بقعة ضوء

[حسام الحلبي]

السلام عليكم ورحمة الله وبركاته

بسم الله الرحمن الرحيم​

هاد الموضوع بالذات رح يكون خاص بتسليط الضوء على كل مايخص من حياة الناس الأجتماعية ومشاكلهم ورح يتم باذن الله تعالى النقاش بين الأعضاء عن المشاكل يلي بتصير ببلادنا سواء سوريا أو أ] دولة عربية أخرى وطرق حل هالمشاكل متل مشاكل الكهرباء والماء والصلرف الصحي ومناطق السكن العشوائي وتثبيت الملكيات والاجار والهواتف وافواتير والاقتصاد والأسعار والمازوت ووووو.......................الخ

طبعا أي عضو فينا بيقدر يطرح مشكلة حساسة بتواجه منطقة سكنو أو البلد ككل وباقي الأعضاء بيتناقشوا فيها وطرق حلولها أو أضعف الايمان وسائل التخيف من أعباء هالمشاكل على المواطن .................. بالاضافة لكل مستجد بيحصل من محليات .......

هي فكرة الموضوع العامة ..................وخلوني أبدأ بأول مشكلة أو مارح سمهيا مشكلة لأنو بالأساس لسا ماين خيرها من شرها :

سوق أوراق دمشق المالية ( البورصة ) : متل ماتعرفوا بدأ من يومين التعامل بها رغم الركود الأقتصادي العالمي ككل من جهة والضعف الأقتصادي السوري من جهة أخرى : يعني بخطر ببال أي شخص فينا أنو الأسعار غالية والبطالة منتشرة يعني بالعامة ( السوق دائر لافي بيعة ولا في شروة ) ياترى بهالأجواء وبالذات بهالمرحلة السياسية ( كلنا منعرف السياسة بتأثر بشكل مباشر على الأقتصاد ) مامدى تفاعل هذى البورصة مع السوق السورية ؟؟؟؟ هل هي جزء من الحل الأقتصادي أم تراكم للمشاكل ؟؟؟؟؟ مانسبة نجاح كهكذا سوق في وضعنا الراهن ؟؟؟؟ هل البورصة أصبحت أهم من لقمة العيش ؟؟؟؟ أرجو من الجميع التاعل بارائهم ومقترحاتهم بهذا الموضوع وبرأيك أخي العضو ماهي أنجع الطرق للتخلص من أزمة الأسعار المرتفعة ومالسبل لأرتقاء أقتصادنا ككل ؟؟؟؟ أترك الحديث لكم لأسمع أرائكم في أول بقعة نسلط الضوء عليها...........

 

[§ Sammo §]

رائع حسام بتفاجئني بمواضيعك دائما

لي عودة بأذن الله
​

 

[§ أبو المر §]

موضوع أكثر أكثر أكثر من رائع والله يا حسام أنك ملك

أنا بدعي أبو ريم ليحكي قصة الكلاب يلي بل حارة عندو
لأنو عاملين عصابة متل قطاعين الطرق :19::19::19:
يلا أبو ريم عم نستناك :19::19:

 

[مختار]

فكرة حلوة والله​

 

[حسام الحلبي]

بشكركم على التشجيع بس بدي نقاش واراء​

 

[حسام الحلبي]

​

 

[Heart_BeaT]

 

[البيلسان]

اخي حسام

رأيي شخصي طبعا بهل الموضوع

أوراق المال ما فينا نقول عنا تجارة ولا فينا نقول عنا عمل هي بالنهاية لعبة أسما لعبة البورصة و التحكم فيا بكون من ملاك شركات كبار وما بتدخل فيا سياسات تجارية ولا أقتصادية ولا بتدخل بنظام الأقتصاد بالدول لأنو بتصفى خارج الرقابة الضريبية ما رح تمس الاقتصاد او البنك المركزي لميزانية الدولة طبعا الربح فيا حلو كتير لانو ما بياخد تعب و الخسارة فيا رهيبة لأنو بتقش كلشي أحيانا

رح ألك مثال

متل لعيبة القمار لما بيجيبو واحد غشيم ما بيعرف يلعب
بربحوا بربحوا وبعدين بشلحو أوعيه

الأسهم و البورصة هي تجارة دخيلة غرضا سحب الأموال العربية للخارج بطريقة فنية وقانونية وهي لعبة حان بعد حرب العراق بأن تنتهي وتقوم بجمع المال العربي تحت مقولة خسارة كبيرة للأقتصاد العالمي وتشويش المواطن العربي ألاميا بأن شخصا أمريكيا أنتحر بعد أن قتل عائلته بسبب خشارته بالبورصة ليظنوا أنهم ليسوا هم فقط المتضريين

أسفي أن هذه الأموال لا تستثمر في تجارات عربية بين دول اللغة الواحدة العربية ولم نصل بعد لمساعي الدكتور بشار الأسد في تحقيق سوق عربية واحدة وتجارة عربية لا تشملها أي رقابة لتنمو أطراف الوطن مع بعضها البعض في وقت واحد


شكرا لمواضيعك المميزة أخ حسام

 

[ريحانة]

ووواااااااووووو بيلسان ردك مباشر وكبير وبمحلو
باينتك خطير بهالامور

موضوع رائع !! والردود اروع

 

[مختار]

​

 

[حسام الحلبي]

يعطيك العافية بيلسان شرح جميل وموثق لهل الموضوع ................... كنت منتظر منك تفتح موضوع جديد لحتى نتناقش يه بس يلا حصل خير خلي هالموضوع ياخد وقتو

 

[حسام الحلبي]

موضوع أخر لفت انتبهاني بأنو لازم نتناقش فيه هو مشروع دمشق القديمة وشارع الملك فيصل بالسادات يلي مقررين يهدوا الشارع كلو وصلا لمنطقة باب السلام والفرايين مشان يفتحوا اتستراد زهاب واياب لمسجد السيدة رقية وهو مشروع ايراني المحافظة انتهت من دراسة ورح تبدأ خلال فترة وجيزة ببدء توزيع انذارات للبيوت والمحلات الشاغلة تلك المنطقة ( طبعا بيت واحد منهم ) وبالنسبة للبدلات الحكي كتير أنو ممكن يكون بالحسينية أو أ[راج برزة الجديدة يلي على طريق حي تشرين أو بضاحية قدسيا وتصورا ياجامعة أنو تقدرت البيوت بأسعار زهيدة يعني بيتنا عربي بساحة باب توما وعبارة عن خمسة عشر غرفة وتلات طوابق قدر بخمسة مملايين ليرة سورية لأ والأصعب من هيك أنو بيتنا حصص ورثة تلاتة حصة وهالحال هو لمعظم السكان يلي بالمنطقة يلي ممكن المحافظة تدفع بلات نقدية أو سكنية ............. يعني السؤال يلي بطرح نفسو شو مصلحة المواطن وشو ممكن يستفيد من هيك مشروع غير الدمار يلي يلي بدو يطلع منو مجبور أو يلي عندو محل بشارع الملك فيصل عم يدر عليه دهب ( الله يرزقوا ) ويعطونو محل بالحسينية شو بكون استفاد غير الخسارة ؟؟؟؟؟ وممنوع الاعتراض عالسعر للمتر أو على المشروع أساسا يلي بتعملو المحافظة لازم نمشي عليه عالغميضي وين حقوق الشعب والديمقراطية ؟؟؟؟؟؟ وهي المشكة والبقعى يلي بدنا نحكي فيها اليوم بعنوان ( أين العدل يامحافظة دمشق ؟؟؟ أنصفينا ) بدي أراء ومشاركات لو سمحتو ويلي عندو مشكلة يطرحها منتشارك فيها لأنو الموضوع مو محصور عندي

 

[►RatoOoOb ◄]

مشكور حسامو
​

 

[The Hero]

بسنة 2010 بتوقع البلد عبارة عن كتلة سيارات ثابتة واقفة مابتتحرك
​