حياتك ما بين Dail Up و ADSL !!!

[روح الشام]

مرحبا للئاعدين والواقفين قشه لفه

ثم أما بعد أيها الجمع الكريم


القليل منٌا ما عندو نت بالبيت .. يعني بالوقت الحالي صار النت متل شربة المي والأكله يلي بتسندنا مشان نقوم بأعمال اليوم

كلياتنا أول ما اشتغلنا عالنت ... أكيد كنا نستخدم الدايل أب وهو الدخول للإنترنت عن طريق خط التليفون والأكيد الجميع كان عم يعاني من سرعة السلحفاة يلي عليه النت بهديك الأيام وحاليا للي بعدون عم يستخدموها

أديشو معتْ ... وأديشو مبهدل ... وأديشو جلطه الدايل أب

بالنسبه للإلي بلشت اشتغل عالنت بأوائل الــ 2003 ميلادي ...

كنت عم اشتغل على الدايل أب وبهداك الوقت كان مجرد انو انا عم اشتغل عالنت شغله كبيره وبنفس الوقت جديده وكنت كتير مبسوطة

ضلتني على الديل أب من أوائل 2003 حتٌى أوائل 2004
ولكن من بعد 7سنين من استخدامي الشبكه العنكبوتيه إزداد عدد مستخدمي النت وانتشرت هذه الظاهر وطبعا بالنتيجه سببٌ بإنو الدايل أب كان أحد مسببات الأمراض الحديثه من الجلطه وهبوط حاد بالسكري وأحيانا تزبزب الضغط وقد يؤدي إلى تكسير أزرة الكيبورد وفي الغالب مستخدمين الدايل أب بيصير معون تنميل بإديهون وضعف بفقرات الضهر وتصلب الشريان الوريدي الوسطاني الخخخخ ..
وهاد من عدى المشقه والتعب والئهر وحرق الأعصاب ...
يعني استخدام النت عن طريق خط التليفون العادي عباره عن جلطه بطيئه .. الله يجيرنا .....
ومنك كتر ما انجلطت من الدايل اب قررت اترك النت
صرت فوت يعني بس بالصفدة
من بعد القطيعه مع خط الدايل أب التي استمرت حوالي 6 شهور ...
وبقييييييت هيك بلا استخدم النت بالبيت بس من بعد ما نزلت اسعار الدي إس ال كتير قررت العوده إلى النت ولكن عبر بوابة الدي إس ال

بتذكر ركبت الدي إس ال يونيو 2005 مسائاً كانت ليله فظيعه .. ليله يشهد لها التاريخ ......... واخيرا الدي إس ال بالبيت وبسرعة 265 كيلو بايت
وحالياً صرلي شغال على الدي إس ال مدة 5سنين الا كم شهر فعلن غير حياة وماحدا بحس بطعمو إلاٌ يلي مجربو

فعلا فرحه لا توصف ... بكفي شعور انو النت شغال 24 ساعه بتكلفه وحده ..
مو متل الدايل أب عم يمرك بالدقيقه واذا حدا اتصل بيطلع مشغول والخخخخ
( ياما أكلة بهدله من بابا ) وياما طالعه قيمة الفاتوره واللـــــــــه بتخوف وبتجلط
( عالسوري ما يعادل 13000 ليره )

عنجد الدي اس ال عااااالم فطيييييييع

.
.


انتو شو احساسكون وقت نئلتو من الدايل أب لــــ الدي إس ال

واذا بعدكون عالدايل أب مو مشكله عبرو عن يلي جواتكون

 

[Witty]

لك شو بدي احكي لاحكي
عندي ديل أب يعني لازم روح انتحر
لا بلحق بطاقات و الخط مشغول وبيموت كتر مانو بطيء
وبيحشش وكل شي
أسوأ من هيك ما في

الله يبعتلي شي اي دي اس ال من غامض علمو

 

[Black Hawk]

اي والله رجعتيني لسنة 2002 وهاد كان تاريخ اول استخدامي للنت عن طريق الديل اب
الله يرحم هديك الايام بالفعل اول ما ركبت النت بالبيت كان شعور لا يوصف
ولا الله لا يرحمها ولا يرجعها
صحيح لسا ما ركبت دي اس ال بالبيت بس بحكم شغلي فالدي اس ال موجود ومع كل مشاكل الدي اس ال مافي اي مجال للمقارنة بين الثرى و الثريا
اما حاليا فهاد اول شهر الي مع خدمة الجيل الثالث من سيرياتل (surf)
فاذا بدك تسمعي تجربتي معاها فيمكن بدي ارجع اترحم على ايام الديل اب مو من ناحية السرعة بس من ناحية الشبكة وعلى راحت الشبكة ورجعت
وعلى في شبكة بس ما في نت واخخخ واوووف بس بشكل عام منيحة وحلوة لانو ما بتقيدك بمكان محدد

شكرا ع الموضوع الحلو
​

 

[somsom]

رايحة هلئ اشترك بخدمة speed من MTN :80:

بس كل هدول مو مصيبة ئد مصيبة انك تتعودي ع 512 dsl و ترجعي بعدين ل dial up

كل الامراض الي ذكرتيها و لا شي ئدام هالشعور ​

 

[موجة بحر]

ليش دق هالندالة وتذكيرنا بالمعاناة
​

 

[دموع الورد]

معاناة لا توصف
​

 

[► Mr.Rami ◄]

أنا صامد طالما الشعب السوري صامد بلشت نت ب 2002
بلشت النت

وديل اب كان عزووووووووو

ودوخي سميرة حتى وماكان لا الخط مشغول ولا شي

أول مرة بذكر أنو طلعلي الخط مشغول وقت نتائج التاسع والبكالوريا 2002

وبس

وصامدون

2010 dial up in syria



2011 dial up in syria



2012 dial up in syria

ومازال الدي أب مستمرا في سوريا

​

 

[KiNg of Pc]

نعم نعم
لك حتى سرعة 256 كيلو
مابتكفي بهل وقت خصوصا اذا كان كم واحد عم يتقاتلو على نت
انا بصراحة اخد شبكة من جيران من غير ماحدا يدره ولا يحس
(اي شو الله جابرني ادفع هديك الحسبه )
الله يزيد ويبارك السرعة 2 ميجا
الله يكتر الشبكات ويبعد عنا الباسوردات

:19::19::19:


​

 

[Life of the soul]

بالنسبة الي بعام 2002 ماكنت اعد ع النت
مع انو بابا كان بيستخدم dail up
انا ماحسيت بشعور الموت والجلطة منو
وقت سافرت استخدمت adsl وكان ارحم ع حسب ما كنت اسمع من اهلي
وهلأ الحمد الله مافي adsl
ومافي dail up
صار في احسن واسرع يلي هو الويرليس

ثانكس سدور ع الموضوع ​

 

[جمانة]

انا بلشت فوت نت ع ال 2001
و كنت بستخدم الدايل اب بس كان كتير منيح
يعني ما كنت بتعزب فيه
الخدمة بالبحرين كتير منيحة
بعدين ع ال 2004 استخدمت adsl وكان كمان منيح
و استخدمت بلوتوث و كل تقنيات الانترنت
بس ع الواي فاي ما في
و الحمد لله ماشي حالو الوايرلس
و السرعة الحمد لله 4 Mb


​

 

[مشــــ كل ــــا]

انا بحياتي ما شغلت النت من عندي ب البيت
يعني الديل اب انساني من وجع الراس
و لهلق بعد بمقاهي نت
​

 

[Cosette]

هيك

تضربي اي
:19::19::19::19::19::19:
خرج تشتغلي مدرسة تاريخ
:19::19::19::19::19::19: