امثال وحكم فلسطينية

[فايق و رايق]

في امثال فلسطينية و في غير فلسطينية ​

​

حبيبك ياكلك الزلط وعدوك بيستنالك الغلط​

القرعة بتتباها بشعر بنت أختها​

ان شفتك شفتك والا راحت عليك​

جبتك يا عبد المعين تعين لقيتك بدك مين يعين​

احلبلو في القدح صافي​

اجو يحذوا الخيل قام الفار مد رجله​

في رجال وفي رجرج وفي نسا وفي فسا​

الفقر فقر ارجال مش فقر مال​

كل أكل الرجال وقوم قبل الرجال​

بيتعلوا الزيانه في رووس الحزانه​

طول عمرك يا زبيبه​

خلي اللي في القلب في القلب ان اطلعته بيفضح وان كتمته بيسطح​

كان حبيبك عسل ما تلحسوا كله​

ما في ببلاش الا العمى والطراش​

لف لف وما جاب الا ملاة هالكف​

من جورة لدحريجه ويا قلب لا تحزن​

صام صام وافطر على بصلة​

حمارتك العرجا ولا اجميلة الناس عليك​

كل وبحلق عنيك أكله وانحسبت عليك​

هيش يا حمار يا تنحطلك عليق​

حسبنا موسى طلع فرعون ​

الديك الفصيح من البيضه بيصيح ​

لاقيني ولا تغديني​

قول ثور بيقول احلبوه​

اللي ما بيعرف الصقر بيشويه​

شوفني بعين بشوفك بالثنتين​

ورا ورا تصرنا آخر الناس​

لا تقلي خبيزة بقلك طبيزه​

شوفني السبت بشوفك الحد والثنين​

هالفت ما هو من هالعجين​

احلملي بحلملك​

بتوفي جوزها عشان عشيقها​

ما كل من ركب الفرس خيال​

قال شو بدو الأعمى قال قفة عنين​

ما قدر على الحمار نط على البردعه​

ان غرقت مركبك حط رجلك فيها​

راحت تتسلى رجعت تتوحم​

لا صيفه صيفت ولا عرضها نابها​

لا تقول اكثير تي صير في الخرج​

مجنون يحكي وعاقل يسمع​

كلبٍ داير ولا سبعٍ نايم​

المقروص بيخاف من جرة الحبل​

قال شفتك في الخمارة قال اللي جابك جابني​

بيقول للخبز طبز​

الرجال على قد افعالها​

عورة بتكحّل مجنونه​

أصايل الخيل بتعرف راعيها​

دار المبذرين خربت قبل دار الظالمين​

قال البغل غمي, رشوه ميه قال هو طلع اشي​

قال هو راضي وانا راضي وايش دخلك يا قاضي​

على قد الحافك مد رجليك​

قلنا هيك قولتوا اطلعوا من هالبلد​

العرس في عمورية واهل لبريج بترزع​

ادلعي يا خبيزه في صحون عووج​

البعيد عن العين بعيد عن القلب​

مدوا مدينا شدوا شدينا والشماته ليش​

غريمك نملي لا تنملي​

هيك أكله بدها هيك سفرة​

سمره وازبيبه وبتتوح على تفاح​

ما في حلاوة من غير نار​

قال اسمعي يا جارة وافهمي يا احمارة​

قال ليش ما كفنت ابوك لما مات قال هو انا لقيت كفن وما كفنته​

كوم احجار ولا هالجار​

اوقعنا ولا حد سمّا علينا​

ان وقعت البقرة بتكثر سكاكينها​

الزين زين ولو قام من النوم والشين شين ولو غسّل كل يوم​

اللي ما له اكبير بيشتريله كبير​

اللي ما له اكبير بيوقع في البير​

كل ما انزق هالخشبة بترجع لورا

​

منكوووول ​

 

[المستبده]

حمارتك العرجا ولا اجميلة الناس عليك


كل وبحلق عنيك أكله وانحسبت عليك


:19:

ه

حلوووين كتيييييير

يسلموووو ايديك فايق​

 

[§ أبو المر §]

الفلسطينية ما بينحكى عليون شي
مستبدة مافي شي بضحك
:80::80::80::80::80:

 

[عاشق الوسوف]

شكرا الك يسلمووووووووووو
​

 

[سوسنه]

مرمور روق يا ماما روق يا عيني..
هدول امثال شعبيه عن لسان الشعب ..متل ما في امثال شعبيه بسوريا وامثال شعبيه مصريه وامثال أردنيه ومستبده ضحكت على معنى المثل مش أكثر...روق واتروى يا عيني عليك عين وصابتك

 

[glossyrose]

كتير حلويين يسلمو

 

[§ أبو المر §]

يعطيك العافية فايق ورايق

 

[فايق و رايق]

حمارتك العرجا ولا اجميلة الناس عليك​

كل وبحلق عنيك أكله وانحسبت عليك​

:19:​

ه​

حلوووين كتيييييير​

يسلموووو ايديك فايق​

هه
نورتي مستبدة
و يسلم اديكي ​

 

[فايق و رايق]

الفلسطينية ما بينحكى عليون شي
مستبدة مافي شي بضحك
:80::80::80::80::80:

منور ابو المر ​

 

[فايق و رايق]

شكرا الك يسلمووووووووووو ​

منور ابو وديع
يسلمو عمرورك
​

 

[فايق و رايق]

مرمور روق يا ماما روق يا عيني..
هدول امثال شعبيه عن لسان الشعب ..متل ما في امثال شعبيه بسوريا وامثال شعبيه مصريه وامثال أردنيه ومستبده ضحكت على معنى المثل مش أكثر...روق واتروى يا عيني عليك عين وصابتك

منوره سوسنة ​

 

[فايق و رايق]

كتير حلويين يسلمو

مرورك الاحلى جاوسي روز
نورتي
​

 

[فايق و رايق]

يعطيك العافية فايق ورايق

الله يعافيك ابو المر
يسلمو عالمرور مرة تانية
​

 

[سِدْرَة المُنتَهَى]

حلوين ..حبيتهم
يسلمووون ابو سمرة
​

 

[دموع الورد]

​

 

[Cosette]

يسلموووووووووو سامر
:Albilsan (115)::Albilsan (115)::Albilsan (115):