خاص بالمتزوجين

[كنافه نابلسيه]

يا جماعة في شي محيرني ونفسي الاقي جواب من كتر ما باسمعه من النسوان



(كيف يعبر الزوج عن حبه لزوجته)


لاتقولو انها أشياء كتير اكيد انو الزوجه تلمسها مثل:
1-يلبي طلباتها.
2-يشتري الهدايا.
3-يسفرها علي أي مكان.
4-نظراته.
5-الراتب بيدها.
6-خلاها تنجب اولاده اللي يحمله اسمه.
اكيد رح تقولو أشياء ثانيه كمان.....


بس صدقوني الزوج يقدر يحسس مرته بحبه لها بشي في منتهى البساطه(كلام الحب)
نعم(كلام الحب)لانو كثير نسوان يفتقدو الكلام الحلو من ازواجهن بتكون عايشه معه كانها بس
ام الاولاد وخادمة في البيت وبس وكلام حلو ما تلاقيه....
صدقوني لو الزوج بس يحضن مرته وبس اكيد هاد الشي رح يأثر فيها وتحس بحنانه عليها أكثر
من الفلوس والهداياوغيره...
لا تقولو مو صحيح والا هي فاضيه بدها الزوج بس يحضن في مرته ..انا اقول ان هادى الاشياء تأثر حتى في الابناء لما يشوفو ابوهن يقول لامهن كلام حلو تلقائيا بيتعلمو ويتعودو على
هيك اشياء ..اعذروني ما عندى وقت هلاْ للشرح بشكل افضلز
ارجو انكم تفيدونا في الموضوع يا رجال.....

 

[الوعد السوري]

هلأ أنا فيني فيدك بالموضوع كغير متزوج ممكن قول انو الاحتضان ليس كل شيء
يوجد ماهو أهم وهو أن تشعر المرأة بأنوثتها وكينونتها
وإنسانيتها
بأن يهتم الرجل بالتفاصيل الدقيقة والمؤثرة في حياتها
كأن يتذكر عيد ميلادها ويشعرها بأنه مهتم بذلك
أو يحتفل بيوم خطبتهما مثلاً
ولابد من الكلام الجميل اللائق الذي تعشقه الأنثى
برأيي أن الجانب النفسي في العلاقة بين الزوجين هو أساس هذه العلاقة
وعلى كلا الطرفين أن يقوم كل منهما باحتواء الآخر


هذا ماجال بخاطري حالياً

دمتِ بكل الود


​

 

[كنافه نابلسيه]

شرفني مرورك عزيزي الوعد السوري
احب أضيف معلومة وهى انو موالقصد الزوج يحتضن مرته ليل نهار لكن حلو لما يدخل المطبخ ويشوفها ويفاجئها باحتضانهامن الخلف،او عندما يشاهدون الtvيضع يده على كتفهاكأن يقول لها(اناهنا معك)وغيره..
لانو المرأه تحب الشغلات البسيطة اللى يفتكرها الرجل تافهة،ولا ننسى انو بعض الازواج يفتر حبه لمرته بعد كام سنه ويبدء في اهمال مشاعرهاوبالتالي يفتر حبها له...
رأيك جميل وماعليه خلاف المهم لما تتزوج لاولا....تتغير....اوكى؟

 

[المستشـــار]

الحقيقة أنا بحب شارك بهالموضوع يعطيكي ألف عافية ...

أنا خاطب والحقيقة في شغلات كتير المرأة بتحبها وبتقدرها ... الكلمة الحلوة ... الهدية ... لمسة الحب والحنان ... إحساسها بأنو هي ملكة قلبو ... الشعور الدائم بها وعدم نسيان ما يهمها ... طبعا أنا ما تزوجت لسا ولكن بعتض على كلامك أنو تاخد الراتب ومدري شو هاد يلي كان ناقص :19:


هلأ موضوع الحضن مهم بالفعل والعاطفة بشكل عام يعني الحب والحنان ولكن أهم شي بصراحة الإحترام المتبادل يعني عدم ذم أهلها وعدم إحساسها بأنها لا تفكر بشكل جيد حتى ولو كان تفكيرها خاطئا بعتقد أمور مهمة كمان


يسلمو مرة تانية

 

[كنافه نابلسيه]

يسلمو على المرور يا ملك ...

بالنسبة لموضوع الراتب المقصد منه هو انو في بعض الرجال بيتعقد انولما يترك لمرته الراتب وهي بتنظم ميزانية
البيت بيرتاح وهي تطمن (طبعا من باب ثقته فيها)

 

[STELLA]

أنا وكوني فتاة لست متزوجة

بس من نظرتي للحياة ولتجارب المتزوجين الي شفتون

بقلك النساء نوعين .. منهم الي بحب الشي المحسوس والمصاري والدفع والتكاليف والمظاهر بشكل عام

وهاد الشي بيحسسها أنو زوجها بحبها لما يجبلها هدية غالية .. أو ياخدها على دولة أوربيه .. أو يعطيها الراتب ..أو أو أو

والنوع التاني الي بتتأثر بالكلمة الحلوة .. والوجه المبتسم .. وردة وحدها ممكن تكفيها .. أهتمامو فيها بيسعدها أكتر من أنو يعطيها مصاري .. أنو يحسسها هو معاها بكل شي .. يحسسها أنو هو سند الها هاد الشي بيسعدها..
أبسط الكلمات وأبسط الحركات بتسعد قلبها

ووهاد الشي طبعا مو بس الزوجة بتسعد فيه وبتحس بمحبة الزوج الها

حتى الزوج لما يشوف الأهتمام من مرتو .. ويحس بحنانها وكلامها الحلو وخوفها عليه .. لح يشعر بمحبتها ..

يعني الود والتلاطف والتعامل الودود والكلام الحلو واجب ع الطرفين

يعطيكي العافية ع الطرح الجميل

ودي ​

 

[نهر الاحساس]

عزيزتي كتير موضوعك مهم انا صحيح مو متزوجة بس الي خوات متزوجات وكتير بستفيد من خبرتهن يللي بدي احكيه انه المراة لا تحتاج فقط الى النقود والهدايا بقدر ما تحتاج الى كلام الحب والغزل والحركات البسيطة التي تعني لها الكثير كم جميل ان يصطحب معه الزوج او الخطيب وردة بسيطة وهو عائد من عمله ليرى زوجته المتأنقة والمهيئة لاستقباله وقد ملات رائحة عطرها المكان
ويسعدني ان جيلنا هدا سواء من الشباب او البنات كثير ما يهتم بالرومانسية ....

 

[aaaaay]

أنا مو متزوج

 

[كنافه نابلسيه]

يسلمو حبيبتي ستيلا وكلامك كتير عجبني ..لكن انا أشوف انو المرأه حساسة أكتر من الرجل

منشان هيك بتحب الرومانسية

يعني شو رح ينقصو الزوج لما يقول كلام حلو لمرته ..رح تنقص جيبته؟

 

[كنافه نابلسيه]

نورتي الصفحة يا نهر الاحساس وكلامك في محله



ان شاء الله عقبال ما تتجوزونفرح فيك يااااااااا aaaaay

 

[جمانة]

هلأ لزوم نجاح العلاقة بين الزوجين بغض النظر عن الرومانسية او طريقة تبادل الحب
بين كل من الطرفين
هو الاحترام المتبادل
و التفاهم .. على ابسط الاشياء ..
و الحوار المتعقل ... و تفادي المشاحنات يلي بلا معنى
لانو المشاحنات بتسبب حزازيات بين الزوج و الزوجة
و ازا غاب التفاهم .. غاب الحب
و طبعا لا بد من بعض منكهات للحب
متل الاحتضان و الكلام الحلو .. وما الى زلك
بس بيضل التفاهم و الاحترام هو سيد الموقف بين الزوجين
يسلمو ​

 

[كنافه نابلسيه]

نورتي يا ورده......اسعدني مرورك