ايولد الابداع من رحم الحزن

[اميرةالنجمات]

الإحًـسـآس بالحْزُنٌ هل يًقوْد للإبَـدَاَعــ!!





مافي شيء متل الحزن بيولد الإبداع
لما بتضيق الآفاق وبتتسكر الابواب
وتخلوالحياة من الألوان
وبتقتصر ع لونين الأبيض والأسود ,,
لما بتنتحر كل الأشياء الحلوة والجميلة..
لما مابنقدر أنو نجبر أنفسنا حتى ع البسمة..!!
وقتها بيلجأ الشاعر لقلمه وأوراقه

ويركن الرسام إلى لوحته
وئتها بيقدر الكاتب يبدع
الراوي يروي
العاشق يزداد عشقاً...!!


لما بسيطر و بتستولي مشاعرالحزن ع الإنسان
وتحاصره من كل ناحية و اتجاه
ع إختلاف الأسباب يلي وصلتو لهل الحالة

فإن بذرة الإبداع في داخله تنمو وتتبلور
ع شكل قصيدة
خاطره
لوحة....
وبالوئت يلي بيكون هالشخص
مابيملك هالبذرة في داخله،
فمشاعر الحزن قد تخلقها عنده لتكبر مع الأيام...
يلي بقصدو أنه يتحتم علينا أن نستفيد من كل محطة
بيمر فيها قطار حياتنا
ونتزود منها للمحطة المقبلة ..
صح أن بعض المحطات بنمرء فيها
من دون إرادتنا اوإختيارنا...
و الذكي بحق هو من يخلق الجمال من الجماد...!!
ويعزف ع الحروف والكلمات اجمل وارق الالحان..!!
ويخلق من حزنه ابدااااااع....
السؤال

هل جعلك الحزن في يوم مامبدع ؟
ممكن تلجأ بهك لحظات لقلمك ام كراستك ولا شو بتعمل ؟

بتمنى يعجبكم
بتمنى مايكون مكرر
​

 

[جمانة]

دايما مشاعري هي يلي بتخليني اعطي
وما بعرف ليش لما تكون مشاعر حزن
بيكون فيني عبر عنها اكتر و اكتر
ما فيني سمي كتاباتي ابداع
بس هي فضفضة
وبتريحني
و نعم .. الحزن بيولد الابداع ..
و اصلا ما بيكون الشي ابداع
الا لما يكون ممزوج بمشاعرنا
بغض النظر عن ماهيتها
يسلمو ​

 

[► Mr.Rami ◄]

أنا من النوع يلي بكره الحزن
والألم أو أني اشعر أني مدايق

لأنو مخي بوقف

لما كون مدايق قلمي مابينفعي

أكتر شي بتنفعني الوحدة



بحب الاصطفاء الذاتي ^_^


​

 

[علي هادي]

مساء الخير

الحزن أحد المحفزات الأف للابداع و منها الكبت و الحرمان و الفقر , تجتمع كل هذه المحفزات لتلد جنين أسمه الابداع و للقاعدة شواذ ايضا , فالسعادة لها دور ايضاً لخلق الابداع .

عندما أحزن أعتكف في غرفة مظلمة و ارسم دوائر و اشكال هندسية و لكات غير مفهومة و لازلت احتفظ بكل هذه الكراسات .

موضوع قيم

 

[Black Hawk]

سأقتبس بعصا من كلام أحلام مستغانمي :

لتكتب ..
لا يكفي أن يهديك أحد دفترا وأقلاما ..
بل لابد أن يؤذيك أحد الى حد الكتابه ..
وما كنت لأستطيع كتابة هذا الكتاب..
لولا أنها زودتني بالحقد اللازم للكتابة ..
فنحن لا نكتب كتابا من أجل أحد .. بل ضده ..

===

قبل اليوم ، كنت أعتقد أننا لا يمكن أن نكتب عن حياتنا إلا عندما نشفى منها .
عندما يمكنننا أن نلمس جراحنا القديمة بقلم ، دون أن نتألم مرة أخرى .
عندما نقدر على النظر خلفنا دون حنين ، دون جنون ، ودون حقد أيضاً .
أيمكن هذا حقاً ؟
نحن لا نشفى من ذاكرتنا .
ولهذا نحن نكتب ، ولهذا نحن نرسم ، ولهذا يموت بعضنا أيضاً .


وانا اوافق احلام الرأي

تحياتي لك على الطرح المميز ​

 

[دموع الورد]

ما في حد بينكر انو الحزن ما بيولد الابداع لانو في كتير مبدعين كبار

ابدعو سواء بالكلمة ( الشاعر ) او باللون ( الرسام ) فالمشاعر مهمة في كثير من الحالات لحتى يخلق الابداع

مشان يقدر الواحد يفضفض ويعبر عن اللي بداخله

بس عن نفسي اكتر شي بريحني وقت كون زعلانة او متضايقة دموعي بضل ابكي لحتى ارتاح
​

 

[آلبتول]

نحن لا نشفى من ذاكرتنا .
ولهذا نحن نكتب ، ولهذا نحن نرسم ، ولهذا يموت بعضنا أيضاً .

 

[اميرةالنجمات]

دايما مشاعري هي يلي بتخليني اعطي

وما بعرف ليش لما تكون مشاعر حزن
بيكون فيني عبر عنها اكتر و اكتر
ما فيني سمي كتاباتي ابداع
بس هي فضفضة
وبتريحني
و نعم .. الحزن بيولد الابداع ..
و اصلا ما بيكون الشي ابداع
الا لما يكون ممزوج بمشاعرنا
بغض النظر عن ماهيتها

يسلمو ​

هلاء ممكن الواحد/ة ينولدابداعو ويظهر من تجربة ما مرء فيها
يابترجمو برسمات او كتابات بتريحو وبتخلصو من الشحنات السلبية
ومتل ماحكيتي جمانة بالنسبة ل يلي بيكتب بتكون عند البعض نوع من الفضفضة
اختلطت فيها المشاعر بصدق ان كان فرح او حزن والم
بتظهر بأروع صورة
بشكرك لمرورك الاول بموضوعي نورتِ ئلبي جوج