خوف - أو تعجرف - او كبرياء ؟؟؟

[مختار]

مساء الخير للجميع ​

الموضوع اليوم ممكن يكون هام للبعض
بالنسبة للعلاقات بين الشباب والصبايا وخاصة بالانترنت , يعني مثلاً إذا طلب أحد الشباب الحديث مع أحد البنات ( عالايميل ) فوراً لح يكون دور البنت أنو تهاجم الشب , طبعاً أنا ماعم احكي عالمنتديات , قصدي عالمسنجر تحديداً , مثلاً تجربة لصديقي
بالصدفة وجد ايميل عندو عالماسنجر منضاف , هوون بيحاول صديقي المسكين معرفة من وين أجا الايميل , فإذا فهجوم نسائي على الشب مثل خلية النحل !! , مابتخللي يعرف يحكي , مثل :
1- من وين جبيت ايميلي ؟؟؟
2- مين عطاك ايميلي ؟؟؟؟
3- انا ما بسمحلك !!!!
4- والكارثة إنو ببلش التهديد بطريقة مؤلمة
بعملك بلووك أو بعملك ديليت !!
طيب ليش هالسلبية ؟؟
يعني شو بيصير إذا تم الحديث ( والموضوع كللو بإطار الانترنت يعني مافي خوف من شي .
بعدين إذا خايفين لهالدرجة ( لايفتحوا انترنت , وخليهن متل صبايا أيام شامية !!! ) ,​

خلينا نعمل مقارنة بسيطة بين صبايا الشرق , والصبايا بجميع انحاء العالم ( ومو ضروري الصبايا الغربية )
أي موقع تعارف بالعالم , مباشرة من اول تسجيل أي شخص بيحط معلومات عنو وفوراً بيطلب من أي صبية التعارف , فوراً بردوا , أما عنا يازواج يأما مافي مجال !!!​

الموضوع طويل وشائك , بس هي فكرة .​

أتمنى إضافة الآراء , ( وخاصة من الصبايا )

ممكن اعرف رأي كل الصبايا وبكل صراحة ؟؟؟؟​

 

[زهرة النرجس]

انا عم بحكي عن حالي مابعتبر انها مشكله بس يعني مستحيل اقبل اي اضافة الا لاعرف مين الانسان والا بحط رفض فورا وبريح راسي
​

 

[Life of the soul]

موضوع حلو مختار.... وبالنسبة الي اذا مابعرفو للشخص مابئدر اعملو ادد
على الايميل لانو هلأ طالعين بشغلة جديدة ويلي هي هكر الايميلات
بس كمان مابهاجم ولا بهدد ويلي بيحترمني بحترمو
بس اذا هو بلش معي بالتهديد اكيد بهدد
يعطيك العافية شادي
​

 

[lavander]

يعطيك الف عافية مختار موضوع فعلا دارج بيننا هالايام​

وما بتعرف منين عم تجي الاضافات بس انا رأيي مافي داعي للتهديد والكلام الغير لائق​

بيكفي اذا ماعجبني كلامه بلوك ودليت وانتهى الموضوع مابدها القصة تعصيب والفاظ نابية​

​

 

[شام]

لك دخيل الدمقراطي

انا مستحيل اعملها ومابفكر اني اعملها

لانه البيئه يلي عشنا فيها هيك علمتنا

وبعدين كلشي بجر بعضه مو ولامومو

 

[STELLA]

ميرسي مختار ع الموضوع الحلو الي بلامس عصرنا الحالي بكتير اشياء
هلئ حابه احكي شوي عن صديقك الي اجتو اضافة ايميل ولما صار يحكي مع البنت ئالتلو انو انتي يلي ضايفني وهيك ... انا لو مطرحو بحكي معها كلمتين وباختصار شديد ..بئلها عمو لا تحسبيني غبي ما بعرف الاضافه الي انا ببعتا من الاضافة يلي بتجيني ... بدك تتعرفي اتعرفي بغير هي الطريقة .. لانها طريقة بايخه .. وتصرفك هاد ما بدل الا على وحده حابة تتعرف ومو عارفة كيف

اما انا شخصيا كبنت انو اذا اجتني اضافه ممكن اقبلا لانو كتير من رفقاتي بيغيرو ميلاتون وبيبعتولي اضافات ووئت بشوفن اون بيخبروني انو هنن .. يعني شغلة عادية اني اقبل اضافه غريبة بتجيني .. بس اول ما بشوف الشخص الي ضفتو اون بسألو مين حضرتو ..؟؟ اذا كان شخص غريب بسألو من وين جايب ميلي .. لانو بهمني اعرف كيف العالم بتجيب ايميلي ممكن يكون اخدو من صديق ممكن يكون عامل سيرش بالنت ع ميلات في اكتر من طريقة .. وانا بحب اول شغلة اعرفا انو اعرف ايميلي من وين اخدو لانو بنائا على الكلام الي لح يخبرني فيه لح يكون تصرفي معو .. يا بخليه يا ديليت ... انا بهيك حالات ما بتعامل بالبلوك ابدا واحد من التنين الي قلتون قبل يا بخليه يا ديليت


هلئ انو ليش البنات بتلائيهم بيحكو بنفسية او بيحكو بطريقة جدية ان صح التعبير .. انو بيعتبروا هاد شخص غريب .. ومافي داعي للاخد والعطا الا ضمن الحدود ..

ومنضلنا نحنا مجتمع شرقي الو عاداتوا وتقاليديوا الي ما منستغني عنها .. حتى بعالم النت لانها بتعبر عن شخصياتنا ... طبعا هو مو يعني انو ناخد العادات السيئة كمان ونمشي عليها ..


سوري ع الاطاله

تقبل مروري

​

 

[Crystal Heart]

ما بعرف ليش انت حاسسها انو مشكلة
يعني انا تقريبا 5 ضافات جديدة كل اسبوع
هلأ بالاول كنت ضيفون اسئل لنفس فكرة ستيلَّا
بس بالاخر صارت وجعة راس وما عدت ضيف حدا
بس يعني انت اللي عم تضيفني اكيد جايب ايميلي من مكان
يعني ليش ما تقلي من وين
ما رح موتك انا اذا عرفت
و ما رح هددك بشي
خلص انا بعمل المناسب من غير ما قلك على شي
بعرفك بخليك
ما بعرف ما بخليك
و بس هيك
و صعب كتييييير تقارنها بالمجتمعات الغربيى لانو ما عنا شي بيشبه بعضة

 

[روح الشام]

مختار كلامك في شي من الصح

انو الواحد بتجيه ايام اضافات كتير وسخة فأكيد حيسأل هالأسئلة

وكمان مثلا اانا لما تجيني اضافة والأيميل مابعرفو مابحكي معو من

لما تجيني الأضافة مابضيفها

ومن اولها بعمل بلوك ودليت

لأنو ليش احكي مع شب مابعرفو

اوكي بمنتدى كون متعرفة عليه وعرفانة مين هوي ويضيف ايميلي هادا

شي عادي وبضيفو ماعندي مشكلة بس انو يضيف ايميلي

هيك دجني دجتك العافية لا

يسلمو موضوع ظريف​

 

[روح الشام]

ما بعرف ليش انت حاسسها انو مشكلة
يعني انا تقريبا 5 ضافات جديدة كل اسبوع
هلأ بالاول كنت ضيفون اسئل لنفس فكرة ستيلَّا
بس بالاخر صارت وجعة راس وما عدت ضيف حدا
بس يعني انت اللي عم تضيفني اكيد جايب ايميلي من مكان
يعني ليش ما تقلي من وين
ما رح موتك انا اذا عرفت
و ما رح هددك بشي
خلص انا بعمل المناسب من غير ما قلك على شي
بعرفك بخليك
ما بعرف ما بخليك
و بس هيك
و صعب كتييييير تقارنها بالمجتمعات الغربيى لانو ما عنا شي بيشبه بعضة

كلامك صحيح مية بالمية

 

[المارد]

السلام عليكم في بعض الشباب ما ينعطو وش لزقين على البنات يسلموووو

 

[*EmiLy*]

نحن بالنسبة النا بنعتبر انو الايميل شي شخصي ما لازم اي حدا يكون عليه

بالاول كنت اخد و اعطي مع اللي عم يضيفوني بس كتروا كتير

و بعض الاحيان بيطلعوا ناس مو مناح فبقول اقطعها من اولها احسن وبطلت ضيف حدا

بعدين بحسها انو ما حلوة الشب يدور على ايميلات البنات و يضيفون عندو :80:

بس هيك

 

[مختار]

نحن بالنسبة النا بنعتبر انو الايميل شي شخصي ما لازم اي حدا يكون عليه

بالاول كنت اخد و اعطي مع اللي عم يضيفوني بس كتروا كتير

و بعض الاحيان بيطلعوا ناس مو مناح فبقول اقطعها من اولها احسن وبطلت ضيف حدا

بعدين بحسها انو ما حلوة الشب يدور على ايميلات البنات و يضيفون عندو :80:

بس هيك
اي لا تفتحو من من االاصل
بعرف انا للي بدو يفتح نت بدو يتعرف ع عالم
وصح في عالم وسخين وفي عالم متل الدهب
لذلك مافيكي تحتمي مين المنيح ومين للي مو منيح لانو مو كل اصبيع ايديكي متل بعضهن

 

[TOoOLeN]

البنت من حئها تسال
لانو في شباب متل ما ئالو الي ئبلي ما بينعطو وش
وفي ناس سكرة
وانا عني وحدة من هالبنات الي اذا اجتني اضافة من شب بئبلها
وعند بحاكيه للشب اذا خرط مشطي بضلني عم حاكيه ع اساس انو اخ او صديئ
واذا ما خرط مشطي ع الدليت والبلوك مافيها نقاش
الشب بينعرف من طريئة حكيو اذا كان مؤدب او ئليل ادب وسافل وعلى هالاساس ممكن يبئى على الايميل او ينحذف
لفتة حلوة شادو
تقبل مروري
​

 

[فراشة الشام]

هلأ لكل واحد في هل موضوع بزات رأي
ورأي أنا أنو مافي علاقة حب أو زواج ناجحة
بتجي عن طريق النت
بعدين الوحدة أزا بدى تفوت على منتديات ومواقع الشات
مالازم تحكي بدي ومابدي
لأنو بالأخير هاد حكي وصداقة
بعض النظر أزا مخلصة ولا لأ

 

[نور الشام]

لاخوف ولا تعجرف ولا كبرياء

حيطة وحذر

 

[مختار]

البنت من حئها تسال

لانو في شباب متل ما ئالو الي ئبلي ما بينعطو وش
وفي ناس سكرة
وانا عني وحدة من هالبنات الي اذا اجتني اضافة من شب بئبلها
وعند بحاكيه للشب اذا خرط مشطي بضلني عم حاكيه ع اساس انو اخ او صديئ
واذا ما خرط مشطي ع الدليت والبلوك مافيها نقاش
الشب بينعرف من طريئة حكيو اذا كان مؤدب او ئليل ادب وسافل وعلى هالاساس ممكن يبئى على الايميل او ينحذف
لفتة حلوة شادو
تقبل مروري ​

خرط مشطك لكن
اهلا وسهلا نورتي
والله انتو البنات بتخوفو:19::19::19:

 

[حربوء]

موضوع بيجنن

هاد اللي عم يعاني منو الشباب هلق

ياريت الصبايا يقدرو​

 

[مختار]

مو قصة يقدرو شريك
القصة انو يتفهمو الموضوع برواق
​

 

[7asson-kfoory]

يا سلام عليك يا مختار ...
بربي هالحكي مظبوط ... يعني تأوول رح ناكلون :19:
بس في حئ مع الصبايا لأنو في شوية شباب بيألبوها قلة زوووق

بس ع فكرة في كم بنت حكو معي بهالطريئة بالبداية ... بعدين صرنا صحاب كتييير

شكرا مختار
موضوع مميز
​

 

[قيــ الروح ــثارة]

ميرسي مختار
موضوع حلو




ومتل ما حكو كل البنات أنو هالشي حيطة وحذر مو اكتر
وبظن في شي لهلئ ما حدا عرفو انو مو كل بنات النت متل بعضون
متل مو في بالواقع بنات مناح
وهون في بنات مناح كمان

وبالنهاية كل واحد بيخلي الايميل راجع الو بالفائدة أو المصلحة السيئة

وطبعا بالنسبة الي اي حدا ما بعرفو وما بعرف من وين جاب ايميلي ما بضيفو

وكتير بعتز بشباب بعرفون عالنت
بس كمان كتير ندمت على معرفتي لبعضون

ميرسي وانت من الناس اللي شرفو ايميلي يا مختار لأنك اخ الي​