ايهم اكثر مشاكل البنات او الشباب؟؟؟

[دموع الورد]

كيف حالكم شباب وصبايا

كل ما في الموضوع انو في مجتمعنا زادت المشاكل والضغوطات وحنا مش عارفيــــن الصح من الغلط

سواء كان من الشباب او من البنات

في ناس برايها السبب الاول الشباب للمشاكل

لتعرضهم للمخاطر ويبتلون اهاليهم بمشاكلهم
وجرائم ومصائب مع اصدقائهم من سرقات ومغازل في البنات وغيره من البلاوي

والبعض يقول البنات السبب الاول

للمشاكل لان هم مشاكلهم كثيره وهي سمعه يجب الحفاظ عليها اكثر من غيرها لتجنب
المشاكل والاذى

والبعض يقول الاثنين معا

تختلف الاراء بين الشباب والبنات لكن سؤالي اليوم

اللي بقوله وبنا ناقشو بكل صراحة وحريه وطرح مشاكل تخص هالموضوع وهو

أيهم اكثر مشاكل البنات ام الشباب

استقبل آراءكـــــــــــــــــم بكل شوووووووق

​

 

[دموع الورد]

وانا كمان رح اشاركم في الموضوع واحكي راي
انا براي انو الشباب اكتر مشاكل لانو البنت دايما بتكون محافظة اكتر من الشب يعني كونها بنت فهي بتخاف على سمعتها وبتحاول ما تجيب المشاكل الها ولاهلها
بعكس الشب اللي ما بيهتم لشي لكونو بس اسمو شب وخاصة شبان هالايام بحاولو يثبتو وجودهم باي طريقة حتى لو كانت خاطئة وحتى لو انها بتسببلو المشاكل ​

 

[Black Hawk]

برأيي انو الشباب اكتر مشاكل لانو الشباب بيشكلو النسبة الاكبر من السكان بمجتمعناتنا
العربية والاسلامية وبطبيعة الحال هم اكثر تأثرا بواقع المجتمع ومتطلباته الحياتية مادية كانت
ام معنوية فالشباب اكثر انفعالا و تفاعلا مع المجتمع واكثر استعدادا للانجرار وراء مغريات الحياة
والانحراف والدخول في المشاكل وهم اسرع تأثرا بالاتجاهات الجديدة اللتي تغزو مجتمعنا
يعني اللي بدو قولو انو طبيعة الواقع ( الاجتماعي , الاقتصادي , الفكري , النفسي , التربوي ) الها الدور الاساسي بارتفاع نسبة مشاكل الشباب .

وبالنسبة لرأيك فمو شرط بتكون البنت دائما محافظة اكتر من الشب وما بتجيب المشاكل لاهلها
او لنفسها وبالنسبة لقولك انو شباب هالايام عم يحاولو يثبتو وجودهم باي طريقة وعم يتصرفو
على اساس انو شب وخلص ما بيهمو
فمو الكل بس نسبة لا بأس بها وهالشي متل ما قلت جاي من الواقع
يعني الوضع الاقتصادي وفكر المجتمع او تربيته بالاضافة الى الاتجاهات والثقافات الجديدة اللي
غزت المجتمع كلها عم تخلي الواحد مننا كشب ما فيني قول ضايع بمعنى الضياع
بس عم يركض وما عم يلحق فلهيك عم نتصرف تصرفات في بعض الاحيان
ممكن تجيبلنا مشاكل ووجع راس بس لحتى نثبت وجودنا بهالعصر المجنون
اللي صاير فينا متل اللي عم ينسحب من تحتو البساط
( ويلو انو يسند حالو مشان ما يوقع وتروح عليه وويلو انو بدو يلحق يوصل لاخر البساط )

ان شاء الله الفكرة تكون واضحة وما كون طلعت من صلب الموضوع وصرت بشي تاني
​

 

[aaaaay]

يمكن القول للكلا الجنسين مشاكل تكاد لاتنتهي لكن من يصنع مشاكل أكبر الشباب أكيد (نسبيا) لأن الأمور ولاعمال التي يدخل بها الشباب أكثر من البنات والبنت مشاكلها في الإطار الضيق (بعيدا عن الاخلاق ) أما الشب مشاكله على المستوى الواسع من المجتمع
شكرا يا صديقتي على هالموضوع