بلاغة موظف كحيان (منتوف)

[§ Sammo §]

هاد مرة موظف وقف عند السمان يلي بيحارتو واشترى شوية غراض

ولما طلب من السمان أنو يسجلهن عليه بالدين رفض السمان

و قلو ما بتعامل انا إلا بالكاش موني

فقلو الموظف متعجب : بدك كاش؟؟

قلو السمان أي ليش لأ؟

فجاوبو الموظف:

الكاش غير متوفر بالأسواق المحلية

لأنه تجمع بأيدي شلة من الحرمية

و الحرمية صاروا كتار

والكترة غلبت الشجاعة

والشجاعة كنز لا يفنى

والكنز موجود بالمغارة

والمغارة ما بتفتح إلا لعلي بابا والأربعين حرامي

والأربعين حرامي صارو ملايين

والملايين عم تندفع لضعاف النفوس رشوة

والرشوة صارت حق

والحق يا حسرتي ضاع

والأكل ما عاد منو غذاء

والغذاء مقابل النفط

و النفط جاب البلا على روسنا

و روسنا تمرمطت بالأرض

والأرض مقابل السلام

والسلام صار استسلام

والاستسلام ضيّع الكرامة

والكرامة خسر قدام الوحدة

والوحدة صارت حلم

والحلم سيد الأخلاق

والأخلاق تحولت لنفاق

والنفاق جمع نفق

والنفق لازم يتكمّل

ولحتى يتكمّل بدو متعهد بناء صالح

وصالح ما عاد بهالأيام

وبهالأيام صارت المفاهيم مقلوبة

و المقلوبة بدها بيتنجان و لحمة

واللحمة ماعادت تفوت لبيت الفقرا ولو نطحو الحيطان

و الحيطان صار ألها أدان

والأدان معبية البلد

و هالبلد صار في أكل هوا

والهوا صار في تلوث

والتلوث عشعش بالنفوس، والسجل المدني والقضاء

وللقضاء على القضاء صار بدو قضاء وقدر

والقدر علينا مكتوب

والمكتوب ما في منو هريبة

و الهريبة تلتين المرجلة

و المرجلة ما عادت لكل واحد

وكل واحد ألو ساعة

والساعة أتية لا ريب فيها

يوم يأخذ كل ذي حق حقه من اللي شفط منه في الدنيا

وعلى الدنيا السلام مشان الحصول على الأختام

والأختام عند المدام

والمدام كانت شامية وهلأ صارت روسية شقرا

و الشقرا بتهز الأرض

و الأرض بتتكلم عربي

و العربي ماحدا بيقدر عليه غير الله

والله اذا منضل على هالحالة لتسحبنا الكلاب

والكلاب أحسن من البني آدم

وآدم علق علقة مسخمة مع حوا

و حوا ما بتعرف غير كلمة بدي

و بدي ألعن أبو هالحالة

بـــطـــلـــت اشــتـــري!!؟​

 

[الاسمر]

ايه والله لو انا كانت نتفتوا لهل السمان شبوا حكالوا كلمه رد عليه عشررررررره

الله على هل ناس بيجيبوا المرض

ه

يسلمو خيو

 

[المستبده]

واللحمة ماعادت تفوت لبيت الفقرا ولو نطحو الحيطان

لازم يحكي اللحمه ما عادت تفوت لبيت الموظفين

ولو نطحو الحيطان

بعدين هاد مش منتوف ولا كحيان هاي حاله طبيعيه لانو موظف

خخخخخخخخ

يسلمووووو سامووو

والله لازم يطخو السمان​

 

[Dr_Fox]

حلوة يسلمو ​

 

[شام]

اي انلعى البي يلعي الب ها السمان

​

 

[روح الشام]

:19::19::19::19::19::19::19::19:


والله معو حق كلنا بالهوا سوا




يسلمو سمسوم

 

[المستشـــار]

عن جد شر البلية ما يضحك

 

[PliiiJl JljJj]

يا حيام
كل هاد

 

[Life of the soul]

هه
شو بيلعي هالسمان


يسلمووو سامو

​

 

[الوعد السوري]

اي انلعى البي يلعي الب ها السمان​

هه


شو بيلعي هالسمان

​

يسلمووو سامو

​

شو ما قريتو العنوان لك الموظف هوه عم يلعي

شو آكلين
هه​

خيو سامو كتير حلوة يعطيك العافية
بس أكتر شي عجبني هاد المقطع ياحزرك ليش؟؟
والكرامة خسر قدام الوحدة

​

​

 

[قيــ الروح ــثارة]

ولي على قامتي كل هالشي وأخر الشي بطل يشتري ​

يعليي عليك يا موظفنا ​

ميرسي مسيو سامو ​

:19::19::19::19:​

 

[§ Sammo §]

:19:
ياهلا جميعا
الله لايجعلكون منتوفين :19:
نورتو شلة
​

 

[diamond]

شو مشان أنا بطلت كمل قرائة
:19::19::19::19:
مشكور حبيبي​

 

[Senior Anas]

الله حيوووووووو يا سيدي كاتب هالشعر او النثر
راااااااااااايق وفهمان وما كتبووو عن عبث
يسلمن سااااموو

 

[miss of disaster]

ه
انا لو كنت محل السمان كنت ضربتو هوي و الاغراض يضرب شو لبخة شو هدا
يعطيك العافية

 

[جمانة]

ئطعلي قلبي هالزلمة

يسلمو سامو :19::19:​

 

[♥البرنسيسة♥]

:19::19::19::19::19:

يلعي قلبو وبالاخير بطل يشتري كمان

يسلمو سامو غير شكل​

 

[عهد القمر]

و المقلوبة بدها بيتنجان و لحمة
لحمة فيه غلط
انا بعرف بالجاجة


الموضوع حلو
والحلو صار غالي
والغالي لدهب
ودهب ارتفعت اسعارو
والاسعار عما تكوي نار
والنار بدا مي
والمي مقطوعة
ومقطوعة
وصباح الخير ياعرب

​

 

[ملكة زماني]

ايه والله نسينا شو كانت القصة

يسلمو ​

 

[fofetooo]

يخرب بيت البو شوو بالع مسجلة