سؤال صغنطوط

[ياسمينة الشام]

:10:
السلام عليكم ورحمة الله

كنت بتمنى إنو يكون في قسم خاص بأسئلة الشباب والصبايا عن حياتنا اللي كل مانا عم تصعب أكتر وأكتر ..
فاضطريت إني حط سؤالي هون! وسامحوني إذا ما كان مطرحو..

والسؤال هو:
إنو أنا سورية ومقيمة بالسعودية وأخي السنة هي خلّص البكالوريا بس بدو يحسب مجموعو السوري
لإنو المعدل بالسعودية من مية فما منعرف المعدلات بسورية كيف وكيف بدنا نحولها للمجموع حسب الدراسة في سورية

بتمنى إنكن تساعدوني

وعندي كمان اقتراح صغنطوط:

لإنو اسم المنتدى كتير حلو فياريت كمان تكملوها وتخلوا ستايل المنتدى عبارة عن زهور البيلسان الحلوة ورح تشوفوا كيف رح يعجب كل الناس ..



بسسسسس

 

[Volcano]

و الله الدراسة بالسعودية بالنسبة لسوريا
شوربة بشعيرية
و الله ما بعرف شلون بدي ساعدك

 

[مختار]

يحرء همكن انتو الجوز من الاخر:19::19:
​

 

[ياسمينة الشام]

شوبنا مختار؟ روّق



يا الله مطرحك بيخوف (بجهنم الحمرا)

وبعدين عادي إذا كان ردك هيك لإنك حاطط x على البنات كلن

 

[قيــ الروح ــثارة]

حبيبتي مشان سؤالك عن المجموع

لدول الخليج لما بينزلو ع جامعاتنا السورية بسوريا بيحذفو 10% من نسبة المجموع اللي مجمعو أخوكي بالسعودية

يعني اذا طلعلو هندسة بالسعودية عنا بيطلعلو تجارة

من الأخر مو مصلحتو ينزل ليخلص دراستو هنيك لأنو رح تتكسر علامتو ويدرس شي أقل من اللي مجمعو

بس هاد دليل على أنو سوريا مشهورة بشطارة أطبائها ومهندسينها ومحامينها وأساتذتها
لصعوبة الدراسة في سيريا

وانشالله كون ساعدتك ​

 

[Senior Anas]

اول شي مرحبااا


انا درست بالسعودية كل مراحلي الدراسية واخدت البكلوريا ونزلت عالشام مشان الجامعة
طبعا بالنسبة لكيفية معادلة العلامات فهي كالتالي

اول شي خلي اخووكي يقووول باي للمواد التالية اسمائها

قران
توحيد
حديث
فقة
رياضة

هدلووون الله معن

وبعدين بتبداء معادلة العلامات عالمجموع البقيان يعني بيشيلوا 10% من المجموع وبيعطوكي العلامات عالسوري انا فتت كلية الحقوق

والله دبحوووني لما شالولي المواد بس يلا منيحة

وبالنسبة لحتى اخوكي ينزل خليه ينزل ويروئلوووا كم يوم بحياتوو حاجتوو قاعد بالسعودية
وانشالله امور الجامعة كتير ميسرة بس يكون مجموع اخوكي حلووو
انا درست علمي مشان هيك جمعت منيح وارتحت بسوريا مشان العلامات وانشالله يكون اخوكي علمي

واسف عالاطالة

 

[ياسمينة الشام]

Feton شكرًا إلك ..

Senior Anas مافهمنا جوابك أخي بس نحن بس بدنا نسبتو بعد ما حذف المواد الدينية مثلاً نسبتو 97% كيف بدو يحولها للمجموع السوري ؟

والله يجزيك كل الخير..

 

[Senior Anas]

والله يا اختي ياسمينة انا ما بعرف شوو عملووا لحتى عادلولي الشهادة اخدوها من الشباك وانا واقف برى وتك تك تك تك مرئت على شي تلت موظفين ورجعتلي معادلة خالصة وهيك بتكون المعادلة و يمكن انا كنت بعرف بس اعزريني والله نسيت وكنت عم دورلك بالمواقع تبع الوزارة بس كمان وحياتك ما لائيت

 

[المستشـــار]

أنا بقلك ياسمينة ..

فوتي على موقع www.mof.sy
بتطلعلك انو معادلة الشهادة غير السورية .. حطي السعودية ذكور بيمشي الحال

وبحب نبهك انو من السعودية ما عاد أخدوا الاختصاصات التلاتة الطبية (طب أسنان _ طب بشري _ صيدلة ) أعلى شي معلوماتية

بس بالجامعات الخاصة ممكن

بتمنى اني كون فدتك

 

[ياسمينة الشام]

Senior Anas

ملك الغرام خاصة كتير شكرًا والله يجزيكم ألف خير يارب ويوفقكن ويسعدكن..