

وشكرا جزيلا ياقمر على هالموضوع الرائع جدا جدا جد موضوع شيق وممتع وكتير انبسطت انى شاركت فيو وبتستاهلي عليه احلى تقييم من كل الاعضاء

 

[زهرة النرجس]

عمو حربوء معلش تحكي شوي شوي يعني مابدنا دم يشرشر عم نحكي بهداوة نحنا مشان احنا بنخاف ​

 

[الوعد السوري]

أول شي نحنا عنا هالموقع بسوريا محظور :80:
لأنو حبيبتنا الحكومة خايفة عالشعب وبتعرف مصلحتو هيك بقولو ( ماتفكروا عم دور على منصب وزاري والله مابعرف حدى بالحكومة )

بس أنا عندي معلومات عن الفيس بوك وغيره من مواقع التعارف
والمواقع الاجتماعية وذات الخدمات المتعددة
ولذلك أنا رح اختصر الكلام وقول رأيي :
يا جماعة الفيس بوك أو غيره من المواقع هو متله متل النت بشكل عام فينا نستخدمه للفائدة أو للإساءة
يعني هو كمان متل كاسة الماء فينا نسكب فيها مي للشرب وفينا كمان نحط فيها خمر أعوذ بالله

إذاً الأمر كله راجع للمستخدم أولا وأخيرا

وشكراً لزهرتنا على الموضوع النقاشي الجيد

وبحب قول للكل
انو الاختلاف في الرأي يجب ألا يفسد للود قضية ​

 

[ra291964]

ستنتهي المعلومات الموجودة عال الفيس بوك بايدي المخابرات المريكية كما حدث مع جوجك و انا بصراحة لا انصح بالانضمام لمثل هذه المجموعات