بيلسانيات..!!

Yara

وشوشات قــــلم

إنضم
Feb 20, 2010
المشاركات
1,121
مستوى التفاعل
53
المطرح
داخل قصيدة دمشقية
حين تكون لحظاتنا مثقلة بالنعاس والضجر الفراغ او الازدحام

يلزمنا فسحة تهوية او تنفس كما يقولون

وبما انو الشتوية صارت عالبواب وفي بعض الروايات..فاتت من البواب وقعدت وتربعت

يعني صار عنا ثبات شتوي نوعاً ما فارتقت..الي هي انا..

الى تسلية نفسها ببعض اللطشات من هون وهون..وعلى طريقتها الخاصة

بما انو ما شاء الله لا يوجد اكثر من النماذج الدسمة لبتخلينا نكتب بدل

الموضوع..معلقات

دون السهو عن ان كل ما سيُدرج هنا هو مجرد فشة خلق مواطنة عربية ..

الي هي انا مرة تانية

لم تعد تؤمن لا بالحرية ولا بالديموقراطية فقررت انشاء فضفضة لحالها

تناقش وتحاور وتبحث في امور الكرة الارضية ..لحاويتنا

فرحبو معي باعضاء هالفضفضة..دون اللجوء للتصفيق ..يعني واصلة

اصاقائي هما..جديدان على الساحة البيلسانية ..حبوب ابن زعلان

وفرحانة بنت طفشان..مع التمني لهما ببيلسانيات موفقة

وتحملونا..
 

Yara

وشوشات قــــلم

إنضم
Feb 20, 2010
المشاركات
1,121
مستوى التفاعل
53
المطرح
داخل قصيدة دمشقية
حبوب:انو مرحبا

فرحانة:اهلين

حبوب: شو كيف الجو

فرحانة: عندي متلج وعندك؟؟

حبوب: والله عندي غائم لشحيح الامطار ..نشفنا ع قلة المطر

فرحانة: طيب ليش ما بترشو الغيم ليمطر

حبوب: حلوة هي نرشي الغيم..ليش الغيم بينرشا

فرحانة: ما في شي ما بينرشا هالايام حتى الهوا لعمنتنفسو عم نرشيه

لحتى ما يخنقنا

حبوب: اااااااايه عجبي على دنيا نايمة تحت جسر المشاة

وما حدا معبرها كلو بيدعس فوقا

فرحانة: طول بالك الا ما تفرج وتمطر خير عليكم

بدا طولة بال ..لانو يبدو انو السما اخدة شوية برد وعم تسعل

بعد ما نقلولا كل الامراض المعدية


 

Yara

وشوشات قــــلم

إنضم
Feb 20, 2010
المشاركات
1,121
مستوى التفاعل
53
المطرح
داخل قصيدة دمشقية
فرحانة: حبوب كيف الواحد بيقدر يعيش يوم زيادة

خارج كل هالاحباط لحواليه

حبوب: اوف اوف احباط ويوم زيادة خير شو في

فرحانة: عم اسالك جاوبني

حبوب: والله براي يشفلو الواحد شي منفذ بينفد ع شي طاقة

بعيدة عن كل شي بيعكر مزاجو

فرحانة: طيب واذا كل الطاقات تسكرت بوشو شو بيعمل

حبوب: معناها حالتك مستعصية وما منا علاج

فرحانة: هيدا الحب يا حبوب هيك بيعمل فينا بيطلعنا وبينزلنا بياخدنا وبيجيبنا

وبعدين بضربة وحدة بينسفنا

حبوب: معناها اعتزلي الغرام

فرحانة: مو حل

حبوب: ليش حاسك صايرة مفلسفة زيادة اليوم

فرحانة: لاني انصدمت..

حبوب: بسيارة؟؟

فرحانة: لاء بانسان كنت مفكرتو عندو ثقة فيني وبجدارة

حبوب: وشو صرلك؟؟

فرحانة: بكل بساطة انكتبلي عمر جديد
 

عكــ البيلسان ــيد

سيد الياسمين النـائب العام

إنضم
Oct 8, 2008
المشاركات
7,935
مستوى التفاعل
144
المطرح
شـــــام شـريف
رسايل :

..." وكأن الوقت في بعدك واقف مابيمشيش "...

شتا هالسنة لح يكون شغلة حلوة كتير
وهواياتو كتير حلوين ع الاكيد
لانو لح يكونوا مشبعين بنفحات اروع مواطنة عربية سورية

بانتظار فرحانة لتحكيلنا عن عمرها الجديد وشو انكتب فيه
 

دموع الورد

رئيس وزارء البيلسان

إنضم
Dec 19, 2009
المشاركات
13,384
مستوى التفاعل
139
المطرح
هنْآگ حيثّ تقيأت موُآجعيّ بألوُآنْ آلطيفّ..
رسايل :

يااارب انا في قمة ضعي وفي عز احتياجي اليك فكن معي

مع فرحة وحبوب اكيد الشتوية غير :16:

متابعة اكيييييييد :25:

 

أيلول

نبض السعادة من رحم الألم

إنضم
May 31, 2009
المشاركات
3,932
مستوى التفاعل
109
المطرح
أرض الله الواسعة
رسايل :

مــا أبعد الصباح في هذا العالم

بكل بساطة انكتبلي عمر جديد ...........


متابعة يارا .. شتاءك
 

احلى دنيا

بيلساني لواء

إنضم
Mar 30, 2009
المشاركات
3,904
مستوى التفاعل
44
المطرح
بالاردن
حلو حلو .. متابعه وبشوق :1:
 

إلهام

بيلساني لواء

إنضم
Jul 20, 2010
المشاركات
4,850
مستوى التفاعل
97
المطرح
على مد البصر اتواجد
رسايل :

كان بعض مني ..... بعض من افكاري ...... بعض من حنيني ...... واصبح بعض من ذاكرتي المشوشة ....

اطمح ان اجد لي هنا متكئ
يخفف عني شتاء العام الجاف
لعل الغيوم ترشنا نحن البشر ببعض السخاء
من لدنها وتمطر
متابعة بترقب شديد
 

إنضم
Mar 9, 2009
المشاركات
10,889
مستوى التفاعل
99
المطرح
بعيــــداً عن تفاهـآت البششر !
فرحانة و حبوب ,, حبيت اسمائهم :16:
متابعة معاك وردة*
 

Yara

وشوشات قــــلم

إنضم
Feb 20, 2010
المشاركات
1,121
مستوى التفاعل
53
المطرح
داخل قصيدة دمشقية
حبوب: فرحانة فرحانة

فرحانة: لك شبك بتضلك مصروع

حبوب: ليكي في عنا ضيوف وعم يسلمو علينا

فرحانة: بالله جد..ييي اي والله اهلين نورتونا وما كلفتونا

منشكركم انا وحبوب فرداً فرداً بدءاً من العكيد هيك لنوصل لملاك الروح

واللهم طولك يا روح

حبوب: خير شبك اليوم كمان

فرحانة: ما فيني شي بس قريت شوية كلام صاحبو مفكر حالو

عم ينكت..وبدل ما ينكت بسخرية عالواقع نكت بمسخرة مرة

حبوب: هاتي لنشوف شو قريتي

فرحانة: سماع..قال شركة سياحية اميركية تعلن عن رحلة الى العراق

لمدة اسبوع بِ 100 دولار اميركي شاملة تذكرة الطيارة والوجبات والتنقلات الداخلية

ورسوم ومراسم الدفن والعزاء

حبوب: لعما شو هاد

فرحانة: لك تخيل يا حبوب لو انت باميركا او ببغداد او باي بقعة بهالارض

وقاعد مروء وعم تفطر مثلاً وقريت هالنكتة شو رح بيكون موقفك وردك

يا ترى رح بترد وتقول متل مو 99,99 بالمية من الشعب العربي بيرد وبيقول

...اااااااايه يحرء حريشو ..شر البلية ما يضحك..

وتنسى الموضوع وتكمل فطورك..او بتطلع قهرك وبتصرخ وتقول

شعب عربي بطران..

حبوب: بدك للصراحة..رح بقول جملة وحدة

شعب ..الله جعلو ما كان
 

Yara

وشوشات قــــلم

إنضم
Feb 20, 2010
المشاركات
1,121
مستوى التفاعل
53
المطرح
داخل قصيدة دمشقية
فرحانة: حبوب مبروك التلجات عندكم ان شاء الله كل تلجة وانتوا بخير

حبوب: لك اهلين بفرحانة مو معقول شو وشك خير من لما بعتيلنا

شوية تلج من عندكن تلجت عنا

فرحانة: معناها لضحايا الشتاء والمطر والتلج ومشتهيين اللون الابيض

وانتهاكات البرد الفادحة تحياتي

مع سمايل كبيرة

حبوب: والله ع راسي انتِ يا فرحانة

فرحانة: تشاكورات افندم حبوب

حبوب: شو شكلك قلبتي عالتركي ومشيتي مع الموجة

فرحانة: لا ابدا هي تركتا لستي لانها من مشجعين المسلسلات

حبوب: ستك؟؟ ليش ستك بتحضر تركي

فرحانة: اي طبعاً ويا ويلي شو بكيت ع خليل لما مات ولا تسالني مين خليل

لانو علمي علمك بس يومها هيك خبرتني خالتي قالتلي ستك زعلانة ع وفاة خليل

ومحسوبتك من جدبتا قعدت تشوف مين بالعيلة اسمو خليل لحتى ستي زعلانة عليه

سمايل مذهول ..وحالة

حبوب: يبعتلا الهنا ستك لكن شو قصة تشاكورات

فرحانة: ليش مو ملاحظ شي غريب بالمكان لحاوينا

حبوب: غريب متل شو مثلاً

فرحانة
: عم حسلك وكانو قادمين ع موجة انقلابات عصملية

حبوب: لعما شو هالحكي وشو عرفك

فرحانة: هاد يا سيدي من كم يوم شفتلك شغلة صعقتني ومن وقتا

عم حس انو في حركة غريبة عم تصير هون

حبوب: ولي وشو شفتي؟؟

فرحانة: لربما الآتي اعظم ..بس شفتلك فرمان بالبيلسان


 

ربيــــــع

بيلساني سنة رابعة

إنضم
Jul 29, 2010
المشاركات
744
مستوى التفاعل
29
جميلة هي هذه الحوارات الدافئة التي تتسرب كلماتها بين نسمات هواء الشتاء البادة ....
لعل لحوارات الشتاء نكتها الخاصة .....
متابع معكِ بإذن الله .... مع خالص تحياتي ...
 

ČốηťĕṨṩก

♥*.¸المحاربين القدماء¸.*♥

إنضم
Sep 26, 2008
المشاركات
11,461
مستوى التفاعل
106
المطرح
بالدنيا
رسايل :

الحمـــــد للـــــــه .....♥

حلوة حلوةوردة*
 

STELLA

المحاربين القدماء

إنضم
Oct 24, 2008
المشاركات
9,614
مستوى التفاعل
155
المطرح
على ضفاف أحلامي الضائعه
رسايل :

Open your eyes a little bit Maybe You can see my heart

يارا

للمكوث معكِ في أي الفصول

روعة لا توصف

أتمنى أن يسعفني الوقت

وأقرأ جميع ما دار بين حبوب وفرحانه

لك من قلبي أمطار من المحبة
 

Yara

وشوشات قــــلم

إنضم
Feb 20, 2010
المشاركات
1,121
مستوى التفاعل
53
المطرح
داخل قصيدة دمشقية
فرحانة: يا اهلين وسهلين بضيوفنا ستيلا

contessa والمعماري

وفهموني بس انو اخوانا اللبنانية ع شو عم يتقاتلوا

حبوب: لك تركي الضيوف بهمن ليش لتكركبيلون عقلاتون

فرحانة: معناها جاوبني انت

حبوب: ما بحكي سياسة انا

فرحانة: لاء لاء هي مو سياسة هاد صار موضوع وشغلة لمالو شغلة

الكل بيحكي فيه من الزغير للمقمط بالسرير

حبوب: اكرر..ما بحكي سياسة

فرحانة
: لك احكي من شو خايف عبر عن رايك هون في ديموكراتية ع قولة اشقائنا

ورسمالها كلها نسف بيلساني

حبوب: هلئ شو جاب هالسيرة عبالك اليوم

فرحانة
: والله لانو استفزيت بالشغل اليوم بسبب هالموضوع

تخيل انو مفكرينا نحن العرب همجيين وارهابيين وانو نحن ورا المشاكل والحروب هون وهون

طيب ماشي اذا نحن العرب ورا كل هالمصايب لعمتصير طيب احتلال فلسطين وهدم البيوت فوق روس اصحابا

مين وراه واشعال الفتنة بالعراق و و و الخ

حبوب: والله يا فرحانة لما ما منكون ايد وحدة ومنعيش عالاستعانة

بصديق كل ما اندقنا دون الاعتماد ع حالنا فمن الطبيعي نوصل لهالنتيجة

ولبنان وكل الدول العربية متعودة دايما على الاستعانة بالخارج والله يستر من الجاية

فرحانة: اااااايه سياسيين اذا ضُرِبَ الحذاء بهم صاح الحذاء وقال يا ريتني ..صاروخ

حبوب: اااااايه وعرب لو تكاتفوا مع بعض لصرخوا صرخة وحدة وقالوا قولاً وفعلاً

والله لنخلي جنودك ترقص متل قرود السود يا يهود
 

دموع الورد

رئيس وزارء البيلسان

إنضم
Dec 19, 2009
المشاركات
13,384
مستوى التفاعل
139
المطرح
هنْآگ حيثّ تقيأت موُآجعيّ بألوُآنْ آلطيفّ..
رسايل :

يااارب انا في قمة ضعي وفي عز احتياجي اليك فكن معي

يارا للشتاء معك نكهة خاصة

متابعة وبشغف :25:


وشوشة بيلسانية:16: : لا تطولي علينا الغيبة :22:
 

Black Hawk

بيلساني سوبر

إنضم
May 11, 2009
المشاركات
2,057
مستوى التفاعل
35
المطرح
!!.. على شط الفرات ..!!!
حوارات بنكهة الواقع

بانتظارك دائما يا نبض البيلسان
 

Blue Diamond

بيلساني مجند

إنضم
Apr 30, 2010
المشاركات
1,453
مستوى التفاعل
8
المطرح
بهالدنيا
رائعة وردة* ومتابعة بشغف
 

Yara

وشوشات قــــلم

إنضم
Feb 20, 2010
المشاركات
1,121
مستوى التفاعل
53
المطرح
داخل قصيدة دمشقية
فرحانة: في ناس يا سُراقة بتقول متلو ما مرق

وناس بتقول يا دموع حتى الحكي مني انسرق..ويا ماسة زرقاء شو بدي خبرك

عن العمر وكأنو طيارة ورق

حبوب: فرحانة ليش اليوم زعلانة

فرحانة: بتعرف يا حبوب يا ريتنا منضل اغراب وما حدا بيعرف حدا

عالاقل الاغراب بيمضوا بحالن وما بيتركوا فينا بصمة حزينة

وما بيصحو فينا غرق المدينة

حبوب: هاد القلب مو

فرحانة: القلب وما ادراك ما القلب متل الغربة لمنسكنا وما منملك فيها شي

شو بخاف يا حبوب صير من حزب الكارهين وقتا مين رح بيرجعني لعقلي

حبوب: الحب ..حبي حالك قبل ما تحبي الناس

فرحانة: بس انا بحب كل الناس انا بنت بتغفى وعندا ايمان انو الارض كروية

وانو السما بعيدة وانو الشمس ان شرقت علي رح بتكون من وهج عيونو

حبوب: لوين اخدتينا يا فرحانة

فرحانة: انا مو معصبة ولا زعلانة انا مقهورة

لاء لاء انا بقمة غضبي..

حبوب: بل انتِ عشقانة يا فرحانة
 

إلهام

بيلساني لواء

إنضم
Jul 20, 2010
المشاركات
4,850
مستوى التفاعل
97
المطرح
على مد البصر اتواجد
رسايل :

كان بعض مني ..... بعض من افكاري ...... بعض من حنيني ...... واصبح بعض من ذاكرتي المشوشة ....

فرحانة شو رح تعمل بحالها
اذا بجد عشقانة
من اولها غضب وحيرانة

اخ ياحبوب شو قلبك كبير
يارا تنهدي كتير هون وتنفسي
وردة*
 
أعلى