بدي أنصب خيمة و أشعل نار من ورق الشجر و أتدفى فيها

[عكــ البيلسان ــيد]

قدم وزير النفط سفيان العلاو مقترحاً إلى رئاسة الحكومة مؤخراً ، يقضي بخطة لتحرير أسعار الكهرباء والمازوت ، ووفقاً لصحيفة الوطن المحلية ، فإنه تم توزيع المقترح على الوزارات لدراسته وإبداء الرأي فيه من خلال انعكاس هذا الأمر على مختلف السلع .
وجاء في المقترح أن سعر كيلو واط الكهرباء في عام 2010 كان يباع بليرتين سوريتين ،طبعا هاد السعر مطبق على أقل شريحة استهلاك
على حين سيصبح في عام 2015 بسعر 6 ليرات سورية ، أما في العام القادم 2011 فسيكون سعره 3 ليرات سورية وسيرتفع في عام 2012 إلى 4 ليرات وفي 2013 إلى 4.5 ليرات وفي 2014 إلى 5 ليرات وصولاً إلى سعر 6 ليرات سورية للكيلو واط الساعي في الـ 2015 .
وبالنسبة لمادة المازوت ، اقترح الوزير أن يرتفع سعره في العام القادم 22 ليرة سورية، وفي عام 2012 سيرتفع إلى 24 ليرة ، أما في عام 2013 فسيكون بسعر 26 ليرة ، على حين في عام 2014 سيكون سعره 28 ليرة ، و في 2015 سيكون سعر ليتر المازوت 30 ليرة ! .​

.​

ومن بعد هالدراسة العظيمةمن قبل وزيرنا الله يحرسوا من العين
طلعت معي دراسة وحدة ما لها تاني
وهي اني أنصب خيمة و أشعل نار من ورق الشجر و أتدفى فيها​

فتأمل يا رعاك الله ما مصيرك عند حلول ال2015​

 

[عشتار]

نظرا ً للمؤشرات التي تؤشر في سماء الوطن ..

وفي ضوء التحديات التي تتحدى وما حدا قدا

ولأن المواطن يأكل الخبز والخبز بده خباز والخباز جوعان و ما في حدا دفيان على سيرة المازوت ..


وعلى اعتبار أن الأجواء مستمرة نحو التحسن التدريجي في الذكاء والعبقرية الوزارية

أقول :

الظاهر يا رفيق ما رح نعيش للـ 2015

والله أعلم
​

 

[mahmoud salih]

حنكة رهيبة غلاء الأسعاء كل سنة بالليرة والليرتين

وهيك حسب أستطلاع ذاتي في ظل هذه الحنكة ....أنه اكثر الموظفين والعمال نشاطاً في العالم هم السوريين اذ أنهم يعملون في ال 24 ساعة 24

اييييييييه خدني معك رفيقي لاتدفى معك

 

[Faby]

بس شوف في حكمة بالموضوع لانو بسبب الاحتباس الحراري ما عاد اجا اساسا برد وهنن كم يوم بالشتوية يلي بيصير فيهن برد كتير
بقى قالو لحالهن بهاليومين ما رح يموت المواطن من بردو بيدبر راسو بلبس كنزتين تلاتة صوف واربع خمس بناطلين وتلت جواز جربات ولفحة صوف و طائية صوف ويئعد تحت الحرام ..بيدفا
اساسا انا سوري اااااااااااااااااااه يا نيالي

 

[Faby]

وبرأيي لا كتير تحكي عن فكرة ورق الشجر ئدام كتير ناس بعدين حتى ورق الشجر بيغلى

 

[فرآشة الياسمين]

وهي اني أنصب خيمة و أشعل نار من ورق الشجر و أتدفى فيها[/SIZE]

فتأمل يا رعاك الله ما مصيرك عند حلول ال2015[/RIGHT]
[/SIZE]

زكاتك عبد حجزلي مكان شنو انا كمان بدي انصب خيمة حاكم اذا ما حجزتلي من هلق مارح يضللي محل بعدين لأنو على هالحال الكل لح يعيش نفس المأساة هه

 

[mahmoud salih]

ورح نرجع هاد الأنسان البدائي يلي بيلبس ورق شجر .....الله يخلينا ..........

 

[عكــ البيلسان ــيد]

​

أقول :​

الظاهر يا رفيق ما رح نعيش للـ 2015 ​

والله أعلم ​

أملنا كبير بالله ومجلس الشعب
والا يا رفيقة راحت علينا من هالدقيقة​

 

[المستشـــار]

لك أخ الله يعين المواطن السوري

 

[Pure Feelings]

احسن شي

هالمصريات اللي رح يحطن حق بنزين واواعي شتوية وصوبيات وشوفاجات ومكيفات

يروح يطلع فين ع شي بلد استوائية بفترة الشتا

منو بيعرف حالو انو عم يرفه ع حالو


ئال شو خضرة يا بلادي

 

[عكــ البيلسان ــيد]

حنكة رهيبة غلاء الأسعاء كل سنة بالليرة والليرتين

وهيك حسب أستطلاع ذاتي في ظل هذه الحنكة ....أنه اكثر الموظفين والعمال نشاطاً في العالم هم السوريين اذ أنهم يعملون في ال 24 ساعة 24

اييييييييه خدني معك رفيقي لاتدفى معك

اي الله يخليلنا الخطط الخمسية يارب
لك انا بعرف انو الخطة الخمسية
اخترعوها ليحسّنوا من وضع الشعب
وبالاخص المواطن المنتوف
وزيرنا المبجل طلعت معو الدراسة بالمئلوب

اااااااااايه تعا معي نخييم بشي ارض او مزرعة
بس اوعى تفكر انو لح نئدر نهرب من المعمة​

 

[ربيــــــع]

تجاهل وزير الكهرباء الدكتور أحمد قصي كيالي ما نشرته وسائل إعلام محلية حول مقترح وزير النفط سفيان العلاو بتحرير أسعار الكهرباء ، حيث نقلت عنه صحيفة رسمية " تأكيده بأن دعم قطاع الكهرباء مستمر وباقٍ من قبل الدولة لجهة التعرفة والسعر وشرائح الاستهلاك المعمول بها ".
وكان قدم وزير النفط سفيان العلاو مقترح، يقضي بخطة لتحرير أسعار الكهرباء ، حيث تم توزيع المقترح على الوزارات لدراسته وإبداء الرأي فيه من خلال انعكاس هذا الأمر على مختلف السلع .
وجاء في المقترح أن سعر كيلو واط الكهرباء في عام 2010 كان يباع بليرتين سوريتين ، على حين سيصبح في عام 2015 بسعر 6 ليرات سورية ، أما في العام القادم 2011 فسيكون سعره 3 ليرات سورية وسيرتفع في عام 2012 إلى 4 ليرات وفي 2013 إلى 4.5 ليرات وفي 2014 إلى 5 ليرات وصولاً إلى سعر 6 ليرات سورية للكيلو واط الساعي في الـ 2015 .
ونقلت صحيفة " البعث " الرسمية عن " كيالي " قوله " إن التعرفة المدعومة المعمول بها حالياً غير مطروحة للتعديل وليس لدى الوزارة أي جديد على صعيد التعرفة التي يعد دعمها أولوية في الخطط والبرامج والمشروعات ".
وبحسب الصحيفة " أكد وزير الكهرباء أن السعر ثابت لدى الوزارة حالياً وأن هذا السعر الذي تدعمه الدولة هو أقل من كلفة الإنتاج بكثير لتوفير دعم الطاقة للاستهلاك المنزلي بالدرجة الأولى وللاستخدامات الأخرى في القطاعات الزراعية والصناعية والتجارية وغيرها. وأن الوزارة ليس لديها أي جديد يذكر بما يخص تعديلات أو إجراءات على التعرفة ".
يذكر أن المقترح الذي قدمه وزير النفط يشمل تحرير سعر المازوت أيضاً ، حيث سيرتفع سعره في العام القادم 22 ليرة سورية، وفي عام 2012 سيرتفع إلى 24 ليرة ، أما في عام 2013 فسيكون بسعر 26 ليرة ، على حين في عام 2014 سيكون سعره 28 ليرة ، و في 2015 سيكون سعر ليتر المازوت 30 ليرة ، وذلك بحسب مقترح " العلاو ".

 

[ربيــــــع]

بظن أخي عبد بعد تجاهل وزير الكهرباء للمقترح ...مافي داعي تنصب خيمة

 

[دموع الورد]

احسن شي

هالمصريات اللي رح يحطن حق بنزين واواعي شتوية وصوبيات وشوفاجات ومكيفات

يروح يطلع فين ع شي بلد استوائية بفترة الشتا

منو بيعرف حالو انو عم يرفه ع حالو


ئال شو خضرة يا بلادي

شو رأيك تيجي على فنزويلا سنوء انتي وكل الشبيبة منه ترفيه ومنه تقليل للمصروف

اول شي ما في برد هون وتاني شي الكهربا رخيصة كتييييييير

بنصحكم تيجو لعندي اواااااااااااام
​

 

[ربيــــــع]

فكرة حلوة خاصة أنو السوريين ما بدهم فيزا لفنزويلا ....

 

[عكــ البيلسان ــيد]

بظن أخي عبد بعد تجاهل وزير الكهرباء للمقترح ...مافي داعي تنصب خيمة

ااايه اذا هيك اكيد ما لح انصب خيم
بس ان شا الله ما تكون ابرة بنج
ع كل حال انا لح خلي الخيمة تحت الطلب
يعني ما بتعرف الدنيا واحوالها

ومع هيك خضرا يابلادي خضرا وربيعك ازهار وفرح الدار

 

[Cosette]

حاجة تنقو
اذا الاسعار عم ترتفع فالرواتب عم ترتفع كمان
يعني نفس الشي
متل ما كانو اهل قديم عايشين نحنا عايشين بس بفرق العملة



شعب نقاق

 

[mr_ops]

عم تحكي عن الوضع بسوريا وانه بدك تنصب خيمة ...

انا الي بدي انصب خيمة وانا الي عايش برات سوريا .. لك قولوا الحمدلله على كل شي ..

ما بيعجبنا العجب ولا الصيام برجب ​

 

[عكــ البيلسان ــيد]

عم تحكي عن الوضع بسوريا وانه بدك تنصب خيمة ... ​

انا الي بدي انصب خيمة وانا الي عايش برات سوريا .. لك قولوا الحمدلله على كل شي .. ​

ما بيعجبنا العجب ولا الصيام برجب ​

يا صاحبي زمانا غير زمن اللي شافو الخير .... سمعان بها الغنية شي
لك نحنا دايما منئول الحمد لله على خير الامور وشرها
والحمد لله الذي لايحمد على مكروه سواه دائما وابدا
طيب ياسيد همام اذا جبنا فخامة دبي والمستوى المعيشي فيها
وحطيناهم بالشام ئولتك بيصير بيعجبنا هيك عجب
او ممكن نفكر انو نصوم رجب ​

وردة لعيونك​

 

[mr_ops]

يا صاحبي زمانا غير زمن اللي شافو الخير .... سمعان بها الغنية شي
لك نحنا دايما منئول الحمد لله على خير الامور وشرها
والحمد لله الذي لايحمد على مكروه سواه دائما وابدا
طيب ياسيد همام اذا جبنا فخامة دبي والمستوى المعيشي فيها
وحطيناهم بالشام ئولتك بيصير بيعجبنا هيك عجب
او ممكن نفكر انو نصوم رجب ​

وردة لعيونك​

اخي العزيز .. لما بدك تحط فخااااااامة دبي لازم يكون عندك راتب لا يقل عن الـ 25 ألف درهم شهريا ( يعني 312500 ليرة شهريا ) لحتى تقدر تعيش بفخااااامة دبي ..

كلكم بتشوفوا دبي على انها فخمة وقمة الفخامة فيها .. بس الحقيقة ما بتعرفوا قديش مكلفة العيشة والحياة بدبي بالذااااااااااااااات .. انا بالشارقة .. اخف شوي عن دبي ...

اخي العزيز .. صحيح ان العيش بدمشق او بسوريا مكلف ولكنه لن يكون مكلف كـ العيش بدبي