تستقبل بعمـــــــــرك سنه
وأودّع بعمـــــــــــري سنين..!!
وتقول لي ليش النكـــــــــد..؟؟
ليش انت هالليلــــــــــه حزين؟
واقـــــــــــول بدمـــــوع الكلام..؟
هالعام ما مر بسلام..هالعام سهّرني ونام...؟؟
شابت ذوايب فرحتي..............وبشفّتي..
دفنت انا وجـــــه الفرح...لي من كثر همّــــــــي انجرح..
من بعد ما عنّي رحل
خذ من حيــــــــــاتي كل شي....!!
حتى البكا والابتســـــــــــــام......!!!
يا صـــــــــاحبي...
هو اي عام أقبل...؟؟؟ وغادر أي عام..؟
كيف أحتفل ويّاك بالعام الجديد..؟؟
وما من جديد...
الا الحزن كل عام في عمري يزيد..!!
والهمّ هو ضيفي الوحيد..
اللي من دلالي يقول:
هل من مزيد...؟؟؟
ياصــــــــــاحبي..
كيف أحتفل ويّاك وأودع سنــــه..؟؟
عمرك سمعت بواحد
ودّع بيوم واحتفل..؟
عمرك سمعت بواحد..
يضّحك اذا عمره رحل.....!!!
يا صـــــــــاحبي....تعال لي ببكي معك...
على الشباب اللي يفوت
والعمر لي فينا يموت..
ان كنت ناوي تحتفل..
بمرور ..أو بقدوم عام...!!
من (( رزنامه)) عمرنا طاحت سنه
يعني الخريف...يعني الصفار..
يعني السنين بعمرنا
صارت تهيف..
وين الربيع اللي نعيشه من سنين..!!
ليش لطفولتنا نسافر بالحنين..؟
ياصاحبي..من (( رزنامة)) عمرنا تتساقط
ايّام.......وشهــــــــور
من عمرنا تأخذ بطاقات المرور....الى
القبـــــــــــــور...
ياصاحبي هذا احتفالي والسلام.
لا تحتفل مثلي اذا ودّعت عام
روح احتفل بالدمع في عينك ونام
بس ادعــــــي ربّك يجعله..
في عمرنا يمر بسلااااام
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.