جــهــل مــعــانــي الــكــلــمــات الاجــنــبــيــة

[mr_ops]

صباح/مساء الخير جميعا ..


اليوم وانا عالايميل ، بشوف صورة واحد حاطط طاقية ومكتوب عليها بالانجليزي ( I Love JESUS ) وهي بتعني بالعربي انا احب المسيح .. يعني يمكن يكون الشخص هاد مسيحي وحقه يعبر عن حبه لـ ديانته .. بس المشكلة انه مسلم .. والمشكلة الاكبر انه ما بيعرف شو معناتها وحاططها بالـ .....










بالمسجد وقت الصلاة .. هاد اكبر دليل على انه ما بيعرف شو معناة الكلام يلي مكتوب عليها .. ما بينلام لانه ما بيعرف انجليزي ليعرف معناتها .. وهادا غلط اغلبية الناس وخاصة يلي بسوريا .. الناس بتشتري الكنزات والـ تي شيرت وبكون مكتوب عليها كلام بالانجليزي او بغير لغة ممكن .. وبعض الاحيان الكلام بـ يسيء ئلنا كـ عرب وكـ مسلمين .. وهاد كله بسبب جهلنا باللغة الاجنبية ( انجليزي او فرنسي او اي لغة تانية ) .. متل اسم ماركة مشهوووووورة جدا ( GAP ) وهي معناتها GAY AND PROUD بالعربي بتعني ( شاذ وافتخر ) .. تخيلوا شب لابس كنزة وماشي بالشارع وعلى صدره مكتوب شاذ وافتخر وهو بيجهل جهل تااااااااااااااااام معنى هالكلمة (لو بشوفوه الاجانب والسياح رح يضحكوا عليه لانهم رح يعرفوا انه ما بيعرف معناتها ) .. متله متل يلي لابس هالطاقية ومكتوب عليها احب المسيح لاء وبالمسجد كمان ..
​

تجربة شخصية

عندنا بالامارات .. مرة جابوا بضاعة من برا على اساس انها عبايات او جلابيات مطرزة .. وكانوا عم ينباعوا بالمحلات الصغيرة وباسعار مقبولة .. واحد من الزباين انتبه على التطريزة يلي على العباية او الجلابية ولقى انه مرسوم عليها اشارة اسرائيل بس بطريقة الناس يلي ما بتنتبه لـ تفاصيل التطريز ما رح تكتشف هالشي (وهي نزلت بالجريدة عنا هالخبر هاد قبل كم سنة ) .. متل مرة جبنا كيك/كاتو من محل ببيع حلويات جاهزة وكان حاطط بالنص قطعة شوكولاته .. أخدتها انا هالقطعة لحتى وزعها ولا بلاقي تحتها اشارة اسرائيل (المثلثين المتعاكسين) تحت هالقطعة ..




فـ يا ريت لو ننتبه لأي كلمة اجنبية ( انجليزي كانت او اي لغة تانية ) بتكون مكتوبة ونعرف معناتها او معناة الكلام يلي بكون مكتوب على اي كنزة او سلعة بنشتريها او حتى اشارة بتسيء ئلنا كـ عرب وكـ مسلمين

 

[البرنسsy]

اكيد هي مشكلة بمجتمعنا​

وانا متاكد انو 90%من الشباب ما بيعرفوا شومكتوب على البلوزةيلي لابسينها




شكراعالتنبيه​

 

[mr_ops]

اكيد هي مشكلة بمجتمعنا​

وانا متاكد انو 90%من الشباب ما بيعرفوا شومكتوب على البلوزةيلي لابسينها




شكراعالتنبيه​

نورت يا برنس

 

[دانووو]

صح والله الله يسلم ايدك وعقلك يا عيوني
بتعرف والله كتير بشوفها هالظاهرة
وانا كتير بنتبه عليها مشان بناتي
وخصوصي انو عناكلشي عليه خنزير او بوذا يعني بجد في امور لازم الواحد يعد للعشرة قبل مايعملها يسلمهم عيوني
​

 

[mr_ops]

صح والله الله يسلم ايدك وعقلك يا عيوني
بتعرف والله كتير بشوفها هالظاهرة
وانا كتير بنتبه عليها مشان بناتي
وخصوصي انو عناكلشي عليه خنزير او بوذا يعني بجد في امور لازم الواحد يعد للعشرة قبل مايعملها يسلمهم عيوني
​

الحق معكي وخاصة انتوا يلي عايشين بالصين .. يعني بـ بلد اجنبي مالها عربي .. كيف بتاكلوا الجاج واللحومات ما بعرف .. الا لو كنتوا بتجيبوهن من عند الصينيين المسلمين ..

وجد لازم الواحد ينتبه لكتير شغلات وخاصة للاطفال والمراهقين .. لانهم بقلدوا تقليد اعمى والدور علينا بانه نرشدهم للطريق الصح


نورتي ليدي ديدي

 

[نكهة جنون]

والله حكي صحيح .. مو بس 90 بالمية من الشباب لا و99 بالمية من البنات اذا بدك ..

هي مشكلة ولازم العالم يعرفو شو الكلام يللي ع الكنزات

يسلمو ع الموضوع ..



( بس بتمنى ماتذكر اسماء بلدان مرة تانية متل سوريا مثلاً لان مابتعرف شو حالة غير بلد)

 

[mr_ops]

والله حكي صحيح .. مو بس 90 بالمية من الشباب لا و99 بالمية من البنات اذا بدك ..

هي مشكلة ولازم العالم يعرفو شو الكلام يللي ع الكنزات

يسلمو ع الموضوع ..



( بس بتمنى ماتذكر اسماء بلدان مرة تانية متل سوريا مثلاً لان مابتعرف شو حالة غير بلد)

اهلين فيكي انجل .. وانا قصدت سوريا والعرب لانه اغلبيتنا متأثرين بالغرب كتييييييييييييييير ..


نورتي

 

[دانووو]

بتعرف اخي شوف
انا عايشة هون من خمس سنوات وفايتة بالسادسة
راح احكيلك
نحنا هون منجيب خاروف كامل ومندبحوو عالطريقةالاسلامية هالحكي من سنتين بس من يوممافتح لحام وري عنا بطلنا نعمل هيك
وبعدين يا عيني عنا مسلمين منتشرين هون بشكل رهيب لهيك عنا مولات للاطعمة الاسلامية
عفكرة راح تستغرب الدرة فاتح فرع عنا
يعني مناكول حلال على كل حال بشكرك للتنبيه عيوني

الحق معكي وخاصة انتوا يلي عايشين بالصين .. يعني بـ بلد اجنبي مالها عربي .. كيف بتاكلوا الجاج واللحومات ما بعرف .. الا لو كنتوا بتجيبوهن من عند الصينيين المسلمين ..

وجد لازم الواحد ينتبه لكتير شغلات وخاصة للاطفال والمراهقين .. لانهم بقلدوا تقليد اعمى والدور علينا بانه نرشدهم للطريق الصح


نورتي ليدي ديدي

 

[mr_ops]

بتعرف اخي شوف
انا عايشة هون من خمس سنوات وفايتة بالسادسة
راح احكيلك
نحنا هون منجيب خاروف كامل ومندبحوو عالطريقةالاسلامية هالحكي من سنتين بس من يوممافتح لحام وري عنا بطلنا نعمل هيك
وبعدين يا عيني عنا مسلمين منتشرين هون بشكل رهيب لهيك عنا مولات للاطعمة الاسلامية
عفكرة راح تستغرب الدرة فاتح فرع عنا
يعني مناكول حلال على كل حال بشكرك للتنبيه عيوني

ما شاء الله .. شي حلو كتير والله ..

نورتي خالتو ديدي

 

[دانووو]

لنور نورك يا ابني هه
​

 

[صمت العيون]

فعلا موضوع مفيد وقيم وظاهره منتشره بشكل عام
سلمت الايادي على هيك موضوع ملفت