حبيبي اصغر مني!!!

[GaZoOoooL]

هل ان الفرق في العمر بين الزوجين يكون عامل من عوامل نجاح ام فشل الزواج
،،اقصد بذلك ان كان الرجل يكبر المراة بسنوات طويلة
او
المراة تكبر الرجل
،،هل توجد تجارب ناجحة من الواقع
على نجاح او فشل الزواج
في حال وجود فرق العمر ذلك؟؟؟؟؟​

 

[روح الشام]

اذا كانو متفاهمين مافي مشكلة

بس العالم بيحكو عالبنت انو اخد اد امو وشو بعرفني


فالوحدة ليش تجيب الملامة لحالا؟؟؟


من الأول تختار واحد اكبر منا وترتاح


يسلمن امورة

 

[رووانثىووح]

بصراحه انا مايعجبني الواحد ياخذ وحده اكبر منه او هوا اكبر منها
احسها بيكون في فرق كبير بتفكير بس الي اشوفه بالمجتمع في ناس اكثير متفاهمين رغم
فرق السن الي بينهم
يسلمووو ع الموضوع

 

[انثى غامضة]

حبيبة قلبي

انا شفت كتير تجارب من هنوع والله كلن قدامي سعداء كتير وحياتن ناجحة

الفرق مو مهم المهم الحب والتفاهم بناتن

 

[STELLA]

الفرق بالعمر في حال كان التنين ناضجين ما بسبب اي مشكلة

بس وئت يكون الفرق بالعمر بمراحل مختلف هون المشكلة ..

* يعني وئت تكون البنت عمرا 20 والشب 30 .. بعتقد التنين واصلين لمرحلة لا بأس بها من النضج .. بيقدروا يفهموا على بعض ويستوعبوا افكار بعض

* إنما اذا كانت البنت 15 والشب 25 مثلا .. لح تحسي في فرق كبير بالعمر .. يعني البنت بتكون مراهقه وبفترة طيش .. والشب داخل بمرحلة نضوج فكري

لو لاحظتي بالمثاليين عطيتك الفرق واحد .. عشر سنين .. بس بالمثال الاول البنت واعيه فممكن تدبر أمورها وتستوعب على كلام زوجها .. اما بالمثال التاني البنت لسى تفكيرها ما وصل لمرحلة النضوج الكامل

وهاد بالنهاية كلو توفيق من رب العالمين ..

يعني مو بالضرورة اذا كانت صغيرة ما يكون في توافق

وممكن اذا الشب تزوج بنت اكبر منو يكون سعيد وحياتون حلوة .. العمر مانو اساس للسعادة

واكبر دليل انو الرسول عليه السلام تزوج خديجة رضي الله عنها اكبر منو وكان كتير سعيد بزواجو



تقبلي مروري

ودي​

 

[Knight black]

يا عيوني انا بحس انو هاد شي باثر على الحياة الزوجية بعد فترة من العمر
الاسباب
هلق اذا كان هو اكبر منا
بس يكبر هو مارح يكون الو قلب ليغازل ولا يحكي حكي حلو وهي بتكون صبية بدا مين يدللا
اما اذا كانت هي اكبر منو من المعروف انو بنات بتكبر قبل شب من شان هيك هي حتى صير عجوز وهو عينو لبرا​

لا قا عنجد انا فضل الزواج بين الجنسين ما يكون في فرق كتير بل عمر من شان يكونو بنفس التفكير ​

 

[دلوعه الشام]

اختي كلمه وحده
الحب ما بيعرف لا عمر و لا وقت و لا مكان و لا زمان

 

[قيــ الروح ــثارة]

أكيد هالشي راجع لنضوج الشخصين

لكن أفضل زواج البنت برجل يكبرها وليس العكس

ميرسي غزولة​

 

[ندى القلب]

انا برايي انو .........مافي مشكله لو الرجل اكبر من زوجته

بسنين يعني لو 10 او 15 ........حيتفاهمو و وممكن يكونو سعيدين

لو توفرت الاسباب الاخرى.

وبالنسبه لو كانت الزوجه اكبر ب سنتين الى 5 سنين مافي مشكله


وبالنهايه كل هالامور مش مهم مقابل التفاهم والتقارب الفكري والروحي​

 

[GaZoOoooL]

كلو حكي مزبوط

بس مو واردة وحدة اكبر من حبيبا


نورتو

 

[ندى القلب]

كلو حكي مزبوط

بس مو واردة وحدة اكبر من حبيبا


نورتو

ليه؟ شووو المااااااانع؟؟؟

 

[GaZoOoooL]

1-اذا ئالتلو ئوم جيبلي كاسة مي وما رضي
فرح تسبو وتئلو انا اكبر منك ولاه:19::19::19::19:​

2- اذا ئالتلو ئوم دب وشطف واجلي وغير للولاد ويئلا لا رح تئلو بطلقك ولاه:19::19::19:​

3-اذا طلب منها طلب رح تئلو شفت كيف انو انا عئلي اكبر منك وسني اكبر منشان هيك عم تاخد برئيي​

​

 

[ندى القلب]

شوووووو هالحكي؟

:19::19::19::19:​

 

[GaZoOoooL]

شوووووو هالحكي؟​

:19::19::19::19:​

هاد الواقع حبيبتي

 

[rosewater]

يعني متل ما نحكا انو منيح يكون الشب اكبر من البنت..

كمان اذا كانت هية اكبر منو بشي سنة او تنتين فهالشي مو غلط...

فاذا لاقيت وحدة فهمتها وفهمتني وكانت اكبر مني بكم شهر أو حتى سنة وكم شهر فأكيد مارح وقف ابداً مشان افكر...

والعمر بين تنين بيحبوا بعضن مو مشكلة ابداً
يعني رح حبها اذا كانت اصغر مني بخمس سنين او اكبر بسنتين...


لك هاد الحب.... فهمتوا شو هاد ولا لسا؟

 

[جمانة]

انا رح احكي من واقع تجربة عم شوفها قدامي
ابن خالي شب ما شاء الله حولو متعلم و مو ناقصو و لا شي
حالتو المادية منيح و شكلو مقبول كتير
لما فكر يرتبط
حب وحدة اكبر منو
مو بسنة ولا سنتين
بـ 10 سنين
و صرلون شي 5 سنين متجوزين
و عندون ولد و بنت
و عايشين احلى عيشة
العمر مش مهم
المهم التفاهم
و المهم النضج الكافي
اوقات بيكون واحد عمرو 30 سنة
بس ما بيكون ناضج بتفكيرو
و بيكون ابن ال 20 انضج و اوعا منو
يسلمو غزولة ​

 

[قمر الشام]

برأيي انا حسب ما تكون المرأة يعني بعرف وحدة اكبر من جوزا بسنة بضل بتقلو انا اكبر منك احترمني
يعني بدا تحسسو انو هي الرجال الشغلة راجعة للتفاهم بين التنين والحب ما بيعرف اعمار

 

[قيــ الروح ــثارة]

1-اذا ئالتلو ئوم جيبلي كاسة مي وما رضي

فرح تسبو وتئلو انا اكبر منك ولاه:19::19::19::19:​

2- اذا ئالتلو ئوم دب وشطف واجلي وغير للولاد ويئلا لا رح تئلو بطلقك ولاه:19::19::19:​

3-اذا طلب منها طلب رح تئلو شفت كيف انو انا عئلي اكبر منك وسني اكبر منشان هيك عم تاخد برئيي​

​

السيدة خديجة رضي الله عنها برأيك هيك كانت تتعامل مع الرسول صلى الله عليه وسلم

أي امراة تتعامل بهذا الاسلوب مع زوجها إن كانت أصغر منه أو أكبر فإنها ليست امرأة

ومشان رقم 3 مو صحيحة أبدا لأنو الرجل بيشوف وبيعرف أكتر بحكم أنه لا وقت محدد لدخوله منزله ولأحتكاكه بجميع أنواع البشر
أما الامرأة فبالتاكيد لن تحتك إلا بنوع يحدده لها الرجل لمعرفته للأشكال الباقية

ان شاء الله ما تزعلي مني غزولة ​

 

[king*]

السيدة خديجة رضي الله عنها برأيك هيك كانت تتعامل مع الرسول صلى الله عليه وسلم​

أي امراة تتعامل بهذا الاسلوب مع زوجها إن كانت أصغر منه أو أكبر فإنها ليست امرأة ​

ومشان رقم 3 مو صحيحة أبدا لأنو الرجل بيشوف وبيعرف أكتر بحكم أنه لا وقت محدد لدخوله منزله ولأحتكاكه بجميع أنواع البشر
أما الامرأة فبالتاكيد لن تحتك إلا بنوع يحدده لها الرجل لمعرفته للأشكال الباقية​

ان شاء الله ما تزعلي مني غزولة ​

يسلم هل التم والله انا معك 100%
شكرا الك غزول

 

[GaZoOoooL]

طيب

هلأ فرضو يا صبايا اجاكون عريس أد أبكون شو بتعملو؟؟؟



منورين وشكرا ع آراكون