بدي مشاركة من الجميع بلا استثناء

[§ Sammo §]

عم اسمع قصص كتير بتحكي انو المرأة المتزوجة اذا صرفت عل بيت
ولو بمقدار 5 ليرات (او اي شي رمزي ببقية العملات) دائما بتقول للرجال انا صرفت عل بيت وانت مالك رجال
مع انو الرجال دائما هو بيصرف بس طبيعة الدنيا ما بتحتم عليه يحكي او يحس انو هو غلطان اذا صرف عل بيت



السؤال
هل أنت/ أنتِ مع انو الزوجة تساعد الزوج بمصروف البيت او لا
​

 

[كلام العيون]

ليك هلئ من ناحية انو تساعدو هي انا برفضها رفض بت

لانو الرجل يلي لازم يقدم للبيت مو المرى

الزوجة ماعليها غير تهتم ببيتها واولادها وبس والرجل يلي يهتم بكلشي برات البيت

لانو اذا بلشت الزوجة تحس حالها انو هية عم تشتغل او عم تساعد بتصير بتحس حالها انو هية مفضلة وبتبلش تقول انا وانا وانا فلذالك بلاها الله يوفقك

 

[\\ Dr.3'iNa \\]

بالعكس .. أنا مع .. و مع للعضم ..
الزواج مشاركة بكل شي ..
إذا الزوج ماعم يكفيه راتبو بمصروف البيت وين المشكلة إذا مرتو قدمتلو مساعدة ..
إذا هي أقرب وحدة الو وما ساعدتو فـ معناها مافي عتب عالناس التانية ..
والمرا يلي بتطرق زوجها منية لأنها صرفت عالبيت كم قرش هي للأسف حرام نطلق عليها زوجة حقيقية ..

​

 

[Pure Feelings]

ليه لأ
بالعكس لازم المرأة تساعد زوجا بمصروف اذا البيت اذا كان الراتب مو مكفي
لكن يروح يشحد من الناس واتكون مرتو بتشتغل وما تصرف بحجة انو انا رجال وانتي مرأة
هاد مو منطق
اما اذا بدا اتمننو و اتعيفو حياتو فبلا شغلا
بس عموميا انا مع انو المرأة تشتغل وتصرف ع البيت متلا متل زوجا

 

[زهرة الاوركيد]

اول شي الحياة تعاون مو خناقة

يعني ما فيها شي لو تساعدو بشي بسيط

طبعا بقصد بالتفاهم مو تساعدو وتمسكها عليه:80:

اكيد كلو بيرجع لنوعية المرة والرجال اللي بالبيت

 

[The Hero]

لا والله هالحكي مو صحيح والله منيح كمان بكرا تقول أنا ألي بظيت الولد مو أنت بركي هون ساعتا بعملا صورة بالحيط :80: اخي المرة من واجبا تساعد زوجا إذا عم تشتغل وإلا قسما بالله العظيم عالسريع ببطلا من الشغل وبخليا خدامة
بعدين أصلا وين بدا تروحي بالمصاري بدا تروح تصيع شو هالمرة هي
المرأة المزوقة :10: مافي منا هية ألي بتوقف مع زوجا بالضراء والسراء

أحلى أبو السيم على خط النسوان :19:

 

[sofi]

يسلموا على الموضوع...
انا بقول المرأه من واجبها مساعدة زوجها ليش اسمها حياة مزدوجه ومشتركه يعني ازا المرأه بتساعد زوجها هاد مو غلط الغلط انه يحتاجوا الغير ازا ما مساعدين بعظ..
بعدين ايد وحده ما بتزقف..يعني ايدها وايده بتعاونوا وبيعملوا كل شي حلو..!
شكرآ ويسلموا كمان مره مع التحية..!!!​

 

[عاشق البيلسان]

لا ابدا المجتمع الشرقي والعادة الشرقية ما بتسمحلنا انو نتقبل مشاركة المرآة بمصروف البيت​

 

[سعد قيس]

أكيد لازم تساعدو لان با النهاية الزوج والزوجة واحد وبدهن ينمو مستقبلهن ومستقبل ولادهن
من خلال التعاون
ع راسي حبيب موضوع حلو

 

[البيلسان]

هلأ ما فيك تختصر سؤالك سامو وما فينا نحدد أجابة حاسمة
بس مثلا
رجل محامي وزوجته معلمة مدرسة ,,,,, هنا أقول ان دخله هو ممتاز ودخلها مثلا وسط هو قادر على ملأ المنزل وليس بحاجة لمساندة بس مو غلط هي ببعض الأوقات انو تدخل ولو بأمورا الشخصية


رجل يعمل مدرس وزوجته طبيبة وطبعا مدخولها أفضل من مدخوله
سوف يكون هنا تدخلها من أجل تطوير الحياة المعيشية واجب وقد تشتري له سيارة لزيادة الرفاهية

اما الأساس ان للمرأ ةأعباء عدة منزلية داخلية لا يجب توريطها بأكثر من حياة أنثوية وعنايتها المنزلية و الامومية

إذا لا يجب الأعتماد ولكن يقبل التدخل بحالات عدة

وهذا رأي

 

[§ Sammo §]

شكرا لكل مين عطى رأيو وشارك بالاستطلاع



​

 

[lavander]

السلام عليكم ورحمة الله وبركاته​

مو غلط التعاون بالبناء ولكن بشرط دون منية من الطرفين
​

 

[بنوتة فلسطين]

اي تساعدو اذا اوضاعو مو منيحه وتسكرت في وشو كل الابواب احسن من انو يستعين بحدا تانيوشكرا على الموضوع سامو

 

[♣ Adolf Hitler ♣]

الزواج حياة المشاركة......ولا مانع من مساعدة الزوجة إذا أضطر المر ​

 

[سوسنه]

الزواج حياة المشاركة......ولا مانع من مساعدة الزوجة إذا أضطر المر ​

هاد الحكي المزبوط اذا تطلب الامر مو عمال على بطال يعني هوو يقعد وهيي تشتغل وتعيشووووو:80:

 

[الريشه السوداء]

بالعكس .. أنا مع .. و مع للعضم ..

الزواج مشاركة بكل شي ..
إذا الزوج ماعم يكفيه راتبو بمصروف البيت وين المشكلة إذا مرتو قدمتلو مساعدة ..
إذا هي أقرب وحدة الو وما ساعدتو فـ معناها مافي عتب عالناس التانية ..
والمرا يلي بتطرق زوجها منية لأنها صرفت عالبيت كم قرش هي للأسف حرام نطلق عليها زوجة حقيقية ..​

​

انا رئيي متل رئي غنى

 

[§ Lισи Hεαят §]

مرحبا شباب وصبايا
وميرسي أبو السيم معودنا على مواضيعك الحلوة
هلق المرأة إذا اشتغلت يعني قصرت بحق زوجها وولادها وبيتها
والتقصير سببو الوقت الضائع بعملها
هلق إذا كانت هي ما بدها تساعد بالبيت حقها
بس بالمقابل من حق الرجل وقتها يمنعها أنها تشتغل
وبصير من الواجب عالرجل أنو يصرف عالبيت لحالو ويأمن مصروف زوجته كمان

تحياتي

​

 

[M!ss glaMour]

بالعكس .. أنا مع .. و مع للعضم ..

الزواج مشاركة بكل شي ..
إذا الزوج ماعم يكفيه راتبو بمصروف البيت وين المشكلة إذا مرتو قدمتلو مساعدة ..
إذا هي أقرب وحدة الو وما ساعدتو فـ معناها مافي عتب عالناس التانية ..
والمرا يلي بتطرق زوجها منية لأنها صرفت عالبيت كم قرش هي للأسف حرام نطلق عليها زوجة حقيقية ..​

​

نفس الحكي اللي بدي احكيه

يسلمو عالموضوع سامو

 

[§ Sammo §]

شكرأ لكل شخص اعطى رأيو


​

 

[ماري]

ولله انا بقول أذا كان الزوج محب لزوجته و مخلص لها هو ما بمانع بهيدا الشي لانو هو وياها
واحد وهنن بالاخير عم يبنو بيت واحد


الخلاصة مافيها شي اذا ساعدته بعدين اذا هي ما ساعدته مين
بدو يساعده