خلفتها كلها بنات

[Pure Feelings]

كتير بنسمع عن رجال بطلقوا زوجاتن بسبب الأولاد أو بيتزوجوا
لأن زوجاتن مابجيبوا غير بنات وبقي هالمفهوم الخاطىء سائد
لحد الآن عند معظم الناس وهو أنه الزوجه هي المسؤوله عن
جنس المولود وطبعا هالشي بحملها شعور دائم بالذنب ومحاوله
دائمه للتكفير عن خطأ وتهمة انجاب البنات الغير مرغوب بوجودن
والعكس صحيح تماما وهو أنه الرجل المسؤول الأول والأخير عن
تحديد الجنس لأنه بيحمل نمطين من النطاف x اللي بحدد صفات الأنوثه
y اللي بحدد صفات الذكوره
بينما المرأه تملك نمط واحد من البيوض وهو x
لما يجتمع x من عند الأب مع x من عند الأم بكون المولود أنثى
ولما يجتمع y من عند الأب مع x من عند الأم بكون المولود ذكر



وبالتالي اذا المرة بتجيب بنت واكتر من بنت بروح هالرجال وبيجكيلا انتي الحئ عليكي وانتي وانتي

هلأ سؤالي انا
شو رأيك/ي بالرجال اللي بطلق مرتو كرمال هالشغلة ؟؟

​

 

[روح الشام]

رجال عقلو فاضي مع احترامي يعني

وهالشي كانمن زمان ايام الجهل

هلا كلو او الغالب صار يعرف انو خلفة البنات يابتجي من الرجال يا من المرا

يعني اياما الرجال بكون خلفتو كلها بنات مو بس المرا

على العموم

يعني هلأ بعد ماتساوت ابنت مع الولد وين المشكلة انو تكون خلفتهن كلها بنات

ولا الولد مشان يحمل اسمن

بس انا برأيي اللي بيجي من الله يامحلاه

وبعدين شو يطلئها العمى عالتفاهة

ميرسي لألك سنوئتي

 

[Pure Feelings]

رجال عقلو فاضي مع احترامي يعني

وهالشي كان من زمان ايام الجهل ( لهلأ بعدو موجود وحياتك)

هلا كلو او الغالب صار يعرف انو خلفة البنات يابتجي من الرجال يا من المرا ( لا هلأ الكل بيحكي انو المرة الحئ عليها باعتبار هي اللي بتحمل)

يعني اياما الرجال بكون خلفتو كلها بنات مو بس المرا

على العموم

يعني هلأ بعد ماتساوت ابنت مع الولد وين المشكلة انو تكون خلفتهن كلها بنات ( يا عيني عليكي انا لو الكل هيك فكر ما كان حدا اهتم بنت ولا صبي)

ولا الولد مشان يحمل اسمن ( اكيد ليحمل اسمون )

بس انا برأيي اللي بيجي من الله يامحلاه ( اكيد الخلقة التامة احسن شي)

وبعدين شو يطلئها العمى عالتفاهة ( اي انتي برأيك نفاهة بس في رجال ما عندون هيك يا صبيان يا انتي طالق )

ميرسي لألك سنوئتي

تعي كل يوم سوس

 

[البحر الهائج]

شو رأيك/ي بالرجال اللي بطلق مرتو كرمال هالشغلة ؟؟

والله إلي عقله صغير بيحكي هاد الحكي فالخلفة رزقة من رب العالمين ولد أو بنت المهم الخلقة الكاملة والله يستر على خلقه من الأفكار المتخلفة
تسلم ايدك على الموضوع الجميل

 

[المارد]

السلام عليكم البنات حسنات
إن قيمة كل فرد هي بعمله وقربه من الله تعالى، وليست بجنسه ولا لونه ولا حسبه ولا نسبه، ولهذا لا ينبغي الإفراط في تمني جنس معين ولد أم بنت، والحكمة خفية )وعسى أن تكرهوا شيئاً وهو خير لكم وعسى أن تحبوا شيئاً وهو شر لكم(، وكم من فتاة كانت أبر لأبويها وأنفع من عدد من الذكور، وكم من ولد كان شقاء ووبالاً على والديه وكم تمنيا أن لم يلداه ولا رأياه.

لقد كان الأنبياء آباء لبنات، فالنبي صلى الله عليه وسلم رزق بأربع بنات في مجتمع كان يمقت الإناث ويئدهن أحياء، ولوط ـ عليه السلام ـ كانت له بنتان، وشعيب ـ عليه السلام ـ مثله ، وقد قال رسول الله صلى الله عليه وسلم : "من عال جاريتين حتى تدركا جاء يوم القيامة أنا وهو كهاتين" وضم أصابعه. وعن عائشة ـ رضي الله عنها - قاــت : دخلت عليَّ امرأة ومعها بنتان لها تسأل، فلم تجد عندي شيئاً غير تمرة واحدة، فأعطيتها إياها، فقسمتها بين ابنتيها ولم تأكل منها، ثم قامت فخرجت فدخل النبي صلى الله عليه وسلم علينا فأخبرته، فقال : "من ابتلى من هذه البنات بشيء فأحسن إليهن كن له ستراً من النار".

وفي رواية: "جاءتني مسكينة تحمل ابنتين لها فأطعمتها ثلاث تمرات، فأعطت كل واحدة منهما تمرة، ورفعت إلى فيها تمرة لتأكلها، فاستطعمتها ابنتاها فشقت التمرة بينهما، فأعجبني شأنها فذكرت الذي صنعت لرسول الله صلى الله عليه وسلم فقال : "إن الله قد أوجب لها بها الجنة وأعتقها من النار".

وفي رواية: "من كانت له ابنتان فأدبهما وأحسن تأديبهما كن له ستراً من النار".

وكان عليه الصلاة والسلام يحنو على البنات، ويحمل أمامة في صلاته، ويكرم بنته فاطمة فإذا رآها قام لها وقبل ما بين عينيها وقال:" مرحباً يا بنتي". يسلموووووووووووو

 

[Life of the soul]

رجال غبي مع احترامي للكل
لانو مو مهم يكون الجنين بنت او ولد
اهم شي يكون عندو الخلقة التامة
ويلي الله بيبعتو منيح​

موضوع رائع سنووووووء
يعطيكي العافية
​

 

[Pure Feelings]