حالة مقت ولئامة

[اميرةالنجمات]

وصف معت او مقت



1- غرفة معتمة فيها كلوب أبو نواصة وحيطان كلها بخاويش (آثار المستأجر)

2- صوفايتين فاتحين يكونو واطين وطراية

3- طشت او برميل ئهوة بلا هيل مشان يكفي للسهرة

4- مسجلة

5- سيدي ميوزك ( موسيقى فقط )

6- قلم وورقة



- توضع الصوفايات مواجه بعضن بنسندهن ع الحيط المبخوش

- بتحط الكلوب بأفاك (خلفك ) بشكل يبين خيالك عالحيط يلي مواجهك

ع إيد الصوفاية بنحط الئهوة مشان إذا اندلئت وانبحت ع الأرض تكمل معك المأتة ((حالة المئت ))

- بتشغل السيدي ع مقطع واحد وبتخلي يعيد ويفتئو لهالمقطع

-اذا كنت بتدخن بتعد وبتشعل سيكارة

أو بتسحب نفس أركيلة...... غبة أهوة

وانشالله صحتين

الوصفة بتكفي 4 اشخاص عندهن حالة لئامة للمئت وحدة بوحدة

وصفة مجربة وناجحة بالمية

مية









شلوني معكن ؟!!!

​

 

[عشتار]

شلوني معكن ؟!!!

​

وهي بدها سؤال ....
عفوا ً بس ما صرلي زمان طالعة من جو المئت

​

 

[عكــ البيلسان ــيد]

ولي حاسس حالي اعدت بغرفة من غرف بيت خالتي ( بيت خالتي يعني مخابرات)
وعم قر واعترف باللي ساويتو وما ساويتو
اختي من الاخير انا ما حبيت المئتة ولا المأتة
ان شا الله دايمة وبالهنا والشفا

بس اذا في مجال اتناوليني نفس الاركلية
من عندك شنو حرام تكون الاركيلة بهيك جو
اعتيلي يا ها انا اعد ع البرندا​

 

[Bilal Mohammad]

رح ابتدأ فيها بكرا بعد الساعة 9:30 مساءاً

بعد 3 شــــــــهور بردلك خبـــــر كيف لقيتها

​

 

[اميرةالنجمات]

وهي بدها سؤال ....

عفوا ً بس ما صرلي زمان طالعة من جو المئت ​

​

ولتكمل حالة المئت واللئامة

بتنئطع الكهربا

لك عشتورة المئت معي الو نكهة اخرى :10:محببة
نورتي

 

[اميرةالنجمات]

ولي حاسس حالي اعدت بغرفة من غرف بيت خالتي ( بيت خالتي يعني مخابرات)

وعم قر واعترف باللي ساويتو وما ساويتو
اختي من الاخير انا ما حبيت المئتة ولا المأتة
ان شا الله دايمة وبالهنا والشفا ​

بس اذا في مجال اتناوليني نفس الاركلية
من عندك شنو حرام تكون الاركيلة بهيك جو

اعتيلي يا ها انا اعد ع البرندا​

لك عكيد والله الحكي مو متل الشوفة عايشت هالحالة

بأمرك معلم رح ابعتلك ياها للاركيلة اصلا مابشربها

بما انك ئاعد ع البرندة رح جيب موالح واجي

بشكرك عبود نورت

 

[STELLA]

دخيلك قلبي من الحامض لاوي

بس أحسن شي الواحد بهيك جو

يحط راسو وينام

:19::19::19:

 

[اميرةالنجمات]

رح ابتدأ فيها بكرا بعد الساعة 9:30 مساءاً ​

بعد 3 شــــــــهور بردلك خبـــــر كيف لقيتها ​

​

تلت شهوووووووووور

 

[اميرةالنجمات]

دخيلك قلبي من الحامض لاوي

بس أحسن شي الواحد بهيك جو

يحط راسو وينام

:19::19::19:

لك تسلميلي مابدي تدايئي
والله معك حق الئلب من الحامض لاوي

 

[mr_ops]

قعدة عالبلكونة .. مع ارجيلة وكاسة شاي .. وموالح .. ما بكون ناقص شي الا الوجه الحسن



بس حبيتها هي حالة المئت تبعك اميرة ..