حكم العدالة

[حسام الحلبي]

تحية بيلسانية معطرة


الاذاعة كان الها من عشرين سنة شغف كبير ومتابعة كبيرة اجا التلفزيون وصارت العالم قليل ماتفتح الاذاعة الا يوم الثلاثاء الساعة وحدة وربع لمتابعة حكم العدالة اجا النت وحتى التلفزيون خفت كتير متابعتو ورغم هيك حكم العدالة الها وقتها يلي منسكر النت ومنطفي التلفاز ومنفتح عليها وياماشي بالاسواق السورية وادنيك عم يسمعوا حكم العدالة والمساعد جميل والمحامي منار والطبيب الشرعي والاستاذ مناف ............... صارت اسماء واصوات تلاحقنا كل يوم تلاتاء من اكتر من عشرين سنة برايكم شو سباب نجاح حكم العدالة مع انو برنامج اذاعي يعني صوت بس بينما اعمال تلفزيونية جزئين التالت منمل منها ؟؟؟

رايكن بحكم العدالة​

 

[مختار]

بشنن كتير
​

 

[قمر الشام]

يمكن لانو بيحكي شي واقعي والو علاقة كتير بقضايا العالم ويمكن في عالم كتير عم تستفيد منو
يعطيك العافية حسام على الطرح

 

[حسام الحلبي]

قصدي بالسؤال شو أسباب نجاح حكم العدالة لليوم ؟؟؟؟​

 

[الحرالباكي]

اخي الكريم
كلامك سليم وواقعي
بس لا تنسى انو برنامج حكم العدالة من أقدم البرامج الأذاعية وهشي إذا دل .. بدل على انو مكتسب سمعة
قديمة يعني من زمان آبائنا ويمكن أجدادنا
وهاد الشي الي بيخليه برنامج إذاعي مشهور على مستوى الجمهورية
ولوقتنا الحاضر
يعني انا لما بكون بسوريا مثلاً ما بيكون عندي مانع اني تابع البرنامج الإذاعي
مع العلم بأنه مثل ما ذكرت حضرتك صار في الكثير الكثير من البرامج التلفزيونية
لا بل حتى على الشبكات العنكبوتية
ولكن حكم العدالة وطاقم عمله من المساعد جميل إلى أصغر شخصية بالبرنامج لها أسلوب أقناعي بالنسبة لنا
كاشعب سوري
أكثر من أي مسلسل أو فيلم آخر
عدا أنه برنامج له ما له من الفوائد الهامة وذلك عبر القضايا التي يطرحها النابعة من الشارع السوري
بمختلف أشكاله وطبقاته

نهايةً أقول أنا بالنسبة لي أعتبره برنامج تراثي سوري
هادف لو اجدت التوصيف ...
ومحكمة عمي حسام :: رفعة الجلسة


​

 

[موجة بحر]

اول الشي بحب قولو انو هالبرنامج ما نجح بهالشكل الا لانو واقعي وعم بيحاكي المشاكل الواقعية اللي صارت واللي عم بتصير عنجد
عم بيفوت بتفاصيل الجريمة .. من مسببات ونتائج ويصور المعاناة مع القسوة مع ظروف الجريمة اي كانت نوعا
واللي عم بيعزز هالشي هو الاسلوب اللي مقدم فيه
فالبرغم وجود كتير وسائل متطورة بتلاقينا منسمع البرنامج بشغف ... منجمع كل حواسنا
والاهم انو خيالنا بيصير بيصور هالمشاهد اللي عم نسمع السيناريو تبعها .. وكل حواسنا بتتجند لرسم هالقصة بخيالنا
عم بتشط بخيالك لبيت بعيد بئرنة معينة ... عم تنحط بنفس الموقف .... عم تطلع بنتيجة او عبرة بعد ما طلعت من هالتجربة اللي عشت فيه لمدة تقارب الساعة من دون ما تتحمل انت نتايجها
هالتجربة الخيالية الواقعية عم بتكون درس جديد من دروس الحياة
بالاضافة لانو بيثقف الشعب من النواحي القانونية اللي بيكون غافل عنها
اسفة عالاطالة ... يعطيك العافية حسام نزلت هيك موضوع عن برنامج ناجح متل حكم العدالة

 

[حسام الحلبي]

بشكر الجميع على ارائهن يلي بتهمني كتير​