خلطة sweet-lolo السحريةللانفلونزا (الكريب)

[sweet-lolo]

السلام عليكم جميعا
طبعا بهيك أوقات يكثر المرض وخاصة الكريب
فحبيت أكتبلكم هالوصفة طبعا هي من اختراعي
لكن اعتمدت فيها على معلوماتي العلمية
وهي مجربة طبعا وفعالة 100 %
وان شاء الله تستفيدوا

اليكم الوصفة :

المكونات :
وعاء متوسط الحجم أو ابريق شاي متوسط الحجم مملوء بالماء





مكونات الفاكهة:

تفاحة مغسولة ومقطعة (طبعا تستخدم التفاحة كاملة بقشرها ولبها)
ليمونة مقطعة بقشرها ولبها
برتقالة مقطعة بقشرها
عدد 3 أو 2 تين مجفف
عدد 2 مشمش مجفف
عدد 2 حبة تمر
عسل




مكونات الأعشاب المطلوبة:
نصف ملعقة صغيرة ممسوحة زنجبيل مطحون
ملعقة صغيرة بابونج
ملعقة عشبة الزعتر الأخضر
نصف ملعقة صغيرة شمرة
نصف ملعقة صغيرة يانسون
ملعقة صغيرة اكليل الجبل (الروز ماري)
اربع وريقات مليسة

ملاحظة : يفضل استخدام الاعشاب الغير مطحونة

الطريقة:
نضع مكونات الفاكهة كلها بالوعاء المليئ بالماء ما عدا العسل طبعا
على النار حتى الغليان
أثناء الغليان نضع اليانسون والشمرة ثم نرفع الوعاء عن النار
ونضيف بافي مكونات الاعشاب كلها
ثم نغطي الوعاء لمدة 5أو 10 دقائق
وهنا يكون الخليط جاهز للشرب ونحليه بالعسل





دمتم بصحة وعافية
وأدعولي

ملحق صور الأعشاب :

اكليل الجبل (الروز ماري):



الزعتر البري الأخضر :




المليسة :




الشمرة :




اليانسون :

http://www.0zz0.com/



البابونج :

http://www.0zz0.com/


طبعا ممكن تشوفوا عالأعشاب كلها من عند العطار وهاي الصور مشان تعرفوا نوع العشبة

يلي لازم تجيبوها


​

 

[اميرة الشام]

يسلملي المخترع

يسلمووون يا قلبي​

 

[sweet-lolo]

الله يسلمك بس ان جد مجربة هااا
جربتا على كل أهلي ولساتن عايشين
عم امزح بس جد مفيدة كتير

​

 

[عكــ البيلسان ــيد]

شوووو بلشت تظهر المواهب

كيف بدنا انجرب هالاختراع

 

[sweet-lolo]

جربها عادي ليكا الوصفة قدامك عكيد
وازا حابين تستفسروا عن أي شي ماعندي مانع
الا ازا بدكن تجربوها من أناملي
مافي شي ببلاش هااا
الكشفية عندي ب 1000 لتر مازوت أو بانزين
مو كتير صح
​

 

[دانووو]

عفكرة انا كل يوم بشربها لانها تراث عنا بالصيين
بس ماكنلي خبر انها بتمنع الانفلونزااااا
ثانكث ياعسوولتي
حبك انا

 

[sweet-lolo]

نورتي دندونتي حياتي
بس ان ما كنت بعرف
ان اختراعي وصل للصين
بس جد هاي من بنات افكاري هاا
​

 

[ندى القلب]

يعطيكي الف عافيه سوييت


​

 

[{Dark~ Lord}]

اي شو هالأختراع ماعرفتك

يسلمو
​

 

[sweet-lolo]

اهلا وسهلا فيكم نورتو زاويتي الطبية

 

["أيهم"]

والله إجت بوقتها ، لأنو كنت مكرب بس راح الكريب والحمدلله
لكن ما تزال هناك بعض الآثار الخفيفة إلو ، وبهالخلطة أكيد ما رح يبقالو أثر

كل الشكر لكِ sweet lolo على الموضوع المميز وفي انتظار المزيد من التألق إن شاء الله

تقبلي مني كل التحية
أخوكِ أيهم
​

 

[sweet-lolo]

عليك العافية أخ أيهم
ازا حابب تسأل أي شي طبي من عيوني
شكرا لمرورك