تعلم تعمل أيقونة..اللي يفتحها تطفي له جهازه

[B.A.R.C.A]

هي المشاركة أنا حطيتها مو لأني بحب الأذى لأ وأصلاً أنا ما بفكر فيه, بس منشان الواحد يتعلم لأنو أحياناً بيضطر...أترككم مع الخطوات...

أول شي منسكر يللي فاتحينه ومنعمل Right Click (ضغطة يمين بالماوس) على الـDesktop (سطح المكتب) ومنكبس على الخيار New (جديد) وبعدين Shortcut (اختصار)..



وبعد ما نعمل الخطوة السابقة منلاقي أنو انسدلت لنا نافذة جديدة وهي النافذة هي لإملاء بيانات وفيها فراغ واحد المفروض نكتب فيه العبارة التالية: shutdown -s -t 00 مع مراعاة الأحرف والأرقام والمسافات وملاحظتها..



وبعد ما نكتب المطلوب منعمل Next (التالي) ومنلاحظ أنو بنفس النافذة بتتغير الصفحة لصفحة جديدة منلاحظ بشريطها يللي فوق أنو هي لتحديد اسم الاختصار ومنحدد الاسم اللي بدنا ياه منشان يكون الاختصار تحت هالاسم..



وبعدين منعمل Finish (إنهاء) ومنلاحظ أنو صار على الـ Desktop (سطح المكتب) Shortcut (اختصار) جديد تحت الاسم يللي اخترناه سابقاً..



وهادا الـ Shortcut (الاختصار) إذا فتحناه بيخلّي الكمبيوتر يطفي نظامياً متل ما منطفيه من القائمة Start (ابدأ) بس بدون تحديد طريقة الاطفاء...



زبس..
وأي شي مو واضح بس خبروني وإن شاء الله بوضحه.