زمن العار

[✿منى قلبي✿]

عطوني رئيكن بصراحة
===========
مرحبا اعضاء ومشرفين وحتى الزوار
سنة عن سنة شهر عن شهر ويوم عن يوم
عم تتغير المعيشة بعهد التطور والتكلنوجيا والعلم
ولكن هل توافقوني الرئي بما ساقوله لاحقا
كانو اجدادنا لما بيسهر الولد دون العمر 15 يشيب راسون ليش لانو
الزوجة كانت بعد قيامها ب اعمال المنزلية واخر النهار تعشي الاولاد وبعدها الى النوم
وتذهب هي لتتبرج وتلبس احلى ما عندها وتنتظر زوجها على احر من الجمر
لتعطيه حقه من طلبات الزوج
ومع التقدم بحجة العلم والانفتاح
بطلت كل هلعادات والتقاليد
واصبحنا بعالم تاني
اصبح الاولاد لا ينامون الا ليجي بابا ولينام بابا وماما ويمكن يسهرو اولاد واذا اجا على بالون
ينامو بنامو
طيب لهون منيح
وانا بدي اصل للبرامج المعروضة على
tv
برامج عديدة كثيرة ماختلفنا
ولكن ما نوعها ؟
وهل هي مناسبة ام لاء ؟
وهلئ صار البرامج المباحة اكثر من البرامج العلمية المفيدة
مثلا الافلام العربية ما عاد عندن شي مخبى
والمسلسلات التركية كمان نفس الحالة
لفي برانامج للنكت يلي عم ينعرضو هاد برنامج فظيع قمة الفظاعة والت ادب على شاشات التلفزة
اي شو ما عاد عندن حيا لاء وشو الشباب والبنات يلي هنن الجمهور وراهن مبسوطييييييييين
بلكلام البذيئ الطالع من افواه سفهاء
والشاطر يلي بيلقي نكتة اكبر من التاني
هلئ لما بنجي ومنئول ليش ليعرضو هيك شي من البرامج ؟
وين الرقابة ؟
بئلولنا اذا ما عجبكن لا تتفرجو كبسة زر بينتهي نقاشنا
بس والله مو حل
الدين والشرع حرمو هل شي
والله عيب نحنا عرب وسبئنا الغرب بهل مجال تحديدا
يعني في برامج وافلام مباحة بس الن اقنية خاصة يلي بدو بحط علين
وبعدين لايتشاطرو بهل شي ويئولو تقدم وعلم
انتو شو رئيكن ؟

شوفو وين كنا ووين صرنا
والله يجيرنا من يلي جاية
​

 

[The Don]

لفي برانامج للنكت يلي عم ينعرضو هاد برنامج فظيع قمة الفظاعة والت ادب على شاشات التلفزة
اي شو ما عاد عندن حيا لاء وشو الشباب والبنات يلي هنن الجمهور وراهن مبسوطييييييييين
بلكلام البذيئ الطالع من افواه سفهاء
والشاطر يلي بيلقي نكتة اكبر من التاني
هلئ لما بنجي ومنئول ليش ليعرضو هيك شي من البرامج ؟

بظن انك عم تحكــــــــي على برنامـــــــــج لوووووووووووووووول

والله برنامــــــــج من اوسخ واقذر الرامج اللي شفتها بحياتي

عن جد ,,,,,,, يعني كل واحد هابط اكثر من الثاني

عم يتباروا مين ارذل ومن بيحكي نكت بذيئة اكثر

عن جد مهزلـــــة ومســـــخــــــرة ......

تحيـــــــــاتي ​

 

[mahmoud salih]

نعيب زماننا والعيب فينا

ليس بالامكان فرض ما تعلمناه على أمة كاملة ...

وليس بالأمكان لاحد ان يفرض علينا شيئ .

نحن علينا مراجعة ذاتنا ..والوصول الى قناعة تامة أن كل ما يعرض على التلفاز من برامج سيئة ..لا يتناسب أبدا مع مستوانا التعليمي ..ولا حتى الترفيهي

واما الذين تتكلمين عنهم فما بالك أذا كان رب البيت بالطبل ضاربٌ
​

 

[✿منى قلبي✿]

شكرا لمروركن الكريم نورتو الموضوع

 

[المستشـــار]

أنا الحقيقة مع محمود برأيو نعيب زماننا والعيب فينا وما لزماننا عيب سوانا

إن الله لا يغير ما بقوم حتى يفيروا ما بأنفسهم

المجتمع بشكل عام صار يميل إلى الإنحدار ولكن لا يجب أن نكون سلبيين كثيرا في ناس لهلأ محافظين ...

وبعدين قال عليه الصلاة والسلام(( يأتي على الناس زمان القابض على دينه كالقابض على الجمر )) أو كما قال عليه الصلاة والسلام

وقال عليه الصلاة والسلام (( بدأ الإسلام غريبا وسيعود كما بدأ ))

وبشكرك كتير على هالموضوع الرائع :Albilsan (115):

 

[✿منى قلبي✿]

شكرا لمرورك
بس انا ضدكن بهل مقولة نعيب زماننا والعيب فينا
انت بنفسك عم تئول
المجتمع بشكل عام صار يميل إلى الإنحدار ولكن لا يجب أن نكون سلبيين كثيرا في ناس لهلأ محافظين ...


ف اد ماحافظ الواحد على بيتو واولادو
ما رح يقدر الشي ادامن عم يصير بدو ينعمل شي من جذورو
والله بيستر على يلي بيستر

ودمتو بود



​

 

[aaaaay]

لما بصير هم الانسان الاول والاخير تحقيق الربح المادي ما بتفرق معو إن كان البرنامج رديئ أو لأبس أكيد يلي بدو ينحرف مو واقفة ع التلفزيون بس يعني الانترنت والموبايل والرفقا وغيرا وغيراتو لهيك الرقابة يجب أن تكون ذاتية هي الوحيدة يلي فيها تضبط الأنسان نفسو وحسن التربية وبس
شكراً عالموضوع:Albilsan (115)::Albilsan (115):

 

[ملكة الياسمين]

أول شي بتشكرك كتير على الموضوع الرائع والهام
بالنسبة للموضوع
انا اشوف انو اللي تنحط عليه المسؤليه الاكبر هم الأهل لأنهم مسؤلين عن أولادهم وكل راع مسؤل عن رعيته وكمان اذا فينا نلاقي حل للمشكلة كل شخص لازم يقتنع من نفسه انو هالمسلسلات والافلام افلام خادشة للحياء وماهي من مبادءنا ولامن ديننا وشوي شوي ان شاء الله تتصلح الأمور

 

[نهر الاحساس]

حبيبتي موضوعك كتير مهم وضروري
بس كله بيرجع ع الاهل وعالترباية
نحنا اصلا ما تربينا على الشريعة مزبوط فكيف فينا نطبقها
لما الولد بيشوف ابوه من هوي صغير بيتفرج على هيك برامج والبنت بتشوف امها انه هيك برامج من هواياتها
ما فينا نلومهم بس يكبرو لانه القدوة بالنسبة الهم محطمة من الصغر...
الله يهدينا

 

[eyad]

التكنولوجيا بين ايدينا كلها ذات حدين
فعلينا ان نعرف ما نختار الحد اللذي يبناسب ما تربينا عليه
وما زرعه اهلنا فينا
وهذه القنوات يا اختي كلها للحكام والامراء
فلا حياة لمن تنادي
ولكن يجب ان يكون الرادع ذاتي فقط
مع ارق الاماني لك​