دانووو
بيلساني لواء
- إنضم
- Sep 20, 2011
- المشاركات
- 4,837
- مستوى التفاعل
- 38
هَي أحلى زلاغيطنا المشهورة ...
و بالفصحى بتتسمى " زغاريدنا " المعمورة ..
راح تسمعوها من ديدي الامورة......
جعل ربي أيامنا بالصحة والفرح ...مغمورة .......
· أوها ....... عاللعلعي عاللعلعي
أوها ....... ويا صبايا تجمعي
أوها ....... ويا ليل طول طول
أوها ....... ويا شمس لا تطلعي
وللللللللييييييييش
· أوها ....... صلوا عالنبي
أوها ....... وزيدوا صلاتو
أوها ....... واللي مابيصلي عالنبي
أوها ....... تطق مرارتو
وللللللللييييييييش
· أوها ....... طبخنا مجدرة
أوها ....... وجللناهابالبصل
أوها ....... واللي مابيحبنا
أوها ....... على بيتومابيصل
ولللللللللييييييييييش
· أوها ....... بديارنا رمانة
أوها ....... حامضة ولفانة
أوها ....... وحلفنا مانقطفا
أوها ....... لتتجوز (فلانة) بالسلامة
وللللللللييييييييش
· أوها ....... وديارنا كبيرة
أوها ....... ودرج الحمام فيا
أوها ....... وأم العريس فرحانة
أوها ....... الله يهنيها
وللللللللييييييييش
· أوها ....... وبناتنامخباية
أوها ....... ورجالنا مرباية
أوها ....... واجهازنا عالموضة
أوها ....... وسجادة مراية
وللللللللييييييييش
· أوها ....... وطبخنا مجدرة
أوها ....... ومجللة بالكزبرة
أوها ....... وعروستنا حلوة
أوها ....... ومابدها غندرة
وللللللللييييييييش
· أوها ....... (اسم العريس) يا واحد
أوها ....... (اسم العروس) ياتنين
أوها ....... وخرزة زرقا
أوها ....... ترد عنكون العين
وللللللللييييييييش
· أوها ....... وكسرنابيضة
أوها ....... وطلعت بصفارين
أوها ....... وكل الناس بفرحه
أوها ....... ونحنابفرحتين
ولللللللللليييييييييييش
· أوها ....... ويا صحنتين
أوها ....... ومجلل بالياسمين
أوها ....... وعروستنا صغيره
أوها ....... وما طبَّقت العشرين
ليليلييييييييييش
· أوها ....... وامشي دئا دئا
أوها ....... يا صنوبر منقّى
أوها ....... كل الفرحات بطالة
أوها ....... إلا فرحتنا من حقا
وللللللللييييييييش
· أوها ....... وياصحن مجدرة
أوها ....... ومجلل بالكزبرة
أوها ....... واللي مابحبك ياعروس
أوها ....... ان شاء الله بيلزق بسفل الطنجرة
ولللللييييييييييش
· أوها ....... ياخوخ بغبارو
أوها ....... ويا ورد بزرارو
أوها ....... واللي مابيحبك ياعريس
أوها ....... لتنخرب ديارو
وللللللييييييييييييييش
· أوها ....... أم العروس الهي يعطيكي..
أوها ....... والسعادة بتواتيكي..
أوها ....... وعئبال فرحتك بالكمالة..
اوها ....... وبنجي بنكافيكي..
وللللللللييييييييش..
· أوها ....... الدهب بقفاصو
أوها ....... والألماس بجراصو
أوها ....... واللي بياخد من بناتنا
أوها ....... بيمشي وبيرفع راسو
وللللللللللييييييييش
أوها ....... أم العريس أنا جوعانة..
أوها ....... وبدنا صفيحةمأمَّرة..
أوها ....... وإنشالله بتضلي سالمة..
أوها ....... ودياركم معمرة..
وللللللللييييييييش
أوها ....... يا عريس لاتعبس..
أوها ....... فريد البئجة والبس..
أوها ....... شواربك عروءالريحان..
أوها ....... وسوالفها عروء النرجس..
وللللللللييييييييش
أوها ....... يا جماعة كلكون
أوها ....... وما نسينافضلكون
أوها....... واليوم عنا
أوها ....... وانشا الله بكرة عندكون
ولللللللللييييييييييش
· أوها ....... تشي بشي
أوها ....... وطبخنا محشي
أوها ....... نحنابيت فلان
أوها ....... وبيلبقلنا كل شي
ولللللللللييييييييييش
· أوها ....... يا صحن رزبحليب
أوها ....... كل مابرد بيطيب
أوها ....... وكلنا أهليه
أوها ....... ومافي حداغريب
ولللللللليييييييييييييش
· أوها ....... وياما أعدو جنبي
أوها ....... وياما حرقوا قلبي
أوها ....... وقالوا ( فلان ) مابيتجوز
أوها ....... تجوز ونصرني ربي
وللللللللييييييييش
أوها ....... يا عريس ريتو مبارك
أوها ....... يا عريس السبع بركات
أوها ....... إنشالله لما يجيك الصبي
أوها ....... بتكمل الفرحات
وللللللللييييييييش
أويها خطوة خطوة وع مهلك
أويها يقبروني محلا هالعينين
أويها قومي تنقلي ع الدرب
أويها وطقت قلوب العدوين
أويها تنقلي يا نور العين
أويها خطوة خطوة وخطوتين
لي لي لي لي ليش
أويها وحصّنتك بياسين
أويها يا زهرة البساتين
أويها يا مصحف صغير مطوي
أويها يا عروسة السلاطين
لي لي لي لي ليش
أويها يا عروس قيمي هالغطا وارميه
أويها يسعد يلي حبوك ويلي سعا فيه
أويها هالوجه دورة قمر والعين تغزل فيه
أويها والخصر شلة حرير والعريس ساح فيه
لي لي لي لي ليش
أويها لبست الأبيض ومرقت بالوادي
أويها اصطادها يا غزيّل إن كنت صيادي
أويها اصطادها يا غزيّل من بين رفقاتها
أويها مين يلي علمك صيد الغزلاني؟
لي لي لي لي ليش
أويها طْلعتْ لعندك لآخد دوا للعين
أويها نْزلتْ من عندك أعمى من التنتين
أويها لا أنا قتيل واحد ولا أنا قتيل تنتين
أويها أنا قتيل الحواجب فوق هدب العين
لي لي لي لي ليش
أويها يا عروس بيضا عم تقطف حب الرمان
أويها والمسك بجيابها عم يفوح ريحان
أويها ما قلتلك يا عريس عروستك ما لها تاني
أويها أنت ثريا بالسما وهي الكوكب التاني
لي لي لي لي ليش
أويها شو أكلت أمك لجابتك حلوة
أويها أكلت القلب والمعلاق والكلوة
أويها يا عروستنا شو حطت ع راسها
أويها حطت زهور وياسمين وفلة
لي لي لي لي ليش
أويها يا عروس ارفعي راسك
أويها ولا تستقلي بناسك
أويها والوردة حمرة خدودك
أويها والياسمين هو فراشك
لي لي لي لي ليش
أويها عصفور عالدالية والبلبل عم يترغلو
أويها ويَلّي بياخد بنت الأكابر الله يسهلّو
أويها لروح لأبو العريس وقف وقلو
أويها وعروستنا بتسوى عسكرك كلو
لي لي لي لي ليش
ولي تعبت نزلو لوزاتي أويها وخلصت زلاغيطنا
أويها وانشالله تكون عجبتكن
أويها وعقبال ما تقولوها بأعراس ولادكن
أويها وانشالله بتتزكرونا بالخير
وليليليليليليلليليليليليلليليششش
.gif "مو أنــــا :Albilsan (155):")
.gif "وردة وردة*")