اهداء الى البرشلونيين .... هذا هو ميسي !!!!

[Black Hawk]

اهداء الى الوعد السوري تعال وشوف مسموسك ​

وردا على المواضيع التي تستهدف امن القلعة البيضاء قبل الكلاسيكو​

وطبعا كلها محاولات يائسة من الكتلان لانهم يعرفون النتيجة مسبقا​

ندخل في صلب الموضوع ونترك الاحلام للكتلان لانهم لا يملكون سواها ​

ميسي يبصق على أحد لاعبي ملقه خلال مباراة الفريقين في الليغا الإسبانية الموسم الماضي ​

​

لن اعلق على الصورة فسأترك للجميع التعليق والمقارنة بين افضل لاعب بالعالم وافضل حارس بالعالم​

​

كما يقول الدكتور البجيرمي ( فتفرج يا رعاك الله )​

اكيد في فرق بين البصق وبين عدم المصافحة ​

حصريا لارض البيلسان ​

Black Hawk​

​

 

[الوعد السوري]

اي شو هالحصرياات يا معلم
يالطيف كيف آخدين هالصورة يلي مو واضحة منوب

يعني استعرت نضارات ابن جيراننا لحتى شفتها
على العموم رح سلم بصدقية الصورة

وقول انو أي تصرف غير أخلاقي من أي لاعب ولو كان ميسي
هو مدان ومرفوض لأن الرياضة أخلاق قبل كل شيء



بس ملاحظة صغيرة : صورة ميسي صرلها أكتر من سنة
أما صورة كاسياس فهي منذ أيام قليلة


مشكور ياغالي على الحصريات الملكية
​

 

[Black Hawk]

بالنسبة لكيف اخدين الصورة فبدك تسأل الصحافة الاسبانية والعالمية يلي لقطت الصورة
واذا انت استعرت نظارات ابن جيرانك لحتى شفتها
فنصيحة على اقرب دكتور عيون لانو مبين في مشكلة
ويمكن ما يكون في مشكلة لانو احيانا الواحد لما يحب شخص جدا يبطل يشوف عيوبه وهي بتصير مع الكل
ما علينا
انا ما بررت تصرف كاسياس بالعكس كاسياس كان منرفز لانو لاعب خيتافي اعاقوا
وسجلو منها هدف والحكم كان واقف يتفرج ​

واكيد اي تصرف غير اخلاقي من اي لاعب غير مبرر لانو بالفعل الرياضة اخلاق
قبل كل شي ​

ملاحظة اصغر : انا بالموضوع نوهت لانو الصورة من الموسم الماضي بس بتوقع انو التصرف الغير الاخلاقي ما بدو تاريخ محدد لحتى يتبرر ​

منور اخ محمد ​

 

[The Don]

بس هو ما بصق على العالم بصق عالارض ,,,,

يعني مالي شايف شي يؤاخذ عليه ميسي ............. ​

 

[Black Hawk]

لا ايتاشي معليش اسمحلي مو لهالدرجة يعني

هيك صار بدنا دكتور عيون رسمي بالمنتدى اذا مو لجماعة برشلونة فاكيد الي

لانو الكل مصر على انو مافيها شي

منور سامي باشا ​

 

[mahmoud salih]

مجرد البصقة طلعت منو ...فهو بيدل على غياب الأخلاق الرياضية ..

بس فينا نعرف السبب
​

 

[The Don]

يا جماعة ,,,, اي لاعب وقت بركض كتير وبيعطش بينشف ريقو فبيطر يبصق والصورة مأخوذة من زاوية غلط لهيك انت فهمتا غلط .......... ​

 

[Black Hawk]

مجرد البصقة طلعت منو ...فهو بيدل على غياب الأخلاق الرياضية ..

هو دا الكلام يا معلم

بس فينا نعرف السبب

والله يا عزيزي مافيني غير اعطيك رابط الخبر واقرأ اخر سطرين لانو هيك مكتوب بالخبر وحتى لا اتهم بالتحيز

http://www.artonline.tv/Sports/NewsDetails.aspx?NewsID=8534http://www.artonline.tv/Sports/NewsDetails.aspx?NewsID=8534


​

 

[Black Hawk]

يا جماعة ,,,, اي لاعب وقت بركض كتير وبيعطش بينشف ريقو فبيطر يبصق والصورة مأخوذة من زاوية غلط لهيك انت فهمتا غلط ..........

بالفعل صدق يلي قال عن الكرة انو منطقها هو ان لا منطق لها

والله كل شي بصير

معناتو هيك الحق على لاعب ملقه انو تصادف وجوده في اللحظة التي بصق فيها ميسي

يا اخي بالفعل الواحد لما يسمع اكتر من رأي يتغير تفكيرو

يالله بالجايات بدنا نشوف اللقطة من غير زاوية



منور مرة تانية سامي باشا ​

 

[The Don]

يا زلمة الخبر ملفق اتطلع منيح اللاعبين بعاد عنو اكثر من متر كيف بدو يبزق عليهم ..... ​

 

[Black Hawk]

​

 

[دموع الورد]

والله انا مو شايفة حد قدامه لحتى يبصق عليه ولا هاي مسكة بدهم يمسكوها على ميسي

هما اكيد صورو الصورة من زاوية او بشكل اللي تفيد يللي صورها
​

 

[mahmoud salih]

السبب غير معروف تقريبا لكي نعذر ميسي

وهذا كما ورد

وأوضحت صحيفة (ماركا) الرياضية الإسبانية أن اللقاء شهد صراعاً مستمراً بين ميسي ولاعب وسط نادي ملقه دودا والتي شهد إحداها سقوطهما معاً على أرضية الملعب المبللة بمياه الأمطار حين قام ميسي بالوقوف والاقتراب من دودا ويبصق عليه.​

​

وأفادت الصحيفة أنها غير واثقة حقاً إذا كان ميسي قد تعرّض للمضايقة ليقدم على مثل هذا التصرّف إلا أن كاميرات التلفزة لم تتمكّن سوى من ضبطه وهو يبصق على لاعب الخصم.​

​

وأن نتكلم عن الروح الرياضية وعندما ندافع عن شخص ..يجب أن يتدخل المنطق في هذا الدفاع​

​

جميعكم يعرف نطحة زيدان​

​

والجميع يعرف خفايا هذه النطحة ...فما تعليقكم أنتم على الموضوع​

​

مثلا ​

​

​

 

[Black Hawk]

يبدو ان الموضوع ولو كان عند انشائه من باب المداعبة بين مشجعي برشلونة وريال مدريد

وهذا طبعا لا ينفي صحة الصورة او الخبر الا ان الموضوع لفت انتباهنا الى مسألة مهمة وهي :

كيف نقيم تصرف احدهم اذا كنا جاهلين للاسباب التي ادت به الى ذلك التصرف وهل يختلف موقفنا يعد معرفة السبب ؟

وقد طرح الاخ محمود الصالح مسألة زيدان ونطحته الشهيرة وكلنا في بداية الامر لمنا

زيدان على تصرفه الا ان تبين الامر وتبين ان ماتيراتزي قد استفز زيدان بكلام لا يسكت عنه

الا ان تصرف زيدان ذاك قد غير رأي الكثير فيه , وهنا التغير جاء على شكلين فمنهم من

زاد حبه لزيدان واعجابه باخلاقه ودفاعه عن عرضه واخرون لم يجدوا في تصرفه اي مبرر

لما فعل بالعكس فقد رأوا ان لاعبا بحجم زيدان كان من المفترض ان يدع الامور الى اللجنة التادبية وهي تتصرف

والاكيد بان تصرف زيدان كان سببا لحرمانه من لقب افضل لاعب بالبطوله ناهيك عن كونه سببا لخسارة فرنسا اللقب

ولسنا بصدد ما كان سيفوز به زيدان او يخسره لولا ذلك التصرف فزيدان برأيي سيظل اسطورة لا يشق له غيار

لكن نحن في الاخر بشر ولسنا ملائكة معصومين ونجومية احدهم ومركزه او حجم السلطة التي يمتلكها حتى وان كان قدوة لكثيرين ورمزا لا يبرر باي شكل تصرفاته الغير اخلاقية على الاقل بالنسبة للبعض ...

ما سبق ربما يطرح مسألتين اكثر عمقا :

الاولى :عن مدى براءة الفعل اذا كان العقل بريئا
هل تسري هنا قاعدة ( لا يوجد ذنب الا بوجود العقل المذنب ! ) ؟

الثانية :
ان الانسان يجب ان يتحمل تبعات أفعاله حتى تلك التي لم يقصدها و لم يفعلها بنية مدانة مهما كانت أنماط تلك التبعات سواء مادية أو معنوية !




​

 

[moazo]

يسلمووو ايديك يا ملك :Albilsan (115)::Albilsan (115)::Albilsan (115):

لا تعليق دعو الصورة تتكلم

 

[ḾǑŏǑŏǓĐỸ]

الاخلاق الرياضية قبل اي شيئ صديقي ابو لؤي


بس كان بدنا نحط على بعضنا وحدة على كل شغلة ما حتلاقي لاعندو اخلاق رياضية


شكرا علموضوع

​

 

[برشلونية فور ايفر]

ه ما راح قول غير انو مو معقوول هالناس شو فاضيين ومعروف طبعا اي لاعب مشهور ومتمكن بحبو يطلعو عليه اشاعات ويمسكولو غلطة او بالاحرى يألفولو غلطة
طبعا انا ما بصدق هيك شي ومتل ما ال اتاشي اي لاعب وقت ينشف ريقو ويتعب بيبزق وهذا شي معروف وميسي مو اول واحد بيبزق عالارض واكيد طبعا الصحافة حولتها انو على اللاعبين على كل حال مبينة الاصة انو ملزقة تلزيق

 

[The Don]

ه ما راح قول غير انو مو معقوول هالناس شو فاضيين ومعروف طبعا اي لاعب مشهور ومتمكن بحبو يطلعو عليه اشاعات ويمسكولو غلطة او بالاحرى يألفولو غلطة
طبعا انا ما بصدق هيك شي ومتل ما ال اتاشي اي لاعب وقت ينشف ريقو ويتعب بيبزق وهذا شي معروف وميسي مو اول واحد بيبزق عالارض واكيد طبعا الصحافة حولتها انو على اللاعبين على كل حال مبينة الاصة انو ملزقة تلزيق

برشلونية عم تحكــــــي مــدوزن ........ ​