روح الشام
رئيس وزارء البيلسان
- إنضم
- Dec 4, 2008
- المشاركات
- 13,083
- مستوى التفاعل
- 93
- المطرح
- iN FaNtAsTiC wOrLd
مسلسل زمن العار من المسلسلات يلي عرضت بشهر رمضان الكريم
وبصراحه انا ما تابعتو برمضان بس بعدها انعاد على القناه السوريه
هالمسلسل فتح باب نقاش كبير بيني وبين كتار المسلسل كان واقعي لابعد حد
مسلسل بيعرض المشاكل يلي صارت بين عليتين من الطبقة المتوسطه
وهالعيلتين جيران من سنين
مسلسل عرض فكره العار بكل جوانبها
وأخيرا طلع عن معنى العار يلي مرتبط بعقول كتار بالبنت يلي بتغلط
و وضح انو في عار الحقيقي هو يلي عم بنعيشو بشكل يومي تقريبا
من الغش والسرقه والكذب واحتيال
وضح انو اي شي ممكن يصدر منك لتحقق
منفعتك الشخصيه فقط لا غير ممكن يكون عار
بالذات اذا استعملت اساليب ملتويه لتوصل لهدفك
وهالشي صار بشكل كبير يعني حدث ولا حرج
الاخراج كان اكتر من رائع وهالمسلسل من اخراج المخرجه رشا شربجي
اما التمثيل فكان متقن ، مقنع، مستفز يعني بحسسك انك عايش جوات المسلسل
وهالمسلسل مشترك فيه مجموعه كبيره من الممثيلين السوريين المميزين
متل منى واصف ، بسام كوسا ، خالد تاجا ، سلافه معمار ، تيم حسن ، مكسيم خليل ، سمر سامي وغيرهم كتار
بيجوز نهاية المسلسل بتقهر وغير متوقعه
بتخليك توصل لعدم فهم الشخصيه بثينه يلي هي سلافه معمار
وتتساءل بينك وبين حالك لو كنت مكان هالشخصية
ممكن تعمل هالشي وممكن يكون هاد اختيارك
بالذات انو الحياه لاول مره بتعطي هالشخصية فرصة الاختيار وبتخليها صاحبة قرار
بيجوز اتأخرت فرصة الاختيار لتجي وهاد يلي خلاها ما تقدر تختار او ما تعرف تختار
برأي كتير ناس أما برأي فما كان عندها اختيار
وحتى لو ان عندها فرصة الاختيار فالقرار كان محتوم
لانو بالحياه في اولويات قد ماكان ما بنقدر نستغني عنها
ولا انتو شو رأيكن ؟؟؟
