تلطيش الشباب للبنات وأنواعه

[CoOoL CaAaT]

مرحبا يا صبايا يا حلوين

*************************​

اليوم رح نحكي عن تلطيش الشباب للصبايا بكل أنواعه ​

1- تلطيش الزناكيل :وهدول كل واحد منهن معو سيارة حديثة ومركب فيها مضخم صوت مشان الحارة كلها تسمع وعلى أغاني , مثلا ​

( صدمة عاطفية ) ل هاني شاكر .....مطرب العلاقات الفاشلة والأغنية طبعا(غلطة)​

(عشق وغرام حب وهيام ) تامر حسني وأغنية (الله يباركلي فيك )​

أما ازا الئصة فرفشة وتلطيش بالجملة فما الهن الا ​

فارس كرم وغنية (ختيار عالعكازة ):19:​

2- جماعة (العين بصيرة والايد قصيرة)وهنن الأغلبية يلي كاسحين السوق كسح ......
وهدول بيمشوا وبوئفوا وهنن عم يغمزوا ويلطشوا​

​

ومن أهم أقوالهن المأثورة :​

ولك على رمشي السابو بيمشي ​

ولي على بعضي أنا أول مرة بشوف ئمر عم يمشي عالأرض
حئك ترفسي الئمر وتئعدي محلوا وتحطي رجل على رجل:Albilsan (115)::Albilsan (115):​

3-في شباب التلطيش عندهن هواية ... لا أكتر ولا أقل وهدول ما بيئصدوا أماكن تجمع الصبايا وما بفكروا يلحئوا أي بنت أساسا
بس ازا صادفتهن وحدة قاموا بالواجب على أكمل وجه ........ مثلا:​

واحد واقف على باب محله بتمر من ئدامه بنت لابسة تنورة قصيرة !!! ما بقصر .... وبيطلع
هالمحورئ بطرف عينوا على جاره وبيقوله
شو جااااار رخصان اللحم ولا غليان القماش​

وازا مرت من قدامه بنت محجبة بئلا
عازمك ع الحج وازا فئست مننزل عالمسبح

أما ازا لابسة برمودا مثلا بئلا:
لك تئؤبري ألبي الهي شو جايي تشطفيلنا الدرج​

وازا مروا من ئداموا مجموعة أمورات بقول:
الله لا يفرئ بيناتكن تتجوزوني انتو الأربعة
والله الشرع ما بيحكي شي ​

4- وفي عنا مجموعة بيخترعوا جمل وعبارات
للتلطيش وعباراتهن ما فيها غزل بنووووووب
( غليزة يعني) بيخترعوها من باب الغلازة
والتئريئ ليضحكوا رفئاتهن وحتى ينالوا لقب
(ياااااي شو مهضوم) ....... مثلا: ​

بس يشوف بنت : شو رأيك تتجوزيني عندي
بسكليتة بكتبلك الدواسات مقدم والدواليب مؤخر​

وازا شاف بنت ماشية ومستعجلة بوقف بوشها وبيقول:يا آنسة يا آنسة ....أنا فارس,.... فارس أحلامك ​

وازا كانت ماشية ومعاها ولد صغير بيلحقها وبيقول
هاتي الولد من ايدك أحسن ما آخدوا منك بالمحاكم​

​

وازا بنت عم تتصل من تلفون عمومي بقرب ببغلازة
وبيقول:ازا حدا سأل عني انا ماني هون ​

5-وفي تلطيش بسموه البنات تعجيزي مثلا​

بكونوا بنتين ماشيين بيمرئ الأخ وبيقول
أحلى وحدة فيكن يلي بالنص ​

أو بيقول :أحلى وحدة فيكن التالتة ع اليمين ​

وفيما يلي أورد اليكم بعض مصطلحات الشباب في التلطيش​

************************
1-شقفة : أي جميلة جدا ​

2-باربي: الجمال المرتبط بالرشاقة ​

3-وااااازنة :فتاة راقية جدا ​

4-بنت خاروف :أي أنها غنية قابلة للاستغلال المادي ​

5-تحشي تحشي :أي انتبه فربما والدها او شقيقها فادم ​

6-خورفا : أي استغلها ومشي الحال ​

وأخيرا لكل واحد لطش وعم يلطش بدي اسألهن سؤال مهم ؟​

شو بتستفيدوا من التلطيش؟ ​

ان شاء الله يعجبكن الموضوع يا صبايا
​

تحياتي ​

 

[miss of disaster]

ما بس عجبني بجنن و ربي كتير حلو
صح شباب شو بتستفيدوا من التلطيش
يسلمو حبيبتي موضوع روعة متلك

 

[CoOoL CaAaT]

ما بس عجبني بجنن و ربي كتير حلو
صح شباب شو بتستفيدوا من التلطيش
يسلمو حبيبتي موضوع روعة متلك

الموضوع صار أحلى بمرورك ومشاركتك حبيبتي

نورتي ومشكورة كتير

 

[مختار]

ه
بس نسيتي شغلة
نسيتي تكتبي سمعونا ع كريزي اف ام كل يوم ثلاثا من الساعة 8 لل10
هه
قديمةةةةةةةةةةةة

​

 

[قمر الشام]

أما ازا لابسة برمودا مثلا بئلا:
لك تئؤبري ألبي الهي شو جايي تشطفيلنا الدرج



:19::19::19::19::19::19:


ميرسي كتير كول كات

 

[بنوتة فلسطين]

:19::19::19::19:كتير حلو يسلمو دياتك كول كات :19::19::19::19::19:

 

[CoOoL CaAaT]

ه ​

بس نسيتي شغلة
نسيتي تكتبي سمعونا ع كريزي اف ام كل يوم ثلاثا من الساعة 8 لل10
هه
قديمةةةةةةةةةةةة
​

​

:10:​

اي نسيت شو يعني​

هلئ تشاطرت عليي مختار بيك ​

فرجينا شطارتك لشوف

نورت ​

 

[CoOoL CaAaT]

أما ازا لابسة برمودا مثلا بئلا:
لك تئؤبري ألبي الهي شو جايي تشطفيلنا الدرج



:19::19::19::19::19::19:


ميرسي كتير كول كات

منورة يا قمر

 

[SaD FoR EvEr]

شكرا على الموضوع الرائع

 

[CoOoL CaAaT]

:19::19::19::19:كتير حلو يسلمو دياتك كول كات :19::19::19::19::19:

انتي أحلى بنوتة فلسطين نورتي

 

[CoOoL CaAaT]

شكرا على الموضوع الرائع

صار اروع بمرورك