حط مشكلتك ...نجد لك الحل إن شاء الله تعالى

[ربيــــــع]

بسم الله الرحمن الرحيم

الكثير منا يواجه بعض المشاكل في جهاز الكمبيوتر أو عند تصفحة الشبكة العنكبوتية...

لذا أحبب أن أضع هذا الموضوع ليكون مكانا نضع فيه ما نواجه من مشاكل و إن شاء الله نجد له الحل بالتعاون بيننا

 

[الريشه السوداء]

فكره حلوه
تسجيل متابعه

 

[mr_ops]

شكرا الك صافي بس هل بتقدر تحمل كل المشاكل الي بتصير بالاجهزة ؟؟

لانه في مشاكل عويييييييييييييصة

 

[► Mr.Rami ◄]

أتوكل على الله وهات لنشوف بركي منقدر كلنا منحللك ياها
​

 

[ربيــــــع]

هلأ ما حدا بيعرف كلشي ...
بس قلت أنو بنتعاون .... يعني ممكن جدا واحد يطرح مشكلة مرئت على حدا غيرو ...بنساعدو بحلها ...
غير هيك أكيد في عنا خبرات بالمنتدى ممكن تساعد بحل المشكلة ..
و كمان أكيد كل واحد مننا عندو أصدقاء بيشتغلو بمجال الكمبيوتر...يعني أزا عجزو عن الحل .. مممكن يسأل

فكرة الموضوع نقلتها من منتدى تاني ...و أساس فكرتو قائمة على التعاون بين أعضاء المنتدى الواحد...

 

[حلوين رغم الحزن]

السلام عليكو
اول شي يعطيكن العافية تاني شي
المشكلة انو عم فرمت بعد الفومات الجهاز عم يعلق كتير وعم حاول ادخل على ادراة المهام من خلال ال ctrl+alt+delet
ما عم يمشي الحال عم يطلعلي تم تعطيل ادارة المهام من قبل المستخدم والانتي فايروس ما عم يتنصب شو الحل
ازا سمحتو
ومشكورين مسبقا

 

[B alaa B]

فكرة حلوة

بدي حط مشكلتي عنجد مشكلة

بتمنى ازا بقدر ادخل على ايميل من دون ما اعرف كلمة السر

وبتمنى تلاقيلي الحل وبسرعة لان ازا ماعرفت ادخل على ايميل عنجد رح تصير مشكلة وكبيرة كتير كمان

بتمنى منك تساعدي وانا عم استنى ردك

تحياتي ئلك الاء

 

[► Mr.Rami ◄]

أنا كنت حابب أعرفك حل بس بظن مستحيل
وإن شالله ماتصير مشكلة
​

 

[B alaa B]

شكرا الك كتير

طيب مابقدر ادخل عليه عن طريق الهكر

 

[ربيــــــع]

السلام عليكو
اول شي يعطيكن العافية تاني شي
المشكلة انو عم فرمت بعد الفومات الجهاز عم يعلق كتير وعم حاول ادخل على ادراة المهام من خلال ال ctrl+alt+delet
ما عم يمشي الحال عم يطلعلي تم تعطيل ادارة المهام من قبل المستخدم والانتي فايروس ما عم يتنصب شو الحل
ازا سمحتو
ومشكورين مسبقا

أول شي أخي لازم تتأكد أنو عم تفرمت بشكل صحيح و أنا برأيي أفضل شي تفرمت من سيدي الـ hern's boot
تاني شي تأكد أنو نسخة النظام يلي عم تنزلها تتوافق عم جهازك

 

[ربيــــــع]

شكرا الك كتير

طيب مابقدر ادخل عليه عن طريق الهكر

ما بظن أولا ..
أنا برأيي تجربي تفوتي عالاميل ووتعملي استعادة كلمة المرور على الاميل البديل ...هنيك بتلاقيها على الأكيد إن شاء الله

 

[حلوين رغم الحزن]

ولله يا غالي كل شي صح وما في شي غلط ونسخة عل اساس اصلية تبع ال15000
من البحصة هي على زمتهن وما بعرف والفرمتة كلها تمام التماتم

 

[أيلول]

مســـــــــاء \ صبـــــــاح الخير

لدي بحث صفحاته الكثيرة على برنامج الوورد وأرغب بنقل كل محتوياته من نصوص وجداول ومخططات إلى الباوربوينت
وفشلت فشل ذريع

هل بالامكان المساعدة؟



​

 

[B.A.R.C.A]

للأسف ما بتقدري!!!
إلا بحالة وحدة:
انك تقسميه لأقسام وتاخديه عالبوربوينت قسم قسم منشان تعملي ادراج للنص وتحطيه بما يتناسب مع ترتيب الموضوع (متل ما بدك)..
إن شاء الله كون افدتك..
بانتظار ردك..

 

[أيلول]

هي الطريقة اللي عملتها من البداية بس لأنو الصفحات طويلة وكثيرة فكرت بطريقة أسهل إن تواجدت
الجداول والمخططات بعيد كتابتها لأنها ما بتنتسخ

بكل الأحوال ألف شكر b.a.r.c.a

​

 

[B.A.R.C.A]

ياهلا فيكي..كل يوم تعي..
واي استفسار انا جاهز باذن الله..
سلاااااام..

 

[روزا]

مرحبا انا عندي مشكلة بحمل برنامج عن النت بعد ما بحملو بدي افتحو لاشتغل علية ما بيفتح بيفتح بصيغة مشغل موسيقى شو هو البرنامج اللي بيفتح برامج بليز

 

[عكــ البيلسان ــيد]

برنامج شو اللي عم اتحمليه وما عم يفتح ؟؟!!

 

[mr_ops]

مرحبا انا عندي مشكلة بحمل برنامج عن النت بعد ما بحملو بدي افتحو لاشتغل علية ما بيفتح بيفتح بصيغة مشغل موسيقى شو هو البرنامج اللي بيفتح برامج بليز

بعتقد انتي عم تنزلي البرامج بملف مضغوط وحاطة فتح الملف المضغوط دائما بمشغل الموسيقى .. مو ؟؟ يعني شكل الملف لما عم ينزل بكون على هيئة ملف موسيقى


في عندك الزر اليمين للماوس اكبسي عليه بتلاقي open with يعني فتح بواسطة .. وساعتها افتحي البرنامج بالوين رار winrar

 

[روزا]

بعتقد انتي عم تنزلي البرامج بملف مضغوط وحاطة فتح الملف المضغوط دائما بمشغل الموسيقى .. مو ؟؟ يعني شكل الملف لما عم ينزل بكون على هيئة ملف موسيقى


في عندك الزر اليمين للماوس اكبسي عليه بتلاقي open with يعني فتح بواسطة .. وساعتها افتحي البرنامج بالوين رار winrar

بس انا ماعندي هالبرنامج وشكرا الك